سبع صبايه ❤🔞

الحلقه السابعه عشر 1️⃣7️⃣❤

#سبع_صبايه ❤
Lames monje
الحلقه السابعه عشر 1️⃣7️⃣
والجزاء الثالث والاخير ...
.
.
.
.

#مر اليوم وجاء ثاني يوم ...
وكيف ما تفقو مشو للمطعم وكانو كل حد بسيارته ماعد رانيم وعهود في نفس السيارة ...
واتفقو ان الي يقروه في الورقه مايحكوش عليه حتي بيناتهم ... يوتو روحهم بس ..
وفعلى كل مرة يخش حد بنت ولد بنت ولد لين جاء دور ياسين خش قراها وولع في الورقة وطلع..وكل حد مشى لحوشه ..
شباب قالو ل اهلهم بنمشو زردا
والبنات خبرو انهم حايمشو ل زاوية عندهم عرس صاحبتهم وفعلا خطمت عليهم ...
وتفقو ان شباب بيسوقو ..وقسمو روحهم ...
غرور وريان وسما مع يوسف وليث ... في الاول
وسيارة يقين ورنيم مع عماد وصقر .. ثاني
أسماء وعهود مع ياسين وجبار... اخر وحدة تكون
وجهزو نفسهم وخدو معاهم هلبا موضيع ومشو وراء بعض للجبل وبالاخص ل غريان ❤وطبعا الطريق كلها كل حد عقله في مكان ...لان الموضوع مخيف ... وبداء الجد ...

وطلعو في اليل لان موعدهم قبل صلاة الجمعه لازم يكون عندها ...طلعو الفجر ..
وهما في طريق وليث وريان كل مرة يديرو لقطة ويضحكو لحظو ان سيارة صقر وعماد مش وراهم ...😳😨
• يوسف : وقف وقف ع الايمين خلي نشوفو الشباب .. نزل ..ليث افتح افتح الفلتشات الاربعه مرات يخطمو وما يشوفناش ..
• ريان : خلي نديرولهم تلفون ...
• غرور : ليبيانا ماهناش تغطية يوسف ترا شوف هاتفك انت مدار ..
• يوسف : اهاه لحظة ..لالا حتي اني هربت ..
• ليث : كيف توا والمشكلة معاهم بنات ياراجل ان شاءالله ما يكونو خشو غلط و ...
• سمأ : بالله عليك ماتقولها ونزلت من سيارة ..
• يوسف بصوت عالي : سمأاااا ارجعي لي سيارة ...
• سمأ واضح عليها الانهيار وبصوت باكي : مش حانرجعععععع خوتي ضايعين ومانعرف عليهم شيء وانت تقولي ارجعي لا مش حانرجع وبدت تجري..🏃‍♀️ ...لحقها ليث ..
• ليث : ياسمأ رانا في جهة مقطوعه ارجعي ...
• سمأ: كان نموت خلي نموت بس صحابتي لا ..
شدها ليث ..انكلم فيك انا...
• سمأ: بالله عليك سيبني ماعندي غيرهم يرحم والديك سيبني كان تبو تمشو برو أنا يا مع صحابتي يالموت ..وانهارت
• ليث: يعني تحسبيني بنسلم فيهم خوتي ونسوينهم صلي على النبي جينا مع بعض ووعد بإذن الله نوصلو ونروحو مع بعض ..
• سمأ بصوت يبكي ومنهار : احلف والله لو ماترجعلهم نرمي روحي من ها جبل وخلي بعدها تنحرق .. ومازال ماكملت كلمتها ...خطمت سيارة ....
• يوسف : بدا يضبح عماااااااد وقف وقف ..وفعلا وقفت ...
• عماد : خيركم واقفين ...
• يوسف انتم كنتم مش وراء وستغربنا هذا نستنو فيكم ...وين السيارة الثالثه ..
• عماد : هي هي توا يلحقونا ...خلونا حني الاولين وانتم الحقونا ..
• يوسف حس فيه حاجه غلط بس : تمام يابرو ..
جاء عماد بيركب في سيارة بس يوسف ركز ان رجلين عماد عكس وقفته يعني عطيني بظهره ورجليه وكانه واقف صح 😨...
• يوسف : عماااد ..
• عماد : نعم ..
• يوسف بصوت عالي : اعود بالله من شيطان الرجيم
 إِنَّ عِبَادِي لَيْسَ لَكَ عَلَيْهِمْ سُلْطَانٌ وَكَفَى بِرَبِّكَ وَكِيلاً...
.....
وجعلنا من بين ايديهم سدى ومن خلفهم سدا فأغشينهم فهم لا يبصرون ..
.....
لف عماد وبدا يطول ورجليه تطول ويديه يطلعو منه ضوافر غريبا وشعره يوقف ويطلع منه صوت كانه خرخرا ...بديت نرجع ال تالي ونعلي في كلمه كفى بالله وكيلا ...الله لا اله الا هو الحي القيوم....
وفجاة جت زاي زوبعه رملية وكانها رمشت عين اختفت السيارة والي فيها وعماد ...او الاصح شبيهه ..
وانا جيت بنركب سيارة ..
• ليث : اهم جو ها الكلاب ...
• يوسف : كلاب وسكتت ..توا يجو ونوريهم ...
• غرور بصوت دلع : خلاص فوتهم بالله عليك
• ريان : معاك ع فكرة في سيارة اشحطي روحك ولا نصفق بشبشبي ع وجهك ...
• غرور : حبيبي وشن فيها ..
• يوسف يبي يجاكر ريان بدا يبعثلها في بوسات في الهواء لغرور ...وهي دير روحها تلقاء فيهم ..
• ريان : بالله اشبحي الاهبل هذا شن ايدير تعرفو مفروض دكاتر الامراض نفسية لان انسب مكان ليك وليه خزيه مهبيل ....😠😠😏🤦🏻‍♀️
• غرور : حسد ياكبدي 😂😂
• يوسف : ما دوريهاش حبي ههههه
• ريان فتحت الباب : حاول من عليا حبك برص وعشرة خرص انت وياها ..
• ريان : ليث ياخرا انت وشلال الي معاك تعالو جاي ...
• ليث : اسلوبك يا ريان ولا نجي ونسفك التراب الي تحتك ..😏😁
• ريان زعلت : 😩😠
• ورجعو لسيارة ..واشرلهم يوسف كملو ماتقفوش اهو بنكونو وراكم ...
• وكملو طريقهم شوي الاذان بدا يأذن هم وصلو لغريان❤😍
• غرور : اه محلاها ❤خلي نشوف مليا ان شاءالله تكون تغطية ولت ...اه ولت ..كلمت عادل .فهمته..
خالي نحكيلكم ع عدولة الغالي ..
《عادل /او ملوما الليبي نسخه منه عمره 30عام بس عكس هذاك الصايع هذا انسان خلوق وما يحب الاختلاط مع جنسنا نهائية بس الغريب انه يحبني ويساير فيا ..موصفاته عضلات وشخصية ولحيه خفيفه 🤪..》 طبعا امي فاهمته ع كل شيء وقالته ع قصة في البدية دار قصة وبعدين ارضا دون اقتنع يعني جبرناه ههههه المهم استقبلنا نزلو الشباب للمسجد بيصلو والبنات نزلو عندنا في الحوش نرتاحو شوي ... سمأ عندها حساسية من زيتون 😅 من اول ما مشت وهي تعطس قررت تطلع وتبات في سيارة لان الحوش مزروع فيه شجر الزيتون ولو بتقعد اكيد بتموت ..وهي جاية بتطلع من الباب بوووف 🙄🤦🏻‍♀️
انخبطت في صدر عادل 😍
• عادل : على وين العزم انشاءالله ...
• سمأ: وانت شن علاقتك ...
• عادل : نعطيك كف نرجعك الداخل ارجعي قولت انا...
• سمأ: بالله حول من قدامي اااااااتشيه 💦😁 جت العطس عليه هههههههههههههههههه ..قوتلك حاول ..
• عادل : خزيه قداشك مقرفه 😠 ومافيش طلعو باقي...
• سمأ مالقتش حل انها تستعمل جمالها
• سمأ بدلع : بليز والله مريضه وعندي حساسية من زيتون لو حانقعد حانموت ..وهي شكلها انفها احمر وخدودها نفس النظام وريحتها 212 ❤ وشفايفها بيقطرو من دم وهي تقلب فيهم جو انا زحلانه هههه عرفتوه هههه ...وهو وين تلقوه ..
• عادل وهوا دايب : اهو حوشي فوق خودي دبشك وارقدي فوق ..الرواشن vps مش حايدخلولك الريحه ..
• سمأ: انت تقول هكي ..باه تمام .
• عادل : وين دبشك ..اهوا لقاء شنطة الصغيرة ..هادي
• سما: ايه🥺🤭 ..
• عادل : هاتي نقمهالك ..شافتهم غرور مابتش تحشم خوها وهوا كيوت هكي هههههههههههههه والواضح انه طيحاته بدون قصد ههههه
• سمأ: وصلت فم الشقه عطاها المفتاح ..لالا افتح انت نخاف نكسره تبدا تكسخ عليا زاي مبكري ..
• عادل فتحلها الباب : تفضلي خودي راحتك وجت بتخش ..سمأ ..
• تلفتت سمأ : نعم ...
• عادل : أسف ع لقطة مبكري بس مانحبش نسوين حوشي يشوفهم حدا اعدريني ...
اخ ع رجوله ❤🥰🥰
• سمأ في خاطرها هذا الي حتي لو عطاني كف عسل ع قلبي وه عليك كيف مداير ...
• سمأ: صحيت هلبا ولا يهمك عادي ...وجاء بيمشي وقفاته.. عادل..
• عادل رجع خطوتين ال تالي : نعم ..
• سمأ : فيه حد قالك قبل انغ تشبه ل مالوما ❤
• عادل : قام شبشب بيرميه عليها هههههه غر هيا سكرت الباب طول ...وقبل ما يمشي هز راسه وضحك ..ومشى ...
• مرت ثلاث ساعات ...
نوضتهم خ سعدية ...هيا يا بنات وقت ..عادل برا ل شباب وجيبهم لحوش خالتك ..سمراء. .
وفعلا مشينا خلي نوصفلكم الحوش بروحه رعب...
الحوش كان فووووق عالي وكله مغطى بالعشب والفطريات وفم الباب غارق زاي حياش زمان الباب خشب طايب من ايام الطليان وممكن اكثر ...
المهم واحني واقفين نتاملو في الحوش سمعنا صوت انخلقنا منه ...
• مزروق : لمن جاين هني ..
راجل طوييييل وجلبيته ابيض في ابيض لونه تقول رصاصي مغبر ههههههه وحق ربي بس .
• خ سعدية : جاين ل الحاجه سمراء لان ....
• مزروق : عندي علم ..نقعو رجليكم في هديك المية ..وخشو حفاية ..
• سمأ : ياع و...سكرلها فمها عادل ..وشوش في ودنها
• عادل : مش كان تشدي لسانك شوية احسن ...
• سمأ : هزت راسها بمعنى باه ...
وبدينا نخشو الحوش كانه قبو ...ولقينا زاي مخاد ع عددنا مقصودة او لا مش معروف المهم ...
طلقنا السلام ...ردت علينا وعليكم السلام
• سمراء : عهود وياسين تعالو جهة الايمين ..
شفنا في بعض عهود وياسين: حاظر ...
• سمراء : عادل سعدية ارجعو خمسة خطوات ل تالي ...
• والباقي قعمزو ع المخاد الي قدامكم وربعو 🧘‍♂️🧘‍♀️
وبداء الخوف يدخل فينا وخاصه لما عيطت ...
سمراء : مزرووووووووق سكر الباب فيسع بيخشو ..ورمي ع باب مية وملح ...
وبدينا نرعشو ...
• عهود : شن فيه ...
• سمراء سكرت عيونها : كله منننننننك اششششش.
• عهود : علاش شني الي درته الي مني ...
• سمراء : قوتلك اسكتي ..ومدت يدها وضربتها كف ...
• عهود قلبت عيونها وبدت تعيط وبدت توقف وحدة وحدة وبدت طير ...وبصوت مرعب قريب لصوت راجل ...لازم ناخدهم مع بعض المجموع لازم يكتمل ...
• سمراء : قوتلك ابعدي عليها ..اطلعي من بينهم هما مش ليك..
• عهود : سيدهم مات وهما ع موت حار بار وبيناتهم الاروح تنهار ...
• سمراء : ياسين ساعد سعديك طلع الي فيك انت مش منهم وهيا مش ليك .....
• ياسين عيططط لين المكان نهز ...الدم دمها ودمهم عليا غالي وصاحبي فيهم يتلالي ...حار بار ناخدهم ولا نادي سيدهم ....بااااااارندوق ..
وفجاء نهزة وكانها الدنيا بتنهار وجبل بيطيح ..
• سمراء : فهموني راني مافمهمت ليكم البنت ولا الولد ...
• بارندوق : طاح في عتبا فيها وقفنا ونسندنا دم زمان دهب ينصب ملعون مع من تنصب تابع ليها ينحط ....
• سمراء يوسف ليث نوضوع اربطو عهود ...جبار صقر اربطو ياسين وردو بالكم ..
• ربطوهم ...سمراء ...سكرو عيونكم حاتنفتح العين وحاتشوف الي كان سبب ...
• بارندوق : سكرو العيون وافتحو الثالثة والي يفتح قبل ينحبس معاهم ...
• سمراء : سكرو وردو بالكم تفتحو حني لو سمعتو حاجه ماتتحركوش ...
• سكرو عيونهم ...زمان فيه الميتم مربية تسحر بس دمها من الدم الدهبي الي يحبه الجن والي يختلط معاها وتاخد دمه ينعكس ويبعدو عليها هي ..يعني لما ينظاف الدم دهبي لدم العادي يبدا الدم كله دهبي ودم هذا معروف يستعملو فيه للملك تملك الجن ويبدو ينفدو في اوامرك بس ما يخلولك حد اي حد يقتلوه اي حد يقترب منك يموت وتلحقه اللعنه ...
• والي صار ان ياسين ما خداش من دم عهود بس مسه و هي دمها دهبي وصارو الاثنين ملعونين ومطاردين....
• بس الي صار اقوى من هكي فيه ملك الجن يكره في اصحاب الدم الذهبي ولان صارو اثنين دمهم دهبي وخاف ع ملكه يختفي لان كل ما كثر دم الدهبي ضجت الجن وعاصت اومره ..فبدا يبعثلكم في الجن الناري والجن الدموي ...يتخلصو منكم ...
• بارندوق وشوش في ودن السمراء..
• السمراء افتحو عيونكم .. الكل فتح عيونهم ..
• لازم دم عهود و ياسين يسيل ...ويصفى في نار والا ...حاتموت الليلة كلكم ...
• يوسف : بس كيف يسيل ..يعني يقطعو . .
• السمراء : بضبط ...
• يوسف : هكي ها يموتو ...
• السمراء مش حايموتو بس حايسيل الدم لين تولي نار زرقا ...وبعدها تبتعد اللعنه ... بس المشكله انهم حايحاولو يمنعونا ...لانهم توا عندهم حراس عهود وياسين ...
• جبار : حا نحاولو وانشاءالله مايصير كان الخير ..
وفعلا شعلت النار وقربو جبار وصقر ومدولهم ايدين عهود وياسين ...وسمراء قطعت ....وبداء الدم يصب وبدات الدنيا كلها تتحرك وتهتز ونقامت السمراء ونرمت ع حيط وعهود بدات دف ف جبار وجبار يحاول يثبت دفه ويرجع ياسين يعيط كل مرة بصوت .....
السمراء من قوة الضربه داخت ...وبدا الدم يصب وكان دبحنا دبيحا ونار ماقالت تتغير ...وفجاة نقامت غرور والواضح مخنوقة وطلع نفس الراجل الي طلعلهم في الاستراحه ...سبع صبايا في قصبايا ندودر ندور ونقتلهم ...سمأ بدت تقرأ في القرأن نقامت حتي هي ونرمت ع حيط وكانها ورقه وطارت ...
• 😨 ليث :لا اله الا الله محمد رسول الله
• غرور بدت نتخنق خلاص ...راجل سيبهم ولا بنموتهم...
• سمراء : ايه ياسين يا غرور ..
• غرور : وجعلنا من بين .....ايديهم...ونفس بداء يمشي بس تحاول ..وجعلنا من بين ايديهم سدا ومن خلفهم سدا فاغشينهم فهم لا يبصرون ...وطاحت . ..
• يوسف : بدا يعيط لان عهود رتخت وخلاص
• جبار : ياسين بالله عليك ماتسيبنا شد معاتش هلبا...
شوي وبدت تخف الهزات والنار تغيرت 😨😳
ريان اغمى عليها من قوة الضربه ..وغرور داخت ..
قام يوسف : ياسين لقاه النبض ضعيف وحالته تعتبر خطير ونفس النظام عهود ...قام صقر وجبار ياسين ويوسف قام عهود وطلعو كلهم جري ل سيارات ..ما عدا ..
سمأ وعادل وأسماء وخ سعدية...
سمراء : ما تقولوش شي لا ليا ولا لحد ع شفتوه هما نصرفو ومش حا يقربولكم تاني بس هما ديما حاولين وهما قبايل وقوم وفيهم المسلمين وفيهم الكافرة والي مايخافو ربي بس ...ديما خلوها في بالكم
( الا بذكر الله تطمئن القلوب )...
وماتاخدوهم هزوء لانهم يسمعو فيكم حصنو انفسكم ..ووصيتي اكثرو دكر الله في بويوتكم سرا وجهرا...
.
.
.
انقدوهم ياسين وعهود في اللحظة الاخيرة ..

#تسريع في الاحداث ..
بفضل الله ومن ثم المرأة انقدوهم ..
واول ما نزلو ل طربلس .. عماد خطب رانيم من العم خليفة ولان بوه متوفي مشى له بروحه وقرر ان يكون الدفع وقراية فاتحة مع ياسين وصقر ❤
وفعلا مر الوقت وجاء الخميس ..وقرو الفاتحه الثلاثي ...وقرور العرس بيديروه جماعي ..بس مش هم بس لا
غرور ❤ يوسف
سمأ ❤ وعادل
جبار ❤وأسماء
يقين ❤صقر
ياسين ❤عهود
عماد ❤رانيم ..
ريان❤ليث...
قرور العرس الشباب في الاستراحه والبنات في الصاله يوم واحد ...سبع صبايه في ليله وحده❤
....
#بعد مرور سنتين ..
في الاستراحه ..
• غرور : سمأ و راس امك وجيبلي الشبشب ل ها الكلب ولد الكلب ..
• يوسف : هوا كلب ويتستاهل واني شن دنبي
• غرور :يقيم في تراب ويحط ع راسه هالهبل ...ههههههههههههه والله ماتزعل ..
• ريان : ياخرا تعلى جاي تو نوريك...هاك ...
• عهود : من ضرب ولدي ...😠🤦🏻‍♀️
• ريان : أني ..😁
• عهود : علاش ....
• ريان : دفل عليا المسخ القليل الادب ..
• عهود : زيدي اغلطي اهو نجيك نوريك ضرب الصغار كيف ..
• ريان : لا بالله عليك والله الي في بطني بيطيح ..
• غرور بحداها يوسف ولدها يلعب جنباها ..اه
• يوسف : خيرك ..تضرب فيا ها اللفعه ..حط يده ع بطنها..
• يوسف : بنتي حبيبتي شوي شوي ع حبي عاد..
• غرور : اه رفستني تاني اسكت نغرت هي ...باسني ..عيب صحابك ...
• يوسف : اشبحي هذاك الصايع الي مايدور حد ...
• غرور : وين ...
• يوسف : وراك....
........
سمأ : ايه نسيت نكلم رانيم قالتلي امتى تتلاقو كلموني ..
عادل : خودي هاك وكلميها ..

......
صقر واقف هوا يقين وطايح فيها بوس جنب الحوض ..
خالي نكلكم اخر التطورات...
تزوجنا كلنا وقعدة غر لميس المهم ..
لميس😏😠
• غرور حامل في السابع وعندها ولو ...وعايشين احلى قصة حب ..
• رانيم وعماد مأجلين الفكرة وقاعدين في اليونان حاليا
• سمأ: حامل في الرابع ..عندها بنت ..
• صقر ويقين يقين حامل وقالولها تؤام بنات وصقر بيهبل عليها ....
• ياسين وعهود جابت ولد وبعدها بنت ومقررين يفتحو فريق بصغار 😁🤦🏻‍♀️❤
• ريان وليث عندهم وليد وحاليا مايبوش هذا وبيهبلهم..
• أسماء وجبار جابو تؤام ولد وبنت ..واحد رامي والبنت راما...
......
توتا توتا خلصت الحدوث حلوة ولا ملثوتات والي يقول بايخة ان شاءالله تطلعلو غولة ههههههههههههه 😁😂😂
نبصررررر ان شاءالله تكون عجبتكم ..ويكون مروري خفيف عليكم وسرد عاجبكم ❤