سلام عليكم
قراءه ممتعه
تبارك
دزيت الموافقه على يوسف و الكل فرح و كالو الجمعه الخطوبه و نيشان هم صرت احظر بالخطوبه اني و امي وخالتي ام فاطمه اروح للصالون و حجز بدله و هاي الهوسه و الترتيبات هم خلصناه كلهن و يوم الخميس الكل العصر عدنه بيت عمامي و عماتي و خالاتي وخوالي هم سوالف و ضحك وياهن
غاده بنت عمه : عود بالعرس اشمري باقة الورد علينه
عذراء بنت خالته : اشمريه عليه مو عليه
تبارك : اشمره على مريم مو عليجن
البنات : مني هاي
تبارك : صديقتي و اختي و اخت خطيبي هم
عذراء : ليش يابه و احنه اشبينه
لمياء بنت عمه : شنو تردين اتخلصين منه من هسه
تبارك : لا ولج والله حبه اكثر من روحي هم احب اشوفه عروس اني
غاده : لعد اتحبين اشوفينه عوانيس احنه
تبارك : هههه عود اكتب اسمائجن بالحذاء
عذراء : لو اموت ما اكتب اسمي بحذائج
تبارك : انتي ليش مزتعجله على الزواج اكثر من البنات
عذراء بخجل : اله اكو سبب
وفاء اخت عذراء : صدكت
عذراء : وفاء اسكتي
تبارك : اي اشبيجن اكو شي
عذراء : ولا شي مهم
بقينه انسولف اني والبنات اشويه اجتي فاطمه
تبارك : فطومه تعاي اهنا اشويه
فاطمه : اي اجيت
تبارك : تعاي اكعدي بصفي
عذراء : اتكعدين خدامه يمج اشبيج تبارك
باوعت على فاطمه رجعت خطوه اليوره باوعت عليه بنضره طفوليه
تبارك : احترمي نفسج عذراء اول شي فاطمه مو خدامه ثاني شي فاطمه اختي ثالث شي احترمي فاطمه لان يصير غير حجي وياج
وفاء : بس هيه تشتغل عدكم
تبارك : محد يشتغل عند أحد فاطمه اختي و هذا البيت بيته هم مثل ما اني عايشه بي هيه هم عايشه بي فه محد خدام للثاني كلنه نشتغل سوه فه لا تحجن حجي زايد و فارغ وما اله طعم هم الي يحجي على فاطمه و خاله يبتلي على عمره و عتبرن كلامي تهديد
غاده : تره انتي مطيته اهميه اكثر من حجمه تره هيه كله وحده امه تشتغل عدكم
تبارك : جاي اكول اسكتن ولا تحجن على فاطمه و خاله لان من صدك راح اتخليني اعصب
أنت تقرأ
حب من أول خزره
Romanceصدفه الجابتك مو موعد ونظرات صدفه الحب يجي ما يجي بالكوه يجي دور الصبح واعتذر من فيروز وبدي اسمع بصوتك شعر مو غنوه اخذني ابراحتك واشمرني وين ما تريد بزندك على شفتك وين ما تهوة طبعك مو حلو بس انا قانع بيك ولكن امانت الله اسوالفك حلوه 😍
