# من أجل الورث .
*فى سيارة رامى *
ريم: هنروح فين ؟!
رامى: للمأذون.
ريم: ايه ..بسرعة كده !
رامى : ريم ياحبيبتى انتِ هتسافر خلال يومين .
ريم : طب والفلوس ؟
رامى: بكرة هنروح البنك وتعمليلى توكيل عشان أقدر ابعتهالك .
ريم: انا بجد مش عارفة اشكرك ازاى .
رامى : تشكرينى ايه بس انا معملتش حاجة .
"ذهبوا إلى المأذون وتم الزواج."
رامى : مبروك يا حبيبتى .
ريم " برتباك " : الله يبارك فيك عقبالك.
رامى : نعم؟؟
ريم "بضحك " : اسفة متوترة شوية .
رامى : من ايه بس عشان بقولك ياحبيبتى
طب ما انتِ فعلا بقيتى حبيبتى ، ريم انا حبيتك من أول مشوفتك أول معينك جت فى عينى وانا بقيت اسير ليكى .
ريم " بكسوف ": مكنتش مستعدة للكلام ده .
رامى : ريم .......انا بحبك.
ريم" ببكاء" : وانا كمان حبيتك اوى .
رامى : طب بس بلاش دموع بقا .
ريم: حاضر .
رامى : يلا بينا نروح لحسين .
ذهبوا الى حسين، وأخذوا منه الورق المطلوب
وبعد ثلاثة أيام كانت ريم فى المطار مُتجه
إلى دُبى ..،ولكن أوقفها الضابط قائلاً: مدام
مريم سعيد ؟
ريم " برتباك": أيوة انا.
الضباط : الباسبور دا بتاعك ؟!
ريم: أيوة بتاعى .
الظابط : الباسبور دا مزور يا مدام ..يا أمن خدوه الهانم هترتاح معانا شوية .
واحد من رجال الأمن : ياباشا أحنا مش
هينفع نرحلها دلوقتى.
الظابط : طب حطها على جمب لما نشوف إيه الحكاية .
جلست ريم على كرسى ويداها مُكبلة بالكلبش ،وفجأة جاءت لها فكرة .
ريم " ببكاء": لوسمحت ممكن أروح الحمام ؟ دى حاجة إنسانية يعنى !؟
الأمن : دقيقتين وتكونى قدامى ،روح معاها يا بِنى .
دخلت ريم الحمام وابدلت ملابسها وخرجت من باب اخر ورجل الأمن الذى يقف فى الخارج يعطيها ظهره فسهل عليها الأمر وخرجت ريم من المطار وكأن شيئاا لم يكن ،وذهبت إلى البيت بسرعة رهيبة .
ريم :ألحقنى يارامى كنت هتحبس عرفوا أن الباسبور مزور .
رامى : إيه دا ...إنتى جيتى هنا ازاى ؟!
ريم : غيرت لبسى وخرجت .
رامى " برتباك" : وهما عرفوا منين أنه مزور ؟!
ريم : معرفش معرفش .
رامى : طب إهدى وأحنا نشوف حل .
"بعد بضع ساعات "
ريم : هنعمل ايه يارامى الساعة ١١ولسة مفكرناش فى حل ؟
رامى : انا مش عارف ولا قادر أفكر " ثم أخذ تنهيدة " : انا تعبت وعايز انام .
ريم : وانا كمان عايزة انام اوى .
رامى : طب قومى والصبح نفكر تانى .
ريم: ماشى .
****
فى صباح اليوم التالى :
تتقلب ريم على السرير لم تجد رامى بجوارها
وقفت من على السرير لتذهب إلى الحمام ولكن وجدت ورقة بجانب السرير أخذتها وفتحتها وأخذت تقرأ الحروف الموجودة عليها وهى :
(( صباح الخير يازوجتى العزيزة يا صباح الفل و الله طبعاا صحيتى ملقتنيش جمبك عشان انا عملتلك مفاجأة وهقولك على شوية حاجات صغنونة كده هتفرحك اوى ؛بصى يا قلبى اولا ً : انا إسمى حسام عبد العزيز اخوه مروة عبد العزيز اوعى تتفأجى! لسة التقيل جاى ورا وانا مجتش هنا بالصُدفة انا جاى هنا ياريم عشان انتقم منك وأخد حق أختى وجوزها ربنا يكحمه مطرح مراح ، انا خت فلوسك كلها ياريم وخت فلوس أختى عشان انا الوريث الوحيد ليها وانا مش جشع ولا وحش ولا جاى اخد الفلوس وامشى لا ، انا جيت هنا عشان اموتك بحسرتك زى مقتلتى اختى انتِ والحيوان أسر، وبالمناسبة البوليس جاى فى الطريق عشان زى مخرجتك من السجن هوديكى ليه تانى وورقة طلاقك هتتبعتلك هناك ...باي باي يا قطة ))
*فكرت ريم ورحعت بذاكرتها الى الخلف *
******
*فلاش باك*
ريم : انتِ مقولتليش قبل كده انك عندك اخوات !
مروة : ده عايش فى امريكا بقاله 20سنة انا حتى معرفش ميت ولا عايش بس واحشنى اوى .
*باك*
*****
أخذت ريم تضحك بصوتٍ عالى حتى جاءت الشرطة وقبضت عليها ولكنها أخذت تهلوس وتضحك وتنظر الى السقف وتقول اشياء غير مفهومة .
حتى حكمت المحكمة أن تكمل العقوبة بل وتكمل عمرها كله فى مستشفى العباسية ( المجانين )
****
وهكذا كانت نهاية ريم ابشع نهاية لان الله لا يترك حق مظلوم .
من اجل الورث .
🖤 النهاية 🖤
*****
#shahd Soliman .🎶
أنت تقرأ
من اجل الورث - قصة قصيرة _ شهد سليمان
Mystery / Thrillerهناك جرائم وخيانات متعددة تأتى من اقرب الاشخاص لقلوبنا اللذين لم نتوقع منهم بتاتاً السوء ولكن أحياناً الأقرب يكون اشرس .... من اجل الورث بقلمى شهد سليمان
