#ازل مراد#
#عجل يابه شحلاتو#
قيس..مو كتلج مات وميرجع
كهرمانه..هاااا اي مات مثل الحمامه.....
قيس..اي عفيه لعد كومي اقري ماطول ضوة
كهرمانه..اي اي جدوو كايمه
قيس..كملت السنه دراسيه وطلعت اولا ١٩٨٦ وخلص الدوام وبدت العطله وكهرمانه تسال على امه وابوهه اتريدهم وبصراحه اخذته ورحت لبيت جدهه بس الي فاجئني شايلن ودرت ورجعت وعدت العطله وصار دوام والحرب قائمه والشهداء اتروح منه يوميه من بيت شهيد طالع واصوات الغزاء والحرب والضرب قائم ودخول طيارات ايران وصوت التحذيرات والضرب على البيوت والناس تلجئ للمخيمات لحمايه عوائله وكت كلش اضلم وتعبت الناس حيل وفرفحت الحرب طولت فى سنه ١٩٨٧وكهرمانه موتتني خوفه اتخاف من كلشي وحته صديقات بلشارع ماعدهه ودائما بلمرجوحه لو تقرة لو عدهه صندوك كم لعبه بي تلعب بيهن وصار وكت الدوام صارت ثاني ابتدائي وكامت توعه على حياته وتفهم وتجي مرات تبجي مدري اشبيه من ترجع من المدرسه مشيته موتتني ومرات تعمه عيني من البجي عليه من تمشي بلكراج وتقرة تتوجه بلعودة مال الماسحه بس من تمشي كدامي اتسوي روحه تلعب بيه
وتعبت بصراحه كمت اتعب مااكدر تعبت هدوم اغسل رجال بكبري يكنس ويمسح ويطبخ كلشي اسوي لخاطرهة لخاطر سعادته بس بديت اتعب وبدت عليه علامات المرض
كهرمانه ..جدوو اشبيك متجي برة بلكراج
قيس..بنيتي تعبان توني كملت اماعين واريد اكوم اغسل هديماتج مالت المدرسه
كهرمانه..لااا جدو اني اغسلهن
قيس..لكيته غاسله اهدومه وكلهن تايت وصدريه مفصص تايت بيه وشارتهن على المرجوحه
كهرمانه..هاا جدوو خوش اغسل
قيس..جدوو عادمه الهدوم يابنتي مو كتلج اني اغسلهن
كهرمانه..اسفه جدوو مو شفتك مريض
قيس..حبيبتي اني من اشوفج مرتاحه ارتاح
كهرمانه..جدوو مريض زعلانه عليه اشبي ميكلي يشتغل وايكح اكله جدوو روح للطبيب ميقبل اشون والله ابجي عليه مدري اشبي اغسل الاهدوم ميقبل وعدت ايام وجدوو بس ايكح وحاط جفيه على حلكه ومرت ايام وهوه نفس الحال وحته عطله نص السنه عدت جدو كام حاله يتعب اكثر ولكاني ابجي بلمرجوحه
قيس..اشبيج
كهرمانه ..جدوو ليش مريض ومتروح للطبيب
قيس..مابيه شي كومي امشي بدلي هدومج وخل اطلعج البسي القميص ابو دكم وتنورة الجديدة خل انزور الحسين ماطول بعد وكت
كهرمانه..اي اي جدووو هسه الله راح انزور ولبست وطلعت على سريع وجدوو اخذني ويا للزيارة كادني وطبينه اني ويا ومن طلعنه اشترالي مصاص كووم ومن رجعنه كام ايكح اهووواي وكعد على صبه مال محل وشفت جدوو ذب دم من حلكه بلكاع وناس وكفت اتباوع واني شفت الدم يمه شنو هاي جدوو دمم من حلكك شووو جدوو خاف سنك وكع
