#سبع صبايه🔞❤
الحلقه الثانيه ❤🤤
للكاتبه :lames monje ✍🏻
.
.
.
شرين تلفون 📲 غرور
غرور : وينك يافرخة
الولد : ايو من معايه
غرور وقفت بستغراب وغضب :من معاي انت هدا تلفون اختي 🙄🤨
الولد : تي استهدي بالله يا وخيتي قبل
غرور: لخص شن فيه خيرها أسماء
الولد : اختك معاي وتوا في طريقي بناخدها للمستشفى
غرورو بصدمه وبصوت عالي 🤦🏻♀️😢
البنات بدو ينخصو فيها :مستشفى شني خيرها أسماء 🥺
غرور : صارلها حاجه فيها حاجة سلم خوي تكلم
الولد : لالا ما صرلها شيء بس خشت فيا وشكلها ضربة راسها في ستيرسو سيارة (دومان ) وداخت من الخوف
غرور ارتاحت شوي : باهي قولي اسم المستشفى
الولد :المستشفى اسمها ....... توا شوي وتلقوني غادي
غرور :تم يا خوي شوي وتلقاني قدامك ...وسكرت
البنات هيا نوضو زوز معاي وزوز مع ريان نمشو للمستشفي ...... اسماء بياخدها ويحطها تم
ريان وهي تبكي : والله مافيا جهد نسوق
عهود خدت منها المفتاح :هاتي اني نسوق
البنات هي ....
ركبو ومشو للمستشفى وخشو مع بعض لرسبشن وسالت غرور :معليش اختي فيه وحدة جت لطواري اسمها (أسماء )
البنت :ايه ايه اهو معاها دكتور وهوا الي جابها
يوسف : اهلين اختي مد يده بسلم ع غرور
غرور 😨😍مصدوم هدا الي ضربها ياريتني انا الي درت الحادث المهم فطنت لي راجل مد يده سلمت
غرور عقدة حواجبها🤨 : اهلين انت الي ضربت اختي
يوسف متنح في جمالها وطريقة كلامها الي قريب بتضربه كف :ايه بس والله هي الي غالطه اني مدرس وهي خشت فيا بس حصل خير 😂😊 وماتخفيش ما صارلها شيء بس من خوف داخت وتوا حطيتها في غرفة المراقبة وانا حا نشرف عليها شخصيه
غرور :وعلاش انت دكتور 🤨😏
يوسف :لا جزار وضحك 😂...مش واضح من البالطو
غرور : حسيت دمك خفيف... لا بس مانتبهتش
عهود :احم احم نحن هنا
غرور :والله نسيتكم ...ورجعت لفت ليوسف وين قولت دارها
يوسف :تفضلو معاي توا ناخدكم
المهم خداهم ل دارها ولقو أسماء كيف نايضا تساوي في حجابها 😊 وخشو البنات يتباكو
ريان :سلامتك ياعمري بليز معاتش تعاوديها
غرور :ضربتها ع راسها ...تحسبيها دارتها بلعاني تي حاولي خالي نشوف الحب سلامتك يا انتيمتي 😍
أسماء :الله يسلمكم كلكم سامحوني رعشتكم
عهود :الحق ما قاهرني كان الافوكا الي خليتها كيف ما هيا وباب روتي السخون 😢 بتعوضيني ماعنديش علاقه
انفلقو البنات ضحك 😂😂😂
اسماء: نطلع وعليا اني العشاء ليلة اصلا عندي خبر بتهبلو عليه 😍😂اصلا هوا سبب الحادث
بس فيه ناس من بكري سارحه ولا كانها معانا
البنات تلفتو كلهم ل غرور
غرور تفكر 💭
خيره نظاراته هكي ياربي ع ها الحلوه بس وقح وربي بس لابق وشخصيه اووووف خيرني نفكر فيه ...شوي وفطنت لروحها ان حد يهز فيها 😑
..
يقين : خيرك حبيبتي وين مشيتي
غرور :لالا شيء سلامتك ياقلب بس..(هي كانت حاتقوللهم بس قطعتها يقين )..
يقين :ياعمري ماتخفيش ما صرلها شيء اهي جنبنا وامورها طيبه 💋😍
غرور سرحت تاني 🥺 لين قرصتها سمأ :ءءء اح ايه ايه الحمدالله وشدت مكان القرصه وتلفتت لسمأ
غرور :وجعتيني والله خيرك 🤨😑
سمأ 😏 بخبث :خيرني صار لما نطلعو تو نفاضالك ..غر ستني عليا بس
غرور (عرفتها انها زابطه لان سمأ معروفا انها خبيث التفكير 🤦🏻♀️) : هيا حبيبتي سوما نمشي نوقع ع الخروج ونخلص ونجيك 😊
يقين عرفتها بتهرب : تمام حبها ردي بالك ع روحك كان معندكش فلوس اهو عندي
ريان : لالا من اول ماخشينا خلصتهم لانهم في رسبشن امتى كانت غرور تكلم في دكتور وقفتني الموضفه قالتلي من بيخلص مشيت خلصتها المهم فوتوه الموضوع..
غرور🤨: وخيرك ما قولتِ ..
ريان :حتي اني اختي نينا 🥺 وبعدين مافيش فرق بينتنا كلنا واحد 🤤
غرور :تمام خلي نمشي نكمل وراقها متع الخروج و...
ع خشت دكتور (يوسف )😍
يوسف :وين ماشيا يا مشاكسه ..
غرور وهي رافعه حاجبها🤨: اني مش مشاكسة .. في خاطرها اللهم مطولك ياروح 🤦🏻♀️
يوسف بتسم وتجاهل غرور : كيف توا يا يقين وشاف الورقه الي ع سريرها ...اوووو تحليلك عال وضغطك تمام معنها فيها خروج اليوم
يقين :شكرا دكتور وسامحني تعبتك وتصليح سيارتك عليا 😔
يوسف :عيب اولا هادي خدمتي تانية سيارة مانضرتش هلبا بسيط وانا ما نقبل في العوض كان تعزموني ع قهوة مانقول لا 😊😂
يقين (ارتبكت ) وشافت لغرور لان حستها بتتفجر في وجهها : ح ح حاظر عادي واحلا قهوة
تلفت وغمز يوسف ل غرور : تمام هي يا ءءء عفوا اسمك
غرور 😑: الي هوا مش لازم ال اسم خيرني
يوسف شاد ضحكته وعرف ان يستفز فيها : هي امشي معاي نديرولها خروج وتوقعي عليه 😊
غرور :هي
وطلعو مع بعض وهي مركزة ان يمشو جنب بعض وهي ماتبيش بدت تسرع لين تلخبطة في خطواتها وجت بوووف بطيح شدها 🤤❤
عيونهم في بعض وانفاسهم تلخبطت وقعدو شوي وهو سارح في عيونها الي مرسومات رسم وفيهم لمعه غريبة وقلبه قريب يطلع ...طبعا كان معها شنطة
طاحت شنطتها وحاجاتها تشرتعو
فطنت غرور ل روحها لان حست انها سخنت هههه وشبحو الزوز في الشنطة وطبسو مع بعض وبف صار نطح كباش 🤤😂😂تخبطو روسهم في بعض
• غرور :اااااي احيه وبدو دموعها ينزلو ..خيرك ماتشوفش 😢💔🤨
كان بيرد عليها بس لما شاف دموعها ستك قرب منها
• يوسف :اسف والله ماهو قصدي ومد يده بيمسح دموعها
شدت يده غرور ومن تحت سنونها وبعين قوية مليانه دموع
• غرور :ايدك هادي مرة تانيه تنمد عليا نقط...وهي كيف بتكمل كلامها طبس عليها وباسها 😨
• يوسف بهمس :سامحيني والله ماهو قصدي بس الحركه عفاوية
غرور قامت يدها وخرت وقدمت وبف 🤷♀️كف ثلاثي الابعاد 👋
لحظة صامت ع روح الشهداء 😂😎..
• غرور : حقير وما تتحشم وقح ولا كلمه توا ديرلي خروج انتلف قدامي وتزيد كلمه تانية وربي التيكندو الي تلعلمته نطلعه عليك ..وسخ
• يوسف حس ان غلط:طبس راسه اسف ..بس
• غرور :معاتش نحب نسمع حسك عطيني الورقة وفوتني ..
• يوسف :باه ومشى وهي قعدت تلمد في حاجاتها ولحقاته وستناته قدام رسبشن
#نمشو ل يقين ❤
يقين :حسيت غرور فيها حاجة
ريان :اكيد من ...وقطعت عليها سمأ لان عرفتها ريان زابطه وبتحكي
سمأ :اكيد خافت عليك لانكم خوت وصاحبات❤
شافو ل بعض سما فنصت فيها زاي اسكتي مش وقته
#المهم تسريع في الاحداث ❤
جت غرور والواضح ملامحها مش طبيعية مخطوف لونها ومعصبه وطلعو من المستشفى ومشو ل شقه عهود ورانيم وسمأ ❤
خالي نحكلكم
#نرجعو شوي للماضي قبل سنتين 🌟
عهود : رانيم هياااا
رانيم :اصبري نرادع رسمت عيني
عهود : هدا علاش نوض فيك بكري لان تعطلي تي الموعد مع الشركه 9 توا 8:45 والله مش حانلحقو وياخدوه ناس تانية والمشكله .....
رانيم :خلاص اسكتي مش خديتي الرقم من سمسم اكيد تعرف مكانها
عهود : سمسم !! اهاه قصدك سما ايه اصلا هي الي قالتلي راهو يدورو في موضفات يوم الي بناخدو شهادتنا
عهود : سمسم !! اهاه قصدك سما ايه اصلا هي الي قالتلي راهو يدورو في موضفات يوم الي بناخدو شهادتنا
رانيم :باهي شن تستني رني عليها واعرفي مكانها
عهود :تم تم
خدت الرقم عهود 📲 ورنت عليها
سمأ: الو ..
عهود :سما ال... معاي ولا
سمأ: خيرك دودو سلامتك ما تقوليلش مش مسجله رقمي والله ما تتحشمي
عهود :هههههه خيرك هابيتي فيا مسجل مسجل بس قولت نتاكد 😂😂😁
سماأ: اهاه ايه ملا معاك سما مش وراكم موعد اليوم وينكم
عهود : ايه هدا اتصلت نقولك وين مكان شركه
سما : اهو نبعثهالك في مسج تعالو في تاكسي وعطوه نعتا توا يوريكم انتم بس قولله
(شركة رونق للتجارى والعمارى)🏢
المهم ..
طلعو ومشو لشركه وكلمو سما قالتلهم
سمأ:وصلتو... اركبو طول في الاسنسير ل دور السابع هدا وين مكتبي ومكتب المدير
عهود :ااااسنسير خطيها راحيل هههه مش حانركب انتي تعرفيني عندي فوبيا من الاماكن المغلقه كان يوقف بينا ياسلم الدرج ومن داؤهم رانيم تركبي معاي درج ولا اسنسير
رانيم :لا حبيلتي رجليا قاعدة نبيهم ومانبي المكياج يسيح من العرق وجري في درج 😂😂 باي
عهود شافت الدرج 😟🤕😦: توكلنا على الله
وصلت رانيم بس الموعد الاول ل عهود فا لازم تخشي هي وهي تاخرت وال مدير موعيده زاي السيف 😆
وصلت طاحت ع طول ع الكرسي الي في مكتب سما
سمأ:ال...
عهود :تكلمونيش نرتاح ونمشيله همي الحرف من بدايتها هكي لا واضح بداية طيبه 🥵🤢
خدت نفس ودخلت خبطت ودخلت طول
عهود :سلام عليكم استاد ...
ياسين من غير ما يقيم راسه قاعد لاهي في الملف الي قدامه
• ياسين😠: من اول يوم تاخير وشاف ل ساعة 20دقيقه لا واضح منضبطا
• عهود :لا بس ..
• ياسين :لا وبعدين من سمحلك تدخلي طول ..
عهود انحرجت بس كان خاطرها تضربه كف بس دكرت ان محتاج الشغل وبدت تسكر في عيونها وتتعود من شيطان 😆😂 لان اصلا من لقطه واضح مغرور ولو حس بانه ستفزها حا يزيد يحتقرها وهي موتها وجنونها تسكت ع حاجه غلط 😂🥵
خالي نوصفلكم ياسين
(ياسين شاب أسمر زاي عهود بس دكان شوي ملامحه جدية جدا العمر #30 س ما يحبش الفوضى ويعتبر ان الشغل شيء كبير ومقدس طويل وشخصيته جدا جدابه حالته الماديه كانت عاديه بس تعرف ع شخص ومن خلاله قررو يشتغلو مع بعض واحدة واحدة دارو كل واحد شركه مسميات وكبيرات بس وشخص هدا صاحبه مع الوقت توا تعرفوه 🤤❤)
تراجعت وفتحت الباب وطلعت😡
.
.
.
.
زعما بترجع؟
توقعتكم ورايكم يهمني ❤
أنت تقرأ
سبع صبايه ❤🔞
Misterio / Suspensoللكاتبه lames monje ✔ روايه من وحي الخيال وخاليط بين الرومانسيه والرعب والصداقه #مكتمله 😍
