ليوم عيد ميلاد ملاك اهلها و صحابها الكل ديرين بيها ليوم باش يولي عمرها عشرة سنين الكل موجودين الا عزيز انتيمها و صديقها من الروضة هوما اكك باش يطفو الشمع و تقوم ملاك تعيط
ملاك؛ يا ما عزيز مجاش منيش باش نطفي شمع كان ميجي عزيز
مدام نورا؛ ااا عزيزتي طفي الشمع عزيز تو يجي اصحابك باش يروحو فدو رهو
ملاك؛ لا لا لا لا كان ميجي عزيز انا قلت
اصحابها بدو يفدو و اهلهم جاو باش يروحو بيهم تلزت مدام نورا باش تقص القطو للصغار و تعطيهم و ملاك الصغرونة المزيانة متغششة تخمم في اعز صاحب عندها كيفاش مجاش مقررة انها غدوا في المكتب مش باش تكلمو و باش تعاركو
ستوووب باش نصفولكم ملوكة هيا طفلة صغيرة مزيانة شعرها اكحل و كرلي بشرتها برونزيي و عينيعا لونهم اخضر ملاك العناد ساكن في راسها ما يغلبها كان عبد واحد سي عزيز انتيمها من ايام ال روضة و تو خلي نرجعو لحكيتنا
مدام نورا؛ ملاك عزيزتي صحابك الكل روحو قوم بدل دبشك باش ترقد غدوا تقرا رهو
ملاك؛ باهي امي هاني ماشية اما تو نوريك فيه اكا عزيز غدوا. 😏😢
دخلت لبيتها و غصتها في قلبها علاش اعز عبد عندها ميجيش رقدت و دموعها على خدودها
