امي شالت الكبابه وشفطت المويهه شفطهه واحده😷،،،انا حسيت بيها اتخنقت😂😂💔بس،بلعتا عشان ماتخجلني قدام رفاعي،،،انا بقيت ابتسم ليها واهز راسي شمال ويمين،،،رفاعي قال ليها اها ياخالتي فيها سكر مش كدي،،،قالت ليهو لالا ياولدي،،بس نحنا مويتنا طاعمه شويهه😁،،،،قال ليها والله ياخالتي سمعتا بالمويهه المالحهه،،بس الطاعمه دي ماسمعتها الا عندكم،،،قالت ليهو هههه انا بهظر معاك ساي،،يمكن زي قول ايناس،،انت بتكون حسيتا طاعمهه عشان الحلويات😁،،،،المهم هو مشى الموضوع،،،وامي القعده كلها تحمر لي🐸💔😂😂،،،رفاعي قال لي اها خلصتي جامعتكي،،،قولته ليهو اسمها جامعتك وليس جامعتكي💔😤،،،قال لي كلوووو واحد،،،اها خلصتيها ولا لساااعكي،،،واي من كلمه لساعكي🐸💔😭😭😭😭،،،قولته ليهو خلصتها والله خلصتهاا،،،شوف سيره غيرها،،،قال لي اها ومالقيتي ليك شغلانيهه،،قولته ليهو لالا مالقيت،،حسيت نفسي ح استفرغ😷قولته لزوبه بعد اذنكم،،،جريت دخلتا جوه،،،اووف المخلوق دا مستحيل يكون ود خالتي💔😭😭😭😭،،،،رقدتاا ونومه واحده للعشاء ماحسيت الا بشبشب نبع الحنان ربنا يديها الصحه والعافيهه🐸💔💔💔واقعه فيني خبط زي الخبط،،،ولبيع وكفيت،،،قولته ليها زوبه استهدي بالله،،،في شنو مالك😨قالت لي انتي خليتي فيها مالك،،،قومي على حيلك،،وكمان جابت ليها سكر في كبايهه المويهه،،،،،انتي،،اعمل فيك شنو،،اعمل فيك شنو بس وريني،،فجأه بقت تقول اه اه،،ضغطي،،،،جريت غرفتا جبتا الجهاز،،وركبتو في يدها،،،لقيت ضغطتها طبيعي،،قولته ليها بتدلعي يازوبه،،ولا مشتاقه لابو اولادك🐸💔،قالت لي تلدي الفار يابعيده،،،رقدتا في حضنها وقولته ليها لابعيده ولا حاجهه،،،قالت لي قومي،،قومي مني قتلتيني،،،نفسي،يابت،،،قولته ليها خلاص معليش،،بس انتي عارفه ود اختك دا بجيب لي الهارت،،قالت لي ال شنوو،،قولته ليها الهارت،،،قالت لي هاارت اليقطع قلبك😠،،،،قولته ليها مابالغتي حبتين😂😂😂💔🐸اش هدا ايي والله نفس المعنى🐸💔😂😂😂،،،واثناء مابضحك فيها،،قوم يامازن ادفر الباب،،وتعال داخل انت وجااري علا من شعرا🐸💔،،،شغال ليها تاني ماف ليك اي جامعه فاهمهه ولالا،،عشان ابوي ماف،،انا تاني ببقى ليكم راجل،،ولا شايفني زيكم واحد،،،ويجووط،،،،قومتاا وقومتا زوبه معاي،،طلعنا بره،،علا قالت ليهو ماعندك شغله معاي،،،انت ابوي،،وبتبكي،،امي التفت علي مازن قالت ليهو عملت شنو بت الحرام دي كمان،،،قال ليها قولي ماعملت شنو،،،لقيتا نازله من عربيه رضوان ولا سعران دا😠واخر حبكانيات وابتسامات،،وكمان ماسك يدها ويوسوس ليها في اضانا،،،امي طبعا يا الله بتتنفس،،انا اصلا ما اتفاجأت كنتا بطق في لبانتي🐸💔،،امي قالت لمازن جرها لي جرا لي الكلبه دي هناا،،اها مازن بقى سااحب علا زي البهيمهه،،ورماها تحت كرعين امي،،،امي جرتا من شعرا ورفعتاا لفوق،،،قالت ليها دي اخرت الثقه مش،،،بتستهبلي علي،،علا قالت ليها ابدا والله،،وبعدين انتي عارفه البيني وبينوو،،قالت ليها اي عارفه،،بس ماعارفه بالفارغه البتعملوها،،،وطاااخ،،كف ساامووطي،،غير ملامح وش اختي الصغيره البرئيه🐸💔💔💔وقعت وعملت فيها غمرانهه،،قوم يا مازن يابطل،،جيب جردل المويهه وكبوا فيها🐸💔،،،وتاني رجعا تحت كرعين امي،،،امي قالت ليها تاني جامعه ليك ماااف،،تلفون مااف،،طلوع من البيت مااف،،،تقعدي زيك وزي الكلبهه دي واشرت علي🐸💔💔💔،لحدي ما ابوكم يجي يشوف فيكم حل،،انا خلاص تعبتا منكم،،،قالت لمازن جيب لي جهاز الصغط والحبوب والحقني،،قال ليها كويس،،حمر لعلا ومشى،،،اها علا بقت تجعر،،وانا لسه مستمره واطقطق في لبانتي🐸💔قالت لي انتي ماعندك دم😭😭💔قولته ليها تحبي اجرح ليك يدي عشان تتأكدي? دي اخرت المشي مع رضوان المعولق،،قولته ليك اختاري حاجه نضيفهه،،شغاله لي الحب اعمى😒اهو عميتي مره واحده يلا ارتاحي🐸💔،،،قالت لي ايناس الله ياخدك😭😭💔وقامت يا الله،،ودخلت الغرفهه غيرت ملابساا ومسكت تلفونا،،اظنها عاوزه تضرب لرضوان،،،جاها كف سبب ليها شلل نصفي🐸💔👋،،،امي قالت ليها تلفوون مااف قولتا ليك😠،،،،وقلعت منها التلفون ومشت ،،،،علا رقدت وبقت تبكي،بدون صوت،،حسيتا كتمت نفس،،،،مشيت قلبتهاا عاينت لي كده☹️ وقامت حضنتني وبقت تبكي،،،قالت لي انا والله بحبوو،،والبينا دا شي طبيعي بين اي اتنين بحبو بعض💔😭😭بس ماما ومازن استحاله يفهموا،،قولته ليها لو بحبك بالجد بدق الباب وبجييك عديييل،،،عاينت لي بإستغراب احساس جبتي الكلام دا من وين😂😂،،قولته ليها والله جد،،ولو رضوان فعلا شارريك ح تشوفي ح يعمل شنو عشان يصل ليك❤️،،،وعلى كده سكتت ونامت،،،،
الصباح قبل مازن يطلع قال لينا بس كده اشوف لي ضفر واحده بره البيت بعد المغرب،،بكسركم😠،،وشال ليهو بسكويت وطلع🐸💔،،يلا احلى احساس يكون عندك اخو هارشك والاحلى من كده اصغر منك❤️😂،،،علا عامله روحا زعلانه وماعايزه تشرب الشاي،،امي قالت ليها في 60،،،مووتي بالجوع والعطش،،،قالت لي وانتي كمان قومي جيبي القفه عشان تمشي الخضار،،قولته ليها كويس،،،شلتا القفه والقروش ولبستا لي توب معفن كده،،وطلعتا،،امي قالت لي ماتتأخري وتتسكعي فاهمه،،قولته ليها حااضر،،وقالت لعلا تغسل الملابس وتنضف البيت🐸💔مما يعني اني رااحهه😎💃💃💃،،،طلعتا وومشيتت،،في نص الشارع،،عمر وقف لي بالعربيه قال لي اركبي اوصلك،،قولته ليهو لالا ماف داعي،،قال لي اركبي،،رضوان موصيني على كم كلمه لعلا،،قال لي اقولهم ليك لو لاقيتك،،التفتا يمين وشمال وركبتاا،،،طبعا ريحه العربيه واااي واي واي نفسيات😭😭❤️❤️❤️❤️❤️ولا هو والقميص الكحلي عليهو ولا الشعر كيف ولا اللحيه ولا العيون ولا الخشيم🐸❤️اللهم الثبات بس😭💔💔،،،قال لي طبعا رضوان اتصل كم مره وخالتي زينب هي الردت،،،قولته ليهو امي😳😱،،وقالت ليهو شنو،،قال لي اتكلمت معاهو عادي وبإسلوب كويس يعني،،،وقالت ليهو يبعد عن علا وكذا،،بس هو قال ليها انو عايزها لقدام،،قولته ليهو لو عايزه من الاول كان يجي البيت،،قال لي في الاول هو وضعو ماكان مستقر يادوب امورو وضحت،،بس قولي لعلا هو لسه عايزها وماح يخليها الا تبقى على زمتوو❤️،،،وانا بعاين ليهو عيوني رغرقن🐸💔حسيت الكلام دا لي انا💔😭😭😭،،بعد شويهه قال لي انزلي،،قولته ليهو بهيجه كيف يعني انزل،،انت مركبني معاك عشان تنزلني،،قعد يضحك قال لي كده اهدي شويهه، مش جايه السوق،،اهو وصلنا السوق😊💔،،طبعا من الخجل حسيت ضفوري بقولوا لي ماتدخلي فينا ماح نشيلك فصحتينا🐸💔✋
#نوموا يلا يا هلوين🐸💔💔💔
