غنيت لك على وتر الجفا لحن

9

اللحن التاسع

-
نوف بصراخ/اءءء اكرهك يا ياسر
ضربت راسها بحلطمه /متى بيكون هنا مخ هاا كيف نسيت السطل اففففف اهئ اهئ
وقفت واقشعر جسمها ببرود..بسبب المويه والتكيف العالي اللي في الغرفه.. ما اهتمت ودخلت غرفة التبديل وبدلت ملابسها بسرعه
ببنطلون جنز وشوز ابيض من اديداس..جاكيت زيتي مع تيشيرت ابيض.. نفضت شعرها بحركه سريعه تجففه فيها من المويه..لبست عبايتها ونزلت تركض.. طلعو مع السواق للمطعم جالسه عند الشباك وعيونها على الشوارع
اشتاقت للشوارع حيل ..نفسها تاخذ جوله في الشوارع بدراجة ناريه
ديما/ اعجبتك الدمام
نوف بهمس/حــيل
وصلو للمطعم ونزلو ...
'
في الدور الثاني من المطعم
وكان المكان هادي..وناس قليل.. جالسين على الطاوله قريب من زجاج يمتد للسقف..مطله على الواجهه البحريه
كل وحده اختارت وجبتها المفضلة من المنيو
ديما/نوف اختاري
نوف وعيونها على البحر/ اختاري لي انتي
اختارت لها وانتظرو الطلب يوصل.. اختارت لها وانتظرو الطلب يوصل.. ديما تكلم ليلى/ لو منك رفضت..ملكتك باقي عليها اسبوع ويلبسك الدبله من الحين
رغد/هههههه ياحليلك يا ديما ليتها وقفت على الدبله لو شفتي الهدايا اللي جاتها
امس ولا حبيب القلب يقول"ما ابي تبدي سنتك الجديده في عمرك الا ودبلتي في يدك"
مو امس كان يوم ميلادها
ديما فتحت عيونها على وسعها/نـعم نعــم ومن متى نعترف بـ اعياد الميلاد ولا نهدي بعض فيها
ليلى بدلع/ وانتي وش حارق رزك؟؟ياقلبي حبيبي عرف ان تاريخ امس يوافق يوم ركزي قلت يوم
مولدي..وحب تبتدي سنتي الجديده معها يعني من امس ابتدأ عمري الحقيقي معه وبعدين وش فرقت
كلها اسبوع ونتملك
ديما صدت عنها/سخيفين انتي واياه
رغد/ههههههههه يا حبيبي يا اياد مسكين غلط في حق نفسه يوم حبك
ديما بعصبيه/ رغدوه من متى صار حبيبك هاا ولا تركك ياسر وحولتي على اياد؟؟ ليلى بحده/ديــما
ديما رفعت عيونها لليلى اللي اشرت لها على نـوف
نوف تناظرهم بجمود وبملامح واقفه
رغد قضمت اصبعها بزعل
ديما بندم/ اسفه
ليلى انقهرت من برود نوف"وبسخريه تحاول فيها تغير الموضوع/ اقلها انا لبست الدبله
بس غيري تملك وتزوج ولا شفناها لابستها ولاا يا نوف
نوف رفعت راسها لها بدون فهم/ ولا ايش؟؟

رغد تكمل/ وين دبلتك ليش ما تلبسينها
نوف بستغراب/ دبله؟
ليلى ترفع يدها يدها وتحرك اصبعها اللي فيها الدبله/ ايه الدبلة..ههه ولا لا يكون ما تعرفينها
اللي تلبسها كل بنت يوم ملكتها وحتى بعد زواجها
نوف ببرائه/ هاا..ما فكرت ابد اشتريها يعنى ضروري اشتري لي دبله
البنات ناظرو بعض بصدمه
وو...

-
البنات ناظرو بعض بصدمه
ليلى ضحكت بسخريه/ههههههه تشترينها ههههههههه
ديما تقاطعها/ نوف حبيبتي ياسر ما لبسك دبلتك يوم ملكتكم؟؟ نوف بتفكير هزت راسها بلا/ لاا
رغد/ههههههههههههههههههه ياسر الـ عاصم صاحب اكبر محل للمجوهرات في الخليج
زوجته ما لبسها الدبله هههههههههه
ليلى/هههههههههههه هذا هو ياسر ههه عمره ماراح يهتم لـ وحده فـ لا ترتجين منه شي
رغد بسخريه/ههه اقلها يوم كانت نوال "بنت الوزير" كان كل نهاية اسبوع يطلع معها
واي شي جديد ينزل في محلاته لازم تكون هي اول وحده تشوفه وضروري يهدي لها
شي منه..بس شكل الوضع اختلف وتطور للاسوء
ديما بقهر/بناات خلااااص
نوف لا رد..توها تستوعب انهم كانو يسخرون منها
نزلت راسها وشربت العصير ببرود..وافكارها راحت لبعيد
..ابعد من تفكيرهم اسطحي..اللي ما اثار ادنى اهتمام لنوف..
البنات التزمو الصمت
ودايما ميته قهر من نوف اللي ما ردت عليهم و وقفتهم عند حدهم من جفاء ياسر وتعامل الجاف مع بنات حواء
.. وصل الاكل
وافطرو بصمت
وقفت ليلى /الحمد الله شبعت بنزل للتحت اجيب لكم ايسكريم يمدحون الايسكريم اللي يسونه هنا
رغد/ايسكريم مع صباح الله خير؟؟ ديما وقفت /اي نحلي خذيني معك لولي
نزلت ليلى وديما .. -
نوف كانت تاكل وتفكر في الفطور اللي اول مره تذوق مثله
و مثل العاده
تقارنه بطبخ سعاد..رفعت راسها باستغراب بعد ما سمعت شهقت رغد
كانت تناظر ورا نوف بصدمه وخوف/ هذا وش اللي جابه هنا
نوف التفتت وراها كان شاب طويل بملامح وسيمه وبجسم معضل
رغد ضربتها على يدها بإرتبك/ لا تطالعين فيه بينتبه لنا
نوف صدت عنه وهي تلاحظ ارتباك رغد اللي ارخت راسها وتفرك
يدها بخوف.. تقدم الشاب لطاولتهم وهو قاصدهم
رغد بهمس/يويلي يويلي
نوف رجعت تلتفت بكل جسمها لاجل تشوف بعينها اليمين.. و رجعت كرسيها على وراء وهي تراقب الوضع بروقان و كانه شي عادي عندها لانها
اعتادت على هذي الاشياء مع خواتها... تكا الشاب على الطاوله/ هلا هـلا بـ الحلوين..وانا اقول ليش المطعم منور..هذا لان رغودتي فيه؟؟ رغد بصوت باكي/ انت وش جابك هناااا في كل مكان اروح له احصلك فيه
الشاب بصوت عذب وكانه شاعر/ياعمري القلوب عند بعضها ..وفديت قلبي اللي يدلني على مكانك
بعضها ..وفديت قلبي اللي يدلني على مكانك
نوف بسخريه/حشى خريطة قوقل مو قلب
الشاب التفت لها بقهر من سخريتها/رغودتي من هذي
رغد بكت بقهر منه/ مشعل تكفى واللي يسلم لك غاليك رووح لا تفضحني
نوف جمدت ملامحها وهي تسمع بكى رغد.. -