السلام عليكم
نازك الحمراني.. حبايب اتفاعلو على القصه حتى القاريها لان واتبادي كوه يفتح ومايظهرون قصصي للقراء ومثل منوهت تنزيل يومي
#السيد_والايزيديه
ِ "ولي في ضمريك ِ مثل ما انا ابتغيك
ِ ولك ٌ منزل ُ في سويداء القلب وخيام
ِ وزاد غلاك ٌ حب ُ ارعاه ِ ولا اشتكيك"
"حينما َ اصلي صلاة الشروق سأذكر حبي لك وحينما اصوم صوماً ازيدي ادعوا
الخالق لحفظك".
"متباعدان في المسافة ، مختلفين في الدين
متقاربان بالعمق
لكن في قلبي حبك ِ جعل سامع صوتك ِ لا بل انفاسك حياة اخرى لي".
ُ ّ لم ُ ينـساه َ هـو َ للمنكسرين ِ جابٌر فطأم
ُ لا يخلـق اللـه قلب ناث
واكف بغرفتي ضحكتي مافاركتني اريد اسد حلكي من الفرحه كل شوي اشوف تغمرني الفرحه وارجع اباوع عليه بيدي كتاب الترقية فرحان بأنجازي العظيم لازمهه واتمعن بيهه اتمعن بأسمي الثلاثي واللقب (رائد عادل جعفر الموسوي)
لأول مرة افرح من كل كلبي من اقرأ اسمي قبل ماكان يعني شي لكن هسة لا اختلف الوضع وصار لاسمي كنية ولقب اجمل شعور حققت حلمي الي عشت علموده حققت لقب ضابط وبجدارة حصلتهه بذارعي وبدون مساعدة احد
من زمان حلمي أصير ضابط لان جان حلم امي الله يرحمها دائما دكلي يمه رائد انت الخزره الي بعيونك مو مال تصير دكتور انت عيونك عيون ضابط تأمر وتنهي
جنت ابقى صافن كل ظني عيون الضباط تختلف عن عيون الشباب العاديه الله يرحمج يايمه شكد فطيره ومن أهل الله بس اتمنيتهه لو عايشه وتشوف شلون حققت حلمها
ضميت كتاب الترقية الرسمي بجيبي ، اباوع بالمراية واكرر بداخلي كلامي
(أرى شخٌص على المرآه يُحُبَني وما أجمل حُب الذات للذات)
فخور بنفسي لان فرحتي الاكبر بملابسي العسكرية والنجمات الثلاثة على چتفي شكد حلوات هاي النجمات واني رافع راسي فوكهن ضابط وهيبة والضباط الهه مكانه معروفة
..واجمل شي ما اخذت هالنجمات بسهولة لا اخذتهه بتعب اخذتهه بدورة تدريب مكثفه بالأردن وشفت نجوم الضهر بعيني يلة حصلتهه بس ميخالف كلشي يهون لخاطر هالترقية
رتبت شواربي مبتسم الكل يكول عني مغرور واعرف نفسي مغرور وشايف نفسي الغرور بداخلي يزيدني فخر احس نفسي مو انسان عادي لا اني اختلف عن البقية واسبقهم وافضل منهم بهواي امور
يحقلي الغرور ياعمي من أشوف قيافتي وطولي بالمراية ! شلون ميصيبني غرور ومنا حصلت النجمات وحقق حلم عمري فـ اكيد الغرور يغار من غروري
والكون جميل ويحب الجمال واني احب وسامة ملامحي واحب حواجبي المحددة بلا حلاق شعري الكثيف
خشمي المتناسق يحقلي انغر بوسامتي واتباهة بنفسي ولو كل الناس لاحظته بس رغم هذا ميهمني حچي الناس لأن الوسامه هبه من الطبيعه ولازم نقدسهه..
أنت تقرأ
السيد والأيزيديه
Spiritualحاولت المسير بقدم عرجاء حتى وقعت ثم سمعت نداء بصوت ملائكي قم يابني واستقم كما أمرت لاتذنب متى اردت حاولت بعد إن قمت لكن وجدت من زاحمت نبضات القلب فصار یخفق بقوه تاره وبعشق تاره اخری ليس أي حب...
