#ازل مراد#
#عجل يابه شحلاتو#
لغرفه عموو مكان عموو فارغ ،،
فتحت الكنتور هدومي نفس ماعلمني اصفط امصفطتهن اريد امد ايدي واشيلهن
مااكدر احس روحي ضايعه اشداسوي
يعني عمو ميقبل اطلع وجدو حلفني
اروح وياهم رديت سديت الكنتور ونزلت
امشي على كيفي رجليه ميشيلني فكرة انو راح اعوف البيت كلت اتوسل بجدوو
بلكي يقبل ابقه
انزل والرجفه برجليه رحت لجدوو بعدة كاعد يمهم ولا باوعت عليهم وباوعت لجدو وكتله عليك الله خليني مااريد اروح
وفكرت من چنت كاعدة واسمع ايكول على ذمته لعموو الفتهمه انو عموو مسؤليتي عليه ولازم ياخذون رايه هذا العرفته وكتله جدوو اني على ذمته لعموو حسن بس خل يجي اكيد ميقبل اطلع عفيه
سيد عباس.،كهرمانه يابعدوو لجدچ لا اتگهريني انه مساع مو گتلچ انوو حسن مفقود والي گصتوو انو ماهو ولو يرد ولو ماايرد وانه اگولچياهه انچ طعلتي من ضمتوو عبنه ماهوو وانه لحين ادورن عليه ويلاد اخوتي كله گابه ومالاكينوو لهلحزة
كهرمانه..اسمع من جدوو وكلي كمت ارجف باوعت بوجه جدوو السيد وكتله يعني م مم ما ت تت
سيد عباس..لا اتفاولين على عمروو انه گلت انفگد بس ماكتلچ مات
كهرمانه..كمت ابجي وادك على رجليه وكلته اررررررريدددد عمووووووووو السيد اريددد عموووو حسسسسن
وابچيي والله احس روحي خوت
يعني شعور يوجعع وكفت وعلى بچيه الوحدة وكتله جدوو خل ابقه
سيد عباس..كهرمانه لا اتعندي هاذ عمج اوخيوو لوالدچ واهوو احق بيچ اسمعيني
يبه احلفنچ براح تگصديلوو راعي كربلا
انچ تمشي معاهم وانتي بدربوو تدعي لحسن يخصلوو من شدتوو. ويرجع لينه ولچ
كهرمانه.،بس جدووو مااريدهم
امير..خلفلله عليچ ابنيتي متردينه شنوو
اني عمچ واهلج وميصير اتضلين واني موجود هسه تمشين وياي يله اتحضري
ام ادم مرت امير..يله كهرمانه.من چنتي ازغيرة اشكد احبچ وتجين بغرفتي وتلعبين بغراض ادم ومن يجي ادم اتختلين وراي واني الزمه وانتي اشردين
منه لو من الكاچ لاعبه بلمكياج اغسلچ وابدلچ وانتي دومچ اتضلين بلبيت وامچ دوام والله محبتن بيچ جاين ناخذچ
سيد عباس.،مشي حضري غريضاتچ وردي ويه اهلچ يولي لا اتعندي
كهرمانه..درت وجهي ورحت فوك لغرفه عموو اباوع چربايته المرتبه وغراضه على الميز من تحفيات وعطور فتحت فاتيه ساعات كلى وحدة بعلبته واشون امرتبهن
والله اني ماشافيه هيج ترتيب ودقيق
بلنضافه اذا احرك شي اترزل وباوعت على
صورته البلحايط جبيرة لابس دشداشته السودة وعكالو. يمكن هاي اول مرة اركز بلغرفه واتمعن بلتفاصيل رحت للتعلاكه مالت هدومه وعباتو امعلكه ودشاديشو
نزلن دموعي حارات على وجهي ورحت للكنتور اخذت جم حاجه وشلت حجاباتي
الجابهن عموو ايوصي بلحجاب واطول
جابهن وهم اخذتهن وطلعت عبايه وسديته للكنتور شلت عيوني لاحلي اللعبات الجابهن عموو ابد ماوخرهن وحدة منا وحدة منا اني عموو متشاركين الغرفه
بغراضنه وبعدين شلت علاكتي ويه البچي الزاد متت اكثر وبعدين رحت لبيبي تبچي عليه وماهلهه اتفاركني بوسته وطلعت رحتلهم وبدي علاكتي وهمه استأذنو وطلعت شفت السيارة صعدو واني صعدت ورة ومرت عمي يمي وابچي جن مفاركه اهلي عموو حسن عجيبه المكان مالته بكلبي ماادري شنو داحسه بس الاعرفه شي يوجع شلت راسي والدموع ادير واباوع الشجر والزرع لحد ماطلعنه للشارع
وانطلقنه لكربله وطريق كله ايحاچوني بس اتي فاصله ما اريدهم اصلان مااتقبل
اهل وله صله قرابه متدرون اني امي من عافتني اشصار بيه اني طول عمري اباوع على بنات وياي الامه كايدته والتجيه للشتماع ولي الامر كضيته جدوو يحضر وعموو حسن فشلون اتقبل عم وله مرته ولو هسه ايكولولي امچ اتريدج لو اموت والموت مو هين مااريدهه اريد بس البچه
عليه. يوم المارهمتلي عمليه هسه اني كبرت عمري اهدعش سنه وفي سنه جديدة شهر الواحد والدنيا باردة وحرب قائمه وربعي بلخامس بس اني ماداومت
لجل عموو واتذكر كل لحضه عدت عليه يمه جن تركت الدنيا هسه شعور موتني وصافنه ومدري اشكد اصوات بس لةاسمع ماافرزن لحد ماوصلنه للبيت مالتنه جنت اشكد اشتاقله بس والله عموو عوضني
باوعت وعيوني ركزن على الباب قفل مبدلي جديد،
كهرمانه ..رجعت لبيتنه نفس المرجوحه الزغيرة العفته وكله اتراب اتمشيت طبيت للبيت رحت لغرفه جدي نفس الفراش على حطيته متخربط اخر مرة جان نايم بي جدي من اتخربط باوعت على الخانه لبصف جربايه القران بمكانه فتحت فاتيه دوة موجود مالت جدي انترست عيوني دموع وكامن اينزلن جدوووو ليش اني هيج حضي فكرر ليش عفتني وبابه عافني
وعمووو هم راح اموتت والله وراح اموت
حطيت راسي على جربايه وابچي لحد ماشبعت واجت مرت عمي
ام ادم.،ليش هلبچي كومي يمنه اكعدي
كهرمانه..عمه خليني مااريد اطلع وضليت بغرفه جدوو واني ابجي واريد عموو
لحد ماعشه سوت مرت عمي ومااتعشيت
بالي مو يمهم خاف صدك عموو مايرجع
ومااكلكم نمت بليل ضليت كاعده على حيلي اني عيبي اخاف هذا دماري الضلمه
وكضيت عمري اركض ورة احد اينام يمي
يعني البكدي شبعانه من حضن امه اله اني
اكثر وحدة اكرهه هيه امي لن مارادتني
اني صح بعمر زغير كلشي صار بيه من وكت وعمر يعني قليل اليذكر اله اني
اتذكر لن جانت الذكريات حافرة اثر براسي
وبعد ساعه ساعين واني على كعده وحدة وبعدين حطين راسي بين رجليه وغفيت مثل اليتامه صدك هذا شعورري
وكعدت الصبح يمهم وحجابي عموو وصاني بي
كالت مرت عمي انزعي واني ابد اتخبل
عمي زين وياي ومرت اله ادم يعني هوه شاب ومن ايشوفني برة اكعد يم مرجوحتي يجي ينفرد بيه ومن اوكف ايدوس على رجلي ويضحك وكال اشكد اكرهج ياعرجه كتله ليش هيج اتسوي بيه
ادم،.ولج اكرهج كره اعمه انتي الجان جدي امفضلج عليه واذا اذيتي اضربج وانضرب من وراج ولج عمري اتذكر معامله جدي وياي ايزيد كرهي الج
كهرمانه.،اددم روحي شاطت رجلي تووجعني وخر رجلك عنه
ادم.،ولج انتي ماشفتي شي مني
كهرمانه.،دايس على رجلي وفرك رجله حيل شوغ روحي وخر واني صحت صوت
اجه عموو يركض وكتله ادم وياي لو ادم اتواعدلي كلي اني اعلمج
وصدك يوميه ضربه منه وتقريبا كضيته
مضلوله عمي ومرت ميرضون على ادم
بس كلما ينهان ايزيد عليه الى ان يوم تقريبا شهر ثاني وبرد سيد الشته وبليل تقريبا وج الصبح توني غافيه اني بليل ما انام المهم حسيت ضربني البرد برجليه ومن فزيت وفتحت عيوني شفت ادم بس اشون النوم بعيوني مو كلش يعني اخو الحلم رافع الغطه ومطلع رجليه وايباوعلي
لو اني طفرت شفته ماكوو الخوف التملكني مو طبيعي كمت ارجف صفنت على الباب مردودة ادم اكيد ايي شفته شراد ايسوي والله راح اتخبل والله مانمت من بعدهه قفلت الباب وابچي تعب سنين عدم نوم وبهذا عمري تعبت وبيومه ماشفته ادم بس صرت حريصه اذا اشوفه ابعد الف مرت عنه وضليت وياهم شبه عايشه ضعفت وجوه عيوني سود لعدم نوم من ورة ادم السوى غلط وطب لغرفت جدوو وكشف رجليه خلاني مااحس بشي اسمه امان ولحد يوم اني كاعدة الضهر بغرفه جدوو متجددة وداصلي عموو علمني كلشي متعلق بلدين وحلال وحرام بعمر الجهال تلعب بلشارع وداصلي وصلت لصلات لعصر وكملته دا ادعي ربي انوو عموو يرجع لحد ماسمعت صوت كانما رجعت للحياة من جديد
ازل مراد
توقعاتكم للبارت الجاي
منو اجه ومنو سمعته واشراح ايصير وياهه لكهرمانه احداث حلوة انتضروني بلبارت الجاي وراح اتكون احله اكيد وبدون مراجعه والبارت 12. اشوكت مااخلص انشر لعيونكم تدرون بيه ماالتزم بوقت اي وقت اكمل انشر وباااااي
