غنيت لك على وتر الجفا لحن

8

اللحن الثامن

-
ياسر يتفقد سيارته وواضح عليه العصبيه.. فتح الشباك/عسى ماشر
ياسر بعصبيه/كفرات سيارتي مبنشره وفيها ريحه تجيب المرض
نزل جهاد من السيارة وقرب من ياسر هو يشوف الكفرات..
عقد حواجبه يستوعب..ابتسم
ياسر بزعل من
ابتسامته/انا الحين مبتلش بسيارتي وانت تتشمت
جهاد/ههههه تعال اركب بوصلك
ياسر بستغراب /توصلني...
'
ركب جهاد/بتطول وانت متنح فـ ترا بمشي عنك
ياسر هز راسه بلا وركب بسرعه.. حرك جهاد السيارة
ياسر لف بكامل جسمه له/ليت الكفرات مبنشره من سنه يامجرم لي سنه كاملة ما خاويتك
جهاد /البركه في اللي بنشر سيارتك
ياسر عقد حواجبه بتفكير/لايكون زيادوه بنشرها ينتقم من
سحبي لدراجته منه.. جهاد/ ليه لا تكون كفخته هو الثاني مع الباب
ياسر /وش سالفتك مع الباب
جهاد بسخريه/مشخني
ياسر بعدم استيعاب
ارمش اكثر من مره
وبهمس/نـ نـوف؟! جهاد/ليه تمد يدك عليها.
ياسر صد عنه/متى مشختك؟! الا متى قابلتها
جهاد/امس في الليل حصلتها عند سيارتك تبنشرها ولمى سالتها قالت انها تنتقم منك الانك
مديت يدك عليها
ياسر شد شعره/البنت هذي مجنونه ويبي لها تربيه شغلها عندي بس ارجع البيت
جهاد وقف السيارة بسرعه في الطريق العام/انزل انت مو كفو اوصلك
ياسر بعجبه/جهااااد
جهاد بعصبيه/اول ماقلت انك تمد يدك عليها ماصدقت
نزل هنا وارجع للبيت مشي لجل تلحق تربيها
ياسر ابتسم/والله ياخوك لو انك تشوف اللي تسويه انك ما توقف على ضربها..ابك هذي خبله اجل انا ياسر العاصم تجي هذي تطلع جنانها علي
جهاد هدا شوي/كفوك جعلها تخبل بك..الانك رفست النعم برجليك كانت عندك بنت الوزير اللي
الكل يتمنها ..وكانت تموت فيك وطلباتك اومر مطيرتك بهتمامها فيك..تروح تطلقها
ياسر/ايه بالله صدقت والله انها حوبتي الله وكيلك طحت لي في وحده حتى رقم جوالي ما طلبته ولا تسال عن هواء داري وارجع للبيت لقيها حايسه الدنياء هذا اذ ما كانت مسويه مصيبه
جهاد حرك السيارة وهو مبتسم بسخريه على حال ياسر
ياسر/عقبال اشوفك متزوج
ولو بـ المسيار.
جهاد بجمود/بعد ما انجنيت اخذ وحده تجي مكانها
ياسر/انساها
جهاد بضيق/ان نساني الموت نسيتها
ياسر/الى متى ياجهاد صار لك 8سنوات وانت على هذا الحال.اكيد الحين قد تزوجة هذا اذ ماصار عندها عيال وانت الى الان عايش على ذكراها
جهاد ضرب الدركسون
بقهر/وان ما تزوجة مستحيل اتزوج حتى عرف عنها شي
ياسر/تنتظر سراب..تزوج وبتحب زوجتك وبتنساها وبتعرف انك كنت عايش على سراب
جهاد بسخريه/ايه هين شفتك حبيت احد من زوجاتك
ياسر تنهد/انا غيـر
جهاد/وانـا غـيــر وغير ولا تعتقد اني نسيت سواتك فيني قبل سنة
ياسر/..
-

كثرة الحمد ، تُرغمك على الرضا ؛ فالحمدلله دائماً و أبداً .
-
سواتك فيني قبل سنه
ياسر هز راسه بياس منه
_____
الساعة 4:00
في حديقة القصر
متجمعين على جلسات ارضيه..."الهنوف والبنات و ام ياسر وام سلطان"
جالسه معهم بهدوء تسمع لسوالفهم اللي بنسبه لها سامجه..
قطع سوالفهم صوت جوالها اللي يدق..
طلعته من جيب بنطلونها " ( و ) يتصل بك" ((نوف مسجله الاسماء ب اول حرف من كل اسم (و) وعد ))
ابتسمت بقوه وردت بلهفه/الووووو
وعد/سلام
نوف بصوت عالي /وعليكم السلام
وعد/نووويف يا حيوانه وينك ما تدقين كل هذا بخل هااا ولا شفتي امك ونسيتينا وبعدين قالو لي ان زوجك صاروخ اذ عنده اخوان عطيني ارقامهم
نوف/ ههههههههههههه افتكيت من خشتك يا القرده..لا ما عنده اخوان
وعد ابتسمت/نويف
نوف/هااا
وعد بصوت باكي/والله العظيم اشتقت لك هنا كلهم نفسيات ومن زمان محد قطع لي شعري
ولا كفخني..
نوف عضت شفايفها وبجمود/وانا اشتقت لشعرك ...وش صار بعد مارحت
وعد بضيق/عمتي وبناتها سافروا لمصر قبل امس..وخالي عندنا هو وعياله وبعد بكره بنمشي لمكه نسكن عنده..ما ابي اسكن معهم..نوف ليتك تجين وتشوفين كيف يعاملونا هذا واحنا بعد مارحنا لبيتهم اجل لو سكنا عندهم وش بيسوون خصوصاً خالي يخوف يا نوف مره شديد
نوف بعصبيه/لا تكونين ساكته لهم وقفيهم عند حدهم
وعد/انتي نسيتي من امي!!؟والله ان تذبحني اذا قلت كلمه
نوف بقهر/وبعدين مع امك..لا تخافين اذا سوو لك شي دقي علي وانا بتكفل فيهم
وعد بحسره/وش بتسوين وانتي في الدمام وانا بجده
نوف/نسيتي دحوم ب اوكله يتكفل بتأديبهم
وعد برتباك/نـ نـوف
نوف بقلق من نبرة صوتها.. وقفت وابتعدت عنهم شوي/وش فيك
وعد/نوف ابوي ماعرفوا من اللي قتله..والشرطه اكثر من مره جات وحققت معنا..وملف القضيه بيتقفل الان مافيه اي دليل يدل على القاتل..الا اذ حصلوا دليل او شي يدلهم بيفتحون القضيه..هذا غير انهم اعرفوا ان ابوي كان مروج مخدرات
نوف تنهد/خليها تتقفل عمرها ما انفتحت وهذا مصير كل واحد مثله
وعد بصوت باكي/نـ نــوف قبل مت ايام العزا وفيه سيارة سودا تراقب البيت شفناها من السطح..وامس فيه واحد دق الباب وفتحت له انا وولد خالي الصغير..نوف كـان يــسأل عــن نـــــــواف
نوف صارخة بصدمه/ نــ نــــــــــــواااااف....