ليوم تعدات جمعة على الرسالة الي تبعثت لملاك من عزيز
ليوم وصل النهار الي خايف منو عزيز ليوم عزيز باش يقابل صغرونتو ملاك الي كان يحبها و يغار عليها من كانو صغار
Flash Back 🔙
عزيز؛ ماما منحبش نمشي منيش ماشي مقلتش لملاك انا ماشي لا منجمش نمشي و نخليها
مدام سوسن؛ يا عزيز يا وليدي لزم نمشو هذا مستقبل بوك و مستقبلك انت زدا وانت علاش مقلتش لملاك ليوم مش كنت ماكش ماشي تقرا يخي مشيت على خاطرها باش تقبلها اخر مرة
عزيز؛ خفت لا نخسرها يا امي
End flash Back 🔚
عزيز مزال كيف وصل للمطار
عزيز؛ اوههه محلها ريحت تونس و هواها المزيان و مخيبها الغربة
خذاء عزيز ليفليز متعو وصل قدام الاوتال
رسبسين؛ عسلامة ميسي تفضل عمل حجز بحذنا
عزيز؛ اي انا عزيز.......
رسبسين؛ مرحبا سي عزيز تفضل دزيام ايتاج شمبر رقم 450 تفضل تنجم تمضي لهنا
عزيز؛ اي اي هو سي بون
رسيبسين؛ مرسي بون فكونس
دخل عزيز للشمبر حط دبشو مبعد دخل باش يعمل دوش باش يرتاح
خرج من السالديبان نشف شعرو الكرلي بدل دبشو نضم شعرو برفن و خرج هكا
خرج حط الكرت عند رسبسين و خرج يعمل في دورة
هو يدور لين تعدا من بلاصة مزيانة بكلها الوان قدامها الصغار يلعبو اول ما شافها دخل اي نعم الروضة الي قراو فيها هو و ملاك و اول مرة يشوف ملاك فيها تذكر كيفاش كانو يلعبو في الجردة و مبعد دخل للاقسام تذكر كيف كان يقرا و يرسم هو و ملاك هو هكك و سمع صوت اوراه
الشخص؛ عزيز ولدي
عزيز؛ منصدقش عيوني انستي عليا كيفاش عرفتني بعد هل عوام الكل
مدام عليا؛ ولدي انا نعرفك من بين الاف حتى كان كبرت مشي في بالك منعرفكش مزال نفس الوجه و الشعر زدت زينت يا عزيزي
عزيز؛ انيستي الغالية شحوالك لباس
مدام عليا؛ لباس و انت
عزيز؛ حمدالله هاني كيف رجعت من امريكية
مدام عليا؛ املا مزلت مشفتش ملاك ربع ساعة لتالي كانت بحذايا طيلت الاعوام الي فاتو كل مرة تجيني اطل عليا تسال على احوالي مقلتش الي انت باش ترجع
عزيز؛ ملاك كانت لهنا!
مدام عليا؛ اي
عزيز؛ نطلب منك طلب تنجم تعطيني عنوان دارهم
مدام عليا عطات لعزيز العنوان و هو خرج طول شاف لوقت لقها لربعة متع لعشية قال مش وقت نمشيلها خلي غدوا و رجع للاوتال
******************************************************************************زعما شنوا باش يصير تبعوني حبيباتي و تشجيعاً ليا فوتاتكم و كمنترتكم حبا و ليس امرا 💝💞💕😍💖❤️
