انانية العشك

البارت 17

- خيبٺ ظنِي ليتنيُ م تباهيٺ ‏み .
...................................................
فهد: طلعت رحت بوجهي لامي كتلهه باجر سبت نروح للمحكمه نعقد والاثنين عرسنه
ام اسيل: يمه شدعوه عليمن مستعجل ما نلحك
ام فهد: ايي يمه شنو سالفتك حتى عمتك زعلت لان ما عزمناهه وكتلهه العرس صار بسرعه بسرعه ما لحكنه نطينه وكت نلحك نعزم الوادم
فهد: يمممه تدرين بيه الحجايه التطلع من لساني محدد يردهه خلص قررت و بعدين شعدجن خابري هسه عمتي كليلهه خل تجي بعد 3 ايام العرس عليمن متلحكن شنو الوراجن ابدن من هسه تحظيرات بعدين اسيل جاهزه مو صحيح عمه
ام اسيل: اي عمه بس خطي خليهه تتعود ع الجو
فهد: تتعود وهيه مزوجه احسن النه و و الكم
ام اسيل و ام فهد: ماشي يمه اليعجبك
فهد: بعد ما رحت خذت موافقه امي و عمتي رحت للمضيف دخلت السلام عليكم
الكل: وعليكم السلام
الشيخ علي: ها وليدي تعال بويه
فهد: يابه انه اجيت احجي وياك ب موضوع و عمي اجيت اطلب منك طلب انشاء الله ما تردني
الشيخ علي: خيرك وليدي
ابو اسيل: اي بويه ما عاش اليردك كول
فهد: ولله بعد ما عقدت ما حبيت اطول. اذا اعوفهه وره النسوان السالفه اطول حبيت اخذ اسيل باجر نعقد و الاثنين نزوج طبعا بعد موافقتكم
الشيخ علي: بكيف ابو حيدر ها شكلت يخوي جلمه فهد بمكانهه
ابو اسيل: يله عل راحتكم وليدي فهد هذا الصح توكل ع الله
فهد: كمت بست راس ابويه و عمي وترخصت وصعدت لغرفه اسيل ردت ادفرهه و سمعت نشغاتهه وتبجي بحركه عصرت ايدي حيل و صكيت ع اسنوني ضجت بس مو بيدي شي اووف خليت و طلعت كبل ما احب اضوجهه بس هي تجبرني امد ايدي عليهه يا ناااس اقسم بذات الله احبهه بس هيه تصرفاتهه تجبرني اسوي وياهه هيج بعد معاناه وتفكير رحت نمت خليت ايدي ع عيوني ما كدرت صوت بجيهه باذني كمت رحت للغرفه حتى اطمئن عليهه فتحت الباب ع كيف لكيتهه نايمه غطيتهه عدل وبست راسهه وطلعت مسحت ع وجهي واستغفرت ربي منضرهه حيل يقهر عيونهه مورمات و شفايفهه مورمات لان حيل اذيتهه من ضربتهه اووف يا رب عيني واهدينا لبعض رباه مالي غيرك انت ملاذي ضجت حيل وطلعت لبرا ادخن خلصت الباكيت الجكاير كله من كد ما مقهور واحس كلبي حيل يأنبني لان جاي ائذيهه بس و الله هيه تجبرني امد ايدي عليهه لان حيل طايشه وما تعرف تصرف مثل طفله صعدت لفوك ما احس الا اسيل بوجهي استغربت هايه شطلعهه كتلهه وين كالت
اسيل بدموع: مختنكه اريد اطلع
فهد:باجر نروح للمحكمه نعقد و الاثنين الزواج ضلت صافنه شويه و كالت
اسيل: اي خوش وخر اريد انزل نزلت باية مات الدرج الاولة وسحلني اله كال
فهد: اسيل جري عدل لا ادفنج
اسيل:هه لتخاف اسيل ميته
فهد: من ردت هيج شاغت روحي كتلهه ماكو نزله دخلي خاف واحد يطلع ويشوفج
اسيل: فهد فدوة اغديلك وعلي ما بيه اجادل خليني اطلع مختنكه حيل صدكني 😢
فهد: حيل ضجت كتلهه نزلي بس اني وياج انزل ما حجت شي هيه بسرعه نزلت
اسيل: من كال انزل وياج ما صدكت خلي يجي بس اريد اطلع أتنفس لان حيل مقهوره
وصلت لبرا اتقدمت لكدام و فهد كعد ع قنفه بالضلمه ما اشوفه و لا حسسني انو هو موجود وصلت لبرا فتحت السحاب شوي وضليت اتنفس الهوا عبالك جان واحد خانكني و دموعي ع خدي وحده ورا الثانيه اتذكر حياتي قبل واتذكر هسه وين جنت و ين صرت وين جنت اخطط وي محمد وهسه حياتي وكل شي بنيته من امل من حب من كلشي انهد ع متوني جنت شايله هم جبال ع متني ما كدرت ازيحه وكعت بالكاع وضلت ابجي
فهد: اباوعلهه طلعت من الطير المسجون بقفص وطلع منه وضلت تحجي وانه وي كل دمعه تنزل منهه تنزل مني الف دمعه و يتكطع كلبي عليهه هايه هم مبينه بعد3 ايام راح تزوج كسرت كلبي و مرمرتني تالي وكعت بالكاع اجيت اكوم الهه بس كلت خليهه ع راحتهه لان وعدتهه ما تحس بوجودي وفعلا لان كعدت ع القنفه بالضلمه تالي كامت تناشغ حيل وتبجي وخلت اديهه ع وجهه ما تحملت اضل اتفرج ع بنيتي وهيه تبجي حتى لو هيه الغلطانه رحت وهيه كاعده حظنتهه وضلت هيه تبجي و انه افور اعصابي صارت بكصتي حيل تألمت من شفتهه هيج تالي شلتهه وهيه مثل الطفلة خلت اديهه داير مداير ركبتي وراسهه بصدري وتناشغ ما حبيت اسكتهه اريدهه تطلع القهر الي بكلبهه بس وي كل دمعه كلبي احسه يتكطع الف قطعة متت يا رب شيخلص هل ليله رحت خذتهه بغرفتي وهيه ولا سكتت خليتهه ع الجربايه ونمت وراهه واتغطينه خليت راسي بركبتهه و سالتهه اسيل حياتي بنيتي شبيج وهيه بس تبجي كتلهه اسيل ولخلقج جاي اموت كافي بنيتي سكتي ما سكتت دفت راسي حيل بركبتهه كتلهه اسسسس يروحي اهدي هي سكتت ضلت بس تناشغ و شويه ضليت اكللهه اشش اشش يروحي بصوت ناصي حيل و خال ايدي ع خدهه و الايد الثانيه حول خصرهه ضليت امسد براسهه مثل الطفله اشش يروحي اشش حياتي اشش كافي يله نامي ارتاحي شوي مورمت عيونج من ورا البجي ما شبعتي من الصبح لهسه اششش وضليت امسد ع راسهه و لحد حسيتهه ثكلت انفاسهه باوعت عليهه لكيتهه نايمه شلون حالهه مثل الطفل عيونهه مورمات وشعرهه ع وجهه و مخربط و شفايفهه مورمه اووف يا ربي شلون بيج اسيل شلون راح تصفى وياج النوب نمت
اسيل: بعد ماوكعت بالكاع وضليت ابجي اجه فهد عليه و حضني وشالني وداني لغرفته وخلاني ع الجربايه ويضل يهدء بيه لحد ما نمت

#الكاتبةayaat
اعتذر احبائي ولله مجاي الحك سادس اني ومطيح حظي 😂💔💔 حيل صعب ادعولي فدوة اروحلكم وانشالله بايام العطل ما اقصر وياكم وها اسيل تكول تفاعلو علمود احنه نستمر بالنشر وتسلم عليكم هواي هواي وتكول تفرحني تعليقاتكم الحلوه احبنكم وايد والنبي انتم متابعيني القميلين 😘😘💜💜