အဂၤလိပ္​စာႏွင္​့ပတ္​သက္​သမ်ွ

အင်္ဂလိပ်စာတတ်လိုသော်

အင်္ဂလိပ်စာတတ်လိုသော် - ၄

စာအုပ်ညွှန်းပြီးတော့လည်း ဘယ်လိုလေ့လာရမလဲဆိုတာနဲ့ ဒီစာကြောင်းတွေကို ဘယ်လိုလေ့လာရမလဲ ရေးပေးဖို့လုပ်ရပြန်တယ်။ ဒါလေးကိုတော့ အရင်တုန်းက ရေးဖူးခဲ့တာလေးတွေရဲ့အဆက်အဖြစ်န့ဲ "အင်္ဂလိပ်စာတတ်လိုသော် - ၄" လို့ပဲ ခေါင်းစဉ်တတ်လိုက်ပါတယ်။
အင်္ဂလိပ်စာရဲ့ အဓိက ဒေါက်တိုင်ကြီးသုံးခုရှိတယ်။ အင်္ဂလိပ်စာလေ့လာသူတိုင်းသိကြပါတယ်။ Grammar, Usage (Vocabulary_words & phrases) န့ဲ Idioms ဒီသုံးမျိုးကို မဖြစ်မနေလေ့လာရမှာပါ။
အဲဒီသုံးခုမှစပြီး ဆက်ဆင့်ပွါးလာတဲ့အခါ sayings, proverbs, phrasal verbs တွေ ၊ နေ့စဉ်သုံးမှာထည့်သုံးကြတဲ့ informal colloquial english phrases တွေအထိပေါ့။

ဒီမှာတော့ စကားလုံးတွေအကြောင်းပြောကြည့်ရအောင်
Building your English vocabulary is an essential part of learning to speak English. တဲ့။
အင်္ဂလိပ်စာလေ့လာတယ်ဆို စကားလုံးတွေလေ့လာရမှာပေါ့။ စကားလုံးတွေများများသိလေ ကောင်းလေပေါ့။ အဲဒီတော့ ဘာလုပ်ကြလဲဆိုတော့ ဆူလွယ်နပ်လွယ်စကားလုံးတွေကို အလွတ်ကျက်ကြတော့တာပဲ။ ဆရာမကြီးဒေါ်ခင်မျိုးချစ်စကားနဲ့ပြောရရင် မီးနင်းအပူလောင်ကြတော့တာပဲ။ ဟုတ်ပါတယ် အင်္ဂလိပ်စာတတ်ဖို့အတွက် စကားလုံးတွေ အများကြီးသိဖို့လိုပါတယ်။ အဲဒီထက် ပိုလိုအပ်တာက အဲဒီစကားလုံးတွေကို စာကြောင်းတွေမှာ ဘယ်လိုသုံးထားလဲသိဖို့ ပိုလိုအပ်ပါတယ်။ ဆရာကြီး ဦးတက်တိုးပြောသလိုဆိုရင်တော့ ဥဒဟာရုံစာကြောင်းတွေပေါ့။
စကားလုံးတွေရဲ့ အသုံးပြုပုံ နည်းအထွေထွေကို စာကြောင်းနဲ့တကွ မှတ်ထားတဲ့အခါ စာရေးရာမှာပဲဖြစ်ဖြစ် သူများရေးထားတာကို ဖတ်ရာမှာပဲဖြစ်ဖြစ် ပိုပြီးနားလည်သဘောပေါက် ခံစားလွယ်တာပေါ့။ စကားလုံးအကြီးကြီးတွေက နားလည်ရလွယ်ပါတယ်။ တကယ်ခက်တာက နေ့စဉ်သုံးတွေမှာ သုံးနေကြတဲ့ စကားလုံးလေးတွေပါ။
ဒါနဲ့ပတ်သက်လို့ ့ဘဘဆရာကြီး ဦးခင်မောင်လတ်စာသင်ခန်းထဲမှာ ပြောနေကြစကားလေးပြန်အမှတ်ရလို့ ပြောချင်ပါသေးတယ်။ ဆရာကြီးက " သားတို့ သမီးတို့က 'GO' ဆိုတဲ့ စကားလုံးလေးကို သွားသည်လို့ပဲ မတ်ထားကြတာကိုး....တကယ်တော့ အဲဒီ 'Go' ရဲ့ အသုံးအထွေထွေကို ဘဘ သားတို့ကိုရှင်းပြရင် ဒီစာသင်ချိန်မျိုးနဲ့ဆိုရင် စာသင်ချိန်လေးငါးဆယ်ချိန်ရှိလိမ့်မယ်လို့ ပြောဖူးပါတယ်။
ဥပမာဆိုပါစို့ When it comes to learning English, you must have great persistence and perseverance. (အင်္ဂလိပ်စာလေ့လာမှုနဲ့ ပတ်သက်လာရင် ဇွဲန့ဲ မဆုတ်မနစ်အားထုတ်မှုရှိရမယ်)
ဒီစာကြောင်းမှာ persistence မဆုတ်မနစ်အားထုတ်မှု၊ perseverance ဇွဲ ဆိုတဲ့ ဒီစကားလုံးနှစ်လုံးကို Dictionary မှာ ရှာလိုက်ရင် ဒီစာကြောင်းကို နားလည်ရလွယ်ပါပြီ။ (ဘာနဲ့ပတ်သက်လာရင်....ညာနဲ့ပတ်သက်လာရင်...အဲလို တခုခုနဲ့ပတ်သက်လာရင်ဆိုတဲ့ စကားမျိုးရေးတဲ့ပြောတဲ့အခါမှာ When it comes to + V-ing ပုံစံအသုံးလေးမှတ်ထားပါ။ Tense ကတော့ အခြေအနေပေါ်မူတည်ပြီး ပြောင်းသုံးပေါ့ - စကားချပ်)
တကယ်ခက်ခဲပြီး လေ့လာသူကို ဒုက်ခပေးတာက နေ့စဉ်မြင်တွေ့နေကြစကားလုံးလေးတွေနဲ့ သူတို့ရဲ့ အသုံးအနှုံးတွေပါ။ Idiom ဆိုရင် idiom dictionary မှာရှာလို့ရပေမဲ့၊ phrasal verbs ဆိုရင် phrasal verb dictionary မှာရှာလို့ရပေမဲ့ တချို့ကျတော့ အဲဒါတွေနဲ့ လွတ်နေတဲ့ conversational phrases လေးတွေပါ။ အဲဒါက နားလည်ရခက်သွားရော။ အထူးသဖြင့် အင်္ဂလိပ်ဝတၳုတွေဖတ်တဲ့အခါ အဲဒီလို စကားပြောလေးတွေက ဒုက္ခပေးတော့တာပါပဲ။
စာများသွားလို့ "အင်္ဂလိပ်စာတတ်လိုသော် - ၅ " ဆက်ဖတ်ပါရန်-

"There is no royal road to learning!"
အင်္ဂလိပ်စာ တတ်မြောက်ထူးချွန်နို်င်ကြပါစေ.....

Edmond Dante
24-2-2019 14:04 hrs
Singapore

ဆက်ရန်-