خرجو ملاك و عزيز باش يحكيو في الجنينة عزيز؛ ملاك سامحني
ملاك؛ انتي جرحتني صعيب يا عزيز صعيب
عزيز؛ ملاك عندك الحق تتغشش خاطر مشيت منغير منقلك اما يا ملاك راني خفت لا نخسرك كان نقلك و زيد
سكت عزيز هبطت الدمعة من عينيه من غير ما يشعر بقاء يبكي تكى راسو على كتفها و كمل يبكي
بقات ملاك تسكت في عزيز مبعد قالت
ملاك؛ عزيز شبيك تخوفنيش عليك
عزيز؛ قلي الساعة سامحتني و الا لا
سكتت ملاك خممت كان بتقول لا باش تزيد عليه سكتت مبعد قالت
ملاك؛ عزيز انت جرحتني برشا اما انا باش نسامحك
هي قالتها و هو قربلها و حضنها
عزيز؛ ملوكتي والله كان تعرف اش صارلي مني سفرت و قداش تعذبت من لول من بعدي عليك و الثاني
قصت عليه ملاك
ملاك؛ شبيك اشصار
عزيز ؛ملاك مني مشينا من هنا عشنا شهر و انا كل ليلة نحلم بيك منجمتش نسامح روحي مبعد عرفت السبب الي مشينا على خاطرو لامريكية ملاك امي مريضة بالسرطان و مشات باش تتعالج مرة تحكي هيا و بابا و انا سمعتهم لحاصل امي مبقاتش برشا و ماتت مني انا عمري 12 سنة و بعد موتها بعام يتوفا بابا تحب تعرف كيفاش نهار ماشين انا و با با للسيبرمركت بديت انا و بابا نتعركو نحب نرجع لتونس و وقتها يخرج بابا على الطريق و بومممم تدخل فيه كميون تتقلب الكرهبة ثلاث مرات بابا مات على طول اما انا بقيت في الانعاش شهر مبعد تربيت في ميتم السنين هاذي الكل تعذبت بلاش اهلي و لا انتي والله تعدات طفولة عذاب
سكت عزيز تلفت يلقا ملاك تبكي شدتو من ايديه و قتلو
ملاك؛ عزيز يا روحي هذا الكل صارلك علاش مرجعتش
عزيز؛ مخلونيش تقول في حبس
ملاك؛ هاني معاك منخليكش
باسها عزيز و حضنها ليه و قلها لا يحرمني منك يا روحي
دخلو للدار يلقو مدام نورا و سي علي يستنو فيهم على العشاء
****************************************************************************** مزال شوي و تكمل فوتاتكم و كمنترتكم حبيباتي نشاء الله تكون عجبتكم 😍💖💝❤️😘💘
