السلام عليكم
نازك الحمراني...
#السيد_والايزيديه تابعو الانستا مالتي
al_homrna
البارت الثاني
ركضت ع السيارة ممصدك عيوني هاي ملاك بشحمهه ولحمهه زين هذا منو الوياهه قبل لا اوصل خف الازدحام ومشت السيارة البهبان ولافت بالفرع رايحه ع كرادة داخل حاولت اركض وراهم بس مالحكت اخذت تلفوني واتصلت ع ملاك مرتين ترفضة بالثالثة جاوبت
ـ ليش ترفضي
ـ ياااا رائد ياهلاا والله مشتاقين شوكت رجعت من الاردن
ـ اشو مستغربة اي رائد
ـ شوكت رجعت
ـ مو وكتهه كليلي ليش ترفضي من اخابرج
ـ شبيك ياعيني ليش عصبي والله مو قصدي بس تلفوني اخذته جديد ومن نقلت الشريحه كل الارقام ضاعت مني فمعرفت هذا رقمك
ـ زين انتي وين ؟
ـ بالطريق رايحه لموضف ويانه اتصوب بانفجار ورايحين نشوفة
ـ ويامن ؟
ـ شنو تحقيق شبيك رائد وبعدين انت وين شوكت رجعت من الاردن
ـ البارحه رجعت وكلما اتصل عليج مغلق تلفونج وهسة جم مرة ترفضي خبلتيني
ـ بس اسمعني هذاك التلفون كل شوي ينطفي واخذت هذا جديد وكلتلك معرفتك عبالي رقم غريب هسة وصلنه لازم انزل باجر اشوفك حبيبي كلتلك هسة رايحين دنشوف موضف ويانه خطية متأذي
ـ صاعدة سيارة بهبهان بيضة مو؟
ـ شنو هاي تراقبني واني مادري
ـ لا بس اني باأبو نؤاس وية الرفاق ولمحتج بالسيارة بالازدحام ومكدرت اجي عليج السيارة سبقتني
ـ اي صح زميلنة ويانه بالشغل اخذنة
ـ بس مشفت احد وياج بالسيارة وشعجب انتي كاعدة ليكدام ليش مو ورة
ـ ههههه بعدين اكلك ليش مترهم هسة احجي فد ساعتين ارجع للبيت واخابرك
ـ اوك انتضرج بس لاتتأخرين
ـ تدلل
... سديت التلفون حسيت بنفسي رجعت الانسان القبلي او القبائلي العشائري اليحقق وية المراة وين وليش وشلون بس صدقاً مكدرت اتحكم باعصابي ولا مشاعري بهذيج اللحظة رغم احنة حزبنة اشتراكي ويدعو للاشتراكية لكن بكل شي اقبل المشاركة الا بالعرض مستحيل هالامر شي بداخلي رافض هالفكرة تماما لا نهما يكون احنة شرقيين ومنتقبل حرية المراة بشكل مطلق
ضميت التلفون ورجعت لاصدقائي لكيتهم يشربون جاي وشاربين استكاني كام مؤيد وصبلي استكان جاي حار وجابة يمي
ـ عشت
ـ حبيت معلوماتك عن القائد العظيم جيفارا ياريت تحجيلي اكثر عنة
أنت تقرأ
السيد والأيزيديه
Spiritualحاولت المسير بقدم عرجاء حتى وقعت ثم سمعت نداء بصوت ملائكي قم يابني واستقم كما أمرت لاتذنب متى اردت حاولت بعد إن قمت لكن وجدت من زاحمت نبضات القلب فصار یخفق بقوه تاره وبعشق تاره اخری ليس أي حب...
