- ساكته ليه ؟
= بصراحه مش عارفه اقول لحضرتك اى !
- يعنى مش موافقه ..؟
= لالا .. اه .. لالا .. مش عارفه
- يعنى ايه اه لالا اه لالا
= هاجى هاجى
- طيب يعنى موافقه
= ايوة ويلا قبل ما ارجع ف كلامى
- حاضر يا ستى يلا
= حضرتك ممكن تنزل الاول وانا هجيب حاجتى واقول لرغد عشان تمشي هى
- ماشي هستناكى ف العربيه
= تمام
ه&&&&&&
- حصل اية ؟
= احمد عازمنى ع قهوه
- احمد مين !
= ركزى احمد المدير
- احمد المدير اااه وانتى قولتيلوا اية ؟
= وافقت
- وافقتى اااه
= اى مالك كل كلمه تقولى اااه انتى عيانه
- لا يا ستى مش عيانه
= اومال اى
- شكلك انتى اللى عيانه
= ليه ؟
- هتخرجى مع واحد خاطب !! وغريب عنك !!
= مش خارجين نتفسح وبعدين اتكسفت اقوله لا
- وداد اعملى حسابك انك كمان هتتخطبى قريب
= ف اية يا رغد مكبرة الموضوع ليه ؟
- انا عينك يا وداد وبقولك اللى انا شيفاه وانتى مش شيفاه
= ماشى يا ستى تشكرى ممكن امشى بقى
- خلى بالك من نفسك ابقى طمنينى عليكى
= حاضر باى
ه&&&&&&&
- الوو صباح الخير يا استاذة ميرنا
= صباح النور خير يا نهى
- .. ( حكت لها ما حدث )
= ده بجد يعنى هما الاتنين خرجو سوا
- ايوة لسه ماشيين حالا
= متعرفيش رايحين فين بالظبط ؟
- لا محدش قال
= طيب ماشى لو حصل حاجه تانى كلمينى
- ماشى بس انتى هتعملى اى
= انا عارفه كويس هما هيروحو فين
ه&&&&&&
- ها يا وداد تحبى نروح فين ؟
= بصراحه مش عارفه
- عارف مكان كويس مش بقعد غير فيه نروح؟
= تمام معنديش مشكله
- كنت عارف انك مش هتمانعى
ه&&&&&
- ماما هو احمد فين ؟
= خرج يا حبيبي
- برن عليه من بدرى مبيردش
= ما انا كلمته من شويه وقالى انه خارج مع واحده شغاله عنده ف الشركه اسمها وداد
- ودااد ااه دى البنت اللى انا حكتلك عنها
= ايوة فكراها
- شكلنا هنحضر خطوبه قريب ولا اية هههه
= انت عارف اخوك مش اى حد هيقدر يملى قلبه
- ههههه انت صح
ه&&&&&&
- عجبك المكان
= اه جدا والموسيقى هاديه وحلوة
- اتمنى تقبلى اعتذارى
= هههه ع فكرة قبلته من بدرى
- تحبى تشربى اى
= اى حاجه بقى
- اجبلك زى !
= هتطلب اى؟
- بحب القهوه الفرنساوي الساده بتاع المحل ده
= مجربتهاش قبل كده بس اجربها
- تمام
ه&&&&&
- انتى فين ؟
= رايحه ازور واحده صاحبتي تعبانه شوية يا طارق
- و ده من امتى؟
= اية يا طارق ف اية !!
- ولا حاجه بس مش مرتاح
= لا يا طارق اطمن
- هى صحبتك دى فين؟
= اية يا طارق هو تحقيق يووووه ( اغلقت الهاتف )
ه&&&&&&
- عجبتك القهوه ؟
= اه جدا
- طيب الحمدلله
= زوقك حلو اوى
- ربنا يخليكى
= بتيجى هنا علطول
- كل يوم تقريباً
= واضح انك بتحب المكان ده جدا
- اه ف ذكريات كتير منها الحلو والوحش بقيت بحسه بيتى التانى
= سمعت انك خاط.. ( قاطعها رنين هاتف احمد )
- ثوانى هخرج ارد وارجع
( دخلت ف تلك اللحظه ميرنا من باب اخر )
- قاعده لوحدك يعنى ؟
= أنتى مين ؟
- انتى بقى اللى اسمك وداد اومال فين احمد ؟
= خرج يرد ع التليفون لكن مين حضرتك ؟
- ميرنا خطيبه الاستاذ اللى انت قاعده معاه
= اهلا وسهلا انا ..
- انتى اية ها واى اللى جايبك هنا
= جايه مع..
- انتى لسه هتتكلمى قومى اتفضلى امشي من هنا
= طيب لما استاذ احمد يجى حضرتك فاهمه غلط انا ..
- انت لسه هتستنى .. ( قاطعها دخول احمد )
احمد : ميرنا ؟
ميرنا ؛ اه ميرنا مفاجاه مش كده
وداد : انا اسفه بس لازم امشي
احمد : وداد استنى
( خرجت وداد مسرعه )
- انتى قولتلها اية ؟
= مقولتلهاش حاجه انا شفتكو قاعدين وكنت جايه اسلم عليك بس انت خرجت وكنت لسه بعرفها بنفسي
- وانتى اية اللى جايبك هنا اصلا
= عادى صدفه يعنى
- صدفه ،، طب اتمنى تتبسطى سبنالك المكان كله ومشينا
ه&&&&
- وداد انتى جيتى امتى ؟
= من شويه يا ماما
- طيب يا حبيبتي محمد وعيلته جايين عشان يحددوا معاد للخطوبه
= بجد ،، طيب هتصل برغد اعرفها بقى
- مبروك يا حبيبتي ربنا يتمملك بخير
= الله يبارك فيكى يا ماما
ه&&&&&
- مش تباركيلى
= حدتوا معاد الخطوبه ؟
- اه يوم الخميس
= ده بعد بكرة ده
- اه
= اخيرا مبروووك يا حبيبتي
- الله يبارك فيكى
= انا مش هنزل الشغل الاربع والخميس
- ليه ؟
= هحضر حاجتى ولا مش عوزانى احضرلها
- اه صح ده انا نسيت😂
= شفتى بقى
- عملتى اى صح مع احمد ؟
= خطيبته جت صدفه كده وفضلت تزعق فسبتهم ومشيت لانها مكنتش مديانى فرصه اتكلم
- وبعدين حصل اى
= مش عارفه بقى
- قلتلك بلاش يا ودواد
= اهو اللى حصل بقى
- ربنا يستر
= يارب بقولك صح
- اية ؟
= اعزمى كل الناس اللى معانا ف الشغل ع الخطوبه نيابه عنى بقى واعتذريلى على يومين غياب
- حاضر
= وطبعا هاتى خطيبك معاكى
- اكيد😂
ه&&&&&&
نائمه ف فراشها تفكر .. وتستمع إلى اغانيها المفضله
( تملي معاك
ولو حتى بعيد عني في قلبي هواك
تملي معاك
تملي في بالي وفي قلبي ولا بنساك
تملي واحشني لو حتى بكون وياك
تملي حبيبي بشتاقلك
تملي عنيا تندهلك
ولو حواليا كل الكون
بكون يا حبيبي محتاجلك ) عمرو دياب
يا ترى حصل بينه وبين خطيبته حاجه بسببى ؟ لالا مش انا السبب هو اللى عزمنى يبقى يتحمل نتيجه غلطه ،، طيب ما انا وافقت وانا عارفه انه مينفعش يبقى انا كمان غلطانه زيه .. لالا هو بس كان حابب يعتذر مش اكتر .. المفروض كنت اقف اوضح سوء التفاهم ده لالا هما هيتفاهمو سوا اكيد ،، بس انا مشفتش دبله ف ايده ولا مرة يبقى هو مش خطيبها .. بس هى قالتلى انها خطيبته مصلحتها اى يعنى أنها تكدب .. ياترى هو بيحبها ؟
( قامت بضرب رأسها بيديها مرتين ) انت بتعملى اى ! بتفكرى فيه ليه دلوقتى ! احنا ملناش دعوه شاغله نفسي بحاجه ماليش فيها ليه دلوقتى !
اية التفكير ده بس يلا نامى بقى ..🤦
ه&&&&&&
( ف اليوم التالى )
- صباح الخير استاذ احمد جوه ؟
= صباح النور اه ثوانى هبلغه انك برا
( بعد لحظات )
- اتفضلى ادخلى ..
- صباح الخير يا فندم
= صباح النور يا رغد
- معايا دعوه لحضرتك
= دعوه اية ؟
- خطوبه وداد
= ( رد عليها مندهشا ) وداد !!
- اه يا فندم هتبقى يوم الخميس وقالتلى اعتذر لها عن يومين اجازة وقالتلى كمان اعزمكم
= هى قالتلك كده
- هو ف حاجه يا استاذ
= ايه .. لالا مافيش قوليلها مبروك
- حضرتك هتقولها كده بنفسك لما تيجى
= ( رد بأنفعال ) مش هاجى
- ليه يا فندم
= روحى دلوقتي شوفى شغلك
- حاضر عن اذنك
ه&&&&&
( جلس على كرسي مكتبه شارداً يفكر )
هتتخطب !! طيب ما تتخطب انا زعلان ليه دلوقتى ! لالا انا مش زعلان انا بس اتفاجئت بالموضوع .. اكيد هى زعلانه منى عشان كده مجتش الشغل .. بس هتزعل ليه انا معملتلهاش حاجه ،، اكلمها ؟ طيب هقولها اية ! وهكلمها ليه ؟ هى ليه مش عاوزه تروح عن بالى وبفكر فيها يوووه .. 🤦
ه&&&&&
( يوم الخطوبه )
- قالى انه مش هيجى ؟
= ليه ؟
- مش عارفه واتعصب عليا وقالى كملى شغلك
= خلاص متزعليش مش مهم انشاله عنه ما جيه
- بس انتى زى القمر ماشاء الله مبروك يا حبيبتي
= الله يبارك فيكى يا حبيبتي عقبال فرحك بقى
- قريب ان شاء الله
( قاطعتهم والده وداد )
- يلا يا حبيبتي خطيبك مستنيكى تحت
= حاضر يا ماما نازلين
ه&&&&
- اية الشياكه دى يا حبيبي انت رايح فرح ؟
= اه يا ماما خطوبه وداد
- وداد !! مش دى البنت اللى خرجـ...
= اه يا ماما هى
- انت مكنتش عارف انها هتتخطب ؟
= لا اتفاجئت
ه&&&&&
( كانت وداد نازله ع السلم حتى رأها احمد وذهب ف اتجاهها )
- وداد
= احمد
- انت جميله اوى يا وداد انت احلى بنت انا شفتها خطفتى قلبى من اول مرة شفتك فيها مبتروحيش عن بالى لحظه دايما بفكر فيكى مش عارف كل ده ليه بس كل اللى انا اعرفه دلوقتي انى اسعد انسان في الدنيا ...
