تررن ترررن ترررنن
- ألو
= انا مستنيكى تحت انزلى
- لا مش هنزل يا طارق وسبنى ف حالى بقى
= انزلى يا ميرنا بدل ما اطلعلك
...
- صباح الخير يا دكتور
= صباح النور
- اقدر اخد والدتى انهارده البيت هى مش عاوزة تقعد هنا
= اكيد طالما رافضه انها تعمل العمليه
- ماشي شكرا جدا يا دكتور
= هبقى اتصل اطمن عليها وهبعت معاكو ممرضه تخلى بالها منها
- مش عارف اشكرك ازاى والله
= مافيش داعى دى زى والدتى
( دخل عند والدته الغرفه )
- عندى ليكى مفاجأه يا ست الكل
= هتتجوز ؟
- معندكيش غير السيرة دى
= ده انا هبقى اسعد واحده ف الدنيا
- ان شاء الله يا حبيبتي ، بس المفاجاه بتاع دلوقتي انى هخرجك من هنا
= بجد هتخرجنى طب الحمدلله
- الحمدلله يا حبيبتي والدكتور هيبعت معاكى ممرضه تبقى معاكى ف البيت
= اومال مجبتش اخوك معاك ليه ؟
- راح هو الشركه وقالى هنتقابل ف البيت بليل
....
- يعنى ينفع كده من تانى يوم ف الشغل هتودينا متأخرين يا ست رغد
= والله يا وداد الدنيا مقلوبة ومتخانقه مع محمود
- والله خطيبك ده هيشلنى يا بنتى فكك بقى
= يا حبيبتي بحبه بحبه بحبه اغنيهالك
- اتنيلى .. معرفش حب اى ده اللى واكل دماغك
= بكرة نشوفك يا ست اما تحبى مش هنستعجل
- هههه يبقى مش هتشوفى
= طيب يلا طيب مش عاوزين لماضه
- حاضر
...
- ايوة حضرتك منزلنى من صباحيه ربنا كده ومش معرفنى ف اى وعمال تلف بعربيتك ف شوارع ربنا فهمنى ف اية !!!
= .. ( نظر لها ببرود و اعاد نظرة مرة اخرى ليتابع الطريق )
- طارق كلمنى زى ما بكلمك لو سمحت
= انتى قابلتى احمد !!
- احمد مين ؟؟
= انت عارفه كويس احمد مين متستعبطيش
- تقصد احمد فاروق اللى كان خطيبى ؟ لا مقابلتوش وهقابله ليه يعنى
= محمود كان مع خطيبته وشافك قاعده معاه ف الكافيه
- قلتلك لا يمكن تكون واحده تانيه يعنى مش شرط انا وبعدين يعنى هو صاحبك بيراقبنى !!
= صاحبى كان مع خطيبته وشافك بالصدفه
- صاحبك ده كداب وبيوقع بنا
= ومصلحته اى انه يوقع بنا !!!
- معرفش بقى روح اسال صاحبك
= ماشى يا ميرنا هعديها
- تعدى اى .. انت مش مصدقنى يا طارق
= لاا مش مصدقك
- طب رجعنى البيت حالا
= حاضر
...
- ممكن ادخل ؟
= اه طبعا اتفضلى
- استاذ احمد كان طلب منى كذا حاجه وانا خلصتهم .. هو فين ؟
= هو عنده ظروف و بعتنى انا مكانه .. انا مصطفى اخو احمد
- ااه اهلا وسهلا يا فندم مكنتش عارفه حضرتك
= انتى جديده هنا صح
- ايوة
= خلاص هاتى الحاجه اللى معاكى وانا هشوفها
- اتفضل
= .. ( بدأ ف قراءة الاوراق ) اسمك وداد اسم جميل
- شكرا لحضرتك ( مع ابتسامه بسيطه )
= اما اخلص هبقى ابعتلك
- تمام عن اذنك
= اتفضلى
....
- عملتى اى ؟
= سلمته بس مش هو اللى موجود
- اومال مين ؟
= اخوه واسمه مصطفى
- بقى القمر ده عنده اخوات
= يا بنتى اتلمى بقى اومال لو مكنتيش مخطوبه
- انا بقول عشانك يا بنتى
= هههه طب ركزى ف شغلك بقى
- حاضر انا غلطانه 🙄
....
- نورتى بيتك يا ست الكل
= ده بنورك يا حبيبى
- الممرضه هتقعد معاكى وانا هروح اشوف شغلى بقى وابعت مصطفى
= خليه يركز ف شغله وابقى اشوفه بليل
- ماشي
....
- رغد
= نعم
- مقولتليش اتخانقتى مع محمود ليه ؟
= عشان الشغل الجديد و انه اخد وقتى وكلام من دا كتير
- ياختااى هى الرجاله كلها كده ما بتصدق تمسك ف اى نكد
= اهو بقى اللى حصل
- خلاص متزعليش اكيد هيكلمك
= اه ما انا عارفه
- اوعى الثقه 😂
= طبعا يا بنتى اومااال 😂
- اسكتى بقى عشان امى جيبالى عريس ومصممه انى اقابله
= هيجى امتى ؟
- انهارده🙄
= خلاص واى المشكله قابليه وشوفى الدنيا هتمشي ازاى
- المشكله مش ف انى اقابله او مقابلوش
= اومال المشكله ف اى
- انى مش عاوزة اى جوازه كده وخلاص
= يمكن يبقى كويس
- تفتكرى !
= افتكر
...
- ايه يا نهى مكلمتنيش ليه لحد دلوقتي
= يا استاذة ميرنا محصلش حاجه عشان اكلم حضرتك
- هو احمد جيه انهارده
= لا مجاش
- اومال مين اللى جيه
= الاستاذ مصطفى
- اممم طيب ابقى كلمينى لو حصل حاجه
= حاضر
....
- سمعت انك بتشتغلى ؟
= ايوة بقالى يومين بس
- وعامله اى ف شغلك ؟
= هو لحد دلوقتي تمام
- وناوية تكملى شغل بعد الجواز وكده !!
= اكيد مش بعد التعليم ده كله اقعد ف البيت
- كويس جدا
= انت بتشتغل اى ؟
- مهندس ديكور
= زوقك حلو يعنى
- اكيد وانتى
= اه وبحب الالوان الغامقه
- ممكن اقول حاجه ؟
= اتفضل
- مين اختار اسمك ؟
= ليه مش عاجبك
- لا خالص اسمك قديم بس جميل ومميز فعلا
= بابا
- واضح انه كمان زوقه حلو
= طبعا ده جمع الحب والموده كلهم ف اسمى
- عشان كده انتى جميله زى اسمك
= .. ( ابتسامه خجوله )
.....
( تانى يوم )
- شفتى العريس ؟
= اه
- وعملتى اى ؟
= مش عارفه بصى حاسه انه كويس
- هتوافقى ؟
= مش عارفه بصراحه خايفه
- ليه ؟
= خايفه اكون بختار غلط او يك...
- بلاش التفكير السئ ده دلوقتي
= ما انا معرفهوش وبعدين كلهم بيكونو حلوين ف الاول
- هو شكله اى ولا عامل ازاى
= بصي هو حلو و قمحاوى كده وعيونه خضرا وشعرة بنى تحسيه احمد عز ف نفسه 😂
= طيب ما الواد حلو اهو واسمه اى
- محمد
= شغال اى
- مهندس ديكور وكان معجب بأسمى اوى
= طيب هاا قولتى اى
= حسانى موافقه
- حاسه مش متأكده
= الاتنين
- هههه اخيراً مباارك بقى
= هششش احنا ف الشارع
- يا ستى خلينا نفرح
= هههه ماشي ع الشغل بقى
....
- صباح الخير
= صباح النور يا استاذ احمد
- ابعتيلى وداد ع مكتبى بسرعه يا نهى
= حاضر يا فندم
( بعد لحظات )
- ممكن ادخل
= اه اتفضلى
- السكرتيرة قالتلى ان حضرتك طلبتنى
= ايوة كنت طالب منك كذا حاجه عملتيهم
- ايوة وسلمتهم امبارح لأخو حضرتك
= انا اللى طلبتهم ولا اخو حضرتى
- هو قالى اسبهم عادى وبعدين معرف..
= خلاص خلاص روحى كملى شغلك
- حاضر
...
- كان ف حاجه ؟
= وانت عاوزه تعرفى ليه ؟
- بسال بس
= خليكى ف شغلك انت هنا سكرتيره بتاعتى وبس
- حاضر يا فندم
....
- قالك حاجه ؟
= لا وشكلى غلط لما سلمت الحاجه لاخوه امبارح
- ليه زعقلك ؟
= يعنى تقدرى تقولى انه اتضايق او كان مضايق اصلا
- تلاقيه متخانق مع خطيبته
= هههه ملناش دعوه خلاص
...
- كنت عارفه انى هلاقيك هنا
= ميرنا
- اى اتفاجئت انك شفتنى
= لا انا اتوقع اى حاجه منك
- وبعدين طيب هتفضل متكلمنيش كده كتير
= انت عارفه احنا عملنا كل ده ليه ؟
- عارفه
= واخرتها اية طيب
- ولا حاجه ما انا معاك اهو
= بس قلبك معاه يا ميرنا مش معايا
- ف الاول والاخر كان خطيبى يا طارق فأكيد كنت بحبه
= كنتى !!
- ممكن نقفل الموضوع ده بقى
= حاضر واما نشوف اخرتها
- هتشوف
....
- عامل اى يا حبيبي كده متسألش عليا كل ده
= كنت ف الشركه يا حبيبتي والله وقلت هشوفك ف البيت بليل
- اومال فين اخوك مجاش معاك ليه ؟
= عنده شويه حاجات ف الشغل بيخلصهم
- وانت عامل اى ف شغلك ؟
= اهو ماشى الحال انما احمد جاب شويه موظفين جداد
- هههه احمد علطول زوقه حلو
= انهارده شفت واحده ف الشركه اسمها وداد
- حلوة !
= يااه دى حلوة جدا
.....
- وداد
= .. ( ألتفت لتجد ان مصدر الصوت هو احمد فأجابت ف ربكه ) نن ننعم
- اية مالك ؟
= لا بس اتفاجأت
- طيب انا بس كنت حابب اعتذر عن اسلوبى من شويه
= لالا عادى حصل خير
- فاضيه بعد الشغل ؟
= ااه
- هيبقى عندك مشكله لو شربنا سوا فنجان قهوه
= معايا انا
- ايوة يا وداد معاكى انتى
= ...
