#ازل مراد#
# عجل يابه شحلاتو#
قيس ..انا حجي قيس مواليد١٩٤٠ انا من سكنه كربلاء طول عمري بيتي مفتوح لخدمه الحسين وحته بوكت الخوف وناس اتخاف اتكول احنه انسوي للحسين اني ما اخاف وعندي ولد ثنين امير الجبير مواليد١٩٥٧ جان عمري من اتزوجت ١٦ سنه وسيف الزغير١٩٥٩ وامهم ميته بمرض مو زين واني ضليت ربيتهم حالتي الماديه عاديه زوجت امير هم من صار عمرة ١٦ سنه جان طالب موصط ويدرس وجان كالي على وحدة شايفه وكال خوش بنيه وصارت قسمتهم هوه ضل يدرس وبنيه قايمه بواجبه وحته اتداريني وزينه ويانه وحبلت جابت ولد ١٩٧١ اول فرحتنه بلبيت من بعد ما اخله من جهال سميته ادم وسيف هم طالب ١٤ سنه بلثاني موصط وضلت حياتنه عاديه وسيف كبر وصار كليه اول سنه وحب وحده من كليه وكالي عليه واتزوجو وعاشو يمنه ١٩٧٦ وضلو يدرسون سوة هوه ومرته ومارادو جهال لحد اخر سنه كليه حبلت وجانت امتحانات عدهم وصعبه عليه ومرت امير اتملمت منهم كله دوامات وبس هيه وابنه هم كالت ما اخلف على هل تعب وعدت ايامه مرت سيف ونجحت ومن بعدهه ولدت جابت ابنيه سنه١٩٨٠من الجمال ماشايف اتخبل وابوهه مانجح اخر كليه ترك وكال اشتغل صانع بمحل ويه وين الوضيفه ومدري شنو مهم ماكمل ومفاجئه صارت حرب ايران نفس السنه والقهر سيف دوز عليه يلبس بلجيش وصدك راح للجيش وبته ماصار عمرهه شهرين ما شبع منه واجت ايام وراحت ايام ونفس المنوال مرت سيف اتعينت مدرسه امير صار مهندس وادم صار بلرابع ابتدائي
ومن بعد ما صار عمر كهرمانه سنه ونص اتفاجأنه بيه مشيته مو تمام البنت بتعرج وامه جانت ملتهيه عنه وابوهه بلجيش وكل فترة ياله ايشوفه ومرت عمه امير نبهتي عليه لن جانت بلبيت وادم ايكلي جدو كهرمانه عرجه ومن اجه ابوهه اتخبل
سيف..بويه لازم اخذهه للطبيب ماطول جايب الراتب خل ناخذهه لبغداد
قيس..اي اي اني سالت على دكتور بغداد زين وبلفعل اخذناهه للطبيب طلع عدهه خلع ولادي وصعب العمليه مالته واذا سوينه العمليه فهي غاليه كلش واحنه على كد الحال يعني راتب ابوهه وامه تفاليس فحطيت دخل (حصاله،قاصه) نجمع بي من رواتبنه بس ابوهه يادوب امكمل مصروفهم واني كمت الم وحدي ابوهه دوام وامه وبنيه ضاله يمي كامت تمشي وتحجي ولسانه مكسور مو هلكد وشعرهه اشكر يتهفت بلهوة
كهرمانه..ددو ددو (جدو)
قيس..هااا ياروح جدج
كهرمانه..ددو ددو بابه دول ددو ايليدج نامين يمه(جدو جدو بابه ايكول جدو ايريدج اتنامين يمه)
قيس..ههههه ااي تعاي نامي زحلكوج يمي افرشلج بلكاع
كهرمانه..لا لا ددو اهاف(لا جدو اخاف)
قيس..ليش اتخافين
كهرمانه..ددو عو يتلع دوة تربايه هاف(جدو عو يطلع من جوة جربايه)
قيس..تعاي ياعمر جدج نامي يمي
طبعا كهرمانه اتخاف حيل ومن اتنام يم اهله ومن ابوهه يجي ايودهه لفراشه واتكوم اتنام يمهم وهمه يتقيدون بيه وايدزوهه يمي واني اموت عليه عكس ادم ذاك ميجي
