تزوجت ريفية

4

‏اﻻصدقاء نوعان :
‏صديق ﻻتنسى فضله طوال حياتگ
‏وصـديق ﻻتنـسى غـدره ليوم ممـاتگ

#الكاتبة:مريم محمد

💙🎡💙🎡💙🎡💙🎡💙🎡💙🎡💙🎡💙🎡💙🎡💙🎡💙

يزن:صارت الساعه 6:30م الناس طشت وامي كالتلي لازم اكعد وياها اتعرف عليها وهم انا مشتريلها تلفون ولازم انطيه الها حتى نتواصل بيه دخلت جوة امي دلتني عالغرفه دكيت الباب كالت اتفضل دخلت تقدمت يمها بستها من راسها وكلتلها

يزن:مبروك عليج انا شفتها ضحكت بهدوء وكالت

سرى:ومبروك عليك انا

يزن:شنو راح تخليني واكف

سرى:ها اي لا اتفضل اكعد

يزن:كعدنا وكلتلها شكد عمرج وشمكمله

سرى:عمري 24 سنه مكمله سادس ابتدائي

يزن:تحبين تكملين؟

سرى:صراحة انا ما احب الدراسه يادوب نجحت من السادس

يزن:شكد معدلج

سرى:74

يزن:معناها مستواج زين وكلتلها بضحك يعني جهالنه يطلعون اذكياء امهم ذكية وابوهم مهندس

سرى:ظلت فاتحه حلكها انت مهندس؟

يزن:اي

سرى:بس كالولي ضابط

يزن:اي ضابط بس انا درست الهندسه لان احبها ومن خلصت دخلت كلية عسكرية وصرت ضابط

سرى:ما جنت اعرف زين ليش ما صرت مهندس ليش صرت ضابط؟

يزن:والدي جان حلمه اصير ضابط وانا ما حبيت اكسر بخاطره درست علمودي وحققت حلمه وهسه انا احب شغلي

سرى:الله يوفقك😊

يزن:تسلمين طلعت التلفون الي جبته الها وكلتلها هذا التلفون الج بيه رقمي حتى نتواصل بيه

سرى:شكرا الك ليش مكلف نفسك

يزن:لا عادي تستاهلين يلا اخذيلي طريق خل اطلع

سرى:حاضر

يزن:حسيتها مهذبه ورقيقة تعاملها كلش حلو طلعت سرى اخذتلي طريق وانا طلعت وطبعا جان ليل ما كدرنا نرجع ف ظلينا نبات صبولنا عشه وتعشينا ونمنا انا وامير وسلر بغرفة وامي وابوي بغرفة بيتهم جبير بيه هواي غرف فارغه مخلينها للخطار

🎡💙🎡💙🎡💙🎡💙🎡💙🎡💙🎡💙🎡💙🎡💙🎡💙🎡

ضحى:بعد ما راح جود صعدت بدلت ونزلت احضر وياهم العشه بس ماما كالت

ام ضحى:انتي شعدج جايه تشتغلين مو تعبانه روحي ارتاحي ماما البيت متروس نسوان احنه نشتغل

ضحى:لا ماما عادي ما تعبانه كلش

سوسن:اي خليها تشتغل شنو تروح ترتاح وهنا احنه خدم عدها نطبخ لخطبتها ولحظرتها حتى تاكل