احببت _ مريض _ نفسى

احببت _مريض _نفسي

الحلقه الخامسة
.........................................................
ام رواد (خشت لقت أب رواد ع الباب وحور اتحرك في الطنجره ورواد مبتسم ويغسل في المواعين )
ام رواد:هاا شفت مخليته يشتغل مخليته خدام عندها مش قتلك انا توا تقعد تستغل فيه
رواد بدا يرعش وتجيله حالته غسل يده بلقوه ويبحت في امه زين ومطبس راسه ويتنفس بالقوه
حور فطنتله :ءء احممم عمتي انا
ام رواد:انتي حقيره ولفعه خضيتي العيل واستغليتيه عشان فلوسه
حور:انتو اللي جوزتوني له
ام رواد:مو لان باتك بايعه لقيناك سلعه رخيصه شن تبينا انديرو اح.......(وقبل ماتكمل )
رواد دف الكرسي لعند ماطاح
رواد بصوت عاالي وضحم وعيونه اللي حابس فيهن الدمعه
رواد :ت تتتتتحكيش معاها هكككي تتتحكيييش معااااهه هكي نقتلك والله نقتلك ونقتلكم كلكم حووور تحكيش معااهااا هكي سمعتي حور مش حقيره حور خير منك فااااهههمه حور اتحبببنننيي انتي ماتحبينيش انتي ماتحبينيش كلكم ماتحبونيش حور بس اتحبني انقولك حاجه انا ماانبيكش نبي حور بس انتي مانبيكش انتي اللي لفعه مش حور ااننتي اللي لفعه سمعتي
(صوته كان صوت واحد مكسور واحد كان كابت غصه في قلبه واخيرا طلعها وفي نفس الوقت الصوت ضخم عاالي )
حور تمسك في يديه الاثنين وتحضن فيه
حور قريبه من وذنه وتوشوشله ::::اهدى حبيبي اهدى اااش انامش زعلانه بكل اشش اهدى اهدى
بوه:ياوليدي ارحم بيك قعمز اشرب اميه اهدى امسحها في وجي ااسس اسكت بس اهدى
امه في حاله صدمه من الكلام اللي سمعاته
حور بصوتها الهادي ومسايستها له قدرت تهديه وتخليه يقعمز
حور:اشرب اميه حبيبي اشرب
رواد:نبي نركب (ومطبس راسه ويده وكتوفه فيهن رعشه خفيفه حتى كلامه مهزوز )
حور:حااضر هيا تعال معاي
ركبو هما الاثنين
.................................
اب رواد:شفتي كلامك شن دار حرام عليك العيل ماصدقته راق وضحك وقعد يطلع ويهدرز شفتي لوين وصله كلامك تستاهلي وهضا دليل علي كلامه انك تكرهيه
امه:انا مانكرهش انا انوعي فيه
بوه:تي أي توعي فيه العيل بروحه مش واعي العيل مريض وماصدقناه بدا يهدا تجي هكي تودريه تستاهلي مايقولك
امه:لالا مش هكي انا انحبه ولدي الصغير بس بس هيا تقول ساحرته يجري وراها
بوه:مو لانه لاقي اهتمام منها تهدرز معاه وتضحك معاه وتلعب معاه طبيعي بيتريح مش انتي 24 ساعه هامك بس المظاهر والفلوس تؤ
..................................
عند اهل حور:
اب حور:الاء الاء
الاء:نعم ياباتي
بوها:جيبيلي اميه
الاء:حاضر
مشت تجيب في اميه من بوها
امها:بوك الايام هذين متغير واجد
الاء:حتى انا حسيته باهي حتى انتي عدي شوفيه اقعدي معاه
امها:بوك مش طايقني بكل نقعد معاه يقعد ينفتر
الاء:لالا شكله تغير مغير امشي
امها :باه
........................
خشت لقاته متكي
ام حور:ياعلي ياعلي صبي ارقد في دارك علي علي ءءء عليي علي
ام حور:الاء اااااااااااالالالالالاءءء تعاالي
الاء :كنك كنه بابا
ام حور :مش عارف شوفيه تعالي كلمي ولد خالتك يشيله للمستشفى
الاء:حااضر
...........
مصعب اول مارن النقال الابتسامه من وذن لوذن
مصعب:السلام عليكم
الاء:الو مصعب تعال بسرعه بابا طاح علينا بسرعه بسرعه
مصعب:باهي تمام انا قريب منكم اصلا هيا هي
........
اول ماوصل فتحتله الاء كانت لابسه بيجامه ورديه عليها خاروف ماسك ورده ولافه شعرها كعكه فوق
مصعب :سرح فيها
الاء:مصعب مصعب بسرعه بسرعه اجري بابا طاح فجاه
مصعب :هاا هي هي (وخش يجري)
شالو باتها للمستشفى :
مصعب كان في المستشفى طوول الوقت مانزلش عينه من الاء حب الطفوله بس للاسف من طرف واحد كان خاطره يحضنها زيين وهيا تبكي بحسره علي بوها
الاء:طمنا يادكتور
الدكتور:عطاك عمره
الاء طاحت ع الارض وتبكي وامها ع الكرسي
مصعب نزل علي الاء:ااااااش الاء هذي حكمه ربي حرام اللي الديري فيه ءء والله مش عارف شن انقولك بس الله يصبرك عظم الله اجرك
الاء :اااااخ ببابا نبي بابا ناا نبيه مزلت نبيه
مصعب نمشي انتمم الاوراق المستشفى وكلمو حور
.............................
عند حور ورواد:
حور حطت رواد علي السرير :
حور:حبيبي اهدى وامسك عصير عنب يهديك
رواد:اصلا هما مايحبونيش بكل
حور:انا انحبك مش سادتك
رواد:هههه حتى انا انحبك اصلا
حور:حبيبي هي صلى الظهر
رواد هز براسه ب لا
حور:باهي يالله انصلو انا وياك
رواد:واول مانكمل اتبوسيني بوسه الصلاه
حور:هههههههه بوسه الصلاه باهي صلي ياللا
صلو رواد وحور
رواد:جعان انا توا
(طق الباب )
حور:توا انشوف من خليك هنا
الخدامه:تفضلي مدام حور الغداء
حور:شكرا
الخدامه:العفو
حور:روودي روااد تعال الغداء
رواد:الله بنته سممحه
حور:انت اللي سمح نجك ليا يالله ذوقه وعطيني رايك
رواد:سمح زيك باضبط
حور:هههه صحه حبيبي
رن تليفونها ......
رواد:من يرن عليك توا في القايله
حور/:هضا مصعب ولد خالتي
رواد:شوفيه كنه
حور:اااحممم الو
مصعب:آهلين ياحور
حور:اهلين شخبارك
مصعب:تمام ءء نبي انقولك حور مش عارف شن انقولك
حور:شنو احكي في حاجه ماما والاء فيهم حاجه
مصعب:لا بس باتك عطاك عمره
حور من الصدمه عزقت النقال ع الطاوله واتبحت في رواد
حور:هههه يبصر بااارد ديما بصارته صامطه
مصعب:الو الو حوور
رواد:كنك شن في (ورفع التليفون )
رواد:خير يامصعب شن في كنها حور هلها فيهم حاجه
مصعب:اب حور عطاك عمره
رواد:اها باهي توا انخليها اتجيكم توا هيا
وصكر
رواد:...........
حور:..........
...................................
مصعب:هيا ياخالتي نمشو للحوش وتوا انكلم خالاتي وامي يجو
ام حور تبكي بالعبره:له كم يوم متغير وهادي عكس طبعه ليش هكي ليش شن قال السبب الدكتور
مصعب:احمم خالتي سامحيني فيها بس هوا كان يشرب ؟؟
ام حور:اها
مصعب :الدكتور قال ان جسمه ماتحملش الجرعه اللي واخضها يعني هوا شكله واخض جرعه اكبر من قبل جسمه ماتحملش
ام حور:بس له كم يوم هادي ليش شن السبب
مصعب:ممكن من اول مابدا فيها ثقل وقعد معش له حيل للهزايب وهكي مش عارف انا هضا توقعي بس مش عارف شن انقولك هوا الموضوع له علاقه بالشرب راه
ام حور وتبكي :ان لله وان اليه راجعون شن اندير هضا قضاء ربي وقدره
مصعب :خالتي تبي اتخشي اتشوفيه
ام حور:ياريت والله بس نلمحه
مصعب :الدكتور قال وحده بس اتخش ومالطوليش وماتبكيش
ام حور:حااضر توا انخش توا وعدت للحجره اتغير في دبشها تلبس في الدبش المخصص للدخخول
اما مصعب انتهز الفرصه وقرب من الاء
مصعب:هضا قضاء ربي وقدره اهدي مش كويس هكي راه
الاء:حتى وهوا كان واعر معانا بس بابا يقعد بابا قعدت يتيمه الاب حراام ماعندهاش اب هكي ايقولو عليا صح انا مزلت صغيره مزلت نبي بابا
مصعب:بابا..الاء قولي الحمد الله اللي عشتي معاه طفولتك ومراهقتك انا من وانا طفل مات ماشفتش في الطبيعه بكل ملامحه لولا الصور راني مانعرفهنش علي الاقل انتي قلتي كلمه بابا انا ماقلتهش عشت مراهقتي وطفولتي بدون اب انا اللي تيتمت بدري مع ان امي مش حارمتني من شي زمان ماتحملش فيا بزه الابره بس الاب اب والام ام محدش يقدر ياخض مكان الاخر لو مهما اهتم ..الاء ماتبكيش بالطريقه هذي هكي انتي اتعذبي فيه حرام اا معاك باتك وعندك معاه ذكريات بس اهدي بكي بشويه مش بهستيريه زي توا باهي حتى وانتي في الحوش وتوا الناس يجو يعزو ابكي بس بهداوه مش كويس النديب والعياط تمام
....
الاء:تمام (ومسحت دموعها )مصعب انقولك حاجه انا انحاول اني نذكر ذكره سمحه معاه مش لاقيه كان ديما ضرب وعياط وهزايب حتى حور تزوجت غصبا عنها من معاق بس مش عارف باتي باتي مش انسانه لو مابكيتش عليه تسالني اتحبي باتك انا انحبه ليش اتحبيه مش عارف انا انحبه لان باتي لان تحت مسمى باتي بس ماعمرش دارلي حاجه تخليني نتعلق فيه او اندافع عليه كان ديما جاف معانا ومع امي ماعمريش شفته طالع هوا وامي يتعشو والله يدهورو مافيش منه الكلام هضا بس موووووجوووووعه موجوعه قلبي يوجع فيا

مصعب :اششششش امسكي اميه امسكي اشربي وقولي الحمد الله لاحكم علي قضاء الله وقدره ربي هكي كاتبلكم ارضي بالمكتوب تمام

الاء:حااضر
مصعب:يحضرلك الخير وزي مااتفقنا اتروحي اهدي مش كل وحده اتخش تندب تندبي معاها هاا
الاء:تمام حاضر
طلعت ام الاء من الدار اللي كان فيها علي وهيا تبكي
مصعب :هيا ياخالتي
ام الاء:هيا ياوليدي
.........................................😕
رواد:حور ااااش ماتبكيش ياحور باهي باهي انا نقعد باتك بس اسكتي ماتبكيش حوور (ويمسحلها في دموعها
وحور مش معاه بكل مش في وعيها
حور:نبي نمشي يارواد نبي انعدي لحوشنا
رواد:باهي توا انشيلك لحوشكم بس بشرط
حور:ارحم بيك يارواد مش وقت شي توا شيلي اول مره نطلب منك طلب
رواد:باهي اسمعي اول حاجه ماتبكيش اششش وثاني حاجه اول مانرن عليك تردي باهي
حور:حاضر حاضر
رواد:هيا باهي عدي البسي عبايتك
لبست عبايتها ووشاحها وطلعت وجاهم الشوفير عشان يوصلهم للحوش
رواد :حور
.......................................
#يتبع والتفاعل اكتبولي في التعليقات رايكم وتوقعاتكم وماتنسوش التاق