حب من أول خزره

بارت رقم 1

قراءه ممتعه 🙂

كعدت على صوت المنبه المكروه كمت بكسل كلش اخذت دوش على السريع رتبت نفسي اشلون ماجان ورحت للمتحان اليوم آخر يوم الي طلعت من البيت بسرعه اخذت الباسكل وركض للجامعه ما احب السياره اتخربط منه وصلت للجامعه راسن للقاعه الامتحان كملت بسرعه ودعت صديقاتي اخر مره راح اشوفهن بس اتواصل وياهن رجعت للبيت ميته تعب صعدت كملت النومه كعدت الساعه 2 الضهر رتبت نفسي ونزلت جوه لو مانازله احسلي

ليلى : لو ضاله بعد مو احسن

مريم : ردت بس كلت لا خل انزل اشويه

ليلى : شوفي قبل جنت عاذرتج لان عندج امتحانات ما اخليج تشتغلين بس هسه انتي كملتي مفهوم

مريم : هاا منو الي البارحه اشتغل مو انتي لو اني غلطانه شوو انتي بس كاعده كلشي ما اسوين

ليلى : والله اني مو خدامت حظرتج مفهوم انتي اتخدمين نفسج وابوج واخوج واني هم

مريم : وانتي شنو شغلج هاا لو بس تكاكين بالتليفون هاا لو تكعدين حبيبي حياتي ما عده الضحكه الطويله مال ال  لا عيب اكول لان انتي اتعرفين نفسج

ليلى : لج

مريم : لج لاجه تهلج عضامج انشالله

ليلى : قسمن بالله اذا ما اخلي سالم يكسر العوده عليج ما يكون اسمي ليلى

مريم : عادي اصلا جسمي اتعود من الضرب ما يهمني بس اصبرو عليه اشويه اذا ما اخلي الكل يكوم يتوسلي ما يكون اسمي مريم بنت امي

ليلى : ولي لج لو امج بيه خير ما جان اتموت بساع

مريم : هوه الزين ابساع يموت و العار يعيش بس مع الأسف اكو عار ماصير عنده اطفال

ليلى : اليوم لو اني لو انتي بالبيت

مريم : ضجتي من كلامي موو بس احب اكلج اني راح اعوف البيت الج انتي استحمليني شهر واحد بس يجي يوسف اطلع من البيت ما احب اعيش مع هيج اشكول ماكو خير بشوفتهم

ليلى : انشالله روحه بلا رجعه انشالله اتموتين انتي وابوج واخوج بنفس اليوم

مريم : سلميلي على مروان عود لا تنسين و محمد كليله لا يتاخر باليل خل يجي من وكت أو اكلج عبدالله خل يجي اليوم اعوفك الوحدكم بالبيت شنو رايج باي يا ليلى خانووو

ليلى : عزا صدك ما تستحي هاي البنيه بس خل يجي سالم وشوفي شسوي بيج

طلعت من الغرفه طبيت للمطبخ سويت اكل الي اكلت وكملت غسلت اماعيني وصعدت للغرفه رتبته كله الآن مهوسته من طلعت جنت مستعجله صارت الساعه 3 ونص اجه بابا ياريت ما اجه حبست روحي بالغرفه وقفلته وخليت غراض بره الباب بس مو خايفه أو شي لا عادي اعرف راح انكتل اشلون ما جان اسمع كلام ليلى ويا بابا بس اجذب