ဆောင်းရာသီ၏ တစ်ခုသောနံနက်ခင်း။ ။
မြောက်လေအပြန်ဟေမာန်ဆောင်းသို့ရောက်ရှိလာပြီဖြစ်၍နှင်းစက်နှင်းမှုန်လေးများကသစ်ရွက်စိမ်းကလေးများ၏ အစိုဓာတ်ကို ဖြည့်ဆည်းပေးနေသကဲ့သို့ပင်။ ဘေးပတ်လည်မှာလည်းဆောင်း၏အငွေ့အသက်တို့လွှမ်းခြုံနေကာ နေရာတိုင်းကို မြူနှင်းများက သူတစ်မင်း ငါတစ်မူ လက်ဝါးကြီးအုပ်ကာ အပြိုင် အုံ့ဆိုင်းနေကြသည်။ ထိုအချိန်တွင် မြူနှင်းများ ဆိုင်းနေကြသည့် အကြားမှ လူငယ်လေးတစ်ယောက် ဘွားခနဲ ထွက်ပေါ်လာသည်။ ထိုလူငယ်လေးမှာ လက်တစ်ဖက်တွင် ဖိုင်တွဲအရှည်တစ်ခုကို စွဲမြဲစွာကိုင်ကာ တစ်နေရာသို့ ဦးတည်သွားနေသည်။
ခြေလှမ်းများက သူ၏တက်ကြွမှုကိုပြနေသကဲ့သို့ပင်။
ရုတ်တရက် သူ၏ အသက်ဝင်နေသည့် ခြေလှမ်းများ အိမ်တစ်အိမ်၏ အရှေ့၌ ရပ်တန့်သွားသည်။ ထို့နောက် ခြံတံခါးရှိ အချက်ပေးဘဲလ်ကို ညင်သာစွာ နှိပ်လိုက်သည်။
ကလင် ကလင် ကလင်
ညီရှင်းခန့်ရေ အပြင်မှာ ဆရာ ရောက်နေပြီနဲ့တူတယ်၊သွားကြိုလိုက်ဦး။
အ်ိမ်ထဲမှ မိန်းမကြီး တစ်ယောက်၏ အသံကို ခြံရှေ့မှ ကောင်းစွာ ကြားရသဖြင့် ဩဇာရှိမည်ဟု ထိုလူငယ်လေးထင်လိုက်သည်။
ဟုတ်ကဲ့အမေ ဟုဆိုကာ
ခြံတံခါးဆီသို့ ထွက်လာသည့် အသံပိုင်ရှင် ကောင်လေးကို ထိုလူငယ်လေး လိုက်၍ရှာဖွေနေသည်။ မကြာမီပင် ကောင်လေးတစ်ယောက်ရောက်လာကာ ထိုလူငယ်လေးအား
ဟာဆရာပါလား ၊ဆရာခဏစောင့်ဦးနော်၊တံခါးဖွင့်ပေးမယ်ဟုဆိုကာ
ခြံတံခါးဖွင့်ပေးလိုက်သည်။
ဤသို့ ဆရာ ဆရာ ဟူ၍ ညီရှင်းခန့်၏ ပါးစပ်မှ မချသောသူကား မင်းဝသုဏ်ပင် ဖြစ်သည်။မင်းဝသုဏ်ကား သတင်းအချက်အလက်နှင့် နည်းပညာတက္ကသိုလ်မှကျောင်းသားတစ်ဦးပင်ဖြစ်သည်။ဆရာဟု ခေါ်သော်လည်း ညီရှင်းခန့်ထက် ၁နှစ်သာ ကြီးသည်။
ညီရှင်းခန့်မှာဆယ်တန်းကျောင်းသားတစ်ယောက်ဖြစ်၍ သူ၏ အမေက ဂိုက်ပြပေးရန် မင်းဝသုဏ်အား ငှားထားသည်။
ဒီနေ့ ဘာသင်မလဲဆိုတော့ ဘိုင်အို အခန်း ၁၀ရယ် သင်္ချာ အခန်း ၂ရယ်တွက်မယ်။
