سبع صبايه ❤🔞

الحلقه السابعه💔

#سبع_صبايه😍💔
للكاتبه Lames monje
الحلقه السابعه 7️⃣
.
.
.
😊
• د. يوسف :اهدي بس وارتاحي تمام نخش العمليه بس بشرط ...
• غرور :مش وقت شروط والله الي تبيه انا فيه غر لحق راهو بكريه بتموت
• د.يوسف :تخشي معاي العمليه ..
• غرور : ش ش شني 😳عمليه هدا مش قانوني راني طالبه و....
• د.يوسف :اخر سنه يعني عملي يعني مفروض سنه الجاي تخشي للعمليات هيا ولا انتي تبي مرت خوك تموت
• غرور ستجمعت قوتي :اوكي معاك هي ومشيت معاه نجري رن تلفون...مش وقته ...سكرته وخشيت للعمليات
واول مرة نشوف بني ادم ينفتح بالمشرط ومني مرت خوي يا لا حظِ العاثر 🤦🏻‍♀️ وانا والله من الرعبه قريب بنطيح بس نحاول نتماسك نمسح في دم نشد في طوبو الشفط ودخلت معاه المشبك لهني كويس لين شفت راس البيبي وبدا يقولي اجبدي المشبك 😥😳
شن يقول شن يخرف تي كان نفترش بديت نقوله لالا اجبده انت
وبدا ضغطها ينزل ويوسف بصوت رجولي وجدي ..
يوسف بصوت عالي : غرووور 😡اجبدي المشبك مرت خوك وبنتها بيموتو
غرور بصدمه🥺😳😭 وكان عطاني كف🖐🏻 فيقني
• غرور: حاظر حاظر يارب ..
وبلا وعي وبخوف مفرط بديت نجبد فيه يمين يسار لين قمته بين ايديه وجت الممرضه حطاته في المنشفه وهوا قطع الحبل وكملت معاه العمليه وقمت عيوني لقيته يشبحلي ابتسمت 😊
• غرور : شكرا دكتور لولاك لكانت ماتت ...
• د.يوسف :وشكرا حتي ليك لولاك راهو ما دخلت العمليه شكرا لمساعدتك يادكتورة..😍
أنا دبت ياربي شن هانضرات ستأذنت وجيت بنطلع شبحت لروحي واني كلني دم ونرعش وقفت شوي وجيت بنطلع نسمع صوت عياط بيبي 😍🤦🏻‍♀️ قلبي دق
رجعت ولقيتهم ينظفو فيها ياربي محلاها كملو قالولي خالي نطلعوها لبوها
• الممرضه :خالي نطلعها ينبشر بوها
• غرور :جيبيها اهو نطلعها اني الي برا خوي
شبحت لبيبي 👶🏼وبديت نحكي معاها نعم ياروح عمتو أنتي يا اول فرحتي ياشجاعتي 😍اليوم جبرتي عمتو انها تنقدك انتي والماما 😍🥺
وهي بين ادية تتاوب ياربي محلاها 👶🏼😍
طلعت من الباب ل خوي 😳
حفيظ :غ غ غرور شن دخلك ال داخل 😧ومممن ..
غرور : ايه ايه بنتك ياخوي الف مبروك تتربه في عزك ودلالك 🥰😍
لأول مرة نشوف دمعة خوي لا فهمتها فرحة لا شتياق ...تعرفو علاش لانه كان محروم من هانعمه من 3سنين 🤦🏻‍♀️💔الله يطعم كل مشتاق المهم ...
شوي ونا نحكي معا خوي جيت بنمدلله البنت
حفيظ بخوف : لالالالا😰 نخاف طيح مني وهي هكي كبرها لالا تزلق مني و ....
غرور :اششش وحطيتها بين ايديه وهو سكت وبدا يرعش مع بعض خايف طيح منه هههههه 😂🤣
شن شعور يابابا 😂😍
حفيظ بخوف : اسسسس البنت ماتت اشبحيها خيرها .... سكتت شوي فلقتها ضحكه ههههههه البنت رقدة يابوها هات هات بنحطها في الحضانه لين تنوض امها وانا جيت بناخدها رن تلفوني وكانت سمأ المتصله 😰📲
وأنا مسميتها سمأ المصايب لان ماتتصل كان في المصايب هههههه
• غرور : حفيظ سلم خوي خودها انت اهو في نهاية الممر هدا ع الايسار تلقا ممرضه اسمها فتحية تاخدها منك
• حفيظ : لالالا فكيني ...
• غرور :بالله عليك
• حفيظ : ماشي ياغرور تو نفضالك ..
ومشى وانا قمت التلفون ورديت .
.
.
.