انانية العشك

البارت 11

اسيل: بعد ما خليت ايدي ع شفايفة هجم عليه مثل اول مرة يبوس وبحركة سريعة ما اعرف شلون اجينا ع جرباية وصار فوكايه هجم ع شفايفي كطعهن تكطع و بعدين ع ركبتي و بدة يتفقد معالم جسمي بادي اني كمت ابجي و هو بعد عني ونام بحظني رردت اكوم ما اكدر كلي كعدي اريد انام فاني ما جذبت خبر جان حظنة حيل دافي وبي حنية اوووف يا حظنة يخبل نمت بقى يشتم ب كبتي لحد ما نام وانه نمت كعدت6:09 توضيت وصليت ودعيت ربي يوفقني وينسيني محمد لان بعد يومين عقدي بجيت تذكرت محمد لحد مكال الله بس حيل بجيت من كل كلبي وي كل كلمة تنزل بدال العشرة الف دمعة اوووف يمحمد شكد مشتاقة لصوتك تالي باوعت لفهد شلون نايم اندعيت الله يوفقنا سوة ويهدي عليه وكمت لمت السجاده و غطيتة عدل ورحت لغرفتي لكيت امير نايم رحت للحمام سبحت ولبست دشداشة اول مرة البسها باوعت لروحي للمراية اووي فدووة الية انه شكد اخبل ههه صدك ولله الدشداشة حيل حلوة عليه طلعت جايه تفصال الية وخليت ميكب خفيف بودرا و حمرة وردي بناتي ولفيت شالي ونزلت
فهد: كعدت الصبح ع طكطكة صايرة يم راسي فتحت عين لكيت اسيل بالحمام فدوة شحلاتها من الصبح واحد لازم ياكلهه مثل التفاحة فرشت السجاده وكعدت تصلي وانه اباوعلهه فدوة ل الله تجنن وشوية كامت تبجي وتدعي حسيت بيهه مجروحة ردت اكول احظنهه لكلبي بس ما كدرت كلت خليهه ع راحتهه وشوي خلصت و اجتي يمي عدلت الغطه فدوه الج يالحنينه اموت بيج ولله ما اعرف هل بنت اشسوتلي دولبتني بحبهه وراحت انه كمت وسبحت وتذكرت بعد يومين ملجتي يااااا عززاا هاي الخبله كلشي مامسويه خل اطلع و الله كريم طلعت لبست تراك جوزي و اتصلت بسعد صديقي و كتله خل يحظرون روحهم انه جايب اهلي وجاي وكال ماشي كل الهلا نزلت لكيت امي بالصالة تحظر بالطاوله مال الاكل وام اسيل وسمر وياهه سلمت عليهن وصبحت واباوع بعيوني ع اسولتي معقوله رجعت نامت لا ما معقوله كلت لامي علمود تروح وي اسيل اليوم لبيت سعد وامي ما صدكت ركعت هلاهل وانه مو يمهم اباوع لاسيل ماكو وشوية اجت اسيل مدنكه راسهه خطيه مستحيه وبيدهه صنينه وخلتهه وكعدت كبالي كوه تاكل حسيتهه صايجه ما اعرف فرحانهه اخخ اخخخ يبنت كلبي لو بس افهمج شتردين اخخخ بس اخخخ وكتلها اسيل سمعت بعد شويه ترحين لابيت زوجه صديقي خوش مره وتسويلج الي تطلبي ما رفعت راسهه ولا ترد هزت راسهه بمعنى اي
اسيل: نزلت جوة لكيتهن يسون ريوك ساعدتهن سويت كباب بيت كليته و سويت وياه جاي و سمر سوت البتيتة بس خلصت قبلي كتلهه روحي امشي اخذيهن واني اجيب الجاي والكباب و اجي كالت ماشي راحت و شوي سمعت صوت الهلاهل خنكتني العبرة يعني عبالي هذا حلم معقولة راح ابعد عن محمد نهائيا رحت خذيت الكباب و الجاي ورحت وانه مدنكه ما اريد واحد يشوفني بهل حالة كعدنه ع طاوله وفهد ما شال عينه احسه يباوعلي بس سويت روحي ما ادري لان اذا شافني بهل حالة تخرب فرحته وانه ستحيت من الكاعدين تنزل دموعي كدامهم و شوي كلي فهد ترحيت لزوجت صديقة اكتفيت بهز راسي وشوي كام وصعد لغرفته وشوي صاااااحح بعلووو صووتته اسسسسسيييييل تعععععاااايي بسسسسرررععهه انه كامت نبضات كلبي تطبل طبول تركت كلشي بيدي و صعدت لفوك اركض
فهد: عرفت اكو صاير شي لان ما معقولة شبيهه اسيل هيج ضايجه تذكرت من بجت من جانت تصلي معقوله لان تقربتلهه وزعلت مني لو من خليتهه تنام يمي غصب عنهه اووف اووف افكار تاخذني وتجيبني تالي كتلها تجيني وصحت اسيل تعالي بسرعه سويت روحي معصب علمود تخاف وتصعد و تحجيلي شبيهه صعدت وفتحت الباب بكل قوتهه حسيتهه خايفة اباوعلهه وجهه اصفر كالت
اسيل: ها فه..فهد صحت..لي رايد ش..شي
فهد: ردت اضحك بس ما اكدر لازم اتمالك نفسي اشوفهه ترجف كتلها اكعدي كالت ها كتلها كتلج اكعدي كعدت ع الجرباية وانه واكف كبالهه كتلهه ممكن تشرحيلي شبيج اليوم ع الزقنبوت نحجي واتي بغير عالم وين جان بالج مشغول
اسيل: تملكني الخوف ورادن دموعي تنزل بس صبرت كتله ما بيه بنتر
فهد: اسيل احجي عدل اقسم بالله ترة تعرفين شسوي
اسيل: اي اعرفك شسوي ماكو داعي تكلي
فهد:تقربت عليها و كتلهه شأسوي
اسيل: هسة انه ثوله ليش ورطت روحي كتله ما ادري شأتسوي
فهد: شنننوو شبيج بابة ما تحجين عدل
اسيل: شتريدني احجي مثلا شتريدني اسوي متكلي اذا انت مربطني حتى رائي ما تاخذه مو هيج تمنيت عرسي انه كلشي لازم انت تقرره وهو عرسي و انه لازم اقبل كلامك وانه ممنونه تعبت تعبت خلص خلص دفعته من صدره وردت اطلع سحبني كلي كولي شتردين احجي شتردين يله قرري مو
فهد: من حجت هيج اسيل وياي اعصابي صارت نار اجيت اكتلهه اخلصهه خلاص بس طولت بالي عليهه وكلت حقهه خطيه هم صدك وضربتني وردت تطلع سحبتهه وكتلهه شتردين مو هذا عرسج وتكولين اريد اقرر انه بكيفي قرري شتردين كولي
اسيل: ما تتقرب مني
فهد:شنننووووووو
اسيل: ما تتقرب مني حتى لو عقدنا واتزوجنه انطيني مهله
فهدد:صارت اعصابي نار لزمتهه من فكهه كتلهه ولج باعي لزمت روحي عليج وطولت بال وياج شوفي قسمبالله لا تخليني اتندم ع تصرفاتي وياج واندمج ع كلامج خلي النفس عليج طيبه لا صدك اجنزج جنازه
اسيل:رديت عليه بكل برود انت اصلا سوتني جنازه انه متت من زمان يا فهد وطلعت ركض لغرفتي وبجيت منركلبي حسيت كلبي كام يوجعني كل ما بجيت كعد امير يم راسي وكلي خالة اسيل خاله اسيل شبيج ليش تبجين خليت راسي بحظن امير وكتله يبعد خالتك ما بيه شي تعال يلا نغسل ونسبح ونروح نتريل ماشي يحلو هز براسة وباسني من خدي اووف هذا الوحيد الي احس وياه بالامان والحب شكد ارتاح وياه رغم هو بعده صغير بس حيل احبه
فهد:بعد ما حجت اسيل وطلعت حسيت كرامتي انمسحت مسح بالكاع انه فهد تذلني مرة لا مو مرة زعطوطة مثل اسسيل اخخ يا اسيل ماشي رحت لامي وكتلهه يلا حظرون روحجن وراح اخابر لسايق ياخذجن
ام فهد: يااا لعد انت متروح ويانه
فهد:لا يمه اروح للمضيف لان عدنه شغل لازم نخلصه
ام فهد: ع راحتك وليدي
فهد:بست راسها وكتله تستعجل ودخلت للمضيف وانه اعصابي احسهه نارر تشب بضلوعي
#الكاتبةayaat