السلام عليكم ورحمة الله وبركاته
طبعا تعليقاتكم حلوة ولهذا السبب
نشرت هسه ههههه ومااصبر لليل
وكلما الكي تفاعل اكتب وانشر واتمنه ا
اتشاركوهه القصه حته صعد بفضلكم
#ازل مراد#
#عجل يابه اشحلاتو#
جنت طالع وشفت الكارثه الدنيا اضلمت ابعيني ...صديق سيف جاي هوه نفسه سالت اهله ماجان جاي ومن اجه بهدوم الجيش بعدة ماطاب لهله اجاني ايدة مكطومه والردان مال قميص مالته مشدودة من شافته كهرمانه ختلت وراي وسالته
قيس..يالله هاي اشبيه ايدك
احمد..عمي انكطمت من طك علينه لغم جان مزروع بلكاع ومن ركضنه طك اني جنت بعيد عنه فلاحني بيدي
قيس..الحمد لله من رجعت سالم
احمد..الله يسلمك عمي
قيس..بروح ابيك ما شفت سيف مو انتو رحتو سوة
احمد..خفت من سواله ..عمي والله شكلك ورأسان طفرن دموعي ودنجت راسي
قيس..بروح الحسين كول ليش تبجي صار بي شي
احمد..عمي خل انطب وانسولف
قيس..امشي امشي
قيس..اتفضل
احمد..عمي زاد فضلك
قيس..كول بروح ابيك كول كلبي منتهي عليه ودااموت
احمد..عمي البقاء الله
قيس..شنووووو مااااااات
احمد..ااااااي مات
قيس..الخبر فجعني كمت ابجي وادك على راسي ليش يا سيف ليش متت واتعوفني ليششش ولك هاي اني خلفتك لكبرتي تاليك اتموت ليششش
كهرمانه..جدووو جدوووو اشبيك
قيس..ابوج ابوج ولج بعد متشوفي راااح
كهرمانه..ليش جدووو ما اشوفه اني يوميه بحلم يجي ايبوسني وايروح
قيس..ابووووج مات يابعد جدج ماااات
كهرمانه..جدووو يعني شنو مات
قيس..يعني راح بطريق المامنه رجه
احمد..عمي على كيفك ويه روحك وعندي امانه وصاني عليه سيف
قيس..كول واحس كلبي منهار ودموعي اتصب راح اوليدي عمت عيني
احمد..شوف عمي من التحقنه وبلدرب نزلنه اشترة تراجي ازغار لكهرمانه دوائر كتله اشبيك سيف كلي والله ماادري احس كلبي ملهوف عليه ويعني اشكد ما اباوع بوجه مادا اشبع وخايف عليه من الدنيا شوف عينك كتله الله موجود كلي ونعم بالله كالي امانه اذا صار بيه شي وصلهن اله وكله لبوي ايدير باله على بنيتي وكال شغله هم
قيس..شنو
احمد..كلي امه لكهرمانه متصبر عليه واذا صار بيه شي ادري اتعوفه مرتي وحافضه كتله اشون كالي مرتي واعرفه اذا اتضل يمه اشويه تضربه زين حته من ردت اخلف منه بعد جاهل كلتي بزرك ايطلعون صكط ما اخلف من كالت هيج حسيته من ياطينه تعتبر بته صكط معاقه متعتبره بته تنقهر تتأذة لااا وأهم شي روحه ودوامه وابويه كله يمه اتضل وامداريه وصيته بته وكله امنيتي اشوفه تمشي عدل امنيتي تدري سولفلي من جنه اول يوم دوام بلجيش كلي بنتي ماشبعت منه ومن كبرت وشافه صكط والله كام ايموت اشوفه بليل من نكعد نحرس اشوفه يبجي عليه
