#ازل مراد#
#عجل يابه شحلاتو#
طبيت واشوف منوو الاجت شالت عيوني
منوو هااي اني ما اعرفه مرة موجبيرة بس وجه ذبلان وجوة عيونه سود ولابسه حجاب يوصل جوة صدرهه وعيونه صفر
والعبايه على جتافه ومرتجيه على القنفه
ومن طبيت فزت
،،،،كهرمانه
كهرمانه،، ااي كهرمانه منوو انتي
،،،انيي امج
كهرمانه،،منووووووو امي هزتني من گالت هيچ كلته امييي اني ماعدي ام امي ماتت من يوم العافتني وراحت چيف صگط
،،كهرمانه بنيتي بس اريد احاجيج
كهرمانه،،شتردين اتحاجيني وشنو اليربطني بيج يعني جيف انتي الخلفتيني
بس ذبيتيني وين متدرين شيصر بيه
عفتيني يم جدو رجال جبير حاير بيه
يغسل هدومي ويوكلني وايقريني وبيوم الجنت بي امس الحاجه الام مع الاسف ماكوووووو
،،بنيتي اعذريني بس اريد تسمعيني
كهرمانه،،شسمع شوفيني صرت مرة وحامل
ورجلي مابيه شي والكدامج مو طفله واتضحكين عليه وتقشمريه
كمت من احجي دموع تنزل،كتله تدرين
اني من رديت ومالكيتج اشسويت
سالت جدوو كالت اتجيبلج صوغه بس اتصيرين حبابه طعبا شيكلي امج ذبتج لن معاقه ومتتحملج وضليت ايام اتنطر بلمرجوحه واعاين للباب وهسه تجي امي
هسه ابويه يرجع
وكمت اسال جدووو وين امي وين ابويه
وشكل جدوو ميروح من بالي من كلبه ينعصر عليه وايلهيني لو يشتريلي اتصدكين من رديت ومالكيتج جان مشتريلي حلويات علمود ماابجي عليج
ام كهرمانه،،والله يكهرمانه اعرف وهذا ذنبي السويته بيج الله طلعه بيه
كهرمانه،،وهسه ترديني مو گضيت عمري اركض ورافلان وعلان اينام يمي اليل اخاف من الضلمه ومن ماكو احد اضل گاعده والخوف البيه اضل للصبح
وينج من شمرتيني ورحتي ماگلتي هاي بنيه تتعرض لكلشي وينج من اني بلمدرسه ويه اجتماع ولي الامر من اشوف البنات كل وحدة ويه امه اله اني لو جدوو لو حسن وكل هذا الوكت وجايه ماكلتي وين ولت واشصار بيه من مات جدوو
بله هم من اتنامين بليل ماكلتي بتي نامت
كاعدة مرتاحه مريضه
ام كهرمانه،،«منهارة بلبجي >>اعرف والله اعرف وحكج والله بس مااكلج سامحيني
كهرمانه،،منو ايسامحج
امكهرمانه،،بس اكلج اني مريضه وعلى موت واريد منج اتسمعيني
كهرمانه،،كعدت على ركبي وابجي واجت كدامي كعدت وهاي الحجي مرت عمي واكفه بلباب وحاطه ايدهه على حلكه وتبجي كعدت اكبالي ولزمت من اديه نفضت اديه منه بس هم لزمتهن وردت باوعت بعيوني نفس لون عيونه وشالت ايد وملصت الحجاب ومن شفته اخترعت ماعدهه شعر
ام كهرمانه،،شفتي اشون اني اتعاقبت واشد عقاب على كد ماانتي اتعذبتي اني اتعاقبت من عفتج ورحت اهلي اشترو بيت بغير منطقه وشلنه ومن شلنه اتعرف عليه ابن جيرانه وشافني من كثر مااطلع واطب وانعجب بيه وخطبني وافق عليه جانت الدنيا حلوة بعيني ماهمني لا ابوج
ولا انتي ومن بعدهه اتزوجت لو انگلب كلاب وبيت وعيال وحاربني على الراتب وامه تنحش بي واتريداشتغل بليبت لازمن ارجع تعبانه من الدوام اتريد اشتغل واضل بس اذب الجنطه مالتي وانضف واماعين
وطبخ اضل لليل وعدي تلاثه حموات ميشيلن الگشايه احسبي من اخلص شغل
والتعب البيه وعندي تصليح اوراق واضل هم لوكت متاخر وضلت حياتي هيج بلبدايه اخذته بحيلي بس بعدين كمت اتعب واقصر على روحي علمود ارضيهم
زين حته الدوام ردت اتركه بس اشون ميقبل ايريد فلوس وضليت هاي حياتي لحد سنه وماصار طفل وسنتين وهم ماكو امه اقامت حرب عليه وماخلصت من لسانه وانوب من زوجت بناته فرغتلي كلش زين وماكو طفل لزمت زوجت رجلي
واتريست عليه واني مااتحملت عفتهم ورحت لهلي ويوميه طلايب بلشارع من وراي وحته صار معارك ويردون اخويه وهوه يتكاتلون ولزمت مرت اخوي اتوسلت بيه ارجع لن راح ايروح اخويه من وراي وصدك رديت كمت اداوم وارد اكمل شغلي شوفني انواع الغذاب وانوب حبلت ذگت المرين رجلي صف وياهه وحته اني ميكلبني ولحد هذا اليوم خلفت منه خمسه بس اني صحتي بلنزلان اخر فترة حيل ومن رحت للدكتور وسويت تحاليل طلع صرطان بلدم بسبب القهر والتعب والسهر والضيم البيه ومن رديت كتله ماهتم وعمتي بعين الشامته اتباوعلي
بس صدكي اني مانسيتج وجانت الضروف حاكمتني ومااجذب عليج اجيت جم مرة دكيت الباب محد طلع ومن سالت على عمي گلو مات ودخت بيج وين رحتي ومن ارجع للبيت ايسوي تحقيق وانضرب بسبب الروحه
كهرمانه،،اشدراج اني هنا
ام كهرمانه،،شفتج قبل اشهر جنت بلمستشفى الانتي بيه جنت افتر بحاليلي وسمعت صاح اسمع ابو التحليل بس كلت يمكن متوهمه بس من شفت عمج ومرت عمج وادم عرفت انتي بس ماجيت لن بيا وجه واخذت التحاليل اتفاجأت بمرضي
وهسه اني گدامج اشتردين سوي احجي
براحتج
كهرمانه،،سمعت كل هذا مو بيدي شبگته وكمت ابجي وگتله ليششش عفتيني ليشششش عملود شنووو دمرتي روحج ودمرتي طفله ماله ذنب ليششش ماگلتي خاف اتحرشو بيه بنت تبلغ وماتفهم شي ماگلتي من وليت للعمليه منو راح وياهه ماگلتي اتزوجت حبلت اشصار بيه
ام كهرمانه،،والله گلت بس من اتزوجت حياتي مو الي
كهرمانه،،وخرت من حضنه ودموعي اديرر امي ماعدهه شعر واخر ايام مرضه
وموبيدي گتله مسامحتج يايمه صح من عفتيني بس الله ماعافني ذبني بدين ناس اتخاف منه وربيت يمهم سويت عمليه وطبت وهسه اني متزوجه ماگلته الباقي لن ميتسولف
وبعدين گلته اشعب اجيتي
ام كهرمانه،،من وصلت لمرحله الموت طردوني بلشارع ورديت لهلي بس گلت لازم اگلج شنو البيه وامنيتي اتسمعيني البيه لن المريت بي مو اقل منج
كهرمانه،،مسحت دموعي وگتله ضلي اخر ايامج يمي اريد صدك احس انو عندي ام
ام كهرمانه،،بنيتي اني مواته باجر عكبه اصبح نايمه بفراشي شتسوين بيه
كهرمانه،،اريدج من انتي هسه حسيتي انج غلطانه وعندج بنيه ورديتي اله اريد اخر ايامج يمي واني الاداريج لحد ما الله ياخذ امانته
ام كهرمانه،،راح اضل يمج واريد اتسولفيلي منو اتزوجتي
كهرمانه،،ضلت امي يمنه ونامت بلفراش واوكله بيدي وسولفت اله على حسن واشون رباني واتشوفني من اقرة قران على راسه مثلم اتعلمت ومن اغلط بلحجي واحجي مثلهم تضحك وسولف من.اتزوجت حسن وسكتت وكمت ابجي سالتني ليش هلبجي وليش ضاله هنا گتله زعلانه ماكتله اشصار بيه وبذاك اليوم ضلينه انسولف الليل كله لحد ماكمت اغفه على سوالفه ومن حسيت الصبح اگعدهه متگعد صحت مرت عمي واجوو ايرگضون
مع الاسف ماتت والله تأثرت كمت ابجي عليه نسيت السوته بيه واتذكرت هاي اللحضات الحلوة الگضيته يمي وصار الفاتحه بيتنه وقيليه الناس وفضت وخطيه خاله اجت اتواسيني وراحت خلصت الفاتحه وردت الغرفه فرغت عليه
وبطني كبرت وصرت ثمانيه اشهر وحركه الطفل موطبيعيه زارف بطني هههه بليل اشيل ثوبي واضل صافنه على بطني اشون تتحرك وقررت اروح لخاله رانروح للدكتورة خاله طبت بشهرهه وبيه ولد واتذكرت نذري اله طلعت ويه ادم الصبح
وحتله وكلته انروح انزور وصدك زرنه وعمو احمد ويانه وشديت اله علك بلباب ورديت لبيت خاله وللعصر رحت وياهه للدكتور فحصت خاله وكالت قربيه ولادته
ماباقيله واجه دوري لو اني كمت اخاف
دكتور،،شبيج بنيتي ترة ماسويلج شي
كهرمانه،،خخخ خخايفه ه
دكتورة، ،مامه لتخافين
كهرمانه،،صعدت وعندي سوال اسأله
دكتورة،، اتفضلي
كهرمانه،،جانت گاعدة خاله على الكرسي وتدري بيه اشصارر، ،كتله ايصير اطلع مو بنيه واني محد لامسني
ازل مراد
بله مراجعه وانتضروني بلبارت الجاي
واشكر التشجيع مالتكم وباي
