#بما انو نحنا في فصل الخريف❤️هاكم دي
قاعده في الحوش،وسرحاانهه وببتسم كمان،،،فجأه جاتني لبعه في،ضهري طاااخ👋،،،دي نبع الحنان طبعا،،قالت لي قومي تقوم قيامتك ماشايفه المطره دي،،،ح تبوظ المراتب كلها،،من جددتهم شهر ماتموا،،قوومي😠،،،قولته ليها يا امي ماكنتا قايله المطره جات،،قالت لي والمبللك دا عصير قنقليز😠،،طبعا ياداب انتبهتا اني مبلله والمراتب نصهم اتبلوا،،،قومتا بسرعه رفعتهم وجات اختي اسمها علا ساعدتني ودخلناهم جوه،،،وتاني رجعتا سرحتا😂😂😂😌،،،،،امي جات داخله قالت لعلا غايتو اختك دي حيرتني،،البخليها تسرح قدر دا شنوو،،،علا قالت ليها البوره يا ماما البوره😂👋،،،،امي قالت ليها صحي بوره،،من جلابيتا المشرطه ولابساها ليها يومين دي😏،،،،علا قالت ليها يييع😷،،،،التفتا عليهم قولته ليهم انا مابايره،،،بس العرسان مابقدروا يجوني لاني جميله شديد وخايفين ارفضهم😌✋امي حمرت لي مسافهه وقالت لي جميله انا دي😒،،،يمين بالله وشك زي تربيزه اللحام،،واللحام ارحم😏،،،،قولته ليها لي كده يازوبه😢،،،مصيري اعرس بس،انتي ادعي لي،،قالت لي والله دعيت لمن فترتا،،،لدرجه بقيت لما اقول اسمك بحس الدعوه ماواصله السقف😒،،،،علا بقت بتضحكك،،قولته ليها لالا انتي بكون دعيتي لي اتزوج رفاعي ود اختك عشان كده الدعوه عاكستك😪،،،قالت لو ومالو رفاعي،،حلات الدنيا عليهو وماسك محلات حلويات كااامله،،وراجل وشاريك،،،قولته ليها خليك من كلامك دا كلو وارجعي للجمله الاولى،،،دا منو الحلات الدنيا عليهو،،،بالله نخرتوو التقول متبريهه منوو،،،والشنب طويل زي ضنب الكديس،،،،دا سمح😒،،،علا قالت لي دا الوحيد المعبرك وشايفك سمحهه😂😂👋،،،بعد شويهه الباب دقا،،امي قالت لي قومي افتحي،،قولته ليها في الضلام دا افتحو انا،،قالت لي ماف راجل في البيت غيرك😒،،،ما اتناقشتا معاها،،قالت راجل يا اخواني خلاص منتهي😂😂😂😌،،،طبعا شعري منكش والجلباب مشرط،،،ووالوش مليان حبوب،،تقول حاربتا في غزه🐸✋،،،قولته منو في الباب،،،،جاني صوت مازن،،،دا اخوي الصغير،قال لي افتحي الباب،،فتحتوو،،،قال لي سلاما قولا من رب رحيم،،دا شنو دا يابتي،،،قولته ليهو شايف شنو😒،،،قال لي ارحمي خلقتك دي الله بحاسبك والله😂،،،قولته ليهو سمح،،انت جاي من وين،،قال لي الميدان،،والمطره دقتنا وجيت،،قولته ليهو تجيك الكشهه،،مش ميهه مره امي قالت ليك ماتلعب في الميدان مع الاولاد الكبار،،قال لي غيرك ماف زول بفتني معاها😒،،،دخلنا جوه،،امي اظنها كانت مدسيه بوراا الباب بتاع الصاله🐸😂،انا دخلتا قعدتا جمب علا،،اول مامازن جاا داخل،،امي وقعت فيهو خبيط بالشبشب😂😂🙊👋،،امي قالت ليهو انا مش حذرتك من اللعب في الميدان مع الرجال،،عامل لي فيها كرستالوو😠،،،مازن شغال ليها اسمو كريستيانو طبعا الضحك شرطنا انا وعلا😂😂😂🐸💔وامي،شغاله تخبط فيهو😂😂😂علا شالت تلفونا ودستو تحت المخده عشان امي لو التفتت عليها ماح ترحما💔🐸،،وانا اتسحبتا براحه ومشيت المطبخ اتم سرحتي🐸😌
بعد المطره وقفت،،العشااء اذن،،طلعتا المراتب بره وفرشتهم،،امي قالت لي قومي استحمي ولفي شعرك دا،،عامله زي المره المجنونهه،،،قولته ليها والمره البتتوحم مالا ماممكن تشبهيني بيها😢قالت لي غايتو الله يصبرني،،زي بورتك دي ماشفتا وما اظن ح اشوف،،،مشيت غرفتنا انا وعلا،،لقيتا بتتكلم بالتلفون،،جريت لي بجاامهه من دولابا،،ومشيت الحمام،،،،استحميت وغسلتا شعري،،وصليت العشاء وعملتا لي حمامتين ويا الدنيا مافيك الا انا😌🐸،،،امي قالت لي يادوب بقيتي بت زي باقي البنات،،،قولته ليها كيف دا كلامك،،قالت لي طيب هاك جيبي علبه زبادي وطحنيه من الدكان،،،قولته ليها امشي الوقت دا براي،،قالت لي سوقي علا،،،لانو مازن دا تاني مابترسل لي،،،قولته ليها سمح ومنو اشوف القمر😍،،قالت لي،قمر منو يابت😯قولته ليها اا قمر السماء في غيرو يعني😁،،،ولفحتا توبي وشلتا القروش،ومشيت لعلا قالت ماماشه،،،،انا طلعتا وماشهه براحه طبعا عشان اظهر انوثتي الماتت من زمان🐸💔،،،مشيت لبتاع الدكان طبعا داير مني100جنيهه،،كلها لبان ورصيد🐸💔،،،قولته ليهو علي اديني زبادي وطحنيه وخمسه عيشات،،قالت لي وانتي اديني قروشي اول،،قولته ليهو يقرش حلقومك دا،،انا باكل قروشك يعني😏،،اكيد ح اديك ليهم بس خلي ابوي يجي من السفر،،قال لي ابوك المغترب من خمسه سنوات دا،،هو ي يابت بطلي النشاف هي كلها100،،اديني ليها،،،قولته ليهو علي😒خلاص بكره امي بتجيبا ليك،،يلا اسي اديني القولتو ليك،،قال لي سمح،،،،،اداني الحاجات وقال لي بكره بسأل امك من القروش،،قولته ليهو الله يحييك اول🐸😒،،،،طلعتا من الدكان،،شايفهه عمر😍❤️❤️طالع من بيتهم،،لابس الشورت الابيض والتي شيرت الاسود،،يسوي المرض😍😭👋،،طبعا انا بعاين ليهو وماشايفه قدامي،،،،فجأه دخلتا ليك في حفره كده والاكياس طارت من يدي،،والمويهه ملت لي وشي،،والتوب وقع،،،وحالتي بقت بطاله😭😭😭😭🐸😂💔،،،،،عمر شافني من بعيد وجاا شغال ياساتر ياساتر،،،وانا الابتسامهه للضرس الاخيير والتقويم ظهر،،حاله صعبه صعبهه💔😂😭😭😭😭،،،
#نكمل بعدين🐸💔
