سلام عليكم 🌹
قراءه ممتعه 😊
كعدت من النوم المغرب بكسل اضلعوعي مكسره تكسير كمت باوعت اني مكان غريب عجيب بقيت افرك براسي حتى اذكر اني وين كمت من الجربايه وفتحت الباب وطلعت جان اشوف يوسف و ياا ولد ابساع رجعت اليوره وطبيت للغرفه لو شايفني جان اتخبلت لان لابسه شي خفيف عليه ابساع طلعت شي مستور لبسته وعدلت نفسي وطلعت مشيت وصاحلي يوسف
يوسف : مريوم تعاي اشويه
مريم : اي
يوسف : ماجد الي راح يستلم القضيه مالتج
مريم : هاا أشرفت معرفتك
ماجد : والي الشرف بيج
يوسف : تعاي اكعدي يمي
مريم : اي
ماجد : ممكن تحجيلي على القضيه لان لازم اسمع منج
مريم : يوسف يعني مو انته الي ترفعه
يوسف : لا ما ارفع القضيه اني
مريم : زين ليش
يوسف : مريم لان اذا اني رفعته ما استحمل تدرين بيه اعصب اذا اشوف بابا و ليلى
مريم : اي ادري بس اني عبالي انته الي ترفعه لو ادري جان من زمان رفعت القضيه بس عادي ولا يهمك اهم شي انته ما اتعصب
يوسف : لو كل البنات مثلج جان العالم بخير
مريم : ههه خجلتني
يوسف : هههه صار خدوده حمر
مريم : اي كافي
ماجد : هسه اتكدرون تحجولي لو تبقون هيج
مريم : ليش غرت انته
ماجد : هاا منين اغار اني منج لو من يوسف بس اريد اخذ معلومات حتى اعرف القضيه
مريم : اي افتهمت
ماجد : لعد احجي
مريم : ( كلتله كلشي)
ماجد : هسه اني اخذت المعلومات الي اريدهن بالضبط
يوسف : ماجد تكدر تربح القضيه مو
ماجد : اي انشالله اربحه بس انتو شنو تردون يصير بيهم
مريم : عذبهم مثل ما عذبوني طول هاي السنين الي اني عشته
ماجد : يعني تردين سجن ابدي انتي
مريم : اي واذا اعدام بعد الأحسن
ماجد : تحجين صدك انتي
مريم : اي صدك احجي
ماجد : بس هذا يضل ابوج
مريم : يا اب هذا الي تحجي عنه انته شايف الضرب الي يضربني بي لو لا انته واحد من الناس اذا انضربت ضربه وحده وقويه جان اتبريت منه مو اني و ما عده العوده و الصونده الجكاير الي يطفيهن بيه و ما عده الشتايم عليه و على امي هوه و الحقيره ليلى و كل هاي و تكلي ابويه
أنت تقرأ
حب من أول خزره
Romanceصدفه الجابتك مو موعد ونظرات صدفه الحب يجي ما يجي بالكوه يجي دور الصبح واعتذر من فيروز وبدي اسمع بصوتك شعر مو غنوه اخذني ابراحتك واشمرني وين ما تريد بزندك على شفتك وين ما تهوة طبعك مو حلو بس انا قانع بيك ولكن امانت الله اسوالفك حلوه 😍
