انانية العشك

البارت2

اسيل: كعدت العصر الساعة 4 ونص كعدت رحت لمامة وبستها ورحت لبابة وبستة وكعدت بحظن حيدر
ام اسيل : كافي دلال زودتوها وياها ما تنطونها العين الحمرة ختولي
اسيل:يااااا ماامة شمسوية بدال مدلليني غير اني بنيتج الوحيدة
ابو اسيل:لا بابة لزعلين تعالي تعالي حبيبت ابوها شعندي غيرج اني وخلة خمسين براسها بيدي
اسييل: عاااااا بابة احبببك مححح 😘💋
ام اسيل: كوومي ولج كومي غسلي ماعين خاطر نروح للسوك
اسيل: اوف يمة الا اليوم 😫 تعبانة وهلكانة من السادس ستوني خلصت
ابو اسيل:ليش اسيل متدري
ام اسيل:لا ما كتلها
اسيل:خير شكو
ابو اسيل:حبيبتي نريد نروح للبصرة لعمامج وخابرت عمج الشيخ علي وعازمنا وكال جيبو اسيل مدام خلصت متحانات وانتي ابد ما رايحة فحبيت اروح اخذكم شهر ونرجع اني خلصت شغلي مال شهر
اسيل:اني هنا صاعقة واجتي ع راسي اريد اعبر عن هل موقف بالذات مداكدر وين خططنا اني ومحمد وين يخطبني هل اسبوع اوف يا ربي يابة يابة
ابو اسيل: ها بابة
اسيل:يابة عادي ما اروح شعندي هناك وي ناس غرب لا شايفتهم ولا شايفيني
ابو اسيل:لا بنتي كلش ما حبيتها منج هاي هذول اهلي شلون تكولين عنهم غرب وكمت لغرفتي
اسيل:اوف يا ربي ابوية زعل وزدت الطين بلة ليش لساني ما يسكت ومحمد شلوم ياربي اجتي مرت حيدر زينب تضحك ها ولج اسو راحت الخطط هههه كتلها انجبي وعابت لهل حلك وكمت خابرت محمد اول مرفع الخط اني بجيت محمد اهئ اهئ محمد
محمد: خير اسيل شكو اصاير عمي وخالتي صاير بيهم شي احجي شبيج
اسيل: اهئ اهئ محمد اهلي اهئ
محمد:اسيل كافي ولج اسكتي حبيبتي يعمري يروحي انتي اهدي وفهميني اصاير وياج اهلج شنو شبيهم صاير شي احجججيي
اسيل:مسحت دموعي محمد ابوية كال نروح لعمامج.....................وسولفت كول الصار لمحمد
محمد:اي حبيبي روحي شكو بيها ولتزعلين ابوج منج انتي مطايرة اول وتالي راح تختلين بحظني وتصيرين الي عادي انتظرج شهر هم
اسيل:يروحي انت الله لا يحرمني منك لكككك احببببك كبد عممممررريييي ماشي حروح اراضي بابة
محمد:ولج اسكتي لا احد يسمعج وتنكتلين ههههه يلا حبي روحي وها تعالي هناك تلبسين حجاب كامل ماشي
اسيل:ماا 😑(طبعا اني ما البس حجاب كامل يعني اطلع شعري من كدام )
محمد:لزعليني منج وهناك عشائر شيكولون ع اهلج فكري باهلج حياتي اني اخاف عليج وما اريد جنس مخلوق يلمحج او يباوع عليج فدوة سمعي كلام يس هل مرة
اسيل: اي يروحي ماشي البس حجاب كامل بس لتكلي البسي عباية او صاية 😑
محمد:هههههه لا عادي حبي لتلبسين ضلي ع. لبسج بس شوي شوي استر
اسيل:هههههه شوي يلا ماشي احبك
محمد:احبج بيباي
اسيل:بيباي سديت الخط من محمد وادعي يا رب يدوم وياي للابد طبعا اني ومحمد صارلنا اربع سنوات سوة يعني من جنت بالثالث متوسط المهم نزلت كلت لامي وين ابوية جان تكولي بغرفتة دخلت لغرفت بابة كتلة احم بابيتي فديت الحلو الزعلان اني حظنتة وبستة من خدة وهو كام يضحك وكتلة يلا مدام ضحكت انت شنو تشمرني انطيتني بس 50 الف اريد بعد 50 يادوب هل 50 اشتري بيهن ميك اب وهو ضحك وانطاني 50 ثانية وكلي بس ولي
طلعت اني مكيفة راح اشتري ملابس وميك اب اويلي رحت لحيدر لكيتة كاعد هو زنو بالصالة مديت ايدي كتلة يلا انطيني اريد انزل للسوك جان يكول انجبي ما عندي كتلة ماشي بعد محد تفتحلك الباب اذا طردتك زنو وماانيمك بغرفتي زنو هنا ماتت ضحك
حيدر: ها هيج ماشي ماشي هو انتن كدرتجن ع الفقير طلعت الها 25 الف رانطيتة الها
اسيل:يابة صارن 125 هسة دور امي ياام يووم حبيبت كلبي نبع الحنان روحي ودنيتي كالت ام اسيل هذاك الجوزلان واخذي منة التردي اعرفج مصلحجية اني هنا متت بست راسها ورحت اركض لغرفتي بدلت ونزلت لامي كتلها يلا امشينا رحنا للسوك ساعة 5 وربع وما رجعنا الا ب8 قطيتهم قط اشتريت ملابس مال شهر كامل طبعا اول مرة اروح لعامي قابل اروح بملابسي القديمة عشتوو هههخخخ رجعنا واني هلكانة تعب وما ادري بفوني سبحت ونمت بسرعة لان باجر ورانا كعدة من الصبح نغبش لعمامي كعدت الساعة ب3ونص الفجر مثل المخترعة محمممممددد ناسيييتة اووف شيخلصني هسة من اخر مرة من كتلة ع الروحة مالت عمامي بعد ما حجيت وياه اوف يا ربي شيخلصني هسة اوووف فتحت الفون لكيت 110مكالمة و56 رسالة يالله اشتعلو عشيرتي نفر نفر اتصلت عليه الو حبيبي
محمد: اشتعلت صفحة حبيبج لج اني هنا كووا... لو طرطور لو ساقط ليش متردين ها اول ما رحتي لعامج نسيت رب محمد
اسيل: ضل يحجي ويغلط ويفشر خطية حتى ما نايم اول ما اتصلت شالة اووف يروحي سودة علية ولله امس رحت للسوك ..................... وحجيتلة كووولشي اول شي زعل عليه وبعدين بالف يا علي وانخة ام البين يرضة تالي رضة عليه وكتلة حبيبي راح اروح اسبح واصلي ونزوح
محند: ماشي حياتي روحي ديري بالج ع نفسج ماشي ولتشاقين وي هذا وذاك ولسانج لطلعي ترة ذول عشائر والبنية الوكحة ميحبوها مفهوم حبي
اسيل:اي حياتي يلا باي
محمد:بايات عمري
اسيل:سديت الخط من محمد وكمت سبحت وتوضيت وصليت اجتني امي كلتلي شعجب كاعدة هههه كتلها موقتة الفون كالت ماشي مامة شوي بعد ونطلع كتلها ماشي كمت لبست قميص صحراوي وبنطرون بيجي وشال بيجي وجنطة وحذاء صحراوي وخليت ميك اب طلعت فد شي بس الشال مثل مكال محمد لفيتة لفة كاملة وما طلعت شعري هل مرة وطلعت وصعدنا بالسيارة الطريق كلة واني اركص بالسيارة واغني وما ادري شراح يصير بية من مصيبة هناك ما ادري راح تنهي حياتي بيد انسان طاغي اناني مستبد همجي بسبب غلط مني بسبب فبتت لساني وزرلة مني
#الكاتبةayaat