انانية العشك

البارت 8

اسيل: دخلت للغرفة و كعدت ع جربايتي و ابجي احس كلبي يريد يطك من البجي و حسيت بدوخة براسي مو طبيعية بس حيل فرحت من سمعت ب محمد مطلعينا بس ما صدكت بهذاك فهد يجوز حجة هيج يريد يسكت اهلي و الدوخة الي براسي جات تقوه بس ما اهتميت وشوي اندفرت الباب
فهد: كاعدة بالمضيف اني وعمامي وترخصت منهم بحجه التعبان
الكل: مرخوص
فهد: رحت لغرفة اسيل واني عيوني نارررر حسيت حرارة تطلع من وجهي دفرت الباب ودخلت وقفلتهه لكيتهه كاعدة تبجي ع الجزباية كتلها كومي
اسيل: كمت ع حيلي وانه راسي احسه حينفجر من الالم كتلة ف فهد ص صد صدك طلعت م محم بعدني ما مكملة اجاني راشدي اني متت من القهر يعني خالني بس للضرب وكمش شعري كلي
فهد: اسسسسس اسسسس اسكتتتي ولججح اسسس لتحجين كااافي لتحجين لتجيبن طاري هل كلب و شوية وكعت بين ادية حيل خفت عليهه شلتهه وانه كلبي انااارر يا رب شلون تطفي ناري خليتهه ع الجرباية وكتله اسيل اكعدي ذبيت عليهه شوي مي وضربتهه ع جدهه ع كيف شفت اثار ضربتي وجت روحي نار شبت بضلوعي
اسييل: انه راسي ميته منه واجه هذا جر شعري متت حسيت روحي حتطلع وبعد ما حسيت ع اي شي و شويه حسيته يكعد بيه كتله امم عوفني اريد انام بصوت متكطع كوه احجي درت وجهي وانطيته ضهري
فهد: بعد ما كالت هيج اتاكدت هيه نايمة بقيت ابجي كتلهه ولج تبجين ع هذاك العار ولج انه الحبيتج انه الي ربيتج عمري 20 سنة ورحتي من اديه شكد حاولت امنعكم بس عمي كال شغلي هناك حبيتج بكل قوتي وحسيت روحي راحت من رحتي عني و انتضرت يوم بعد يوم تجي وما اجيتي وضليت انتضر و هلايام صارت سنين وما ادري بعمري اخواني كلهم ازوجو وامي بقت تلح عليه و انه ارفض. منتضرج تالي من تجين تكليلي احب هذاك العار مستحيل اتركه الج و لا راح اتركج اتي ملكي ومسحت ع وجهي وطلعت ركض ع سمر كتلهه اسيل تعبانه ضلي يمهه
اسيل: بعد مكال فهد هيج حيل ضجت يعني هلكد يحبني و انه ما حاسة بي هلكد منتضرني خلص لازم انعدل وياه واعدل تصرفاتي مدام هو يحبني راح اعيش سعيدة وانطيت وعد لروحي و لفهد انو راح اعوضة عن كل المعانات و اكمل واجبي كل زوجه بس هذا الشي ما يخلي كلبي لغير محمد بس محمد ماخذ كلبي بس حيل تفاجئت شنو يعني ما مزوج ليش امير ابن منو ليش يصيحلة يابة معقولة متبني الف سؤال ب بالي ينرادله اجوبه لازم اعرف امير منو و ليش بعدة ما مزوج معقوله لا يحبني و اندكت الباب ودخل شخص اني عبالي فهد غمضت عيوني شويه صاحت اسيل نايمة هاي سمررر اجيتي ولله جاابج 😍😍😍
سمر: بالمطبخ اني و سمعت صوت عمو فهد يصيحني اجيته ركض كتله ها عمو كلي صعدي ل اسيل شوي تعبانه حيل خفت عليهه لانه انه حيل حبيتهه صح ما كعدنه سوه بس اول ما اجت حجت واشاقت ويايه حسيتهه مو متكبره و حبابه و طيوبه رحت دخلت ع اسيل لكيتهه نايمة كتلها اسيل كاعده
اسيل: طفرت عليهه كتلهه تعالي اكعدي ولج و عابت لا تجين لا تسالين
سمر: توترت كتلهه ولله ما الحك والنبي اعذريني حقج ولله
اسيل: ياااا شبيج راح تبجين تعالي ي حساسة وكعدت يمي ع الجرباية كتلها اكلج ممكن سؤال يخص عمج بس يبقى بيناتنا ما اريدة يعرف ماشي
سمر: وعد مراح يعرف اي سئلي
اسيل: احجيلي ع فهد تحججت بفكرة اني راح ازوجه وما اعرف عنه شي كتلهه احجيلي عنه شيحب شيكره شنو امنيته هم مزوج من قبل لو لا
سمر: ع كيفج ولج وحدة وحده
اسيل:  احجي ولج مو طك صبري
سمر: اوك راح احجي 😂 فهد عمري اكبر عمامي كلها ياسر الي هو ابوية الوسط وعمو حسين الصغير
اسيل: حسسسسييييننن 😨😥 منين هذا ما شفته ابد ب بيتكم
سمر: هههه ايي حسين اي ما تشوفي لان مسافر 😢
اسيل: ليش مسافر 😨
سمر: جاي يتعالج بالخارج
اسيل: يتعالج 😢💔
سمر: اي لان حسين بعد ما ولدت مرته هاجر امير توفت وهو ضل يلوم بروحه لان جان يكول اريد طفل من هاجر وجان يلح عليهه وضل يلوم بروحهه وما ياكل ولا يشرب بس يشرب جكاير امير جان صغير وما طالع من الاربعين اخذو بيبي الشيخه و عمي فهد و عمي فهد كال امي جبيرة بالعمر راحح اجيبله مربية و جاب مربيه اله المربيه حيل حبايه وضلت وياه تقريبا ست اشهر بس بعدين عمي فهد طرد المربيه و لحد الان منعرف شنو السبب اما صحه عمي حسين جنا نلاحظ عليه التعب و بيوم من الايام نزل من الدرج و وصل اخر بايتين و وكع كل احنا خفنا عليه خذو المستشفى كالو بي سرطان اسم الله عليج و عمي فهد تخبل كال متضل هنا وي هذول الهوايش الدكاترة اخذ كلشي مني وروح اتعالج بعد مراسلات وي هواي دكاترة لكو بتركيا دكتور وراح عمو حسين و صارله سنتين هناك و امير اصلا ما متعلق بحسين حتى من يخابر ويحجي وياه قله
اسيل: حيل انقهرت ع حسين وامير بس ليش،فهد طرد المربية اكو شي صاير المهم حبي وفهد احجيلي عنه ليش لحد الان ما مزوج
سمر: عمي فهد جانت امي(الشيخة) دوم تكله خل نزوجك و هو ما يقبل
اسيل: ليش
سمر بتوتر: ها لا ما اعرف
اسيل: حسيتهه ضامة شي كتلها زعلت منج قابل اني راح احجي
سمر: لا فدوه لتزعلين خلص راح احجي
اسيل: ههه يلا احجي غرديلي 🤭😂
سمر: عمو فهد ما ازوج علمودج جانت امي الشيخية دوم تكله ع بنات هواي ومن عشائر بس هوه يكول منتضر اسيل تكبر
اسيل: يااا حيل ضجت من روحي هيج جان يحبني وانه اتصرف وياه بالانانية كرهت نفسي كتلهه ماشي حبي شكرا وبستهه من خدودهه وشوي اندكت الباب
فهد: بعد ما كلت ل سمر تروح يم اسيل رحت بوجهي لل صيدلة جبت الهه ادويه لان دوم توكع وانطاني حب مال وجع راس و كال لازم تاكل قبل متشرب رحت للاسواق اشتريت لفة كص ما اعرف اذا تحبها او لا بس انه احبهه هههه ودخلت صعدت لفوك لكيت ضحكهن واصل لاخر طابق بالبيت ردت روحي من سمعتهه تضحك دكيت الباب وجان اسيل وسمر يكولن ادخل دخلت لكيت اسيل وسمر كاعدات ع الجرباية اجيت لاسيل و كتلهه اسيل هذا دوه مال وجع راس لتشربي اذا ما ماكله ياذيج وهاج هاي لفة اكلي
اسيل: دخل فهد وحجه الي فوك ☝️ حيل حبيت اهتمامه بيه بس رحتله مثل المفزوعه الماشايفه اكل صارلهه سبوع اخذتهه منه بدون ما اعرف لفت شنو فتحت العلاكه ولكيتهه واااااووو لفه كصص اويلي احبهه وياهه مقبلات اويلي ع الله 😋😋😍😍 كمزت كتله شكرا بس المره اللخ جيب بيتزا 😂
فهد: ابتسمت ثول شكد فطيرة قبل شويه جان تبجي و هسه مكيفه بالفه و تشاقه ام بطن جنهه طفله ابتسمت الهه و كتلهه ماشي و طلعت
اسيل: لوين رايح
فهد: راح انام تعبان
اسيل: جايب لفتين شايفني افة تعال اكل وياي حباب لترفض لان ما اعرف اكل وحدي
سمر: انه اترخص امي صيحلي
فهد: سمر فلتت بس شافت الاجواء واننه ما جذبت خبر رحت تربعت بالكاع وكتلهه نزلي اكو واحد ياكل ع الجرباية
اسيل: ابتسمت وكعدت ع الجرباية وانطيت لفة ل فهد وانه اكل كل ما ارفع راسي الكاه يباوعلي هذا الشبي حتى راسي بعد ما وفعته تركته يباوع بكيفه حيل خجلت منه بس ماكو عضة عضتين خلص اللفة وبقة كاعد يمي كتله اكلك انت خلصت وبقيت صافن ع لفتي ترا ما انطيهه الك اهم شي بطني 😂😂
فهد: هههه اكلي اني اريدج تاكلين الف عافية حبيبتي وكمت بستها من وراسها وكتلهه رايح انام
اسيل: شفت اهتمامة بية اووف شكد حباب اذا ما عيل بي 😂 ومن راح يطلع كلي
فهد: و ها اسيل مره لخ سحبي السحاب عدل لان كلت بسرعة علمود ما اهجم عليج هي ضلت صافنه بوجهي انه ابتسمت وطلعت
اسيل: ياااااا ثووول اليه شلون ما انتبهت ع سحابي امداااني يااااا و هو شلون هيج يحجي عابت حلكة ولا يستحي وابتسملي بمكر وطلع
#الكاتبةayaat