سلام عليكم
ادري صار هواي ما ناشره بس والله جان عندي مناسبه عرس بنت عمي و بعده عرس ابن عمي هم يعني بهذا الشهر خلصته مناسبات وطلعات وكل هاي ماكو شبكه بالبيت حتئ اكتب وانشر القصه انشالله اكمل القصه هل الايام حتئ ما اطول عليكم هسه خل اروح للقصه
قراءه ممتعه
يوم الثلاثاء
كعدت الصبح حضرت روحي ونزلت سويت ريوك ونزل يوسف صبحت عليه بقئ كاعد يمي اتريكنه وطلعنه من البيت ما فتح وياي اي موضوع وصلني للمستشفئ وراح ما شفت تبارك بقيت اشتغل عادي تجي حالات استلمه للضهر شفت تبارك
تبارك ' هلو اشو اليوم ماكو
مريم ' هلوات موجوده اني بس انتي ماكو
تبارك ' يا اني ماكو دورت عليج ما لكيتج
مريم ' ما ادري يمكن جنت مستلمه حاله
تبارك ' هسه اني جوعانه تعاي خل ننزل ناكل
مريم ' اي امشي
تبارك ' الخميس عندج شي
مريم ' ما عندي شي ليش
تبارك ' اريد اروح اني وياج للصالون
مريم ' روحي انتي اني شكو
تبارك ' انسوي عنايات للبشره و الشعر هم
مريم ' ما الي خلك الهيج سوالف اني عندي اهم شي هسه شغلي وبعد منا العرسكم الله كريم عود اسوي عنايات للبشره
تبارك ' مريم
مريم ' نعم
تبارك ' يمكن اذا حجيت راح اتكولين عليه تدخل زايد بس اريد اعرف
مريم ' اي احجي عادي
تبارك ' انتي موافقه موسئ يطلب ايدج لو لا
مريم ' واذا اكلج ما اعرف اصدكين
تبارك ' تره موسئ مقرر يلبسج حلقه وبعده انسوي حفله هاي اذا وافقتي انتي بس اذا رفضتي هذا بعد قرارج
مريم ' اذا رفضت شراح يصير
تبارك ' لا تحركين اعصابي كولي موافقه لو لا
مريم ' اني كلت جوابي ال يوسف بس يوسف يكلي فكري وبعد ما ادري
تبارك ' يعني رافضه انتي
مريم ' اي
تبارك ' ليش موسئ شنو ناقصه حتئ اترفضي انتي
مريم ' ما ناقصه أي شي بس اني ما اريد
تبارك ' علئ راحتج بس فكري
مريم ' اي هوه راح ابقئ افكر حد ما اشيب
تبارك ' لا هاهيه
مريم ' هسه شتاكلين
تبارك ' اي شي عادي اهم اكل يطب للمعده
أنت تقرأ
حب من أول خزره
Romanceصدفه الجابتك مو موعد ونظرات صدفه الحب يجي ما يجي بالكوه يجي دور الصبح واعتذر من فيروز وبدي اسمع بصوتك شعر مو غنوه اخذني ابراحتك واشمرني وين ما تريد بزندك على شفتك وين ما تهوة طبعك مو حلو بس انا قانع بيك ولكن امانت الله اسوالفك حلوه 😍
