عزيز وليد مزيان علخر عينيه عسلين شعرو بني ابيض طويل بنسبة لعمرو شهلول ضحاك ديما يفدلك يحب يولي ممثل كوميدي قسم كامل مضروب فيه البنات الكل تحب تقعد معه اما هو يقعد كان مع ملاك
ملاك؛ عزيز انا متغششة منك برشاا رهو
عزيز؛ علاش ملاك انا نحب نقلك حاجة رهو
ملاك؛ شنيا الحاجة عزيزو
عزيز؛ فيبالك الي بابا علوه في خدمتو
ملاك؛ كيفاش معنها ولا يخدم في الطابق الثاني
عزيز؛ لا لا انا سمعت ما امس قالت مبروك الترقية
ملاك؛ اااا صحة ليك تركية مزيانة
عزيز؛ لا يا مهبولة ترقية معنها كبر في الخدمة حسب مفهمت
ملاك؛ اااا تو فهمت مبروك مبروك
عزيز؛ فيبالك زدا الي باش نمشيو لبلاد اخرى
ملاك؛ مفهمتكش
عزيز؛ بابا باش يولي يسكن في امريكية و باش يهزنا معه
ملاك انصدمت ما جوبتش تخزرلو و باهتةةة فيه كيفاش باش يمشي عزيز و يبعد علها هي هكك و تزمر الكرهبة قدام المدرسة
مدام سوسن؛ زيزووو هيا ولدي ايجا باش نروحو
عزيز؛ باهي ماما. ملاك ملاك
ملاك؛ ااا نعم
عزيز؛ شبيك سرحت هيا ايجا روح معنا
ملاك؛ لا لا ماما باش تجيني
مدام سوسن؛ ملوكة هيا يا مزيانة تروح معنا
ملاك؛ لا تاتا ماما باش تجيني
مدام سوسن؛ باهي عزيزتي
طلع عزيز في الكرهبة و بقات ملاك تستنا في امها في الوقت هذا عزيز يسال في امو
عزيز؛ ميسالش سوال سيدة ماما
م. سوسن؛ تفضل سيد ولدي
عزيز؛ ليوم في القسم قرينا المشتق
م. سوسن؛ اي باهي برشا شنوا السوال
عزيز؛ تو بكري شوي انت قلت لملاك عزيزتي هكي مشتق من كلمة عزيز ماما
م. سوسن؛ ههههه لا يا عزيزي هذيكا تربيجة كيما نقلك انت عزيزي نقلها هيا عزيزتي معنها عبد قريب من القلب
عزيز؛ اااا باهي ما فهمتكش والله
م. سوسن؛ هههه تو كيف تكبر تفهم
