احببت _ مريض _ نفسى

احببت _مريض _نفسي

الحلقه السابعه
.................................................................
رنا:سالم؟؟ قصدك سالم ال .....
مصعب:ايوه من هضا
رنا :هضا خطيب سهام (صاحبتها في الجامعه )
مصعب:وعليش يحكي معاك
رنا:وانت شن عرفك
مصعب:امس شفت رساله جت ع الشاشه مكتوب فييها قوليلي شن صار
رنا:اهاا متعاركين وهي قايلتله كلام مش تمام وهوا داير روحه زعلان منها وكل مانروح انقوله ش صار باتفصيل عشان يطمن بس وامس جيت قعدت انديرلك في شاهي ماكتبتلش فدزلي الرساله هذي
مصعب:اهاا باهي
رنا:اهي شوفها المحادثه
مصعب:مش لدرجه واثق فيك انا ونعرفك لما الديري حاجه غلط
رنا:ماهذي المشكله
مصعب:ههههههه هيا نبي نمشي اكيد اسامه يراجي فيا
رنا:بيباي
مصعب:باي
...........................................
اب رواد :قتلك ياحليمه
حليمه:نعم
اب رواد:انا شفت اهل البنت وموافق علي خطبه عماد قوليله اني موافق
حليمه:باهي حتى نا سالت عليها وباهي طلعت من مستوانا
اب رواد:ااااااااااااخ انتي ماتمليش
ام رواد:من شنو نبي انمل خليني بالله عليك نمشي نلبس نبي نمشي للفرح
أب رواد:عدي عدي
.............................
ام رواد:راه باتك وافق وانا وافقت اختار يوم وانديرو فيه الخطبه
عماد:باهي بس ياامي مش عيب واب حور دوبه ميت
ام رواد:عيب شنوو عيب هي عليش ليكون من عقاب هلك وانا مانعرفش
عماد:بعيد السو بس هكي سالت
امه:وبعدين نبو انديروها في الحوش مش كبيره اوامر بوك
عماد :امممم عارف بس عيب
امه:عيب عليك انت اللي تحكي هكي انا انقوللها جت جت ماجت العنها ماتروح
........................
ام مصعب:خلاص خلاص بكرا اندزلكم مصعب يجيبكم
ام الاء:باهي مع ان لفكره مش خاشه راسي بس باهي انتي خيتي الكبيره ماعندي مانقول
ام مصعب:اهههه نجك ليا تعالي ومرحبتين بيك وببنتك
.............................
ثاني يوم ع الغداء:
ام رواد:حور بكرا نبو نمشو نخطبو لعماد
حور:صااح مبروك مبروك ياعماد
ام رواد:بيش تلبسي حاجه كويسه اللي ماشيينلهم مش أي حد راه
حور :انا مش حنمشي بابا دوبه متوفي معليش سامحني
عماد:لالا مسامحه وحتى انا كنت نبي اناجلها والله بس اصرت عليا امي انتي اللي سامحينا
حور:لالا تاجيل شنو عادي ولا يهمك
رواد:حتى نا نبيش نمشي
امه:لالا عيب خطبه خوك
رواد:حور تبيش تمشي انا مش حنمشي
امه:شن يقولو الناس عيب امشي توا ياكلو وجوهنا
بوه:علي راحتك ياوليدي
حور:لالا توا يجي بس خليه نعرف كيف نقنعه
رواد:تؤتؤ نا مش بيبي عشان يقتنع نا نعرف شن نبي وانا نبيش نمشي مانمشيش مكان مافيش حور
حور:تمام اللي تبيها تسير هيا بس اهدى وكول عشان دواك
رواد هز راسه بباه
...................................
عدو لخطبه عماد ورواد اصر ان يقعد معند وقعد هوا وحور :
.............................
بعد مرور ايام :
قاعده حور مع امه وباته وعماد في الصاله ورواد فوق فجاه يعد يعيطلها
رواد:حوووووور حووووور تعالي
(ونزل من الدروج يجري )
حور:كنك رواد شن في
رواد:بس تعالي تعالي (ومسكها من يدها ويجري فوق للدروج)
حور:بشويش بشويش توا انطيح
رواد :باهي هيا باهي
حور:كسرت حاجه
رواد:لالا بس تعالي
حور:هاا كنك
خششها للحوش وصكر الباب
حور:كنك احكي شن في
رواد:نبي بوسه صليت العشاء
حور:اوووووووووووف طيحت قلبي معقوله هكي يارودي
رواد:هههه هيا مش شوري نبي ثلاث بوسات صليت الشاء والشفع والوتر
حور:حااضر ها باساته 3 بوسات )تمام هكي
رواد :تمام
ححور:ههههههه كلا انت  نكته هههههههه مركبني وفجعتني عشان بوسه
رواد:انتي قلتيلي ماتقوليش قدام هلك بوسني
حور:باهي يامجنون شن تبي تتعشى
رواد :نبي بيتزا من المطعم
حور:معناها حبيبي توا يلبس ويمشي للمطعم اللي ورانا ويشريلنا بيتزا
رواد:لالا انكلموه دليفري
حور:لالا حبيبي يمشي يالله حبيبي عدي
رواد:انكلموه اسهل
حور:انا انصبيلك في الروشن مش بعيد في نهايه الشارع
رواد:باهي هيا طلعيلي دبشي وتعالي سقميلي شعري وعطيني بوسه عشان نمشي
حور:حاضر اغااا بيبي
رواد:مش شوري والله مافيش بيتزا
حور:لالا هيا توا انطلعلك دبش يالله
........................
امه:اهو جا وين ماشي يارواد
رواد:ماشي توا انجي
امه:عارفتك توا اتجي وين ماشي توا
رواد:خاطري ف ي بيتزا من المطعم
امه:امممم هضا ماناقص اهي بدت بكرا معد تاكل من الحوش بكل
رواد:اميي هيا تبيش انا نبي بيتزا
امه:امم الحقت تزن علي راسك لدرجه انك ترفع في صوتك علي امه
رواد برم وطلع وسيبها بحت فوق لقا حور مقعمزه في البلكوني اتراجي فيه
رواد:ابتسملها وهيا غمزتله
عدا جاب بيتزا وركبلها :
جاته للباب وهوا يسلح في كندرته وباساته
حور:ها حبيبي شن صارلك مشيت وجبتلي اللي خاطري فيها مش خير ما تقعد كل مره الدز في واحد
رواد:صح
حور:خش غير علي بال ماوتيت العشاءهيا حبيبي
رواد :حااضر هي 
خشت ووتت العشاء وناداته تعشو
::......................................
صباح جديد علي ابطالنا :
عند اهل حور:
مصعب :ها خلاص ياخالتي مافيش حاجه اخرى
الاء:مصعب خلاص قالتلك بس دقيقه تلبس محرمتها ونطلعو
مصعب:لالا تاخض راحتها عادي
ام الاء:هيا واتيه انا
طلعو للسياره
مصعب:باهي شن الاخبار الاء امتى تبدا مدرستك
الاء:مزال عليها اسبوعين
مصعب:امم السنه شهاده صح
الاء:اها شهاده
ام الاء:وانت شخبار شغلك
مصعب:ميه الميه رقوني قعدت مساعد المدير توا والراتب انرفع مش زي قبل ناخض وبصراحه الشغل اريح من قبل قبل نقعد راقي نازل توا كله عند مكتب المدير ملصق في مكتبه
ام الاء:باهي احسن
........................................
ام الاء:اهلين
ام مصعب:اهلين وسهلين نورتي
ام الاء:منور بيك
رنا :اييييييي الاء ياقرده وينك
الاء:هههه قاعده خزي انت القرده
رنا:مليانه كلام تعالي تعالي لداري نبي نحكيلك علي الدبه اللي رقصت في الفرح والله الهبله هي وامها امها تحكي لماما باهي قالتلها لو كان عندك واحد تبي تخطبيله بنتي قاعده ينعلاااااي هكي قالتها عليك بيعه لو كان ماما الديرها نتبراا منها نسيبلها الحوش والله .......(وقبل ماتكمل )
مصعب:هييييي خوذي فس وانتي بر بربربر شنو هضا
رنا:ماتدخلش
مصعب:اول مره انشوف واحد دوبه واعي من النوم يقرم تي حتى وجك مزلتي ماغسلتيه
الاء:هههههه باهي الدبه اللي لابسه دناديل طواال شن صار فيها امس قالو هزبها خوها
رنا:اهاااا هزبها لقاها تحكي مع واحد ورا الجامعه ولابسه وشاح مطلعه نص شعرها والدبش ضاابط مبينها كيف شكلاطه بابلي والله السنسله اللي طالعه من تحت المحرمه والمستكه وطبعا تقعدي معاها اتحسسك ان شباب الجامعه كلهن يبوها كلهم يجدو فيها تحكي معاهم وهيا ااااع منضرها مستفز
الاء:وشن اخبار سهام وسالم
رنا:خطبها وتعاركو ههههههه تستاهل هيا اللي تقول عليه في كلام تبي اتبين ان هيا الي تمشي في كلامها عليه وهيا لوكان يقوللها موتي تحفر قبرها تستاهل مايجيها
مصعب:توا عدي صلي الصبح امسحي الذنوب اللي درتيه
رنا:صقع عليك ذنوبي را نحكي راه
ام مصعب:بعد خطرها تعالي نبيك في موضوع ياصالحه
\صالحه (ام الاء:هي
خشن للدار والاء ورنا لدارهن ومصعب في الصاله خلن الباب مفتوح وسرير الاء مقابل الباب وهيا مقعمزه بس مصعب عيونه في الاء وداير روحه ع الاب توب
...................................
ام مصعب
.........................................................
يتبع ..