احببت _ مريض _ نفسى

احببت _مريض _نفسي

الحلقه  السادسة
.................................................................
لبست عبايتها ووشاحها وطلعت وجاهم الشوفير عشان يوصلهم للحوش
رواد :حور
.......................................
حور:نعم رودي
رواد:اشش ماتبكيش باهيي انتي لما تبكي انا نقعد زعلان باهي باربي قولي حاضر وامسحي دموعك
حور:مانقدرش مانقدرش نوعدك بحاجه انا مش قادره عليها
رواد:شوفي هنا بحتي فيا (ومسك يدها ) لوكان انتي ماتقدريش انا ياك نقدرو باهي انتي خليتيني انحبك في شهر وخليتيني نطلع ونحكي ونمشي لمناسبات وانصلي وكل حاجه حور انتي تقدري الديري كل حاجه بس مش هكي ماتبكيش ياحور عشاني (وحضنها في السياره )
وحور دموعها ينزلن ومجرد ماحضنها بدت تهدا وصلو للحوش
رواد:حورتي ماتبكيش باهي وخلي نقالك جنبك اول ماانرن عليكي ردي باهي حور ماتخلينيش نخاف عليكي وانجي ناخضك من هلك راه
حور:حااضر..دير بالك علي روحك انت 
رواد:حاضر حتى انتي
ونزلت
................................
رواد :احمد امشي للجامعه ووقف قيد حور خير ماتنفصل
احمد:هيا في أي جامعه
رواد تهيألي ال.....
احمد :انشاء الله
................................
روح بيهم مصعب للحوش وعدا جاب امه ونصبو الخيمه وبدا العزاء...
(مانبيش النكد عليكم واجد بس العزا مشا كيف أي عزاء بكا الله يجعل كل امواتنا في الجنه يارب ..)
مشا اول اسبوع في العزاء.....
حور كانت عند هلها من يوم الوفاه لعند الاسبوع
..الاء بدت تمسك روحها بفضل مصعب اللي مايصدق يلقا فرصه يشوفها ويحكو في أي موضوع .....
..........................
حور:هههه رودي حبيبي بكرا انروح اليوم مانقدرش مزال في عرب يجو
رواد:حوور عااد انتي تقعدي غادي تقعدي تبكي نا نعرفك كل ماتجي وحده تبكي انتي تبكي صح صوتك توا انك باكيه
حور:الله غالب باتي يارواد هضا بابا
رواد:باهي بس ماتبكيش مانبش انشوفك والله نسمع انك بكيتي حور انتي مفروض يديرولك دواء مانع للبكاء
حور:هههههههه اتصدق رواد من موتت بابا هذي اول ضحكه نضحكها
ر واد:اممم باهي يعني نا ضحكتك
حور:اها
رواد:باهي حور معش تبكي عشاني عشااني باهي تبكيش باتك قاعد في الجنه توا
حور:الله يرحمه(يحسس فيا انه يحايل علي عيل صغير يحكي بشويش وينكت ويقنع فيا اللي يسمعه يقول يحايل علي عيل عمره 5 سنوات )
رواد:الله يرحمه تغديتي والله لا
حور:كليت اها وانت 
رواد:باهي صحه انا كليت مع باتي وامي بس بدونك مانعرفش ناكل كويس
حور:امم ياطرووح
رواد:لالا نحكي صح انا مش طروح
حور:باهي توا نبي نمشي صوت صبايا جن
رواد:وماتبكيش
حور:اهو جوي سمح مش حنبكي باي
رواد:باي
.....................................
الاء:يامصعب نقص تمر ونبي من الميه كبابي الميه باهي توا بسرعه
مصعب :حاضر راجيني في الكوجينه وتوا انحيبلك في الكوجينه راجيني جوا هنا يتخاطمو التريس
ولاء:حااضر
خشت ومشا مصعب وجابلها الحجات وخش عليها لقاها معطيته بضهرها والدير في قهوه
مصعب:الاء
الاء:جبت الحجات
مصعب :اها جبتهن كلهن اهنا
الاء:تمام شكرا
مصعب:العفو بس وراسك بنت القهوه مع الصداع اللي في راسي يعطن مفعول يجنن راه
الاء:هههه هيا توا انصبلك طاسه قعمز
مصعب :امم احلى قهوه جت في وقتها
الاء :احمم عارفه حتى هيا قهوتي ههه صحه
مصعب:شكرا
الاء:العفو نا ماشيه يبن قهوه
مصعب:تمام
طلعت الاء اتشيل القهوه للصبايا
مصعب :اااااااااه غير امتى بس تحسي بيا (وحك راسه وقعد يشرب في القهوه )
....................................
بعد مرور يومين :
رواد:هيا حور انا برا
حور:هيا حبيبي هي رودي خلي السواق ينزل في شنطه نبيه يشيلها
رواد:باهي ....احمد(الشوفير) انزل جيب شنطه المدام
احمد :حاضر استاذ
ونزل جاب الشنطه ونزلت حور ركبت في السياره
حور:مرحبا
رواد:مرحبتين اخيرا روحتي معايا
حور:ههههه امم حبيبي شن درت وانا مش قاعده
رواد:مليت قعدت بروحي في الشقه ننزل ناكل ونركب
حور:ههه نجك ليا حتى نا فقدتك
رواد:( بابتسامه )حور انا قلت للشوفير يوقفلك عقدك
حور:صااح نجك ليا باهي حبيبي كنت انفكر فيه
رواد:لعند ماتحسي روحك تمام وتقدري تقري وتوا اتردي تقري باهي حبيبتي
حور:باه تمام
رواد:حتى لو تبي تخشي نادي والله كورس واللهه أي حاجه تغيري جو عادي راه
حور:روااد كنك انا تمام راني كويسه فقدت بابا كانت قويه شويه مع ان علاقتي بيه مش قويه وااجد يعني نا وبابا مفيش بيناتنا جو وضحك وذكريات حلوه بس الحمد الله
رواد:الحمد الله الله يرحمه بعدين عادي انا توا نقعد البابا بتاعك باهي شن تبي يابنيتي
حور:نبي نرقد يابابا امس مارقدتش كويس
رواد:هههههه حااضر توا نوصلو للحوش وتنني باهي
حور:هههه باهي
,,,,,,,....................
بعد مرور ايام :
عدن ايام العزاء الناس معش يجو لحوش اهل حور الحزن في القلوب وجو الحوش هاادي
........................
في حوش اهل مصعب :
في الدار ام مصعب ومصعب واخته (رنا )
ام مصعب :ها ياوليدي شن الموضوع اللي جايبني من نومي عشانه
مصعب:في واحد يرقد المغرب يام كنك عااد
امه:باهي هاا شن تبي اتقول
رنا :اكيد بيزوج
مصعب:زواج شنو انقولك اسكتي اسكتي اسس اقعدي وانتي ساكته والله اطلعي
رنا :وشن قلت انا اووف
امه:تبي تحكي والله نمشي نحضر مسلسلي
مصعب :باهي ياامي توا نحكي ........
توا عيت خالتي مش عيب وحرام يعني وليه كبيره في العمر وبنتها يعني مزالت شابه وصغيره مش عيب قاعدات في الحوش هضكا بروحهن وياريته الحوش في المدينه لا شور المزارع يعني غلط حتى لهم يعني تخيلي تخيلي شباب يسكرو في المزارع هذيكين ويخشو يتهجمو عليهن امها ماتقدرش الدير حاجه والبنت صغيره يعني تبي مراقبه صح البنت مزالت في مرحله المراهقه دوبها في الثانوي وبعدين حتى مصاريف حرام تعاني بروحها ..انا من رايي كلمي اختك اتجي هنا باهي تقعد عندنا الاء انديرولها سرير مع رنا دارها كبيره وامها الدار اللي كانت مكتب لباتي تفضوها لها ومكتب باتي انحطه لكي في داره بجماده حتى انتي تستفيدي منه تحطي عليه حجاتك صح
......
امه:والله كلامك منطقي بس زعما حتوافق
مصعب :انتي كلميها وحتوافق
رنا:يعني الاء تعيش معانا
مصعب:اها معاك في نفس الدار هي افرحي
امه:دقيقه دقيقه انت هضا كله عشان خالتك والله عشان واحد اخر
مصعب:امي عااد اشش نحكو بعدين
رنا:ماعندكم ماتحكو بعدين راك مفضوح تبي الاء صح واللا
مصعب:ااه نبيها باهي بس هيا تبينيش
رنا:وشن عرفك
مصعب:تي شن عرفها بيا وهيا تجينا من ورا بوها في المناسبات حتى نحكي معاها ماعنديش فرصه كيف تبي اتحبني
رنا :انا ازبطك بس بشرط
مصعب:هاا قولي
رنا:نبي عطر si بس الاصلي مش لمقلد
مصعب:واااااااو طاحت موضته من توا اتحط si مقدمك
رنا :غالي عليا العطر هضا لو كان يخترعو الف عطر نقعد انبخ فيه يجنن بس بتاعي اللي عندي كمل ونبي واحد جديد وعارفته غالي ماينجابش بسهوله
مصعب (حط يده علي رقتها وحضنها ): والله مايغلى عليك ياروحي من عيوني يكون عندك بكرا
رنا :صح نجك ليا
امه:اها واسمع عبيلنا رصيد نت
مصعب:امي اول امس معبي
رنا :انبص فيها اسمع يا مصعب راهي تحضر في مسلسل تركي ع النت
مصعب:هيييي معقوله ياامي
رنا:اهاا واسمه التفاح الحرام
امها:يحرم عليك عيشتك أي والله اسكتي اسكتي توا يحولي الرقم السري
مصعب:ههههه نجك ليا (وباس راسها )حاضر توا طالع وانا جاي انجيبلك رصيد نت واحضري زي مايعجبك باهي
امه:نجك ليا وانشاء الله يارب الاء اتبحت فيك
مصعب:ههههههههههههه عليك دعوه
رنا:باهي يام انقولك اسم حتى نا تدعيلي هالدعاء
مصعب:ايوه قولي حتى الرقم والسكن عشان انشيلك تحضري العزاء
رنا :خزيي حلال عليك وحرام علينا
مصعب:مش بالمنطق هضا بس مرات يقعد يلعب بيك نا شاب ونعرف في اللي نيته هكي وفي اللي هكي مش كل حد يصدق
رنا:امم يعني في المستقبل لو مثلا حبيت انقوله تعال قول لخوي انك تبي تخطبني بس ماتخطبنيش ونقعدو نحكي يعني يجي يقولك انا ناوي اختك بالحلال بس القاني نبي نتعرف عليها قبل
مصعب:اهاا هكي المفروض يقعد عندي علم انه يبيك وشاريك مش بالسر انا مش ضد انك تحبي بالعكس مع بس انا ضد ان يكون بالسر ومحد يعرف تعالي قوليلي انا انحب ولد فلان اسمه كذا وقتها نسال عليه انشوفه بتاع بنات والله لا يجيني نتعرف عليهه وامتى مايلم روحه ويلقى ان عنده قدره انه يخطبك يتفضل حتى بعد سنه المهم يعطي فيك كلمه راني نبي بنتكم
رنا:باهي ريحتني
مصعب:اممم نقالك يبيله حمله
رنا:هاك هاا ماعندي شي اندسه حتى رمز سري ماني دايره
مصعب:امم ومن سالم
رنا:سالم؟؟ قصدك سالم ال .....
#يتبع                                            
............................................................