ESFP

صداقة الـESFP

كح كح -تنفض الغبار عن الكتاب و فستانها الأحمر الذي ليسَ لهُ وجود اساساً -
اليوم حبيت اتكلم عن موضوع مهم فنان باختصار
امزح موضوع عادي بس ان شاءالله يعجبكم هو و طريقة السرد 🌚👈🏻👉🏻
.
.
.
لو عندك صديق ESFP بحياتك انت جدياً شخص محظوظ لي ابعد الحدود حاول تحافظ عليه
#ESFP
______
شوف كونك صديقه هذا ما يعطيك الاحقيه انك تفرض رأيك عليه لانه الشيء هذا ينرفزه بشكل غير طبيعي و عادي يكرهك بعد لو سويته اكثر من مره
#ESFP
______
كلمة "اكرهك"منه تعبير عن مدى عمق حبك بقلبه
فلما يقولك انه يكرهك يعني انت اعرف انك وصلت لي نقطه كبيره بقلبه لانه يشوف انه كلمة احبك فيها ابتذال فايعوضها بكلمة اكرهك عشان يعبر عن حبه بأريحيه و بدون مايحس نفسه غريب عن نفسه
#ESFP
_______

يقدر الصداقه بشكل كبير و فيك تكون مطمن انه مستحيل يغدرك او يخونك او يكذب عليك لانه ينبذ هالتصرفات
#ESFP
_______
لما تكون حزين هو حايحاول يتقاسم معاك حزنك و عادي ينقلب لمهرج بس عشان يسعدك و يخليك تضحك
#ESFP
_______
رغم إنك تشوفه تافه و واخد الحياه هيا بينا نمرح بس انت جرب قوله عن مشكلتك و راح تنبهر من حنكته و فلسفته العميقة راح يصدمك سنه لقدام من قوة كلامه العميق و تحسه شايب تخطى حاجز الستين
#ESFP
_________
هو عبارة عن شخص جميل لي ابعد حد لما تكون سعيد راح يفرح لك من كل قلبه ولما تكون حزين راح يحزن معك و عادي تلاقيه يبكي بس لانك حزين
#ESFP
________
تبي تنهي صداقتك بالـESFP؟
ماعليك إلا:
-أستهين بأشيائه المهمه و اللي يحبها
-انسى عيد ميلاده ولا تعبره
-تنتقده بشكل شخصي ولاذع
-تجرحه بكلامك و انت متقصد
-سب الفرقه اللي يحبها و انتقدها قدامه او الايدولز
-دائماً انتقده على اشياء هو يشوفها صح
-حسسه انه إنسان فاشل
-حاول تحسسه انك انت افضل منه
الحين مبروك عليك يابقره انتهت صداقتك بأجمل مخلوق على وجه الكره الارضيه :)
#ESFP
__________
بقولكم معلومه عنه هو يحب المحادثات اللي يكون محتواها سب و شتم و استخدام اسواء الألفاظ و عباره عن قصف جبهات متبادل أما جو قلبي و عمري و حبي و نبضي شي يجيب الغثيان و القرف و ودك تنهي المحادثات اللي الناس فيها تكون مجبور انك تتعامل معهم بهالاسلوب
#ESFP
_________
متى تعرف انه الـESFP صار يعتبرك كصديق:
-يحب يشتمك و يطير جبهتك باستمرار
-يعبرلك عن مشاعره بطريقه معوقه اشوي مثلاً يقولك
"انا اكرهك يع"
"تدري انك انتي اسواء شيء صار بحياتي"
"ياخي وش هالحظ الزباله اللي لمني عليك و خلاك تصيري صديقتي"
"انا وش كنت شاربه يوم صرنا اصدقاء"
قتلكم تعبيره عن حبه معوق بس صادق حتى تعبيره عن مدى امتنانه لك يكون بطريقه مختلفه
و هذا الشيء لا ايرادياً راح يجذبك اكثر تجاهه
-يحب يحكيلك عن اشياء صارت بيومه
-يتكلم معك بمواضيع تافهه و سطحيه بس عشان تستمر المحادتثه
-يطرح معك جميع المواضيع
-يقولك عن معتقداته و أفكاره الغريبه
-دائماً تلاقيه يعززلك رغم انك خرطي مرات
-يغني قدامك بصوته الخايس وهو مُنطرب
-يوريك مواهبه لمفلبه و مايستحي فيها قدامك
-يقولك مواقف تفشل صارتله قبل
#ESFP
_______
أبداً ماراح يجاملك بشيء انت تستشيره فيه راح يقولك الحقيقه بس بطريقه ماتجرحك "يعني خلوقه حبتين "مايحب يجامل لانه راح يحس نفسه يع و مو هو وكأنه منافق
ولو قالك انه الشيء حلو و عجبه هو فعلياً يعنيها
وما يسوق امها عليك🌞
#ESFP
________
تأكد انه سيكون الكتف الذي دايماً تستطيع الاستناد عليه في اشد ايامك بؤساً
#ESFP
_________
هو دايماً موجود عشان يسمعلك و يطلعك من اللي انت فيه
#ESFP
________
لما يكون هو اللي مضايق لا تسأله عن السبب لانه ماراح يقولك مهما كنت مهم له مايحب يشارك الناس حزنه يحب يحتفظ فيه لنفسه لانه متأكد انه يقدر يتجاوز حزنه بنفسه بدون مايزعج الناس معه و ماراح يقدرون يفهمونه اساساً
#ESFP
_______
تشوفه اجتماعي و يصادق كل من هب و ذب بس هذي المعلومه غلط شفت جميع الناس بأعدادهم الهائله بحياته؟ اختارهم بناء على حدسه انهم أشخاص جيدين فتلاحظ انه ماقد انخذل من الأصدقاء لانه اختياراته صح من البدايه ومو اي مخلوق بشري على وجه الكره الارضيه يعطيه مكانه بقلبه إلا لو لقاه كفو وانه يستحق هالمكانه
#ESFP
________
رغم انه مرح و شخصيته جذابه و يصادق الكل بس ماعنده صداقات حقيقيه
#ESFP
________
يقدر يكون صداقات بسهوله و بوقت قياسي في حالة كانت عندها نيه لخلق صداقات جديده
#ESFP
________
أصدقائه يشوفوه انه متعرف على نص الكره الارضيه بينما هو يشوف انه صداقاته محدوده :)
#ESFP
_________
هو من الناس اللي يحب الأفعال اكثر من الكلام فراح يبينلك مكانتك بقلبه بأفعاله مو بكلامه
#ESFP
_________
هم صادقين بطبعهم فلما يقولك نصيحه اعرف انها طالعه من قلبه و من عروقه و دمه
#ESFP
________
.
.
.
السلام عليكم
الفتاه الجميله ذات الأخلاق النبيله رجعت بعد مرور عصور و نسور ولكن عادة بسبب كومباك الصقور اوبسشن اللي خلا القلب في ذهول و شكلهم اللي خلا كافة نواحي القلب مفطور
المهم اطفالي الأعزاء وش تبون الموضوع اللي اتكلم عنه في البارت الجاي؟
عطوني افكار لانه مدري عن وش اكتب
و اخيراً ادعمو الكتاب لو شفتوه يستاهل ترا جدياً اتعب وانا اجلس احلل نفسي عشان اقدر اكتب🦁