احببت _ مريض _ نفسى

احببت_مريض_نفسي

..................................................................
الحلقه الاولى ...
ام رواد:اسمع هالعيل ضروري مانزوجوه نبيله وحده تعانيه انا باقيه نتعب واجد والقاني معاد نقدر عليه
بات رواد:بس من بنت الناس اللي تبي ترضى بيه ولو رضت بيه وحده حترضى بيه عشان فلوسه ومستحيل انحط ولدي عند وحده تستغله
ام رواد:صاحبتي عندها بنتها باااربي تجنن وبوها واعر يقوللها امشي تمشي تعالي تجي يتحكم فيها بصبع رجله بس احكيله وبوهم بتاع فلوس ارشيه عطيه كم الف ويبيعلك بناته كلهن مش بس وحده
بو رواد:وشن ضمني ان لو خضا الكم الف ماتكونش بنته زيه
ام رواد:لالا البنت بريئه مسكينه هااديه وانحس فيها هيا المناسبه له
بو رواد:باهي توا نمشي لبوها
..........................
مشا بات رواد لاب حور طلب يدها لولده وحكاله علي حاله ولده بس......
اب حور:بس ال 6000 شويه 12 الف نوافق
اب رواد:وااجد 12
اب حور:مش واجد يسد نبي انطلع بنتي بلا فرح ولموعاق اخرى وبنتي عارفها سمحه نص شباب الحي يبوها ويمسكو فيها نا اللي نرفض لاني مزلت مالقيت اللي يستاهلها
اب رواد:يستاهلها صاار نوقعلك شيك 12 الف بس بشرط
اب حور:شنو شرطك
ابرواد:انكلمو المأذون والبنت تطلع معاي توا
اب حور:وولدك مش حاضر كيف يصير هالزواج
اب رواد:انجيب تقارير انه مريض وانت وافق
اب حور :تم بس الشيك يتوقع قبل مايجي الماذون
اب رواد:تمام
................
كلمو المأذون وتممو الاجرائات
اب حور:حوور يااحوور
حور:نعم بابا
اب حور:وتي دبشك عشان تمشي لحوش راجلك
حور:أي راجل
اب حور:توا كان عندنا المأذون ومبروك تزوجتي
ام حوور:بس كييف ولمن والفرح
اب حور:لا فرح لا بطيخ هيا وتي توتك وكم لبسه اصلا هكي هكي الراجل مش صاح
ام حوور:شنوووو عطيت بنتك لواحد مجنون
اب حور:مش مجنون معاق
حور:نعمم وبكم بعتني ياباتي
باتها :ب 12 الف المبلغ اللي ماطلعوه خواتك
حور:ب ب باه

حور مزالت تحت تأثير الصدمه وتت شنطتها ولقت الشوفير يرجا فيها بره ركبت ودمعتها علي خدها
مشت للفيلا اللي فيها رواد.....
..................................
رواد قاعد في داره ومقعمز ويلعب في لعبه المكعب عرفتوها اللي تخلي الالوان زي بعضهن
اب رواد:رواد ولدي تعال شوف من عندنا
رواد:خير من هذي ياباتي
باته :هذي مراتك
رواد:مراتي انا
باته :ايوه
رواد بحت لحور اللي عيونها مليانات دموع وبرائه وجها وقال
رواد:هذي تشبه باربي متأكد هذي مراتي
باته:اها رواد هذي مراتك خوضها تتريح جوا وتوا انقول للخدامه تركبلكم عشاء
رواد:حاضر ..خشي تفضلي (وحك راسه من لاوره )وابتسملها
حور عيونها دموع ضحكت علي حركته
رواد:انتي شن اسمك
حور:اسمي حور وانت ؟؟
رواد:رواد ..
قعمزو ع الكنبه
رواد:حور عارفك ليش تبكي عشان انا مريض وانتي سمحه بس انا شاطر ماانديرش شي أي حاجه انتي ماتحبيها انا مانديرهش بكل وعد

حور:لا انا نبكيش عشان هكي انا نبكي عشان ماقالوليش محد قالي اني نبي نتزوج اصلا خش بابا قاللي وتي دبشك راك تجوزتي انا هضا عليش زعلانه
رواد:اهااا باهي انتي تشبهلي لي باربي
حور:امم كلهم يقولو فيها ليا
رواد:امم تشبهيلها واجد
حور:اهاا باهي نبي انخش نغير دبشي باهي
رواد:عادي باه اهيا الدار
خشت حور للدار وسيباته في الصاله
حور تبكي:ليش شن دايره انا شن الذنب الكبير اللي دايرته عشان نجوز واحد زي هضا ليش شن درت انا وتبكي من جد جدها
حور:استغفر الله وعسى ان تكرهو شيئا وهو خير لكم (مسحت يدها علي وجها ومسحت دموعها وصبت توضت وصلت المغرب ولبست توته  وطلعت علي طقت الباب )
اب رواد:رواد عدي كلملي حور قوللها باتي يبيك
رواد:باهي (برم لقاها جايه )اهي جت
اب رواد:حور تعاليلي في المكتب نبيك في موضوع
حور:انشاء الله ..هيا توا نلحقك
نزلت مع باته للمكتب
اب رواد:شوفي انتي بنت ماشاء الله عليك وسمحه بس يابنتي انا جايبك نبي نحكيلك علي حاله رواد وياريت تسامحيني وانا مستعد انوفرلك جميع وسائل الراحه من الف للياء اللي تبيه بس الله يرضى عليك ماتكسريش ولدي ..مش انا خضيتك من باتك وانا عارف كيف كان يعامل فيك ومعملته صعبه هنا مافيش هضا كله رواد يقعد بالساعات محد يسمع حسه فانا جوزته لكي علي انك تساعديه يقعد اجتماعي اكثر ع الاقل ينزل ياكل معانا يقعمز معانا

حور:انشاء الله ياعمي بس هوا كنه بالضبط بابا ماحكاليش علي حالته
اب رواد::رواد اول شي عنده تشنجات يعني بس يعصب كتوفه يتشنجن ويديه يرعشن ويصرخ ومايهدش اللا بالمهدئات  وهضا الشي اللي خلانا انوقفوه علي القرايا ثاني شي عقله كيف انقولها لكي هوا يفهم اتقوليله حاجه يفهمها ويديرها بس طرق تعبيره ع الحاجه اللي يبيها زي الاطفال كانك تتعاملي مع طفل وهوا عنده كل شهر دكتور نفسي ضروري يمشيله لان يقعد بروحه فنخافو عليه فالدكتور يشخصلنا في حالته ثالث شي والاهم واللي نبوك تساعدينا فيه ان هوا عنده نقص مستحيل يطلع للشارع والله المناسبات والله يهدرز لالالا 24 ساعه بروحه في داره انخشو عليه كل مره نلقوه داير حاجه وحجات مملات يعني مش حاجه ممتعه مع ان خوه دايرله ايميلات علي مواقع التواصل الاجتماعي بس مايفتحش فيهن
حور:حاضر ياعمي انا توا انشوف واي شي نلاحظه او مانعرفش نصرف فيه انجيك انقولك تمام
اب رواد:الله يرضى عليك دنيا واخرى اهاا واعتبريني اكثر من بوك اللي تبيها تجيك لعندك ومانحرمكش من شي ديري صحبات واطلعي وغيري جوك حتى لو ثلاثه اربع ساعات في اليوم مستحيل انقولك لا اهو السواق واطلعي المهم تكون نفسيتك حلوه معاه
حور:انشاء الله ياعمي اللي تشوفه توا عن اذنك 
اب رواد:اذنك معاك تصبحي علي خير
حور:وانت من اهله
...................................
ركبت لقت رواد راقد علي الكنبه وخاش في بعضه ماهنش عليها
حور:روااد روااد نوض اقعد
رواد:همم نبي نرقد
حور:باهي تعال علي السرير الكنبه واعره عليك
رواد:عادي نا ديما نرقد عليها رااه
حور:لا واعره عليك صبي صبي معاي للدار
رواد بابتسامه :وانتي وين ترقدي
حور:امممم نرقد جنبك وبعدين تعال هنا صبي تعشا قبل لا ترقد هيا انتعشو مع بعضنا
رواد:عنديش نيه
حور:لا ضروري تتعشى معقوله ماتاكلش
رواد:اوك هيا نتعشو
حور ابتسمت:هيا واحكيلي شويه عليك
حطو العشاء ع الطاوله وبدو ياكلو
رواد:حور  انتي شنو تقري
حور:انا نقرا في الجامعه بعد اسبوعين نبدا
رواد:اهاا
حور:انتى قريت لعند وين
رواد :لعند 3 ثنوي والجامعه قريت 3 ايام بس ههههه
حور:اهااا باهي حلو
رواد:انا نبي اندير معجون ونرقد
حور:باهي انا انلم الكوجينه وانخش نرقد
رواد:باه
رواد خش سرير وحور كملت ولحقاته لقاته راقد غطاته
حور:نجك ليا وهوا راقد كيف البيبي عيونه مغمضات زين يجنن
خشيت ورقدت
...............................
ثاني يوم نسمع في صوت قربجه في الكوجينه شفت الساعه القيتها 10
حور.....
>>>>>>>>>>>>>>>>>>>>>
#يتبع
قولولي رايكم في الحلقه الاولى وماتنسوش التاق..