رواية
#من الطفولة الي الزواج
الحلقة /9
انا كلمت شمس قتلها بكرة ادجي نمشو لسوق باش ناخدو الضيافة وغيرت دبشي ورقدت نضت العصر طوضيت ضليت ونزلت لوطة القيتهم مقعمزين في الجنان وعزو قاعد واضح عليه مضايق
انا : عزو شن الجو
عزو : ماشية
انا : قيس بكرة بنمشي لسوق را
قيس : مانبش شايل حد
انا : بابا قولة
بابا : شيلها تفهم ولا لااا
قيس : يابوي عارفها بتقعد من محل لمحل .انا : ابتمشي معاي شمس وسحر وكم محل بس
قيس طول ابتسم بعد قت سحر : باهي بااه
عزو : مها نطلب طلب
انا : انت تؤامر مش تطلب
عزو : سلمهاااا بالله نبي نسكافي
انا : حاضر
قيس : حتي انا بالله
ماما : هي يامحمد نوض شيلني
انا : وين ع خير
ماما : ابنمشي نشوف حنتك
انا : اها سلميلي عليها
بابا : هيا يامراة ساعة باش تطلعي
ماما : هيا هي اسمعي ديرو عشي وتعشو نحن اكيدة نتهشو غادي
انا : حاظر ومشيت اندير في نسكافي ودرتها وطلعت قيس خدي طاستا وطلع الصاحبة في الشارع
انا : اي قول
عزو : شن بنقول
انا : خيرك مضايق
عزو : لاشي
انا : عزو انا نعرفك وين تضايق احكي شن في متعارك انت واميرة
عزو : لا بس حاجة شور الشغل
معتصم : الووو حبيبي
اماني بتجوعين : اهلين ياعمري
معتصم ؛ حي عليا انا من ه الصوت ومن ه الكلام ووه عسل ياناس عسل
اماني : ههه حبيبي نطلب طلب
معتصم : قول ياروح روح حبيبك
انا : عجبتني لبسة ونبي ناخدها نبي منك شوي فلوس كان مفيش ازعاج
معتصم : بكرة نجيبلك ياقلبي وقعدو يهدرزو وجي تاني يوم وطلعنا لسوق وخدينا الحاجات وشمس باتت هداك اليوم باش توتي معاي الصبح جت ماما نوضتنا نضت وانا مضايقة ابسط حاجة نبكي غسلت ونزلت فطرت وشوي ونزلت شمس فطرنا وضمينا الحوش وتينا كل شي وبعدين دارت ماما الغدي تغدينا وغسلت شمس لماعين وركبت انا دوشت ولبست سروال اسود وبلوز لركبة سماوية ودرت شعري ديل حصان ودرت مسكرة وروج بودري هاادي ونزلت شويا والباب طق فتحت شمس واستقبلتهن ماما
انا واقفه ع الدولاب ونبكي : تو مفروض انتم جايين تخطبو فيا مش هماا
شمس : نصيب حبيبتي هي امسحي دموعك وشيلي القهوة خديت منها السفرة وخشيت
خالتي سعاد : مشاء الله مشاء الله الله يجعلك من نصيبا ياارب
انا تحشمت : سلمك خويلة كانت جايه امه وخواتا لتنين
اخت : تبارك الرحمن اكيدة ح ينعجب بيك معتز طول شويا ونادا عليا بابا
بابا : مها يامهااا
انا : نعم بابا
بابا : هي خودي وشاحك وتعالي معاي الراجل يبي ايشوفتابع الحلقة /9
من رواية #من الطفولة الي الزواج
بابا : خودي وشاحك وتعالي الراجل يبي ايشوفك
انا : حاضر هي وخديت الوشاح وطلعت معاها اول مخشيت لقاتني ريحت عطرا يلي ماليا المربوعة
انا : السلام عليكم
معتز : وعليكم السلام
بابا : شويا ونجي خودو راحتكم
معتز : كيف حالك
انا ومطبسة راسي : كويسة
معتز : خيرك متحشمة ومطبسه راسك بحتي فيا فوق انا رفعت عيوني كان حلووو بكل طويل وعيونة عسليات وشعرة واقف وعندا غمازة ع ليمين ولحية مرسومة رسم
معتز : اسمعي انا عندي شرطين
انا : تفضل
معتز : خدمة لا وحجاب شرعي
انا : والله جد شن خدمة لا
معتز : اي هدا شرطي كملي قرايتك بس خدمة لا
انا : اسمع انا وين نقرا منقراش باش نتعب نتعب وبعدين يجيني واحد ويوقفني مستحيل انوقف وطلعت وخشيت طول الداري بكيت بكيت لين فشيت غلي يعد روحو جتني ماما
ماما : ه شن صار عجبك
انا : منبيش مش موافقة
ماما : عليش خيرك
انا : هكي متريحتلاش وبعدين سنونة مش مساويات عندا سن مطنشة
ماما : عجب ياسيدي تو متبيش ع سبا سناا
انا : اي منبيشي ع هكي وقعدت نبكي
ماما : خلاص باهي معاش تبكي خلي يومين ونكلم سعاد نقوللها وطلعت ماما وخشت شمس تجري: ها شن عجبك اكيدة طرف ووه بنحصل عرس
انا بحتت فيها ودموعي وينزلن : نبيشي
شمس : خيرك عليش الدموع توا
انا : مصح وجها قالي خدمة لا ومتريحتش معاه مهضمتاش
شمس : باه غير اسكتي خلاص
انا : خليني بروحي نبي نرقد
شمس : حاضر ياطيرتي هي تشاو وطلعت ونهرت انا بكي بعدين رقدت نضت ع صوت تليفوني ايرن
انا : الوو
عزو : انا في الجنان تعالي
انا : حاضر هي ونضت غسلت وغيرت ونزلت لجنان طول عزو كان مقعمز تحت الشجرة ويدخن
انا : عزووو
عزو بعد سمع اسمعي عزق الدخان وبرملي واشرلي انقعمز جيت قعمزت جنبا
عزو : شن صاار معاك اليوم
انا خنقتني العبرة : مش نفسه بكلللل حتي في الطبع في الحركات مش نفسة مفيش حد يشبهلا
معتصم : تعرفي تي هوا توا مش مدورك ولا معبرك ناسيككك وزايط معا حبيبتا لخرا في ايطاليا وانتي ابكي عليه هنااا باهي تي لامتي بتقعدي ع هلحال يامها كل يلي يجيك ترفضي فيهم حرام عليك
انا ونبكي : منبش غيرة انا منبيش مستحيل نخلي حد يقربني غيرة وقعدت نبكي خشيت في حالة هستيريااااا وانا نعيط
عزو : خلاص اشششش خلاص
انا :ليش ياعزو ليش مش مكتوبلي الفرح بكل حب حياتي ضاع واغمي عليااا
عزو بخوف : مها مهااا مها خيرك وشالني في غمرة
......
