#ﺍﻟﻘﺎﺻﺮﺓ_ﻭـــﺬﻭ_ﺍﻟﺸﻌﺮ_ﺍﻻﺑﻴﺾ
ﺑﻘﻠﻤﻲ ﺍﻡ ﻏﺎﻳﺐ
#بارت١١
ﺷﺮﺩﺕ ﻣﻦ ﻫﻢ ﺍﻟﺰﻣﺎﻥ ﻭﺣﺰﻧﻪ
ﻭﺍﺗﺎﻧﻲ ﻫﻢ ﺍﻟﻘﻠﺐ ﻭﺍﻟﻨﺒﻀﺎﺗﻲ
ﺩﻗﺎﺗﻬﺎ ﺟﺮﺱ ﺷﻖ ﻣﺴﺎﻣﻌﻲ
ﻭﺿﺠﻴﺞ ﺣﺰﻧﻲ ﺍﻭﺟﻊ ﺍﻟﺼﺪﻏﺎﺗﻲ
ﻳﺎ ﺭﻭﺣﻲ ﺻﺒﺮﺍً ﻭﺍﻟﺤﻴﺎﺓ ﻃﻮﻳﻠﻪ
ﻻ ﺗﻴﺄﺳﻲ ﻟﻮ ﺯﺍﺩﺕ ﺍﻟﺤﺴﺮﺍﺗﻲ
ﻟﻠﺸﺎﻋﺮ ﻋﻤﺎﺭ ﻧﻮﺭﻱ ﺍﻟﺴﺮﺍﻱ
Ammar_noori98
ﺩﺭﺕ ﻭﺟﻬﻲ ﻓﺠﺄﻩ ﻭﺍﺑﺎﻭﻉ ﺧﺎﻟﻮ ﻋﻠﻲ ﻭﺍﻟﻲ ﻭﻳﺎ ﺟﻌﻔﺮ ...... ﺍﻧﺼﺪﻣﺖ .... ﺍﺣﺲ ﺭﺟﻠﻲ ﻭﺟﺴﻤﻲ ﻛﻠﻪ ﻛﺎﻡ ﻳﺮﺟﻒ ..... ﺍﺣﺲ ﺍﻟﻨﻔﺲ ﻛﺎﻡ ﻳﻄﻠﻊ ﻛﻤﺖ ﻣﺎﺍﺷﻮﻑ ﺑﻌﻴﻮﻧﻲ ... ﻏﻴﺮ ﻟﺤﻈﺎﺕ ﺍﻋﺘﺪﺍﺋﻪ ﻋﻠﻴﻪ ﻣﺪ ﺍﻳﺪﻩ ﺍﻝ ﻋﻤﻮﻳﺴﻠﻢ ﻋﻠﻲ ﻭﻋﻤﻮ ﻫﻢ ﻣﺪﻟﻪ ﺍﻳﺪﻩ ﻣﻴﻌﺮﻓﻪ .... ﻭﺍﻧﻲ ﺍﺑﺎﻭﻉ ﺍﻳﺪﻱ ﻛﺎﻣﺖ ﺗﺮﻋﺶ ﻣﻦ ﺍﻟﺨﻮﻑ ﻭﺍﺳﻨﺎﻧﻲ ﺍﺻﻄﻜﻦ
ﻓﺠﺄﻩ ﻋﻤﻮ ﺻﺎﺭ ﻋﺼﺒﻲ ..... ﻣﻼﻣﺤﻪ ﺑﻴﻦ ﻋﻠﻴﻬﻪ ﻣﺒﻴﻦ ﺗﻌﺮﻑ ﻋﻠﻲ ..... ﺍﺟﻪ ﻋﺼﺒﻲ ﺭﺃﺳﺎً ﻛﻠﻲ ﻛﻮﻭﻭﻣﻲ
ﺍﺟﻪ ﺧﺎﻟﻮ ﻭﺭﺍ ..... ﻭﻳﻦ ﺗﺮﻭﺡ ﻟﻌﺪ ﺍﻟﻤﻦ ﺧﺎﺑﺮﺕ ﻭﻛﺘﻠﻲ ﺗﻌﺎﻝ
ﻛﺘﻠﻚ ﺗﻌﺎﻝ ﺑﺲ ﻣﻜﺘﻠﻚ ﺗﺠﻴﺐ ﺍﻟﺤﻴﻮﺍﻥ ﻭﻳﺎﻙ
ﺟﻬﺎﺩ / ﻛﻮﻭﻭﻣﻲ ﻛﺘﻠﺞ
ﻣﺎﺍﺣﺲ ﺍﻟﻪ ﺟﻌﻔﺮ ﻛﺒﺎﻟﻲ ﻭﻛﻒ ﻳﻢ ﺧﺎﻟﻮ ﻋﻠﻲ
ﺟﻌﻔﺮ / ﻭﻳﻦ ﺗﺮﻭﺡ ﺗﺮﻩ ﻫﺎﻱ ﻣﺤﺴﻮﺑﻪ ﻋﻠﻴﻨﻪ ﺍﻧﺖ ﺷﻨﻮ ﺣﺘﻰ ﺗﻜﻮﻝ ﻛﻮﻣﻲ ﻭﺍﻧﺖ ﻣﻨﻮ ﺷﺘﻘﺮﺑﻠﻬﻪ ﺣﺘﻰ ﻛﺎﻋﺪ ﺗﻔﺮﻓﺮ ﻭﻳﺎﻙ
ﺟﻬﺎﺩ / ﻫﻬﻬﻬﻬﻬﻬﻬﻬﻪ ﻭﺍﻟﻠﻪ ﺿﺤﻜﺘﻨﻲ ﻭﺍﻧﻲ ﺍﺑﺪ ﻣﺎﻟﻲ ﻣﺰﺍﺝ ﺍﺿﺤﻚ ..... ﻳﺎ ﻙ .... ﻳﺎ ﺳﺎﻗﻂ ﻳﺎ ﻋﺎﺍﺍﺍﺍﺭ ﺗﻮﺧﺮ ﻣﻦ ﻛﺒﺎﻟﻲ ﻻ ﻫﺴﻪ ﺍﻓﻌﺼﻚ ﻓﻌﺺ
ﻋﻠﻲ / ﺟﻌﻔﺮ ﻛﺎﺍﺍﻓﻲ ﺍﺑﻮ ﺍﻛﺮﻡ ﻟﺘﺘﺠﺎﻭﺯ
ﺍﻧﺖ ﻫﻢ ﺗﺴﻜﺖ ﻻ ﻫﺴﻪ ﺍﻟﺪﻧﻴﺎ ﺍﻛﻠﺒﻬﻪ ﻋﻠﻰ ﺭﻭﺳﻜﻢ ..... ﺟﺎﻳﺒﻠﻲ ﻫﺬﺍ ﺍﻟﺤﺜﺎﻟﻪ ﺷﻨﻮﻭﻭﻭﻭ
ﻫﺠﻢ ﺟﻌﻔﺮ ﻋﻠﻰ ﻋﻤﻮ ﻭﺧﺎﻟﻮ ﻋﻠﻲ ﻭﻛﻒ ﻛﺒﺎﻟﻪ ﺑﺎﻭﻋﺖ ﻋﻠﻰ ﻋﻤﻮ ﻭﻻ ﺗﺤﺮﻙ ﺑﺲ ﻛﺎﻡ ﻳﺒﺘﺴﻢ ....... ﻭﻛﻠﻲ ﺍﻣﺸﻲ ﻓﺮﺣﻪ ﺗﻮﻧﻲ ﻣﺸﻴﺖ ﻟﺰﻣﻨﻲ ﻣﻦ ﺍﻳﺪﻱ ﺟﻌﻔﺮ ﻭﺟﺮﻧﻲ
ﺟﻌﻔﺮ / ﺍﻧﺖ ﻫﻴﻮﻭﻭﻭﻭﻭﻭ ﻣﻨﻮ ﺣﺘﻰ ﺗﻤﺪ ﺍﻳﺪﻙ ﻋﻠﻴﻬﻪ ﻭﺗﺮﻳﺪ ﺗﺎﺧﺬﻫﻪ
ﺍﻧﻲ ﺍﻧﺴﺤﻨﺖ ﺭﻭﺣﻲ ﻭﺍﻟﻨﺎﺱ ﻛﺎﻣﺖ ﺗﺒﺎﻭﻉ ﻛﻠﻬﻪ ﻋﻠﻴﻨﻪ
ﺭﺟﻊ ﻋﻠﻲ ﻭﺗﻘﺮﺏ ﻣﻦ ﻳﻤﻪ ..... ﻭﺧﺎﻟﻮ ﻭﺍﻛﻒ ﺑﻴﻨﻬﻢ ﻭﻳﻬﺪﺀ ﺏ ﻋﻤﻮ ﻣﻊ ﺍﻟﻌﻠﻢ ﻋﻤﻮ ﺍﺑﺪ ﻣﻮ ﻋﺼﺒﻲ ﻣﺎﺍﻋﺮﻑ ﺷﻠﻮﻥ
ﺟﻬﺎﺩ / ﺷﻨﻮ ﻛﺮﻭﻧﻚ ﻫﺴﻪ ﻳﺎﻟﻠﻪ ﺍﻧﺸﺎﻟﻦ ﻫﻲ ﻋﺎﺍﺍﺍﺍﺭ ﻫﻤﺰﻳﻦ ﺟﺎﻧﺖ ﺑﺎﻟﺸﻮﺍﺭﻉ ﺗﻔﺘﺮ ﻫﻤﺰﻳﻦ ﺧﺎﻟﻚ ﻣﺪﺭﻱ ﻋﻤﻚ ﻋﻠﻲ ﻛﺎﻝ ﻣﻌﻠﻴﻨﻪ ﺑﻴﻬﻪ ﺗﺮﻩ ﺍﻧﻲ ﻫﺴﻪ ﻣﻦ ﺍﺟﻴﺖ
ﺑﺲ ﻻﻥ ﻟﻸﺳﻒ ﺍﻧﺘﻮ ﻣﺤﺴﻮﺑﻴﻦ ﺑﺎﻟﻘﺎﻧﻮﻥ ﺧﻮﺍﻝ ﻋﻠﻴﻬﻪ
ﻭﺑﻌﺪﻳﻦ ﻣﺎﺷﻲ ﺗﺮﻳﺪ ﺗﺒﻘﻴﻬﻪ ﻳﻤﻚ ﺑﺸﺮﻁ ﻭﺍﺣﺪ ﺗﻌﻘﺪ ﻋﻠﻴﻬﻪ ﻭﺍﺫﺍ ﻻ ﺗﻨﺠﺐ ﻭﺗﺎﻛﻞ ﺧﺮﻩ ﻭﺗﻄﻠﻊ ﻫﺴﻪ ﻣﻨﺎ......بيج قصص عراقيه حقيقيه من واقعنا.روعه الطائي
ﺍﻧﻲ ﺍﻧﺴﺤﻨﺖ ﺭﻭﺣﻲ ﻣﻦ ﺣﺠﻪ ﻫﻴﺞ ﻋﻤﻮ ..... ﺑﺎﻭﻋﺖ ﻋﻠﻲ ﻫﻮ ﻣﺒﺎﻭﻋﻠﻲ ﻣﺴﺘﻤﺮ ﻳﺤﺠﻲ ﻭﻳﺎﻫﻢ ...... ﻛﻠﺒﻲ ﻭﺟﻌﻨﻲ ﻭﺍﻟﺤﺰﻥ ﺯﺍﺩ ﺑﻜﻠﺒﻲ ﺍﻟﻤﻮﺟﻮﻉ ﻣﻦ ﻛﺎﻋﻪ ....... ﻳﻌﻨﻲ ﻋﻤﻮ ﻣﺴﺘﺜﻘﻠﻨﻲ ﺣﻴﻞ ﻭﻣﻴﻌﻮﻝ ﻳﺨﻠﺺ ﻣﻨﻲ
ﻭﺧﺎﻟﻮ ﻋﻠﻲ ﻳﺴﻮﻟﻒ ﻭﻳﺤﺎﻭﻝ ﻳﻬﺪﻱ ﺍﻻﺛﻨﻴﻦ ﻭﺍﻧﻲ ﺭﻭﺣﻲ ﺭﺍﻳﺤﻪ ﺍﻳﺪﻱ ﻻﺯﻣﻬﻪ ﺟﻌﻔﺮ ....
ﻋﻠﻲ / ﺟﻌﻔﺮﺭﺭﺭ ﺍﺑﻦ ﺍﻻﻭﺍﺩﻡ ﺻﺮﻧﻪ ﻓﺮﺟﻪ ﻭﺍﻟﻨﺎﺱ ﺗﻌﺮﻓﻨﻪ ﻋﻮﻓﻬﻪ
ﻣﺎﺍﺧﻠﻲ ﻳﺎﺧﺬﻫﻪ
ﺧﺰﺭﻩ ﺧﺎﻟﻮ ﺣﻴﻞ ﻭﺟﺮﻧﻲ ﻣﻨﻪ ﻭﻛﺎﻝ ﺗﻌﺎﻟﻮ ﻧﺤﺠﻲ ﺑﺎﻟﺴﻴﺎﺭﻩ ﺑﺄﻱ ﻣﻜﺎﻥ ﻏﻴﺮ ﻫﻨﺎ
ﺟﻬﺎﺩ / ﺍﻧﻲ ﺍﺫﺍ ﻫﺬﺍ ﺍﻟﻨﺎﻗﺺ ﻳﺠﻲ ﻣﺎﺍﻛﻌﺪ ﻭﻻ ﺍﺣﺠﻲ ﺍﺑﺪ
ﻋﻠﻲ / ﺍﺑﻮ ﺍﻛﺮﻡ ﻣﻤﺸﻲ ﻋﻠﻴﻚ ﺣﺴﻴﻦ ﺍﻣﺸﻲ / ﺧﻞ ﻧﺸﻮﻑ ﺣﻞ ﻟﻠﺴﺎﻟﻔﻪ ﺻﺮﻧﻪ ﻓﺮﺟﻪ ﻭﺍﺣﻨﻪ ﻫﻨﺎ ﻣﻌﺮﻭﻓﻴﻦ
ﻣﻌﺮﻭﻑ ﻋﻠﻰ ﻧﻔﺴﻚ ..... ﺍﻧﻲ ﻛﻠﺖ ﻫﺬﺍ ﺍﻟﺴﺎﻗﻂ ﻣﻴﻜﻌﺪ ﻭﻳﺎﻧﻪ ﻫﻨﻪ ﻛﻠﻤﺘﻴﻦ ﺍﺣﺠﻴﻬﻦ ﻭﺍﺭﻳﺪ ﺍﺭﻭﺡ ﻭﺭﺍﻳﻪ ﻃﺮﻳﻖ ﻃﻮﻳﻞ
ﺩﻧﻜﺖ ﻭﺟﻬﻲ ﻣﻦ ﺑﻌﺪ ﻣﺎ ﻧﻀﺮﺍﺕ ﺟﻌﻔﺮ ﺿﻮﺟﺘﻨﻲ ﺷﻜﺪ ﺑﺸﻌﻪ ﻧﻀﺮﺍﺗﻪ ﻭﺷﻜﺪ ﺍﻛﺮﻫﻪ ﺑﺲ ﻟﻮ ﺑﻬﺎﻱ ﺍﻟﻠﺤﻈﻪ ﻳﻜﻮﻝ ﻋﺎﺩﻱ ﺍﺗﺰﻭﺟﻬﻪ ..... ﺍﺭﻭﺡ ﻭﻳﺎ ﻋﻞ ﺍﻗﻞ ﺍﻟﻲ ﻳﻜﻮﻥ ﻣﺘﻔﻀﻞ ﻋﻠﻴﻪ ﺷﺨﺺ ﺍﻛﺮﻫﻪ ﻭﻻ ﺷﺨﺺ ﺍﺷﻮﻑ ﺍﻟﺪﻧﻴﺎ ﺑﻌﻴﻮﻧﺎ
ﻟﺰﻡ ﺍﻳﺪﻱ ﻋﻤﻮ ﻭﺍﺧﺬﻧﻲ ﻭﻃﻠﻊ ...... ﺑﺲ ﺍﻧﻲ ﻣﻘﻬﻮﺭﻩ ﻣﻨﻪ ﺣﻴﻞ ﻛﻠﻤﺘﻪ ﺗﺠﺮﺡ ﺑﻜﻠﺒﻲ ﻣﻦ ﻛﻠﻪ ﺗﺰﻭﺟﻬﻪ ........
ﺍﺟﻮﻱ ﻭﺭﺍﻧﺎ ﺟﻌﻔﺮ ﻭﺧﺎﻟﻮ ﻋﻠﻲ ﻟﻠﻜﺮﺍﺝ
ﺻﻌﺪﻧﻲ ﺑﺴﻴﺎﺭﺗﻪ ﻭﻗﻔﻞ ﺍﻟﺒﺎﺏ ﻋﻠﻴﻪ .... ﺑﺪﻭﻥ ﻣﻴﺤﺠﻲ ﻭﻻ ﻛﻠﻤﻪ ﻭﺭﺍﺣﻮ ﻋﻠﻰ ﺻﻔﺤﻪ ﺑﺲ ﺟﻌﻔﺮ ﻣﺎﺍﻋﺮﻑ ﺷﺠﺎﻥ ﻳﺤﺠﻲ ﺑﺤﻴﺚ ﻋﻤﻮ ﺭﺍﺩ ﻳﺨﻨﻜﻪ ﻛﻮﻩ ﻭﺧﺮﻩ ﺧﺎﻟﻮ ﻋﻠﻲ ..... ﺑﻘﻴﺖ ﺍﺑﺎﻭﻉ ﻋﻠﻴﻬﻢ ﺑﻌﺪﻳﻦ ﻓﺠﺄﻩ ﺧﻄﺮ ﺑﺒﺎﻟﻲ ﺍﻓﺘﺢ ﺷﻮﻳﻪ ﺍﻟﺠﺎﻣﻪ ..... ﻓﺘﺤﺖ ﺍﻟﺠﺎﻣﻪ ﺷﻮﻳﻪ ﺍﻟﺼﻮﺕ ﺑﻴﻦ ﺑﺲ ﻫﻢ ﻭﺍﺿﺢ ﻻﻥ ﺑﻌﻴﺪﻳﻦ ﻋﻠﻴﻪ
ﺿﺠﺖ ﻭﺍﻧﻲ ﺍﺣﺲ ﺭﻭﺣﻲ ﻣﺜﻞ ﺍﻻﻃﺮﺵ ﺑﺎﻟﺰﻓﻪ
ﺑﺎﻭﻋﺖ ﺍﺟﻪ ﺑﺎﺗﺠﺎﻩ ﺍﻟﺴﻴﺎﺭﻩ ﻋﻤﻮ ...... ﻓﺘﺢ ﺍﻟﺒﺎﺏ ..... ﻭﺭﻛﻌﻪ ﺣﻴﻞ
ﻭﻛﺎﻟﻌﺎﺩﻩ ﺍﻟﺠﻜﺎﺭﻩ ﻣﺘﻨﺰﻝ ﻣﻦ ﺍﻳﺪﻩ ﺑﺲ ﺍﻟﻜﺤﻪ ﺯﺍﺩﺕ ﻋﻨﺪﻩ ...... ﺑﻘﻪ ﻭﺍﻛﻒ ﻣﺤﺮﻙ ﺍﻟﺴﻴﺎﺭﻩ ﻭﺍﻧﻲ ﺍﺧﺎﻑ ﺍﺳﺄﻟﻪ ﺑﺸﻲ ..... ﺍﻧﻲ ﻫﻢ ﺑﻘﻴﺖ ﺳﺎﻛﺘﻪ
ﺯﺍﺩﺕ ﻛﺤﺘﻪ ﻭﺍﻟﺠﻜﺎﻳﺮ ﺟﻜﺎﺭﻩ ﻭﺭﻩ ﺍﻟﺜﺎﻧﻴﻪ ...... ﻓﺘﺤﺖ ﺑﻄﻞ ﺍﻟﻤﻲ ﻭﺍﻧﻄﻴﺘﻪ ﺍﻟﻪ ﻛﺘﻠﻪ ﻋﻤﻮ ﻫﺎﻙ ﻣﻲ ...... ﺑﺎﻭﻉ ﻋﻠﻴﻪ ﻭﺍﺧﺬﻩ ﻣﻦ ﺍﻳﺪﻱ ﻋﺒﺎﻟﻚ ﻣﻦ ﺍﻧﻄﻴﺘﻪ ﺍﻟﻤﻲ ﺫﻛﺮﺗﻪ ﺑﻴﻪ ﺑﺲ ﻭﺧﺮ ﺍﻟﺒﻄﻞ ﻣﻦ ﺷﻔﺘﻪ ﻛﺎﻝ
ﻛﻠﺸﻲ ﻳﺼﻴﺮ ﺑﻴﺞ ﻣﻦ ﻭﺭﺍﺝ ..... ﻃﺒﺞ ﻣﺮﺭﺭﺽ ﺗﺴﺘﺎﻫﻠﻴﻦ ﻣﻦ ﺍﻭﻝ ﻣﺸﻔﺘﺞ ﻛﺘﻠﺞ ﺧﺮﺭﺭﺭﺭﺭﻳﺎﻥ ﺍﻋﺘﺪﻩ ﻋﻠﻴﺞ .... ﺿﻠﻴﺘﻲ ﻻ ﻭﻻ ﻭﺧﻠﻴﺘﻲ ﻫﺬﺍ ﺍﻟﺤﻴﻮﻭﻭﻭﺍﻥ ﻳﺤﺠﻲ ﺑﺰﻭﺩ ﻭﻣﺴﻴﻄﺮ ﻭﺣﺘﻰ ﻫﺴﻪ ﺿﺎﻉ ﻣﻨﻮ ﺍﻟﺼﺎﺩﻙ ﻭﻣﻨﻮ ﺍﻟﺠﺬﺍﺏ
ﺍﻧﻲ ﺳﻜﺘﺖ ﻣﺤﺠﻴﺖ ﻭﻫﻮ ﻫﻢ ﺭﺟﻊ ﺳﻜﺖ ...... ﺷﻮﻳﻪ ﻭﺷﺎﻝ ﻣﻮﺑﺎﻳﻠﻪ ﻭﻛﺎﻝ
ﻣﺎﺷﻲ ..... ﻳﻌﻨﻲ ﻗﺒﻞ ﺍﻟﻔﻠﻜﻪ ﻟﻮ ﻭﺭﺍﻫﻪ
ﻣﺎﺷﻲ ..... ﻣﺎﺷﻲ
ﺣﺮﻙ ﺍﻟﺴﻴﺎﺭﻩ ....... ﻭﺍﻟﺼﻤﺖ ﻣﻌﺒﻴﻬﻪ ﻳﻤﻜﻦ ﺑﻬﺎﻱ ﺍﻟﻠﺤﻈﻪ ﺍﻻﺑﺮﻩ ﺍﺫﺍ ﺗﻮﻛﻊ ﻳﻨﺴﻤﻊ ﺻﻮﺗﻬﻪ ﺑﺎﻭﻋﺖ ﻃﺒﻚ ﺍﻟﺴﻴﺎﺭﻩ ﻭﺭﻩ ﺳﻴﺎﺭﺓ ﺧﺎﻟﻮ ﻋﻠﻲ ...... ﺷﻜﺪ ﻣﺎﺧﺎﻟﻮ ﻋﻠﻲ ﺍﺻﻐﺮ ﻣﻨﻪ ﺷﻜﺪ ﻣﺎ ﻣﺒﻴﻨﻴﻦ ﻧﻔﺲ ﺍﻟﻌﻤﺮ .... ﺑﺲ ﻋﻤﻮ ﺟﻬﺎﺩ ﺍﺣﻠﻰ ﻣﻨﻪ .... ﻧﺰﻝ ﻭﺍﻧﻲ ﻋﻴﻮﻧﻲ ﺗﺒﺎﻭﻉ ﻋﻠﻲ ﻭﺗﺘﺒﻊ ﺧﻄﻮﺍﺗﻪ ﻣﺎﺍﻋﺮﻑ ﺷﺼﺎﺭ ﻭﻋﻠﻰ ﺷﻨﻮ ﺍﺗﻔﻘﻮ .... ﻳﻤﻜﻦ ﺭﺍﺡ ﻳﺰﻭﺟﻮﻧﻲ ﺟﻌﻔﺮ ﺣﺘﻰ ﺍﺫﺍ ﺭﺍﺿﻴﻪ ﺑﻨﺼﻴﺒﻲ ﻣﻦ ﺑﻌﺪ ﺍﻟﻲ ﺻﺎﺭ ﺑﻴﻪ ﺑﺲ ﺍﻛﻠﻚ ﻳﺎ ﻋﻤﻮ ﺣﺘﻰ ﺍﺫﺍ ﺑﻜﻠﺒﻲ ﺍﻧﻲ ﺍﺣﺒﻚ
ﺍﺟﻪ ﺗﻘﺮﺏ ﻋﻞ ﺳﻴﺎﺭﻩ ﻭﻓﺘﺢ ﺍﻟﺒﺎﺏ ..... ﻳﻠﻠﻪ ﻧﺰﻟﻲ
ﻧﺰﻟﺖ ﺍﻧﻲ ... ﻭﺭﺍ ﻻ ﺣﻮﻝ ﻭﻻ ﻗﻮﺓ ﺍﻟﻲ ﺍﻱ ﺷﻲ ﻳﺼﻴﺮ ﻫﺴﻪ ﺑﺎﻟﻨﺴﺒﻪ ﺍﻟﻲ ﺭﺣﻤﺔ ﻣﻦ ﺭﺏ ﺍﻟﻌﺎﻟﻤﻴﻦ ﻳﻄﻠﻌﻨﻲ ﻣﻦ ﺍﻟﻤﺼﻴﺒﻪ ﺍﻟﺒﻴﻬﻪ ﺍﺭﺩﺩ ﺑﻜﻠﺒﻲ ﻣﺎﺍﺭﻳﺪ ﺍﺻﻴﺮ ﻣﺜﻠﻬﻦ ﻻﺯﻡ ﺍﻧﻈﻒ ﻻﺯﻡ ﺍﻧﻘﺬ ﺍﻟﺠﺰﺀ ﺍﻟﻘﻠﻴﻞ ﺍﻟﻲ ﻣﺘﺒﻘﻲ ﻣﻦ ﻓﺮﺣﻪ
ﺩﺧﻠﻨﻪ ﺍﻟﻤﻜﺎﻥ ﻣﺎﺍﻋﺮﻑ ﺷﻨﻮ ﻣﺠﺮﺩ ﻏﺮﻓﻪ ﺟﺒﻴﺮﻩ ﺩﺧﻠﻨﻪ ﻭﺍﺟﻪ ﺭﺟﺎﻝ ﺟﺒﻴﺮ ﺷﻌﺮﻩ ﻛﻮﻟﻪ ﺍﺑﻴﺾ ﻭﺟﺒﻴﺮ ﺣﻴﻞ ﺍﻟﻲ ﻓﻬﻤﺘﻪ ﻋﻤﻮ ﻫﻮ ﺍﻟﻲ ﺭﺍﺡ ﻳﻌﻘﺪ ﻋﻠﻴﻪ
ﻛﺎﻣﻮ ﻳﺤﺠﻮﻥ ﻫﻤﻪ ﻭﺣﺘﻰ ﺧﺎﻟﻮ ﻛﻠﻪ ﻛﻠﻤﺎﺕ ﻳﺮﺩﺩﻫﻦ ﻻﻥ ﻫﻮ ﻭﻛﻴﻠﻲ
ﺑﺲ ﺍﻧﻲ ﺑﺎﻟﻲ ﻣﻮ ﻳﻤﻬﻢ ﺑﺎﻟﻲ ﻭﻳﻪ ﻧﻔﺴﻲ ﺍﻟﺜﻜﻴﻠﻪ ﻋﻠﻰ ﺍﻟﻜﻞ .... ﺟﻌﻔﺮ ﻛﺴﺮﻧﻲ ﻭﻣﻴﺮﻳﺪﻧﻲ ﻣﺒﻴﻦ ﻻﻥ ﻋﻤﻮ ﻛﻠﻪ ﺍﺧﺬﻫﻪ ﻭﻋﻤﻮ ﻋﺮﺿﻨﻲ ﻋﻠﻲ ﺍﺧﺨﺦ ﻳﺎ ﺯﻣﺎﻧﻲ ﺍﻟﻲ ﻭﻳﻦ ﺭﺍﺡ ﺗﺎﺧﺬﻧﻲ
ﻃﻠﻌﻨﻪ ﻣﻦ ﺍﻟﺴﻴﺪ ﻳﻌﻨﻲ ﻋﻤﻮ ﻫﺴﻪ ﺻﺎﺭ ﺯﻭﺟﻲ .... ﻣﻔﺮﻭﺽ ﺍﻓﺮﺡ ﻟﻮ ﺍﺣﺰﻥ ﻣﺎﺍﺩﺭﻱ ﻣﺪ ﺍﻳﺪﻩ ﺧﺎﻟﻮ ﻋﻠﻲ ﻭﻛﻠﻪ ﺑﺎﻣﺎﻧﺘﻚ ﻫﺴﻪ
ﺿﺤﻜﺘﻨﻲ ﻫﺎﻟﻜﻠﻤﻪ ﺑﺪﺍﺧﻠﻲ .... ﻫﺴﻪ ﻳﺎﻟﻠﻪ ﺗﺄﻣﻨﻲ ﻳﺎ ﺧﺎﻟﻮ ﺣﺘﻰ ﻣﻜﻠﻒ ﺭﻭﺣﻪ ﻭﺳﻠﻢ ﻋﻠﻴﻪ
ﺟﻬﺎﺩ / ﺍﻧﻲ ﺍﺗﺼﻞ ﻋﻠﻴﻚ ﻋﻠﻤﻮﺩ ﺍﻟﻤﺤﻜﻤﻪ .... ﺍﻟﻰ ﺍﻥ ﻳﻜﻤﻠﻦ ﺍﻟﺘﺤﺎﻟﻴﻞ
ﺻﻌﺪﺕ ﺑﺎﻟﺴﻴﺎﺭﻩ ﺑﻘﻴﻨﻪ ﻃﻮﻝ ﺍﻟﻮﻗﺖ ﺳﺎﻛﺘﻴﻦ ﺍﻧﻲ ﻣﺘﺠﻴﻪ ﺭﺍﺳﻲ ﻋﻞ ﺟﺎﻣﻪ ﻭﺍﺑﺎﻭﻉ ﻋﻞ ﻃﺮﻳﻖ ﻭﺩﺍﺧﻠﻲ ﻣﻘﻬﻮﺭ ﺍﺭﻳﺪ ﺍﻛﻠﻪ ﻟﻴﺶ ﻋﻤﻮ ﻋﺮﺿﺘﻨﻲ ﻋﻠﻰ ﺟﻌﻔﺮ
ﻭﺍﻧﻲ ﺻﺎﻓﻨﻪ ﻭﺍﻓﻜﺮ ﻓﺰﺯﻧﻲ ﺻﻮﺗﻪ ﻻﻥ ﺟﺎﻥ ﺳﺎﻛﺖ ﺑﺲ ﺻﻮﺕ ﻛﺤﺘﻪ ﺑﺎﻟﺴﻴﺎﺭﻩ
ﻓﺮﺣﻪ ﻣﺜﻞ ﻣﻜﺘﻠﺞ ﻫﺬﺍ ﺍﻟﺸﻲ ﺑﻴﻨﻲ ﻭﺑﻴﻨﺞ ﻭﺑﺲ ﻣﺘﺠﻔﺼﻲ ﺍﺑﺪ
ﻣﺎﺷﻲ ﻋﻤﻮ
ﺷﺒﻴﺞ ﺍﻧﺘﻲ ﺷﻮ ﻣﻮ ﻃﺒﻴﻌﻴﻪ
ﻫﺰﻳﺖ ﺭﺍﺳﻲ ﻣﺎﺑﻴﻪ ﺷﻲ ﻭﺭﺟﻌﺖ ﺗﺠﻴﺖ ﺭﺍﺳﻲ ﻋﻞ ﺟﺎﻣﻪ ﺍﺧﺬ ﻧﻔﺲ ﻋﻤﻮ ﺟﻬﺎﺩ ﺑﺼﻮﺕ ﻣﺴﻤﻮﻉ ﺭﺟﻌﺖ ﺩﺭﺕ ﻭﺟﻲ ﻋﻠﻲ ﻻ ﺍﺭﺍﺩﻳﺎً
ﺟﻬﺎﺩ / ﺗﺪﺭﻳﻦ ﻳﺎ ﻓﺮﺣﻪ ﻣﺎﺍﺟﺬﺏ ﻋﻠﻴﺞ ﻋﻘﻠﻲ ﻭﺩﺍﺧﻠﻲ ﺑﻲ ﻫﻮﺍﻱ ﻋﻼﻣﺎﺕ ﺍﺳﺘﻔﻬﺎﻡ
ﺷﻠﻮﻥ ﻳﻌﻨﻲ
ﻣﺎﺍﻋﺮﻑ ﻣﻜﺎﻋﺪ ﺍﻓﻬﻤﺞ ﻭﻣﻜﺎﻋﺪ ﺍﻋﺮﻑ ﺍﺻﺪﻛﺞ ﻟﻮ ﻻ
ﺧﺎﻟﺞ ﻋﻠﻲ ﻳﺤﻠﻒ ﻭﻳﻜﻮﻝ ﺟﻌﻔﺮ ﻣﻴﺠﺬﺏ
ﻭﺍﻧﺖ ﻋﻤﻮ ﻣﺘﺼﺪﻛﻨﻲ ﺻﺢ
ﺳﻜﺖ .... ﻣﺤﺠﻪ
ﺗﻤﻨﻴﺖ ﺟﻌﻔﺮ ﻳﻘﺒﻞ ﺑﻴﻪ ﻭﻻ ﺍﻧﺖ ﺗﺤﺴﺴﻨﻲ ﺍﻧﻲ ﺛﻜﻴﻠﻪ ﻋﻠﻴﻚ
ﺩﺍﺭ ﻋﻠﻴﻪ ..... ﺧﻮﺏ ﻫﺴﻪ ﺍﻧﺘﻲ ﺛﺒﺘﻲ ﻛﻼﻡ ﺧﺎﻟﺞ
ﺷﻠﻮﻥ ﻋﻤﻮﻭﻭﻭ ﺷﻠﻮﻥ
ﺗﺘﻤﻨﻴﻦ ﺗﺰﻭﺟﻲ ﻳﻌﻨﻲ ﺟﻌﻔﺮ ﺍﻣﻨﻴﻪ ﺑﺎﻟﻨﺴﺒﻪ ﺍﻟﺞ .... ﻟﺬﻟﻚ ﺍﺗﻬﻤﺘﻲ ....
ﻧﺰﻟﻨﻲ ﻋﻤﻮ ﺑﺄﻱ ﻣﻜﺎﻥ ﻣﺎﻋﻨﺪﻱ ﻛﻼﻡ ﺍﺣﺠﻲ ﻭﻻ ﺍﻛﺪﺭ ﺍﺑﺮﺭ ﺍﻟﻠﻪ ﺭﺍﺩﻧﻲ ﺍﺻﻴﺮ ﻣﺜﻞ ﺍﻣﻲ ﺍﻟﻲ ﻣﺎﻋﺮﻓﻬﻪ ﺍﻟﻲ ﻳﻜﻮﻟﻮﻥ ﻋﻠﻴﻬﻪ ﻭﺻﺨﻪ ﻭﺍﻇﺎﻫﺮ ﻟﻮ ﺷﺴﻮﻱ ﻣﺎﺍﻧﻈﻒ ﺍﺑﻘﻪ ﻭﺻﺨﻪ ﺣﺘﻰ ﻳﻢ ﺭﺏ ﺍﻟﻌﺎﻟﻤﻴﻦ ﻣﻊ ﺍﻟﻌﻠﻢ ﺍﻧﻲ ﻣﻮ ﻫﻴﺞ ﺑﺲ ﺭﺏ ﺍﻟﻌﺎﻟﻤﻴﻦ ﻳﺮﻳﺪﻧﻲ ﺍﺗﻮﺻﺦ
ﺩﺍﺭ ﻋﻠﻴﻪ ..... ﻫﺎﻱ ﺷﻨﻮﻭﻭﻭﻭ ﺍﻟﻠﻐﻮﻩ ﻫﺎﺍﺍﻱ ﺷﺪﺗﺤﺠﻴﻦ ﺍﻧﺘﻲ ﺍﻟﻠﺴﺎﻧﺞ ﺍﻛﺼﻪ ﺍﻧﺘﻲ ﻭﻳﻨﺞ ﻭﻳﻦ ﺍﻟﻜﻔﺮ ﻭﻟﺞ ﻫﺬﺍ ﻛﻔﺮﺭﺭﺭﺭﺭ ﺑﺎﺑﺎ ﺍﻟﻜﻼﻡ ﺍﻟﻲ ﻣﺘﻌﺮﻓﻴﻦ ﺗﺤﺠﻲ ﻟﺘﺤﺠﻲ
ﺑﺎﻋﻴﻠﻲ ﺍﻧﻲ ﻛﻞ ﻗﺼﺪﻱ ﺍﻧﺘﻲ ﺗﺼﺮﻓﺎﺗﺞ ﺗﺨﻠﻴﻨﻲ ﺍﺷﻚ ﺑﻴﺞ ﻗﺎﺑﻞ ﺍﻧﻲ ﻋﻨﺪﻱ ﺍﻟﺤﺎﺳﻪ ﺍﻟﺴﺎﺩﺳﻪ ﻭﺍﻋﺮﻓﺞ ﻛﺎﻋﺪ ﺍﻛﻠﺞ ﺍﻧﺘﻲ ﺩﺗﺨﻠﻴﻨﻲ ﺑﻬﺎﻱ ﺍﻟﺪﺍﺋﺮﻩ ﻣﺎﻝ ﺷﻚ ﻛﻞ ﺍﻟﻲ ﺍﻃﻠﺒﻪ ﻣﻨﺞ ﺗﺼﻴﺮﻳﻦ ﻭﺍﺿﺤﻪ ﺩﺍﺋﻤﺎً ﻣﻦ ﺍﻟﺒﺪﺍﻳﻪ
ﻋﻤﻮ ﻭﺍﻟﻠﻪ ﻣﻤﺠﺬﺑﻪ ﻋﻠﻴﻚ ﺍﻧﻲ ﺑﺄﻱ ﺷﻐﻠﻪ ﻭﺍﻟﻠﻪ ﻫﺬﺍ ﻛﻠﺸﻲ ﺻﺎﺭ ﻭﻳﺎﻱ
ﻛﺎﻓﻲ ﻳﻠﻠﻪ ﺳﺪﻱ ﺍﻟﻤﻮﺿﻮﻉ ﻣﻨﺎ ﻭﻫﻴﺞ ﻓﺮﺣﻪ ﺭﺍﺡ ﻳﺨﺘﻠﻒ ﻛﻠﺸﻲ ﺍﻟﻲ ﺍﻃﻠﺒﻪ ﻣﻨﺞ ﻣﺘﺠﺬﺑﻴﻦ ﻋﻠﻴﻪ ﺑﺄﻱ ﺷﻲ ﻣﺎﺷﻲ
ﻫﺰﻳﺖ ﺭﺍﺳﻲ ﺑﻤﻌﻨﻰ ﺍﻱ ﻭﺭﺟﻌﺖ ﺩﺭﺕ ﻭﺟﻬﻲ
ﻋﻤﻮﻭﻭ ﻟﻴﺶ ﻣﻮﺩﻳﺘﻨﻲ ﺍﺯﻭﺭ ﺑﺎﺑﺎ
ﻣﻜﻠﺘﻴﻠﻲ ﻭﻫﺴﻪ ﺍﺣﻨﻪ ﺭﺍﺟﻌﻴﻦ ﻏﻴﺮ ﻣﺮﻩ ﻭﺑﻌﺪﻳﻦ ﺍﻧﻲ ﻣﺎﺍﻧﺪﻝ ﻛﺒﺮ ﺍﺑﻮﺝ
ﺧﺎﻟﻮ ﻋﻠﻲ ﻳﻨﺪﻟﻪ
ﻣﺮﻩ ﺛﺎﻧﻴﻪ
ﺭﺟﻌﺖ ﺳﻜﺘﺖ ﺍﻟﻰ ﺍﻥ ﻏﻔﻴﺖ ﻻﻥ ﺟﻨﺖ ﻛﻠﺶ ﻧﻌﺴﺎﻧﻪ ...... ﻭﺟﻨﺖ ﻣﻠﻔﻠﻔﻪ ﺭﻭﺣﻲ ﺑﺎﻟﻌﺒﺎﻳﻪ ..... ﺑﻘﻴﺖ ﻻﺑﺴﺘﻬﻪ ﻣﻨﺰﻋﺘﻬﻪ ﺍﺑﺪ
ﺍﻟﻰ ﺍﻥ ﻛﻌﺪﺕ ﻋﻠﻰ ﺻﻮﺕ ﻋﻤﻮ
ﻳﻠﻠﻪ ﻓﺮﺣﻪ ﻭﺻﻠﻨﻪ
ﻓﺘﺤﺖ ﻋﻴﻨﻲ ﺍﻱ ﻭﺍﻟﻠﻪ ﻭﺻﻠﻨﻪ ﺷﺒﺴﺮﻋﻪ ...... ﻧﺰﻟﺖ ﻭﺍﺍﻧﻲ ﺧﻄﻮﺍﺗﻲ ﺛﻜﻴﻠﻪ ﺍﻟﺨﻮﻑ ﻣﻦ ﺍﻟﻤﺴﺘﻘﺒﻞ ﻫﻮ ﻳﺜﻜﻞ ﺧﻄﻮﺍﺕ ﺭﺟﻠﻲ ..... ﺻﺮﺕ ﺍﺧﺎﻑ ﻣﻦ ﻛﻞ ﻣﻜﺎﻥ ﺻﺢ ﻋﻤﻮ ﺟﻬﺎﺩ ﻣﺎﺍﺧﺎﻑ ﻣﻨﻪ ﺑﺲ ﺑﻴﺘﻪ ﻫﻢ ﻳﺨﻮﻓﻨﻲ .... ﺑﻲ ﺳﻠﻮﻯ ﻭﺑﻲ ﺍﻛﺮﻡ ﺍﻟﻲ ﺑﺲ ﻳﻜﻤﻞ ﺩﺭﺍﺳﺘﻪ ﻳﺮﺟﻊ ﻟﻠﻌﺮﺍﻕ
ﺍﻭﻝ ﻣﺎﺷﺎﻓﺘﻨﻲ ﺭﻣﺎﻧﻪ ﺭﻛﻀﺖ ﻋﻠﻴﻪ ..... ﺷﺒﻜﺘﻬﻪ ﻭﺑﺠﻴﺖ ﻻ ﺍﺭﺍﺩﻳﺎً
ﺭﻣﺎﻧﻪ / ﺍﺣﻨﻪ ﻧﺤﺒﺞ ﻟﺘﺮﻭﺣﻴﻦ ﺑﻌﺪ
ﺟﺮﺗﻨﻲ ﻣﻦ ﺍﻳﺪﻱ ﻭﺗﺼﻴﺢ ﺍﺟﺘﻲ ﻓﺮﺣﻪ .... ﺍﺟﺘﻲ ﻓﺮﺣﻪ
ﺍﺟﺘﻨﻲ ﺭﻛﺾ ﺭﻳﻬﺎﻡ
ﻋﺰﺯﺯﺯﻩ ﻋﺰﺯﺯﻩ ﺭﺟﻌﺖ ﺍﻟﺨﺒﻠﻪ ﺍﻭﻳﻠﻲ ﻭﺷﺒﻜﺘﻨﻲ ﺣﻴﻞ ﺣﻘﻴﺮﺭﺭﻩ ﺑﻌﺪ ﻟﺘﺮﻭﺣﻴﻦ
ﻭﺍﻧﻲ ﺍﺿﺤﻚ ﻓﺮﺣﺎﻧﻪ ﺍﺟﺘﻲ ﺳﻠﻮﻯ
ﻫﻢ ﺍﻧﺘﻲ ﺧﺮﺭﺭﺏ ﺣﻈﻲ ﺍﻧﺘﻲ ﺷﻨﻮﻭﻭ ﻣﻦ ﺑﺸﺮ ﻓﻬﻤﻴﻨﻲ ﻣﻨﺨﻠﺺ ﻣﻨﺞ
ﺭﻣﺎﻧﻪ / ﺍﺣﻨﻪ ﻧﺤﺒﻬﻪ
ﺳﻠﻮﻯ / ﺍﻧﺘﻲ ﺍﻧﺠﺒﻲ ﻭﺭﻭﺣﻲ ﺍﻗﺮﻱ ﺑﺴﺮﺭﺭﻋﻪ
ﺭﻳﻬﺎﻡ / ﺳﻠﻮﻯ ﺷﺒﻴﺞ
ﺍﻧﺘﻲ ﺍﻟﺜﺎﻧﻴﻪ ﺍﻟﺼﻤﻲ ﻭﻭﻟﻦ ﺍﻗﺮﻥ ﻭﺍﻧﺘﻲ ..... ﺗﺤﻠﻤﻴﻦ ﺍﺧﻠﻴﺞ ﺑﻬﺬﺍ ﺍﻟﺒﻴﺖ ﻭﺍﻟﻠﻪ
ﺿﺤﻜﺖ ﺑﺎﺳﺘﻬﺰﺍﺀ
ﻫﻴﻪ ﻫﺎﻱ ﺍﻟﻀﺤﻜﻪ ﺗﻠﻮﻙ ﺑﺲ ﻟﻠﺸﻴﺎﻃﻴﻦ ﺍﻣﺜﺎﻟﺞ ﺍﻣﺪﺩﺩﺍﺝ ﺍﻱ ﻭﺍﻟﻠﻪ
ﺑﻬﺎﻟﻠﺤﻈﻪ ﺩﺧﻞ ﻋﻤﻮ ﻣﻦ ﺑﺎﺏ ﺍﻟﺸﺎﺭﻉ ﺑﺲ ﻛﺤﺘﻪ ﺻﺎﻳﺮﻩ ﻣﻮﺳﻴﻘﻰ ﻋﺎﻟﻴﻪ
ﻓﺴﻜﺘﺖ ﺳﻠﻮﻯ ﻭﺩﺍﺭﺕ ﻋﻠﻰ ﺭﻣﺎﻧﻪ ﺟﺮﺗﻬﻪ ﻭﻛﻠﺘﻠﻬﻪ ﺍﻣﺸﻲ ﻛﺘﺒﻲ ﻻ ﻫﺴﻪ ﺍﺑﺘﻠﻲ ﺑﻴﺞ
ﺍﺭﻳﺪ ﺍﺑﻮﺱ ﺑﺎﺑﺎ
ﺑﻮﺳﻲ ﺑﺎﺑﺎ ﻭﺻﻌﺪﻱ ﻭﺍﺫﺍ ﻧﺰﻟﺘﻲ ﺭﺟﻠﺞ ﺍﻛﺼﻜﺼﻬﻦ
ﻋﻴﺒﺖ ﻋﻠﻴﻬﻪ ﺑﺤﻠﻜﻬﻪ ﺟﺎﻥ ﺗﻀﻮﺑﻬﻪ ﺭﺍﺷﺪﻱ ﺑﺤﻴﺚ ﺍﺣﻨﻪ ﻛﻠﻨﻪ ﺍﻧﺼﺪﻣﻨﻪ
ﺣﺘﻰ ﺭﻣﺎﻧﻪ ﻣﻦ ﺍﻟﺼﺪﻣﻪ ﺳﻜﺘﺖ ..... ﻭﺑﻌﺪﻳﻦ ﻛﺎﻣﺖ ﺗﻜﻤﺰ ﻭﺗﺼﺮﺥ ﻭﻋﻤﻮ ﺩﺧﻞ ﺑﻠﺤﻈﺘﻬﻪ ﺭﻛﻀﺖ ﻋﻠﻲ ﻭﺗﺄﺷﺮ ﻋﻠﻰ ﺳﻠﻮﻯ
ﺟﻬﺎﺩ / ﺷﺒﻴﺞ ﻭﻳﺎﻫﻪ
ﺭﻳﻬﺎﻡ / ﺗﻄﻠﻊ ﺣﺮﻛﺘﻬﻪ ﺏ ﺭﻣﺎﻧﻪ
ﺳﻠﻮﻯ / ﺍﻧﺘﻲ ﺳﻜﺘﻲ
ﺟﻬﺎﺩ / ﺷﺒﻴﺞ ﺳﻠﻮﻯ ﺷﻜﻮ ﺷﺼﺎﻳﺮ ﻭﻟﻴﺶ ﻭﻳﻪ ﺍﺧﺘﺞ ﺍﻟﺼﻐﻴﺮﻩ
ﺑﺎﺑﺎ ﻣﺘﺤﺘﺮﺭﺭﻡ ﺷﻠﻮﻥ ﻳﻌﻨﻲ ﻣﺎﺃﺩﺑﻬﻪ
ﺩﻧﻚ ﻋﻠﻰ ﺭﻣﺎﻧﻪ .... ﻟﻴﺶ ﺑﺎﺑﺎ ﺗﺘﺠﺎﻭﺯﻳﻦ ﻋﻠﻰ ﺍﺧﺘﺞ
ﺧﻴﻪ ﻣﻮﻭ ﺍﺧﺘﻲ ﺑﺲ ﺗﻀﺮﺏ ﺑﻴﻪ ﻭﻣﺎﺣﺐ ﻓﺮﺣﻪ ﺍﺣﻨﻪ ﻧﺤﺒﻬﻪ ﺗﻜﻠﻠﻨﻪ ﻟﺘﺤﺒﻮﻫﻪ ﻭﺍﺫﺍ ﺗﺤﺒﻮﻫﻪ ﺍﻣﻮﺗﻜﻢ ﻭﺍﺯﺍﻋﻠﻜﻢ ﺍﻧﻲ ﺍﺣﺐ ﻓﺮﺣﻪ ﻫﻴﻪ ﻫﻢ ﺍﺧﺘﻲ ﻣﻮ ﺍﻧﺖ ﻛﻠﺖ ﺍﺧﺘﻨﻪ
ﻣﺴﺢ ﺩﻣﻮﻋﻬﻪ ﻭﻛﻠﻠﻬﻪ ﻫﻴﻪ ﻫﻢ ﺗﺤﺐ ﻓﺮﺣﻪ ﻣﺎﻛﻮ ﻫﻴﺞ ﺷﻲ ﺣﺒﻴﺒﺘﻲ ﺍﻧﺘﻮ ﻛﻠﻜﻢ ﺧﻮﺍﺕ ﻭﻳﻠﻠﻪ ﺭﻭﺣﻲ ﺍﻋﺘﺬﺭﻱ ﻣﻦ ﺳﻠﻮﻯ ﻭﺑﻮﺳﻴﻬﻪ ﻣﺎﺍﻗﺒﻞ ﺗﺘﺠﺎﻭﺯﻳﻦ ﻋﻞ ﺍﻛﺒﺮ ﻣﻨﺞ ﺍﺣﻨﻪ ﻣﻮ ﻣﺘﻔﻘﻴﻦ
ﺭﺍﺣﺘﺮﻣﺎﻧﻪ ﺑﺎﺳﺖ ﺳﻠﻮﻯ ﻭﻋﻤﻮ ﺑﺲ ﻛﻞ ﺍﻟﺴﻠﻮﻯ ﺑﻌﺪﻳﻦ ﻧﺴﻮﻟﻒ ﺍﻧﻲ ﻭﻳﺎﺝ ﻭﺩﺧﻞ ..... ﺻﻌﺪﺕ ﻓﻮﻙ ﺍﻟﺠﺮﺑﺎﻳﺘﻲ ﺑﻌﺪﻫﻲ
ﺷﻌﺠﺐ ﻣﺸﻠﺘﻮﻫﻪ
ﻳﻮﻭﻭﻭ ﻏﻴﺮ ﺭﻣﺎﻧﻪ ﺗﺬﺑﺤﻨﻪ ﻟﺞ ﻣﻦ ﺭﺣﺘﻲ ﺑﺲ ﺗﺒﺠﻲ ﻋﻠﻴﺞ ﻭﺍﻟﻠﻪ ﺍﺟﺘﻨﻲ ﺷﺒﻜﺘﻨﻲ ﻭﺍﻧﻲ ﻫﻢ ﺑﺲ ﻟﻴﻜﺒﺮ ﺭﺍﺳﺞ
ﺷﺒﻜﺘﻬﻪ .... ﺗﺤﺒﻮﻧﻲ ﺭﻳﻬﺎﻡ
ﻃﺒﻌﺎً ﻧﺤﺒﺞ ﻏﻴﺮ ﺍﺧﺘﻨﻪ ﺍﻧﺘﻲ ﻭﻟﺞ
ﺍﻧﻲ ﻫﻢ ﺍﺣﺒﻜﻢ ﻭﺍﻟﻠﻪ ﺟﻨﺖ ﻣﺎﺧﺬﻩ ﺻﻮﺭﻩ ﺍﺣﻨﻪ ﺑﻴﻬﻪ ﻳﻮﻣﻴﻪ ﺍﺑﺎﻭﻉ ﻋﻠﻴﻬﻪ ﻗﺒﻞ ﻻ ﺍﻧﺎﻡ
ﺟﺮﺗﻨﻲ ﻣﻦ ﺍﻳﺪﻱ .... ﻭﻛﻌﺪﺗﺘﻨﻲ .... ﺗﻌﺎﻟﻲ ﺳﻮﻟﻔﻴﻠﻲ ﺷﺼﺎﺭ ﻭﻳﺎﺝ ﻭﻟﺞ
ﺑﻘﻴﺖ ﺍﺑﺎﻭﻉ ﻋﻠﻴﻬﻪ ﻣﻦ ﺳﺄﻟﺘﻨﻲ ﻫﺬﺍ ﺍﻟﺴﺆﺍﻝ ﺗﺨﺎﻳﻠﺖ ﻣﻦ ﺭﺍﺩ ﻳﻌﺘﺪﻱ ﻋﻠﻴﻪ ﻫﺬﺍ ﺍﻟﺤﻘﻴﺮ .... ﻟﻌﺒﺖ ﺭﻭﺣﻲ . ...
ﻛﺘﻠﻬﻪ ﻛﻠﺸﻲ ﺟﺎﻥ ﺣﻠﻮ ﻫﻨﺎﻙ ﺻﺎﺩﻗﺖ ﺑﻨﺎﺕ ﻭﻛﻠﺶ ﺣﺒﺎﺑﺎﺕ .... ﻭﻛﻤﺖ ﺭﺩﺕ ﺍﻃﻠﻊ
ﻭﻳﻦ ﺭﺍﻳﺤﻪ ﻭﻟﺞ
ﻟﻠﺤﻤﺎﻡ .... ﺍﺣﺲ ﻧﻔﺴﻲ ﻭﺻﺨﻪ ﺣﻴﻞ ﻧﺰﻋﺖ ﺍﻟﻌﺒﺎﻳﻪ ﺟﺎﻥ ﺗﻌﻴﻂ ﺭﻳﻬﺎﻡ
ﻋﺰﺯﺯﻩ ﺑﻌﻴﻨﺞ ﻭﻳﻦ ﺷﻌﺮﺝ ﻫﺎﻱ ﺷﻤﺴﻮﻳﻪ ﺧﺮﺏ ﻏﻴﺮﺗﺞ ﺍﻧﻮﺏ ﻓﻮﻙ ﺍﻟﻘﻬﺮ ﻧﺎﺱ ﻃﻮﻳﻠﻪ ﻭﻧﺎﺱ ﻗﺼﻴﺮﻩ ﻭﺿﺤﻜﺖ
ﻭﻟﺞ ﻋﺒﺎﻟﻚ ﻭﻟﺪ ﺻﺎﻳﺮﻩ ﺑﺲ ﻳﻠﻠﻪ ﻭﻟﺪ ﺣﻠﻮﻭﻭ ﻭﺿﺤﻜﺖ
ﻋﻔﺘﻬﻪ ﻭﻃﻠﻌﺖ ﺩﺧﻠﺖ ﻟﻠﺤﻤﺎﻡ ﻛﺒﻞ ﻛﻌﺪﺕ ﺑﺎﻟﻜﺎﻉ ﻭﺍﻧﻲ ﺍﺑﺎﻭﻉ ﻋﻞ ﺩﻭﺵ ﻣﻦ ﻳﻮﻛﻊ ﺍﻟﻤﻲ ..... ﺷﻠﻮﻥ ﺍﻧﻈﻒ ﻣﺘﺄﻛﺪﻩ ﺣﺘﻰ ﻫﺬﺍ ﺍﻟﻤﻲ ﻣﻴﻨﻈﻔﻨﻲ
ﺍﻧﻲ ﺑﺖ ﺯﻫﺮﻩ ﻳﺎ ﺭﺏ ﻣﻮ ﺑﺖ ﺫﻳﺞ ﺍﻟﻲ ﻳﺤﺠﻮﻥ ﻋﻠﻴﻬﻪ
ﺍﻧﻲ ﺑﺖ ﺯﻫﺮﻩ ﻭﺍﻟﻠﻪ ﺍﻣﻲ ﺷﺮﻳﻔﻪ ﻭﺍﺑﻮﻳﻪ ﺍﻧﺴﺎﻥ ﻃﻴﺐ ﻭﻓﻘﻴﺮ
ﻣﺎﺍﺭﻳﺪ ﺍﺭﺟﻊ ﻃﻔﻠﻪ ﻭﻻ ﺍﺭﻳﺪ ﻟﻌﺎﺑﻪ ﻭﻻ ﺍﺭﻳﺪ ﺍﺿﺤﻚ ﺑﺲ ﺍﺭﻳﺪ ﺍﻧﻈﻒ ﻳﺎ ﺭﺏ
ﻣﻜﺎﻋﺪ ﺍﺗﺤﻤﻞ ﺍﻧﻲ ﻗﺬﺭﻩ
ﺍﺑﺎﻭﻉ ﻋﻞ ﻣﻲ ﺑﺲ ﺑﺪﻭﻥ ﺍﻱ ﺩﻣﻮﻉ ..... ﺩﻣﻮﻋﻲ ﺑﺪﺍﺧﻠﻲ ﺗﺠﺮﻱ
ﺑﻘﻴﺖ ﺻﺎﻓﻨﻪ ﻋﻞ ﻣﻲ ﻛﻤﺖ ﺩﺧﻠﺖ ﺟﻮﺍ ﺟﺎﻥ ﺣﺎﺭ ﺣﻴﻞ ﺩﺧﻠﺖ ﺍﻧﺠﻮﻳﺖ ﻭﻭﺧﺮﺕ
ﺻﺤﺘﺖ ﺍﺧﺨﺨﺨﺦ ﺍﻛﺮﻫﻚ ﺣﺘﻰ ﺍﻧﺖ ﺍﻛﺮﻫﻚ ﻳﺎ ﻣﻲ ﺍﻧﺘﺒﻬﺖ ﻋﻠﻰ ﺭﻭﺣﻲ ﻣﺨﺒﻠﻪ ﺻﺮﺕ ﺩﻓﻴﺖ ﺍﻟﻤﻲ ﻭﺩﺧﻠﺖ ﻟﻠﺤﻤﺎﻡ ﺍﻟﻰ ﺍﻥ ﺑﺮﺩ ﺍﻟﻤﻲ ﻳﺎﻟﻠﻪ ﻃﻠﻌﺖ
ﺍﻭﻝ ﻣﻄﻠﻌﺖ ﻣﻦ ﺍﻟﺤﻤﺎﻡ ﺟﺎﻧﺖ ﺳﻠﻮﻯ ﺻﺎﻋﺪﻩ ..... ﺗﻘﺮﺑﺖ ﻋﻠﻴﻪ
ﺻﺎﺭ ﺳﺎﻋﻪ ﺑﺎﻟﺤﻤﺎﻡ .... ﺷﻨﻮ ﻣﻮﻛﻊ ﺍﻟﻮﺻﺦ ﻭﻟﻮ ﺍﻟﻮﺻﺦ ﺍﻟﻲ ﺍﻧﺖ ﺑﻲ ﻣﻴﻮﻛﻊ ﻟﻮ ﺗﺒﻘﻴﻦ ﻋﻤﺮﺝ ﺗﻐﺴﻠﻴﻦ ﺑﻲ ﺿﺤﻜﺖ ﺑﺴﺘﻬﺰﺍﺀ ﻭﺩﺧﻠﺖ ﺍﻟﻐﺮﻓﺘﻬﻪ
ﻳﻤﻜﻦ ﻟﻮ ﺍﻧﻲ ﻣﻜﺎﻧﻬﻪ ﻫﻢ ﻫﻴﺞ ﺍﺳﻮﻱ ﺑﻨﻴﻪ ﺩﺧﻠﺖ ﺑﻴﺘﻬﻢ ﻛﻌﺪﺕ ﺑﻴﻨﻬﻢ ﻭﻫﻴﻪ ﻏﺮﻳﺒﻪ ﻭﻣﻮ ﺑﺲ ﻏﺮﻳﺒﻪ ﻣﻦ ﺍﻟﺸﻮﺍﺭﻉ .... ﺟﺎﻳﻪ
ﺭﺟﻌﺖ ﻟﻠﻐﺮﻓﻪ ﻧﻤﺖ ﻋﻞ ﺟﺮﺑﺎﻳﻪ
ﺭﻳﻬﺎﻡ / ﻣﺘﺘﻐﺪﻳﻦ
ﻻ ﻣﺠﻮﻋﺎﻧﻪ ﺍﺭﻳﺪ ﺍﻧﺎﻡ
ﺩﻛﻮﻣﻲ ﻭﻟﺞ ﻣﺸﺘﺎﻗﻴﻠﺞ ﻳﺎ ﻧﻮﻡ ﻫﺬﺍ
ﻣﺎﺍﺭﻳﺪ ﻭﺍﻟﻠﻪ
ﺍﻫﻮﻭﻭﻭﻭ ﺷﻮ ﺻﺎﻳﺮﻩ ﻛﺌﻴﺒﻪ ﻋﺎﺑﺘﻠﺞ .....
ﺗﻌﺒﺎﻧﻪ ﻭﺍﻟﻠﻪ ﻣﺎﻟﻲ ﺧﻠﻚ
ﺷﺒﻴﺞ ﻏﻴﺮ ﺗﺤﺠﻴﻦ ﺷﻜﻮﻭ ﺩﻛﻮﻣﻲ ﺧﻞ ﺍﻋﺪﻟﺞ ﺷﻌﺮﺝ ﺷﻨﻮ ﻫﺎﻱ ﺯﻛﺎﺯﻳﻚ
ﺩﻋﻮﻓﻲ ﻫﺴﻪ
ﺩﻛﻮﻭﻣﻲ ﻟﺞ ﺟﺎﺑﺖ ﺍﻟﻤﻜﺺ ﻭﻛﺎﻣﺖ ﺗﻌﺪﻝ ﺑﻲ ﺑﻌﺪ ﻣﺎﻋﺪﻟﺘﻪ ﺻﺎﺭ ﺍﻛﺼﺮ ﻣﻦ ﻗﺒﻞ ﺻﺎﺭ ﻭﻻﺩﻱ ﻭﺗﻌﺪﻝ ﻭﺗﻜﻠﻲ ﺍﻣﺪﺍﺝ ﺟﺎﻥ ﺷﻌﺮﺝ ﻳﺨﺒﻞ
ﺍﻟﻰ ﺍﻥ ﻛﻤﻠﺖ ﻧﻤﺖ ﺑﻔﺮﺍﺷﻲ ﻭﻫﻲ ﻧﺰﻟﺖ ﻭﻋﺎﻓﺘﻨﻲ
ﺍﺣﺲ ﻧﻔﺴﻲ ﻣﺨﺘﻨﻜﻪ ﺣﻴﻞ ﺗﻌﺒﺎﻧﻪ ﺣﻴﻞ ﻣﻦ ﺍﻟﺤﻴﺎﺓ ﻟﻮ ﻋﻨﺪﻱ ﺍﻟﺸﺠﺎﻋﻪ ﻭﺍﺣﺪ ﺑﺎﻟﻤﻴﻪ ﺍﻧﺘﺤﺮ ﺟﺎﻥ ﺍﻧﺘﺤﺮﺕ ﺑﺲ ﺍﺧﺎﻑ
ﺑﻘﻴﺖ ﺑﻔﺮﺍﺷﻲ ﻟﻠﻴﻞ ..... ﺍﻟﻰ ﺍﻥ ﺟﻌﺖ ﺟﺎﻥ ﻋﻤﻮ ﻛﺎﻋﺪ ﺑﺎﻻﺳﺘﻘﺒﺎﻝ ﻳﺒﺎﻭﻉ ﺗﻠﻔﺰﻳﻮﻥ ﻭﺻﻮﺗﻪ ﻋﺎﻟﻲ ﺣﻴﻞ ﺑﺪﻭﻥ ﻣﺎﺍﻣﺮ ﺍﻟﻪ ﺍﺧﺬﺗﻠﻲ ﻟﻔﻪ ﻭﺻﻌﺪﺕ
ﺛﺎﻧﻲ ﻳﻮﻡ ﺍﺧﺬﻧﻲ ﻋﻤﻮ ﺳﻮﺍﻟﻲ ﺗﺤﺎﻟﻴﻞ ﻋﻠﻤﻮﺩ ﻋﻘﺪ ﺍﻟﻤﺤﻜﻤﻪ
ﺭﺣﻨﻪ ﺳﺎﻛﺘﻴﻦ ﻭﺭﺟﻌﻨﺎ ﺳﺎﻛﺘﻴﻦ ﻻ ﻣﺴﺠﻞ ﻭﻻ ﺻﻮﺕ ﺷﻲ ﺛﺎﻧﻲ ﺑﺎﻟﺴﻴﺎﺭﻩ ﻋﻴﺮ ﺑﺲ ﺍﻟﻜﺤﻪ ﻣﺎﻟﺘﻪ ﻣﺎﺍﻋﺮﻑ ﻣﺠﺎﻥ ﻫﻴﺞ ﺟﺎﻧﺖ ﻗﻠﻴﻠﻪ ﺑﺲ ﻫﺴﻪ ﺯﺍﻳﺪﻩ
ﻣﺮ ﺍﺳﺒﻮﻉ ﻛﺎﻣﻞ ﻋﻘﺪﻧﻪ ﺑﺎﻟﻤﺤﻜﻤﻪ ﺻﺎﺭ ﺯﻭﺟﻲ ﺭﺳﻤﻴﺎً ﺑﻮﺟﻮﺩ ﺧﺎﻟﻮ ﻋﻠﻲ
ﺍﺣﺲ ﻋﻤﻮ ﻛﺎﻡ ﻳﺘﺠﻨﺒﻨﻲ ﺣﺘﻰ ﺑﺎﻟﻜﻼﻡ ﺍﻟﺒﺴﻴﻂ .... ﻭﺍﻧﻲ ﻫﻢ ﻃﻮﻝ ﺍﻟﻮﻗﺖ ﺍﻗﻀﻲ ﻓﻮﻙ .... ﻣﻨﺘﻈﺮﻩ ﺍﻟﺴﻨﻪ ﺗﻜﻤﻞ ﺣﺘﻰ ﺍﺭﺟﻊ ﺍﻛﻤﻞ ﺑﻌﺪﻧﻲ ﺑﺎﻟﺜﺎﻧﻲ
ﺑﺎﻟﺼﺪﻓﻪ ﻧﺰﻟﺖ ﺩﺧﻠﺖ ﻟﻼﺳﺘﻘﺒﺎﻝ ﻫﺪﻭﺀ ﺟﺎﻥ ﺍﻟﺒﻴﺖ ..... ﺑﺪﺧﻠﺘﻲ ﺻﺤﺖ ﻩﺀﺀﺀﺀ
ﺳﻠﻤﺎﻥ / ﺷﺒﻴﺞ ﺷﺸﻔﺘﻲ ﻛﺪﺍﻣﺞ
ﻣﺎﺍﺩﺭﻱ ﺑﻴﻚ ﻫﻨﺎ
ﺭﺩﺕ ﺍﻃﻠﻊ ﻛﺎﻝ ﺍﻭﻛﻔﻲ ﺑﺲ ﺍﺣﺠﻲ ﻭﻳﺎﺝ ﺷﻐﻠﻪ .... ﻛﺎﻡ ﺗﻘﺮﺏ ﻳﻤﻲ ..... ﺍﻧﻲ ﻣﺠﻨﺖ ﻻﺑﺴﻪ ﺣﺠﺎﺏ ﺑﺲ ﺗﺮﺍﻛﺴﻮﺩﻱ ﻣﺴﺘﻮﺭ ....
ﻛﺘﻠﻪ ﺗﻔﻀﻞ
ﻏﻤﺰﻟﻲ .... ﻭﻛﺎﻝ ﻻﻳﻜﻠﻚ ﻳﺎﺏ ﺍﻟﺸﻌﺮ ﺍﻟﻘﺼﻴﺮ
ﺍﻧﻲ ﺍﻧﺼﺪﻣﺖ ﻣﻦ ﺍﺳﻠﻮﺑﻪ ﺭﺩﺕ ﺍﻃﻠﻊ ..... ﺭﺃﺳﺎً ﻟﺰﻡ ﺍﻳﺪﻱ ﺑﻜﻞ ﺻﻼﻓﻪ
ﺟﺎﻥ ﻳﻜﻠﻲ
ﺍﻋﺼﺎﺑﻚ ﻳﺎ ﺣﻠﻮ .... ﺷﻨﻮ ﺑﻘﺖ ﻋﻠﻴﻨﻪ ﺍﺣﻨﻪ ﻟﻮ ﺍﺣﻨﻪ ﻣﻨﻌﺠﺒﻚ
ﺟﺮﻳﺖ ﺍﻳﺪﻱ ﻣﻨﻪ ﺣﻴﻞ ﺣﺴﻴﺖ ﺍﻟﺪﻧﻴﺎ ﻛﺎﻣﺖ ﺗﻔﺘﺮ ﺑﻴﻪ ..... ﺭﺃﺳﺎً ﻃﻠﻌﺖ ﻭﻋﻔﺘﻪ ﺟﺎﻥ ﺗﻨﺰﻝ ﺳﻠﻮﻯ ﺷﺎﻓﺘﻨﻲ ﻣﻦ ﻃﻠﻌﺖ ﻣﻦ ﺍﻻﺳﺘﻘﺒﺎﻝ ﺍﻧﻲ ﺍﺣﺲ ﻭﺟﻬﻲ ﺻﺎﺭ ﺍﺣﻤﺮ ﻣﻦ ﺍﻟﺤﺮﺍﺭﻩ ﺍﺭﺗﺒﻜﺖ ﺣﻴﻞ ﻭﺭﺣﺖ ﻟﻠﻤﻄﺒﺦ
ﺷﻮﻳﻪ ﻭﺍﺟﺘﻨﻲ .... ﺳﻠﻮﻯ ﻫﺎﺩﻩ ﻋﻠﻴﻪ
ﺷﺠﻨﺘﻲ ﺗﺴﻮﻳﻦ ﻳﻢ ﺳﻠﻤﺎﻥ ﺑﺎﻻﺳﺘﻘﺒﺎﻝ
ﺭﺩﺕ ﺍﻛﻠﻬﻪ ﺑﺲ ﻟﺰﻣﺖ ﺍﻟﻠﺴﺎﻧﻲ ﺗﺮﻭﺡ ﺗﺬﺏ ﺑﻠﻮﻩ ﺑﺮﺍﺳﻲ ﻟﻮ ﻫﻮ ﻳﺬﺏ ﺑﻠﻮﻩ
ﺧﻞ ﺍﺳﻜﺖ ﺍﺣﺴﻦ ﺍﻟﻲ ﻛﺘﻠﻬﻪ ﺩﺧﻠﺖ ﻟﻼﺳﺘﻘﺒﺎﻝ ﻭﺗﻔﺎﺟﺌﺖ ﻫﻮ ﺑﻲ ﻭﻃﻠﻌﺖ
ﺑﺎﻋﻲ ﻟﺞ ﺳﻠﻤﺎﻥ ﺧﻂ ﺍﺣﻤﺮ ﻭﺍﻟﻠﻪ ﺍﺫﺑﺤﺞ ﺑﻴﺪﻱ
ﺑﺎﻉ ﻫﺎﻱ ﻳﺎ ﺭﺑﻲ ﺍﻧﺘﻲ ﺷﺪﺗﺤﺴﻴﻦ
ﻛﺮﺻﺘﻨﻲ ﻣﻦ ﺍﻳﺪﻱ ...
ﻟﺘﺤﺠﻴﻦ ﺑﻬﻴﺞ ﻧﺒﺮﻩ ﻭﻳﺎﻱ ﻭﻟﺞ ﺍﻓﺘﻬﻤﺘﻲ ﻟﻮ ﻻ
ﺍﻱ ﺍﻱ ﻓﺘﻬﻤﺖ .... ﻛﻠﺘﻠﻬﻪ ﻋﻤﻮ ﻭﻳﻦ
ﻃﺎﻟﻊ
ﻫﺎ ﺍﻛﻮﻝ ﻣﺎﺧﺬﻩ ﺭﺍﺣﺘﺞ
ﺑﺎﻋﻲ ﻟﺞ ﻧﻌﺎﻝ ﻟﺰﻣﻲ ﺍﻟﻠﺴﺎﻧﺞ ﻟﺘﺨﻠﻴﻦ ﺭﺍﺳﺞ ﺑﺮﺍﺳﻲ
ﺑﺲ ﺍﺭﻳﺪ ﺍﻓﻬﻢ ﺷﻐﻠﻪ ﻣﻨﺞ ﺳﻠﻮﻯ ﻳﻠﻤﺎﻥ ﻣﻮ ﻣﺘﺰﻭﺝ
ﺍﻧﺘﻲ ﺷﻌﻠﻴﺞ ﻫﻴﻮﻭﻭﻭﻭ ﺍﻧﺘﻲ ﻣﻨﻮﻭﻭ ﺣﺘﻰ ﺗﺤﺠﻴﻦ ﻭﻳﺎﻱ ﻭﺗﺴﺄﻟﻴﻨﻲ
ﺍﻭﻭﻱ ﺷﻌﻠﻴﻪ ﺑﻴﺞ ﺍﻧﻲ .... ﺑﺲ ﺗﺮﻩ ﻫﻮ ﺑﻀﺤﻚ ﻋﻠﻴﺞ ﻭﺍﻟﻠﻪ
ﺻﻌﺪﻱ ﻓﺮﺣﻪ ﻣﺎﺍﺭﻳﺪ ﺍﺷﻮﻑ ﺧﻠﻘﺘﺞ
ﻫﺰﻳﺖ ﺍﻳﺪﻱ ﻭﺻﻌﺪﺕ .... ﻣﺮ ﺷﻬﺮ ﻭﺳﻠﻤﺎﻥ ﻣﻌﺎﻳﻔﻨﻲ ﻭﻛﺎﻡ ﻳﻮﻣﻴﻪ ﻳﺠﻲ
ﻭﻋﻤﻮ ﻳﺒﺘﻌﺪ ﻣﻨﻲ ﺻﺮﺕ ﺣﺘﻰ ﺍﻟﺴﻼﻡ ﻣﻦ ﺍﺳﻠﻤﻪ ﻋﻠﻲ ﺍﺳﺘﺤﻲ ﻣﻦ ﻛﺜﺮ ﻣﺎ ﺍﺑﺘﻌﺪ ﻋﻨﻲ ﻭﻳﺘﺠﻨﺒﻨﻲ ﻣﻴﻌﺮﻑ ﻫﻮ ﻛﻞ ﻣﺎ ﻳﺒﺘﻌﺪ ﻛﻞ ﻣﺎ ﺣﺒﻪ ﺑﻜﻠﺒﻲ ﻳﺰﻳﺪ
ﺍﻟﻄﻔﻠﻪ ﺍﻟﻲ ﺏ ﻓﺮﺣﻪ ﺭﺍﺣﺖ ﻭﺍﻧﺘﻬﺖ ﻳﻌﻨﻲ ﺣﺒﻲ ﺍﻝ ﻋﻤﻮ ﻣﻮ ﻣﺎﻝ ﻃﻔﻠﻪ ﻣﺘﻌﺮﻑ ﺷﻨﻮ ﺍﻟﺤﺐ .... ﺍﺣﺲ ﻛﻠﺒﻲ ﻳﺪﻙ ﻣﻦ ﻋﻤﻮ ﻳﻤﺮ ﻣﻦ ﻳﻤﻲ ﻟﻮ ﻣﻦ ﺍﻟﻤﺢ ﺷﻜﻠﻪ
ﻣﺸﺎﻋﺮﻱ ﻭﺍﺣﺴﺎﺳﻲ ﻫﺬﺍ ﺑﻜﻠﺒﻲ ﻣﻴﺘﺤﻴﻞ ﺍﺻﻴﺮ ﻏﺒﻴﻪ ﻣﺜﻞ ﺫﻳﺞ ﺍﻟﻤﺮﻩ ﻭﺍﻋﺘﺮﻑ ﺑﻴﻬﻦ ....
ﻣﻦ ﺭﺟﻌﺖ ﻣﻦ ﺍﻟﻤﻠﺠﺄ ﻟﻠﻴﻮﻡ ﻭﺍﻧﻲ ﺻﻼﺗﻲ ﻣﻠﺘﺰﻣﻪ ﺑﻴﻬﻪ ﻭﺍﻛﺜﺮ ﺍﻟﻮﻗﺖ ﺍﻗﺮﻩ ﻗﺮﺁﻥ ﻣﺜﻞ ﺍﻟﺘﺤﺪﻱ ﺍﻟﺪﺍﺧﻠﻲ ﺍﺭﻳﺪ ﺍﻧﻈﻒ ﻣﻊ ﺍﻟﻌﻠﻢ ﻣﻮ ﺑﻴﺪﻱ ﺍﻟﻘﺬﺍﺭﻩ ﺍﻟﻲ ﺻﺮﺕ ﺑﻴﻬﻪ ﺑﺲ ﺑﺎﻟﻨﺴﺒﻪ ﺍﻟﻲ ﻗﺬﺍﺭﻩ ﺣﺘﻰ ﺍﺫﺍ ﻣﻮ ﺑﺄﺭﺍﺩﺗﻲ ﻟﻮ ﺟﻨﺖ ﺍﻧﺴﺎﻧﻪ ﻣﺆﻣﻨﻪ ﺟﺎﻥ ﺧﻠﻴﺖ ﺍﻻﺛﻨﻴﻦ ﻳﺬﺑﺤﻮﻧﻲ ﻭﻣﺎﺍﺳﻠﻢ ﺭﻭﺣﻲ ﺍﻟﻬﻢ ﻟﺬﻟﻚ ﺍﺣﺲ ﻧﻔﺴﻲ ﻣﻮ ﻧﻈﻴﻔﻪ
ﺟﻨﺖ ﻛﺎﻋﺪﻩ ﺑﺎﻻﺳﺘﻘﺒﺎﻝ ﺍﻟﺒﻨﺎﺕ ﻗﺒﻞ ﺷﻮﻳﻪ ﺍﺟﻪ ﺧﺎﻟﻬﻦ ﺍﺧﺬﻫﻦ ﺭﺍﺣﻮ ﺍﻟﺒﻴﺖ ﺧﺎﻟﺘﻬﻢ ﺭﻭﺍﻥ ﺟﺎﻳﻴﻦ ﻣﻦ ﺍﻟﺴﻔﺮ ﻓﺒﻘﻴﺖ ﻭﺣﺪﻱ .... ﺟﻨﺖ ﻣﺘﺎﺑﻌﻪ ﻣﺴﻠﺴﻞ ﺳﻨﻮﺍﺕ ﺍﻟﻀﻴﺎﻉ ﻓﺠﺄﻩ ﺳﻤﻌﺖ ﺍﻟﺒﺎﺏ ﺍﻧﻔﺘﺢ ﻣﻜﻤﺖ ﻻﻥ ﺍﻛﻴﺪ ﻋﻤﻮ ﺍﺟﻪ
ﻣﺎﺍﺣﺲ ﺍﻟﻪ ﺩﺧﻠﻮ ﻋﻤﻮ ﻭﺳﻠﻤﺎﻥ ﺳﻮﻩ ﻟﻼﺳﺘﻘﺒﺎﻝ ﻭﺍﻧﻲ ﺑﺪﻭﻥ ﺣﺠﺎﺏ .... ﺭﻛﻀﺖ ﺍﺭﻳﺪ ﺍﻃﻠﻊ ﻻﻥ ﻋﻤﻮ ﻣﻴﻘﺒﻞ ﺍﺑﻘﻪ ﺑﺪﻭﻥ ﺣﺠﺎﺏ ﻛﺪﺍﻡ ﺳﻠﻤﺎﻥ ﺻﺎﺭﺕ ﻋﻴﻨﻲ ﺑﻌﻴﻨﻪ ﺍﻝ ﺳﻠﻤﺎﻥ ﺑﺪﻭﻥ ﻗﺼﺪ ..... ﻏﻤﺰﻟﻲ ﺗﻮﺗﺮﺕ ﺣﻴﻞ ﻭﻛﻤﻠﺖ ﻃﺮﻳﻘﻲ ﺻﻌﺪﺕ ﻓﻮﻙ ﺣﻴﻞ ﺿﺎﻳﺠﻪ ﻭﺍﺣﺠﻲ ﻭﻳﻪ ﻧﻔﺴﻲ ﻫﺬﺍ ﺷﻠﻮﻥ ﺑﻲ ﺍﻧﻲ ﺭﺍﺡ ﻳﺨﺒﻠﻨﻲ
ﺻﺎﺡ ﻋﻠﻴﻪ ﻋﻤﻮ ﻣﻦ ﻓﻮﻙ ..... ﻓﺮﺣﻪ ﺭﺍﺡ ﺍﻃﻠﻊ ﺗﻌﺎﻟﻲ ﻗﻔﻠﻲ ﺍﻟﺒﻮﺏ ﻭﺭﺍﻳﻪ
ﻧﺰﻟﺖ ... ﺟﺎﻥ ﻭﺍﻛﻒ ﻳﻢ ﺍﻟﺪﺭﺝ ﻋﻤﻮ
ﺧﻮﻣﺎ ﺗﺨﺎﻓﻴﻦ ﻭﺣﺪﺝ
ﻻ
ﺷﻮﻳﻪ ﻭﺍﺭﺟﻊ ﻋﻨﺪﻱ ﺷﻐﻠﻪ ﺿﺮﻭﺭﻳﻪ .... ﺗﻌﺎﻟﻲ ﻗﻔﻠﻲ ﺍﻟﺒﻮﺏ
ﻣﺎﺷﻲ ﻋﻤﻮ
ﻃﻠﻌﺖ ﻗﻔﻠﺖ ﺍﻟﺒﻮﺏ ﻭﺭﺟﻌﺖ ﻟﻼﺳﺘﻘﺒﺎﻝ ﻛﻌﺪﺕ ﻭﺍﻧﻲ ﺍﻓﻜﺮ ﺑﻬﺬﺍ ﺍﻟﺤﻘﻴﺮ ﻓﺠﺄﻩ ﺍﻧﺪﻛﺖ ﺍﻟﺒﺎﺏ ﺍﺳﺘﻐﺮﺑﺖ ﻳﻤﻜﻦ ﻋﻤﻮ ﻧﺴﻪ ﺷﻲ ..... ﺗﻮﻧﻲ ﻓﺘﺤﺖ ﺑﺎﺏ ﺍﻟﻤﻄﺒﺦ ﻣﺎﺍﺣﺲ ﺍﻟﻪ ﺳﻠﻤﺎﻥ ﻃﻔﺮ ﻣﻦ ﻓﻮﻙ ﺍﻟﺒﺎﺏ ﻣﺎﻝ ﺷﺎﺭﻉ ﺍﻳﺪﻱ ﻭﻛﻞ ﺟﺴﻤﻲ ﻛﺎﻡ ﻳﺮﺟﻒ .... ﻣﺒﻞ ﻃﺒﻜﺖ ﺍﻟﺒﺎﺏ ﻭﻗﻔﻠﺘﻪ ﺧﻔﺖ ﺣﻴﻞ ﻟﻴﺶ ﻃﻔﺮ ﻣﻌﻨﺎﻫﻪ ﻋﻨﺪﻩ ﺷﻲ ﺍﻟﺤﻘﻴﺮ ﻫﻤﺰﻳﻦ ﻣﻄﻠﻌﺖ ﺑﺎﻟﻄﺮﻣﻪ ﻭﻃﻔﺮ ﻗﺒﻞ ﻻ ﺍﻃﻠﻊ
ﺑﺼﻮﺕ ﻧﺎﺻﻲ ﻳﻢ ﺍﻟﺒﺎﺏ ﻳﻜﻠﻲ ﻓﺘﺤﻲ ﺍﻟﺒﺎﺏ
ﻭﻟﻲ ﻣﻨﺎ ﺣﻘﻴﺮ ﺍﻟﻠﻪ ﻳﺎﺧﺬﻙ
ﻭﻟﺞ ﺗﻐﻠﻄﻴﻦ ﻋﻠﻴﻪ .... ﻳﻠﻠﻪ ﻣﻴﺨﺎﻟﻒ .... ﻓﺘﺤﻲ ﺍﻟﺒﺎﺏ ﺍﺭﻳﺪ ﺍﺣﺠﻲ ﻭﻳﺎﺝ
ﻭﻟﻲ ﻣﻨﺎ ﻛﺘﻠﻚ ﻭﺍﻟﻠﻪ ﻣﻦ ﻳﺠﻲ ﻋﻤﻮ ﺍﻟﻪ ﺍﻛﻠﻪ ﻋﻠﻴﻚ
ﺍﻧﺠﺒﻲ ﻟﺞ ﺳﺎﻗﻄﻪ ﻫﻤﺰﻳﻦ ﺍﻧﺘﻲ ﻭﺣﺪﻩ ﺳﺎﻗﻄﻪ ﻟﺘﺼﻴﺮﻳﻦ ﺷﺮﻳﻔﻪ ﺑﺮﺍﺳﻲ
ﺍﻧﻲ ﺷﺮﻳﻔﻪ ﻏﺼﺒﺎً ﻣﺎﻋﻠﻴﻚ
ﻭﺗﺠﺎﻭﺑﻴﻦ ﻭﻟﺞ ﺍﻧﺘﻲ ﺑﻌﺪﺝ ﻣﺘﻌﺮﻓﻴﻨﻲ
ﺍﻋﺮﻓﻚ ﻭﺍﺣﺪ ﺭﺧﻴﺺ ﻋﻴﻨﻚ ﻋﻠﻰ ﺑﺖ ﻋﻤﻚ
ﻫﺎﻱ ﻭﻳﺎﻱ ﺍﻟﺤﺠﻲ ..... ﺑﺴﻴﻄﻄﻄﻪ ﻣﻦ ﻋﻴﻮﻧﻲ
ﺧﻔﺖ ﺣﻴﻞ ﻭﻛﻞ ﺟﺰﺀ ﺑﺠﺴﻤﻲ ﺍﻧﺸﻞ ﻫﻮ ﺍﻧﻲ ﺑﻌﺪ ﻣﻌﺎﻳﺰﻧﻲ ﻏﻴﺮ ﺳﻠﻤﺎﻥ ﻳﻜﻤﻞ ﻋﻠﻴﻪ ..... ﺍﻟﻠﻪ ﻻ ﻳﻮﻓﻘﻪ
ﺑﻘﻪ ﻳﻜﻠﻲ ﻓﺘﺤﻲ ﺍﻟﺒﺎﺏ ﻭﻣﺼﺮ ﺍﻓﺘﺤﻪ ﺍﻟﻪ ﻭﺍﻧﻲ ﻗﺎﻓﻠﻪ ﺍﻟﺒﺎﺏ ﻭﺍﺷﻜﺮ ﺭﺏ ﺍﻟﻌﺎﻟﻤﻴﻦ ﻟﺤﻜﺖ ﺍﻗﻔﻠﻪ ﻭﻻ ﺟﺎﻥ ﺷﻨﻮ ﻣﺼﻴﺮﻱ ﻫﺴﻪ
ﺷﺘﺮﻳﺪ ﻣﻨﻲ ﺍﻧﺖ
ﻣﺮﻩ ﻭﺣﺪﻩ ﻭﺑﺲ ﻭﻛﻠﺸﻲ ﻣﺎﺍﺭﻳﺪ ﻣﻨﺞ...بيج قصص عراقيه حقيقيه من واقعنا.روعه الطائي
ﺃﺷﻤﺌﺰﺕ ﺭﻭﺣﻲ ﻣﻦ ﻛﻠﻤﺘﻪ ..... ﻭﺣﻠﻔﺖ ﻛﻠﺖ ﻣﻦ ﻳﺠﻲ ﻋﻤﻮ ﻭﺍﻟﻠﻪ ﻫﺎﻟﻤﺮﻩ ﺍﻟﻪ ﺍﻛﻮﻝ ﺍﻟﻪ ﻋﻞ ﺧﻮﻓﻪ ﺍﻟﻲ ﺧﻔﺘﻬﻪ
ﺑﻌﺪ ﻣﺎ ﺃﻳﺲ ﻣﻨﻲ ﺭﺍﺡ ﻛﻤﺖ ﺍﺑﺠﻲ .... ﻟﻴﺶ ﺍﻟﻜﻞ ﻭﻳﺎﻱ ﻫﻴﺞ ﺷﺴﻮﻳﺖ ﺍﻧﻲ ﺣﺘﻰ ﻋﺒﺎﻟﻬﻢ ﺍﻧﻲ ﻭﺣﺪﻩ ﺭﺧﻴﺼﻪ .... ﺗﻌﺒﺖ .... ﺗﻌﺒﺖ ﻳﺎ ﺭﺑﻲ ﻣﻮ ﻛﺎﻓﻲ ﻋﻠﻴﻪ ﺍﻟﻬﻢ ﺍﻟﻲ ﺍﻧﻲ ﺑﻲ ﻧﻮﻡ ﻣﺜﻞ ﺍﻟﺒﺸﺮ ﻣﺎﺍﻧﺎﻡ ﻣﺎﻛﻮ ﻳﻮﻡ ﻧﻤﺖ ﺑﻲ ﺍﻟﻪ ﺑﻌﺪ ﻣﺎ ﻛﻞ ﺍﻟﻲ ﺻﺎﺭ ﻭﻳﺎﻱ ﺍﺷﻮﻓﻪ
ﺷﻮﻳﻪ ﻭﺭﺟﻌﺖ ﻣﺎﻟﻪ ﺣﺲ ..... ﻭﻻ ﻧﻔﺲ ..... ﺳﺎﻋﺘﻴﻦ .... ﻣﺮﻥ ﻭﺭﺟﻊ ﺍﻧﺪﻙ ﺍﻟﺠﺮﺱ ﺧﻔﺖ ﺍﻃﻠﻊ ﺍﻓﺘﺢ ﺍﻟﺒﺎﺏ
ﺯﺍﺩﺕ ﺩﻛﺎﺕ ﺍﻟﺠﺮﺱ ﻭﻭﺭﺍﻫﻪ ﺍﻟﺒﺎﺏ .... ﻭﺑﻘﻮﻩ ﻭﺍﻧﻲ ﻭﺍﻛﻔﻪ ﻳﻢ ﺑﺎﺏ ﺍﻟﻠﻤﻄﺒﺦ
ﺍﺧﺎﻑ ﺍﻓﺘﺢ ﺍﻟﺒﺎﺏ ﻭﻳﻄﻠﻊ ﺳﻠﻤﺎﻥ ﻭﺍﻛﻮﻝ ﺧﺎﻑ ﻋﻤﻮ ﻛﺎﻋﺪ ﻳﺪﻙ ﺍﻟﺒﺎﺏ
ﻣﻦ ﻛﺜﺮ ﻣﺎ ﻛﺎﻡ ﻳﺪﻛﻪ ﻗﻮﻱ ﻓﺘﺤﺖ ﺑﺎﺏ ﺍﻟﻤﻄﺒﺦ ﻋﻠﻰ ﻛﻴﻒ ﻭﺻﺤﺖ ﻣﻨﻮﻭﻭﻭﻭﻭ ﺑﻜﻞ ﻋﻠﻮ ﺻﻮﺗﻲ
ﺻﺎﺡ ﻋﻤﻮﻭ ﺍﻧﻲ ﻳﻤﻌﻮﻭﻭﻭﺩﻩ
ﺭﺣﺖ ﺭﻛﻀﺖ ﻓﺘﺤﺘﻠﻪ ﺍﻟﺒﺎﺏ ﻭﺣﺪﻩ ..... ﻋﺎﻁ ﺑﻴﻪ
ﺻﺪﻙ ﺗﺤﺠﻴﻦ ﻛﻠﺖ ﻫﺎﻱ ﺧﺎﻑ ﺍﺣﺘﺮﻛﺖ ﻣﺎﺗﺖ ﺷﻨﻮﻭﻭ ﻗﺼﺘﺞ
ﺳﻜﺘﺖ ﺍﻧﻲ
ﺑﻠﻠﻪ ﻫﺎﻱ ﺳﺎﻟﻔﻪ ﺳﺎﻟﻔﺘﺞ ﻟﻴﺶ ﻣﻔﺘﺤﺘﻲ ﺍﻟﺒﺎﺏ ﺣﺘﻰ ﺍﻟﻨﺎﺱ ﺗﺒﺎﻭﻉ ﻋﻠﻴﻪ
ﻣﺘﺮﺩﺩﻩ ﺍﻛﻮﻟﻪ ﺧﺎﻑ ﻳﺠﺬﺑﻨﻲ ﻭﺧﺎﻑ ﺍﺳﻜﺖ ﻭﻫﺬﺍ ﺍﻟﺤﻘﻴﺮ ﻳﺘﻤﺘﺪﻯ ﺑﻘﻴﺖ ﺻﺎﻓﻨﻪ ﻭﻫﻮ ﻳﺴﺄﻝ ﺑﻴﻪ ﻟﻴﺶ ﻣﻔﺘﺤﺘﻲ ﺍﻟﺒﺎﺏ
ﻣﺴﻤﻌﺖ
ﻓﺘﺢ ﻋﻴﻨﻪ ﻣﺴﻤﻌﺘﻲ ..... ﻭﺍﻟﻠﻪ ﻻ ﺗﺘﺸﺎﻗﻴﻦ ﺍﻛﻴﺪ ﻻﻥ ﺩﻛﺔ ﺍﻟﺒﺎﺏ ﺳﺎﺑﻊ ﺟﺎﺭ ﺳﻤﻌﻬﻪ
ﻓﺮﺣﻪ ﺷﺠﻨﺘﻲ ﺗﺴﻮﻳﻦ
ﺻﻔﻨﺖ ... ﺷﺴﻮﻱ ﻳﻌﻨﻲ
ﺷﻌﻨﺪﺝ ... ﻟﻴﺶ ﻣﻔﺘﺤﺘﻲ ﺍﻟﺒﺎﺏ ... ﻳﻌﻨﻲ ﺍﻟﺴﺎﻟﻔﻪ ﻃﺒﻴﻌﻴﻪ ﻭﻣﻦ ﺍﺳﺄﻟﺞ ﺗﻜﻮﻟﻴﻦ ﻣﺴﻤﻌﺖ
ﻋﻤﻮ
ﺑﺎﻭﻉ ﻛﻠﻲ ﺍﺣﺠﻲ
ﺳﻠﻤﺎﻥ ﻣﻦ ﺟﻨﺖ ﻣﻤﻮﺟﻮﺩ ﺍﺟﻪ ﻭﻣﻦ ﻓﺘﺤﺖ ﺑﺎﺏ ﺍﻟﻤﻄﺒﺦ ﺷﻔﺘﻪ ﻃﻔﺮ ﻣﻦ ﺑﺎﺏ ﺍﻟﺸﺎﺭﻉ ﻭﻗﻔﻠﺘﻪ ﺭﺃﺳﺎً ﻟﻠﺒﺎﺏ ﺧﻔﺖ ﻣﻨﻪ
ﻭﺍﻟﻠﻪ
ﺍﻱ ﻭﺍﻟﻠﻪ
ﺗﺘﺸﺎﻗﻴﻦ ﺍﻛﻴﺪ ﺷﻴﺮﻳﺪ ﺳﻠﻤﺎﻥ ﺷﺤﺠﻪ
ﻣﺎﺍﻋﺮﻑ .... ﻛﺒﻞ ﺳﺪﻳﺖ ﺍﻟﺒﺎﺏ ﺧﻔﺖ
ﻣﺘﺄﻛﺪﻩ
ﻭﺍﻟﻠﻪ
ﻓﺮﺭﺣﻪ
ﻭﺍﻟﻠﻪ ﻋﻤﻮ ﻭﺭﻭﺡ ﺍﺑﻮﻳﻪ
ﻣﻜﻠﺞ ﺷﻲ ﻳﻌﻨﻲ
ﻻ
..... ﺧﻔﺖ ﺍﻛﻠﻪ ﻋﻞ ﺍﻗﻞ ﺑﺲ ﻳﺨﺎﻑ ﺳﻠﻤﺎﻥ ﻣﻦ ﻳﻌﺮﻑ ﻋﻤﻮ ﺩﺭﻩ ﺑﻲ ﻣﻦ ﻃﻔﺮ ﺻﺎﺭ ﺍﻋﺼﺎﺏ ﻋﻤﻮ ﻭﺭﺃﺳﺎً ﻃﻠﻊ ﻣﻦ ﺍﻟﺒﻴﺖ ﺧﻔﺖ ﺣﻴﻞ ﻭﺗﻨﺪﻣﺖ ﻻﻥ ﻛﻠﺖ ﺍﻝ ﻋﻤﻮ ﺷﻮﻳﻪ ﻭﺭﺟﻊ ﺑﺲ ﻫﺎﻟﻤﺮﻩ ﻣﻦ ﻃﻠﻊ ﻫﻮ ﻗﻔﻞ ﺍﻟﺒﺎﺏ ﻋﻠﻴﻪ ﻭﻣﻦ ﺍﺟﻪ ﻭ ﻓﺘﺤﻪ ﺟﻨﺖ ﻛﺎﻋﺪﻩ ﺑﺎﻟﻤﻄﺒﺦ ﻋﻞ ﻣﻴﺰ ﺩﺧﻞ ﻃﺒﻴﻌﻲ ﻣﻮ ﻋﺼﺒﻲ
ﺍﻭﻝ ﻣﺪﺧﻞ ﻛﻠﻲ .... ﺳﻠﻤﺎﻥ ﻣﺎﻋﻨﺪﻩ ﻫﺎﻱ ﺍﻟﺴﺎﻟﻔﻪ ﺍﻟﻲ ﺑﻌﻘﻠﺞ ﻟﺘﺨﺎﻓﻴﻦ ﺍﻧﺘﻲ ﺻﺎﻳﺮﻩ ﺑﻴﺞ ﺧﻮﻓﻪ ﻭﻫﺎﻱ ﻃﺒﻴﻌﻴﻪ ﺟﺎﻧﺖ ﺟﻨﺴﻴﺘﻪ ﺿﺎﻳﻌﻪ ﻣﻨﻪ ﻭﻛﺎﻝ ﻋﺒﺎﻟﻲ ﺑﺒﻴﺘﻜﻢ ﻭﻛﻌﺖ ﻭﻣﻦ ﺷﺎﻓﺞ ﻣﻔﺘﺤﺘﻲ ﺍﻟﺒﺎﺏ ﻣﻦ ﺩﻛﻪ ﻃﻔﺮ ﻋﺒﺎﻟﻪ ﺑﻴﺞ ﺷﻲ
ﺿﺤﻜﺖ ﺑﻜﻠﺒﻲ ﻛﻠﻬﻢ ﺷﺮﻓﺎﺀ ﺟﻌﻔﺮ ﻋﻠﻰ ﺳﻠﻤﺎﻥ ﻭﺍﻧﻲ ﺍﻟﺴﺎﻗﻄﻪ ﺍﻟﺒﻴﻨﻬﻢ ﻛﻠﻬﻢ ﻧﻴﺘﻬﻢ ﺷﺮﻳﻔﻪ ﻭﺍﻧﻲ ﺍﻟﻲ ﺍﺗﺒﻠﻪ ﻋﻠﻴﻬﻢ ﻛﺘﻠﻪ
ﺟﻮﻋﺎﻥ ﻋﻤﻮ
ﻻ ﻣﺎﺍﺷﺘﻬﻲ ﺍﺭﻳﺪ ﺍﻧﺎﻡ
ﻣﺎﺷﻲ
ﺩﺧﻞ ﻟﻠﻐﺮﻓﻪ ﻣﺎﻟﺘﻪ ﻭﺍﻧﻲ ﺑﻘﻴﺖ ﺑﺎﻟﻤﻄﺒﺦ ﻛﺎﻋﺪﻩ .... ﺷﻮﻳﻪ ﻭﺳﻤﻌﺖ ﺑﺎﺏ ﺍﻟﻐﺮﻓﻪ ﺍﻧﻔﺘﺢ .... ﺍﺟﻪ ﻟﻠﻤﻄﺒﺦ
ﺷﻨﻮ ﺑﻌﺪﺝ ﻛﺎﻋﺪﻩ ﻫﻨﺎ ﻟﻴﺶ
ﻟﻴﺶ ﻣﺘﻀﺎﻳﻖ ﻣﻦ ﻛﻌﺪﺗﻲ ﻫﻨﺎ
ﺷﻨﻮﻭﻭ ﻫﺎﻱ ﻭﻳﻦ ﺍﻝ ﻋﻤﻮ ﻣﺴﻤﻌﺘﻬﻪ
ﺻﻔﻨﺖ ﻟﻴﺶ ﺍﻧﻲ ﺷﻜﺘﻠﻪ ﻣﻌﻘﻮﻟﻪ ﻛﺘﻠﻪ ﺟﻬﺎﺩ ﺍﻧﻲ ﺣﺘﻰ ﺑﻜﻠﺒﻲ ﺍﻛﻮﻝ ﻋﻤﻮ
ﻛﺘﻠﻪ ﻟﻴﺶ ﺍﻧﻲ ﺷﻜﻠﺖ ﻋﻤﻮ
ﻛﻠﺘﻲ ﺍﻟﺠﻤﻠﻪ ﻛﻠﻬﻪ ﺑﺪﻭﻥ ﻛﻠﻤﺔ ﻋﻤﻮ
ﻣﻮ ﻗﺼﺪﻱ ﻳﺠﻮﺯ ﺍﻟﺠﻤﻠﻪ ﺟﺎﻧﺖ ﻣﺘﺤﺘﺎﺝ ﻛﻠﻤﺖ ﻋﻤﻮ
ﻋﺎﻓﻨﻲ ﻭﺭﺍﺡ ﻟﻠﺜﻼﺟﻪ ﻃﻠﻊ ﻓﺎﻛﻬﻪ
ﻭﺩﺧﻞ ﻟﻠﻐﺮﻓﻪ .... ﻣﺒﻴﻦ ﺟﻮﻋﺎﻥ ﺑﺲ ﻋﻠﻤﻮﺩ ﻣﻴﻜﻌﺪ ﻳﻤﻲ ﻳﻜﻮﻝ ﻻ
ﺻﻌﺪﺕ ﻟﻠﻐﺮﻓﻪ ﺑﺎﻝ٩ﺗﻘﺮﻳﺒﺎً ﻧﺰﻟﺖ ﻣﻠﻴﺖ ﻭﺣﺪﻱ ﻭﺟﻌﺖ .... ﻟﻜﻴﺘﻪ ﻛﺎﻋﺪ ﺑﺎﻻﺳﺘﻘﺒﺎﻝ ﻣﺒﻴﻦ ﺗﻮﻩ ﻛﺎﻋﺪ ﻣﻦ ﺍﻟﻨﻮﻡ ﻛﺘﻠﻪ ﻋﻤﻮ ﺟﻌﺖ ﺍﺳﻮﻱ ﻋﺸﻪ
ﻻ ﻣﺎﺍﺭﻳﺪ
ﺑﺮﺍﺣﺘﻚ ﻋﻤﻮ . ﻭﻃﻠﻌﺖ ﺭﺣﺖ ﺍﻟﻤﻄﺒﺦ ﻛﺸﺮﺗﻠﻲ ﺑﺘﻴﺘﻪ ﻭﺧﻠﻴﺘﻬﻪ ﺑﺎﻟﺪﻫﻦ ﺍﻛﻠﻴﻬﻪ ﻭﺳﻮﻳﺖ ﺟﺎﻱ ... ﺗﻌﺸﻴﺖ ﻭﻫﻮ ﺑﺎﻻﺳﺘﻘﺒﺎﻝ ﺗﻮﻧﻲ ﺍﻏﺴﻞ ﻣﺎﻋﻮﻧﻲ ﻭﺍﻟﻜﻮﺏ ﺍﻧﺪﻙ ﺟﺮﺱ ﺍﻟﺒﺎﺏ ﻃﻠﻊ ﻋﻤﻮ .... ﺍﺟﻨﻲ ﺍﻟﺒﻨﺎﺕ ....بيج قصص عراقيه حقيقيه من واقعنا.روعه الطائي
ﺑﻮﺳﺘﻬﻦ ﻭﻛﻌﺪﻧﻪ ﺑﺎﻻﺳﺘﻘﺒﺎﻝ ﻋﻤﻮ ﻛﺎﻝ ﺍﻝ ﺭﻳﻬﺎﻡ .... ﺭﻳﻮﻡ ﺣﺒﻴﺒﺘﻲ ﻣﻦ ﺍﻳﺪﺝ ﺍﻟﺤﻠﻮﻩ ﺳﻮﻳﻠﻲ ﻛﻮﺏ ﺟﺎﻱ ﻭﺍﻱ ﺷﻲ ﺧﻔﻴﻒ ﻻ ﺍﺭﺍﺩﻳﺎً ﺑﺎﻭﻋﺖ ﻋﻠﻲ ﻫﻮ ﻫﻢ ﺑﺎﻭﻉ ﻋﻠﻴﻪ ﻭﺩﺍﺭ ﻭﺟﻬﻪ ﻫﻨﺎ ﺃﻛﺪﻟﻲ ﻋﻤﻮ ﻳﺘﻬﺮﺏ ﻣﻨﻲ ﻣﻊ ﺍﻟﻌﻠﻢ ﺍﻧﻲ ﻣﻤﺴﻮﻳﻪ ﺷﻲ
ﻛﻌﺪﺕ ﺭﻣﺎﻧﻪ ﺗﺴﻮﻟﻔﻠﻲ ﺷﺼﺎﺭ ﻫﻨﺎﻙ .... ﻭﺧﺒﺼﺘﻨﻲ ﻋﻤﺎﺭ ﻳﺎ ﻋﻤﺎﺭ ﻋﻤﺎﺭ ﻫﻴﺞ ﻛﺎﻝ ﻭﻋﻤﺎﺭ ﻫﻴﺞ ﺣﺠﻪ ﻭﻫﻴﺞ ﻟﻌﺒﻬﻪ ﻭﻫﻮ ﻣﻨﻮ ﻋﻤﺎﺭ ﻣﺎﺍﺩﺭﻱ ﺍﻟﻰ ﺍﻥ ﺍﺟﺘﻲ ﺭﻳﻬﺎﻡ ﺟﺎﻳﺒﻪ ﺍﻟﺼﻴﻨﻴﻪ ﻭﺗﻀﺤﻚ
ﻫﺎﻱ ﻫﻨﺎﻙ ﻫﻢ ﻻﺯﻣﻪ ﺍﻟﻮﻟﺪ ﻭﺗﺤﺠﻴﻠﻬﻢ ﻋﻠﻴﺞ ﺟﺎﻥ ﻋﻤﺎﺭ ﻛﻠﻠﻬﻪ ﻣﻦ ﻭﺭﺍﺝ ﻛﻤﺖ ﺍﺣﺐ ﻓﺮﺣﻪ ﻗﺒﻞ ﻻ ﺍﺷﻮﻓﻬﻪ
ﺿﺤﻜﺖ ﺍﻧﻲ ﺭﺃﺳﺎً ﺑﺎﻭﻉ ﻋﻠﻴﻪ ﻋﻤﻮ ﻭﺧﺰﺭﻧﻲ ﺍﻧﻲ ﻫﻢ ﻛﺒﻞ ﺳﻜﺘﺖ
ﺭﻳﻬﺎﻡ / ﺷﻨﻮ ﻣﺘﺼﻌﺪﻳﻦ
ﻟﻴﺶ ﺭﺍﺡ ﺗﺼﻌﺪﻳﻦ
ﺍﻱ
ﺟﺎﻧﺖ ﺳﻠﻮﻯ ﺿﺎﻳﺠﻪ ﺣﻴﻞ ﻭﻣﺒﻴﻦ ﻋﻠﻴﻬﻪ ﺑﺤﻴﺚ ﻛﺎﻋﺪﻩ ﻓﺎﺻﻠﻪ ﻋﻦ ﺍﻟﻜﻞ ﺣﺘﻰ ﻋﻤﻮ ﻛﻞ ﺷﻮﻳﻪ ﻳﺴﺄﻟﻬﻪ ﺷﺒﻴﺞ ﻭﺗﻜﻠﻪ ﻣﺎﺑﻴﻪ
ﺻﻌﺪﺕ ﺍﻧﻲ ﻭﺭﻳﻬﺎﻡ ﻓﻮﻙ ... ﺩﺧﻠﺖ ﻭﺩﺧﻠﺖ ﻭﺭﺍﻳﻪ ﺭﻳﻬﺎﻡ ﻃﺒﻜﺖ ﺍﻟﺒﺎﺏ ﻭﺟﺎﻥ ﺗﻜﻮﻝ ﺭﺍﺡ ﺍﻧﻔﺠﺮ ﻛﻠﺒﻲ ﺭﺍﺡ ﻳﻮﺭﻡ
ﺷﺒﻴﺞ
ﻟﺞ ﺳﻜﺘﻲ ﻭﺧﻠﻴﻬﻪ ﻟﺞ ﻋﻤﺎﺩ ﺍﺑﻦ ﺧﺎﻟﻪ ﺭﻭﺍﻥ ﺻﺎﻙ ﺻﺎﻙ ﺻﺎﻙ
ﺿﺤﻜﺖ ﻭﻭﺟﻊ ﺗﺨﺒﻠﺘﻲ
ﻟﺞ ﻭﺍﻟﻠﻪ ﺻﺎﻙ
ﻭﻳﻮﻧﺲ ﻣﺤﻤﻮﺩ
ﻋﻮﻓﺞ ﻣﻦ ﻳﻮﻧﺲ ﺣﺒﻴﺘﻪ ﻣﻦ ﺍﻭﻝ ﻧﻈﺮﻩ ﻓﺪ ﺛﻜﻴﻞ ﺑﺲ ﻫﻮ ﻳﺒﺎﻭﻋﻠﻲ ﻫﻢ
ﺷﻠﻮﻥ ﺛﻜﻴﻞ ﻭﺷﻠﻮﻥ ﻳﺒﺎﻭﻋﻠﺞ ﻫﺎﻱ ﻣﻔﺘﻬﻤﺘﻬﻪ
ﺷﻤﺪﺭﻳﻨﻲ ﺍﻟﻤﻬﻢ ﻫﻮ ﺛﻜﻴﻞ ﻭﺧﺎﻟﻪ ﺭﻭﺍﻥ ﻛﺎﻟﺖ ﻛﺎﻋﺪ ﻧﺪﻭﺭﻟﻪ ﻋﻠﻰ ﻋﺮﻭﺳﻪ
ﺷﺘﻜﻮﻟﻴﻦ ﻳﺨﻄﺒﻨﻲ ﻟﻮ ﻻ
ﻭﺍﻧﻲ ﺷﻤﺪﺭﻳﻨﻲ
ﺍﺧﻄﺒﻪ ﺍﻧﻲ .... ﺍﺧﺦ ﻟﻮ ﻳﺼﻴﺮ ﺍﺧﻄﺐ ﺍﻧﻲ ﺟﺎﻥ ﺧﻄﺒﺘﻪ
ﻳﺎﺍﺍﺍﺍ ﺍﻧﺘﻲ ﻣﺨﺒﻠﻪ ﻭﺍﻟﻠﻪ
ﻛﻠﺒﻲ ﺩﻙ ﻣﻦ ﺍﻭﻝ ﻣﺸﻔﺘﻪ
ﺍﻧﺘﻲ ﻣﺘﺄﺛﺮﻩ ﺑﺎﻻﻓﻼﻡ
ﻭﺍﻟﻠﻪ ﻭﺍﻟﻠﻪ ﺷﺒﻴﺞ
ﻭﺍﻧﺘﻲ ﺧﻮﻣﺎ ﺑﺎﻭﻋﺘﻴﻠﻪ
ﻻ ﻭﻳﻦ ﺍﺳﺘﺤﻴﺖ ﻭﺧﺠﻠﺖ ﺣﻴﻞ
ﺿﺤﻜﺖ ﺍﻧﺘﻲ ﺗﺨﺠﻠﻴﻦ
ﻃﺒﻌﺎً ﺍﺧﺠﻞ ﻭﺣﺪ ﻋﻦ ﺍﻟﺒﻨﺎﺕ ﻟﻮ ﻭﺣﺪ ﻫﺴﻪ ﺷﻠﻮﻥ ﻛﻠﻴﻠﻲ ﺑﻠﻠﻪ ﺧﻄﺐ ﻏﻴﺮﻱ
ﺍﻧﺠﺒﻲ ﺭﻳﻬﺎﻡ ﺷﻤﺪﺭﻳﻨﻲ ﻗﺎﺑﻞ ﺍﻧﻲ ﺟﺎﻳﺘﻨﻲ ﻣﻨﺎﻙ ﺗﻜﻠﻴﻠﻲ ﺣﺒﻴﺘﻪ ﻫﻮ ﺍﻧﺘﻲ ﺷﻌﺮﻓﺘﻲ ﻋﻨﻪ ﺣﺘﻰ ﺗﺤﺒﻲ ﻭﺑﻌﺪﻳﻦ ﺍﻧﻲ ﻣﺎﺍﺭﺗﺎﺡ ﻟﻠﺸﺒﺎﺏ
ﻫﺎﺍﺍﺍﺍﺍﺍﺍ ﻭﻟﺞ ﻟﻌﺪ ﺍﻟﻤﻦ ﺗﺮﺗﺎﺣﻴﻦ
ﻭﻻ ﺍﻻﺣﺪ ﺍﻟﻨﻔﺴﻲ ﻣﺎﺍﺭﺗﺎﺡ
ﻣﻤﻤﻢ ﻣﻌﻘﺪﻩ ﺑﺸﻌﺮﺝ ﻫﺬﺍ ﺍﻣﺪﺍﺝ ﻭﺭﺍﺡ ﺍﺑﻘﻪ ﺍﻏﻤﺞ ﺍﻟﺤﺪ ﻣﻴﻄﻮﻝ ﺷﻌﺮﺝ
ﺑﻠﻠﻪ ﻫﺴﻪ ﻭﺍﺣﺪ ﺧﻄﺒﺞ ﺷﻨﻮ ﻳﺘﺰﻭﺝ ﺍﺧﻮﻭ
ﺩﻭﻟﻲ ﺍﺻﻼ ﻻﻳﻜﻠﻲ .... ﻛﺎﻋﺪ ﺍﻃﻠﻊ ﻣﻦ ﺍﻟﻐﺮﻓﻪ ﻛﺎﻟﺘﻠﻲ ﺍﺫﺍ ﺭﺍﺡ ﺗﻨﺰﻟﻴﻦ ﺟﻴﺒﻲ ﻛﻮﺏ ﺟﺎﻱ ﻭﻳﺎﺝ
ﻣﻴﺨﺎﻟﻒ ﺗﺪﺩﻟﻠﻴﻦ .... ﻧﺰﻟﺖ ﺻﺒﻴﺘﻠﻬﻪ ﻛﻮﺏ ﺟﺎﻱ ﻭﺭﺩﺕ ﺍﺻﻌﺪ ﺻﺎﺣﻨﻲ ﻋﻤﻮ
ﺟﺎﻥ ﺑﻐﺮﻓﺘﻪ ﻛﺘﻠﻪ ﺗﻔﻀﻞ ﻋﻤﻮ
ﺟﺎﻥ ﺍﺣﺲ ﺑﻲ ﻳﺮﻳﺪ ﻳﺤﺠﻲ ﺷﻲ ﺑﺲ ﻣﺘﺮﺩﺩ ﺍﺧﺮ ﺷﻲ ﻛﻠﻲ .... ﺻﻴﺤﻴﻠﻲ ﺭﻣﺎﻧﻪ ﻣﻦ ﻳﻤﺞ
ﻣﺎﺷﻲ ﻋﻤﻮ
ﻣﻦ ﻗﺒﻞ ﻻ ﺍﻃﻠﻊ ﻛﻠﻲ .... ﺍﻛﻠﺞ
ﻫﺎ ﻋﻤﻮ
ﺍﺛﻜﻠﻲ ﺷﻮﻳﻪ
ﻟﻴﺶ ﻋﻤﻮ ﺷﻤﺴﻮﻳﻪ ﺍﻧﻲ
ﺭﻭﺣﻲ ﺻﻴﺤﻲ ﺭﻣﺎﻧﻪ ﺑﻬﺎﻟﻠﺤﻈﻪ ﺍﻧﺪﻙ ﺍﻟﺠﺮﺱ ﻣﺎﻝ ﺑﺎﺏ ﻭﻛﺎﻡ ﻫﻮ
ﻛﺘﻠﻪ ﻣﺎﺷﻲ ﻋﻤﻮ ﺻﻌﺪﺕ ﺍﻧﻄﻴﺖ ﺍﻟﻜﻮﺏ ﺍﻝ ﺭﻳﻬﺎﻡ ﻭﺭﺣﺖ ﻟﻜﻴﺖ ﺭﻣﺎﻧﻪ ﻧﺎﻳﻤﻪ ﻭﺳﻠﻮﻯ ﺗﺒﺠﻲ ﻣﺴﺄﻟﺘﻬﻪ ﻻﻥ ﺍﻋﺮﻑ ﺍﺫﺍ ﺍﺳﺄﻟﻬﻪ ﺍﺗﺮﺯﻝ ...... ﻧﺰﻟﺖ ﻭﻫﻮ ﺩﺧﻞ ﻣﻦ ﺑﺎﺏ ﺍﻟﻤﻄﺒﺦ
ﻋﻤﻮ ﻧﺎﻳﻤﻪ ﺭﻣﺎﻧﻪ
ﻣﺎﺷﻲ ﺭﻭﺣﻲ ﺻﻌﺪﻱ
ﻫﻮ ﺍﻧﻲ ﺭﺍﺡ ﺍﺻﻌﺪ
ﺍﻛﻠﺞ ﺍﻧﺘﻲ ﻣﺘﻌﺮﻓﻴﻦ ﺍﻟﻪ ﺗﺠﺎﻭﺑﻴﻦ
ﻋﻤﻮ ﺍﻧﺖ ﻣﻮ ﺗﺘﺤﺠﺞ ﻋﻠﻴﻪ ﻟﻮ ﺍﻧﻲ ﻣﺘﻮﻫﻤﻪ
ﺍﺗﺤﺠﺞ .... ﺍﺗﺤﺠﺞ ﻫﺎﻱ ﻛﻠﻤﻪ ﻭﺣﺪﻩ ﺗﺤﺠﻴﻬﻪ ﺍﻝ ﻋﻤﻬﻪ ﺍﻧﺘﻲ ﺷﻮ ﻣﺎﺍﺩﺭﻱ ﺷﻠﻮﻧﺞ ﺻﺎﻳﺮﻩ ﻛﻠﺶ
ﺑﺎﻭﻋﺖ ﻣﺎﺍﻋﺮﻑ ﺷﺠﺎﻭﺑﻪ ﺑﻬﺎﻱ ﺍﻟﻠﺤﻈﻪ
ﺭﻭﺣﻲ ﺻﻌﺪﻱ ﻓﺮﺣﻪ
ﻋﻤﻮ ﺍﻧﺖ ﻣﺴﺘﺜﻘﻠﻨﻲ ﺑﺒﻴﺘﻚ
ﺍﻧﻲ ﻟﻮ ﻣﺴﺘﺜﻘﻠﺞ ﺟﺎﻥ ﻣﺨﻠﻴﺘﺞ ﻻﻥ ﺍﻧﻲ ﺍﺑﻮ ﺍﻟﺒﻴﺖ
ﻟﻌﺪ ﺷﺒﻴﻚ ﻭﻳﺎﻱ ﻋﻤﻮ
ﻣﺘﻌﺠﺒﻨﻲ ﺗﺼﺮﻓﺎﺗﺞ
ﺷﺴﻮﻳﺖ ﺍﻧﻲ ﻋﻤﻮ
ﺭﻭﺣﻲ ﺻﻌﺪﻱ ﻓﺮﺣﻪ ﺑﺪﻭﻥ ﻣﺘﺠﺎﺩﻟﻴﻦ ﺗﻌﺮﻓﻴﻦ ﻣﺎﺍﺣﺐ ﺍﻟﻤﺠﺎﺩﻟﻪ
ﺻﻌﺪﺕ ﻭﺍﻟﺪﻣﻌﻪ ﺑﻄﺮﻑ ﻋﻴﻨﻲ ﺣﻴﻞ ﺍﻧﻘﻬﺮﺕ ﻭﻛﻤﺖ ﺍﻓﻜﺮ ﻣﻌﻘﻮﻟﻪ ﺳﻠﻤﺎﻥ ﻛﺎﻝ ﺷﻲ ﺍﻝ ﻋﻤﻮ ﻛﻠﻬﻪ ﻣﺎﻣﺖ ﻭﺍﻧﻲ ﺍﻓﻜﺮ ﺧﺎﻑ ﺳﻠﻤﺎﻥ ﺣﺎﺟﻲ ﺷﻲ ﺍﻝ ﻋﻤﻮ
ﻣﻜﺪﺭﺕ ﺗﻐﻔﺎﻟﻲ ﻋﻴﻦ
ﻣﺮﻥ ٥ﺷﻬﻮﺭ ﻳﻤﻌﺖ ﺗﻼﻃﻴﺶ ﻋﻤﻮ ﻣﻌﺎﻑ ﺍﻟﻤﻠﺠﺄ ﻭﺣﺎﻭﻝ ﻳﺮﻓﻊ ﻗﻀﻴﻪ ﺑﺲ ﻣﺎﻛﻮ ﺩﻟﻴﻞ ﺿﺪﻫﻢ .......
ﺍﻣﺎ ﺣﻴﺎﺗﻲ ﻋﻤﻮ ﻣﻮ ﻃﺒﻴﻌﻲ ﻭﻳﺎﻱ ﺍﺣﺲ ﺍﻛﻮ ﺷﻲ ﺑﻲ
ﻣﻌﻘﻮﻟﻪ ﺣﺎﺟﻲ ﺳﻠﻤﺎﻥ ﺷﻲ ﻋﻠﻴﻪ ﻻﻥ ﻫﻮ ﻣﻦ ﺫﺍﻙ ﺍﻟﻴﻮﻡ ﻭﻣﻮ ﻃﺒﻴﻌﻲ ﻋﻼﻗﺘﻲ ﻭﻳﻪ ﺍﻟﺒﻨﺎﺕ ﺣﻠﻮﻩ ﻭﺭﻳﻬﺎﻡ ﺑﻌﺪﻫﻲ ﺗﻠﻮﺏ ﻋﻠﻰ ﺍﺑﻦ ﺧﺎﻟﺘﻬﻪ ﺑﺲ ﺑﺪﺍﺧﻠﻬﻪ ﻣﺸﺎﻋﺮﻫﻪ ﺿﺎﻣﺘﻬﻪ ﺑﺲ ﺍﻧﻲ ﺍﻋﺮﻑ ﺑﻴﻬﻪ ﻣﺜﻞ ﻣﺎﺍﻧﻲ ﻣﺸﺎﻋﺮﻱ ﺗﺠﺎﻩ ﻋﻤﻮ ﺿﺎﻣﺘﻬﻪ
ﺑﻴﻮﻣﻬﻪ ﺟﺎﻧﺖ ﻓﺮﺣﺎﻧﻪ ﻛﻠﺶ .... ﻻﻥ ﻋﻤﻮ ﻋﺎﺯﻣﻬﻢ .... ﻧﺰﻟﺖ ﺍﻟﻈﻬﺮ ﺍﺑﺎﻭﻉ ﺗﻠﻔﺰﻳﻮﻥ ﺍﻟﻌﺼﺮ ﻳﺎﻟﻠﻪ ﻳﺠﻮﻥ .... ﻓﺘﺤﺖ ﺍﻟﺘﺎﻓﺰﻳﻮﻥ ﺻﺎﺭ ﻋﺎﻟﻲ ﺣﻴﻞ ﻛﺒﻞ ﻃﻔﻴﺘﻪ ﻻﻥ ﻧﺎﻳﻤﻴﻦ .... ﺳﻤﻌﺖ ﺑﺎﺏ ﻏﺮﻓﺔ ﻋﻤﻮ ﺍﻧﻔﺘﺢ ﻭﺍﺟﻪ ﻟﻼﺳﺘﻘﺒﺎﻝ
ﻫﺎﻱ ﺍﻧﺘﻲ ﻋﺒﺎﻟﻲ ﺭﻳﻬﺎﻡ ﻭﻫﻴﻪ ﻋﺪﻫﻪ ﺍﻣﺘﺤﺎﻥ ﺑﺎﺟﺮ
ﻻ ﻫﺎﻱ ﺍﻧﻲ
ﺻﻴﺤﻴﻠﻲ ﺳﻠﻮﻯ ﺧﻞ ﺍﺷﻮﻑ ﺷﺘﺤﺘﺎﺝ ﻣﺴﻮﺍﻙ ﻟﻠﻌﺸﻪ ﺍﻟﻴﻮﻡ
ﺭﺣﺖ ﺻﺤﺘﻬﻪ ﻭﻭﺻﺘﻪ ﻋﻠﻰ ﻣﺴﻮﺍﻙ ﺍﻟﻤﻐﺮﺏ ﺩﺧﻠﻮ ﻋﻠﻴﻨﻪ .... ﺟﻨﺖ ﺍﺟﻬﺰ ﻭﻳﻪ ﺍﻟﺒﻨﺎﺕ ﺍﻟﻌﺸﻪ ﺩﺧﻠﺖ ﺧﺎﻟﺘﻬﻦ ﻟﻠﺒﻨﺎﺕ ﺗﺨﺒﻞ ﻭﻋﻄﺮﻫﻪ ﺍﻟﻲ ﻣﺨﻠﻴﺘﻪ ﻋﺒﻪ ﺍﻟﺒﻴﺖ
ﺗﻘﺮﺑﺖ ﺭﺩﺕ ﺍﺑﻮﺳﻬﻪ ... ﻭﺍﻧﻲ ﻣﺒﺘﺴﻤﻪ ﺑﺴﺘﻬﻪ ﺑﺲ ﻫﻴﻪ ﻣﺒﺎﺳﺘﻨﻲ ﻳﻌﻨﻲ ﺭﻭﺣﻬﻪ ﺍﻟﻲ ﺑﺲ ﻫﻴﺞ ﺑﺲ ﺑﺎﻟﺸﻜﻞ ﻭﺟﺎﻧﺖ ﺑﻨﻴﻪ ﺑﻜﺪ ﺳﻠﻮﻯ ﺗﻘﺮﻳﺒﺎً ﺣﻠﻮﻩ ﻫﻢ ﻭﻳﺎﻫﻢ ﺑﺎﺳﺘﻨﻲ ﻃﺒﻴﻌﻲ ﻭﺍﺑﺘﺴﻤﺘﻠﻲ ﻛﺎﻟﺖ ﺍﻧﺘﻲ ﻓﺮﺣﻪ ﺧﺒﺼﺘﻨﻪ ﺑﻴﺞ ﺭﻣﺎﻧﻪ
ﺍﺑﺘﺴﻤﺘﻠﻬﻪ ... ﺳﻠﻤﻮ ﺍﻟﻮﻟﺪ ﺑﺲ ﺭﺩﻳﺖ ﺍﻟﺴﻼﻡ ﻛﻞ ﺷﻮﻳﻪ ﺍﺣﺲ ﻧﻈﺮﺍﺕ ﺧﺎﻟﺘﻬﻢ ﻣﻮ ﻃﺒﻴﻌﻴﻪ ﺍﻟﻲ ﻣﻦ ﺗﺪﺧﻞ ﻟﻠﻤﻄﺒﺦ ﺑﺤﻴﺚ ﻣﺎﻋﻮﻟﺖ ﻳﺼﺒﻮﻥ ﺍﻟﻌﺸﻪ ﺻﻌﺪﺕ
ﻓﻮﻙ ﺍﺟﺘﻨﻲ ﺭﻣﺎﻧﻪ ﻛﺎﻟﺖ ﻳﻤﺎﻣﻪ ﻭﺭﻳﻬﺎﻡ ﻳﻜﻮﻟﻦ ﺗﻌﺎﻟﻲ ﺗﻌﺸﻲ
ﻛﻮﻟﻴﻠﻬﻢ ﻣﺘﺸﺘﻬﻲ
ﺍﺟﺘﻨﻲ ﻓﺮﺣﻪ ﺟﺮﺗﻨﻲ ﺍﻟﻪ ﺗﻨﺰﻟﻴﻦ ﻫﺴﻪ
ﻭﻟﺞ ﺭﻣﺎﻧﻪ ﻣﺎﺍﺭﻳﺪ
ﻣﺎ . ﻣﺎ ﺗﻌﺎﻟﻲ ﺣﺒﺎﺑﻪ
ﻭﺍﻟﻠﻪ ﻣﺠﻮﻋﺎﻧﻪ
ﻣﻴﺨﺎﻟﻒ ﻓﺮﺣﻪ ﻭﺍﻟﻠﻪ ﺍﺯﺍﻋﻠﺞ
ﺍﻭﻑ ﻣﻨﺞ .... بيج قصص عراقيه حقيقيه من واقعنا.روعه الطائي
ﺟﺒﺮﺗﻨﻲ ﺍﻟﻪ ﺍﻧﺰﻝ ﻧﺰﻟﺖ ﺍﻭﻝ ﻣﺪﺧﻠﺖ ﻋﻤﻮ ﺑﺎﻭﻉ ﻋﻠﻴﻪ ﺗﻔﺎﺟﺊ ﺑﻴﻪ ﻣﻦ ﻧﺰﻟﺖ ...... ﺗﻌﺸﻴﻨﻪ ﻭﻏﺴﻠﺖ ﻣﻮﺍﻋﻴﻦ ﻭﺻﻌﺪﻧﻪ ﻭﻳﻪ ﺍﻟﺒﻨﺎﺕ ﺗﻮﻧﺴﺖ ﻭﻳﺎﻫﻦ ﺣﻴﻞ ﻣﺎﺍﺣﺲ ﺍﻟﻪ ﺻﻌﺪﺕ ﺧﺎﻟﺘﻬﻢ ﻳﻤﻨﻪ ﻭﻧﻈﺮﺍﺗﻬﻪ ﻋﻠﻴﻪ
ﻛﻌﺪﺕ ﺗﺘﺸﺎﻗﻪ ﻭﻳﻪ ﺍﻟﺒﻨﺎﺕ ..... ﻓﺠﺄﻩ ﻛﺎﻣﺖ ﻛﺎﻟﺖ ﻓﺮﺣﻪ ﺷﻮ ﺗﻌﺎﻟﻲ ﻭﻳﺎﻱ ﺷﻮﻳﻪ ﻋﺠﺒﻨﻲ ﺍﻟﺠﺎﻱ ﺍﻟﻲ ﺳﻮﻳﺘﻲ ﻗﺒﻞ ﺷﻮﻳﻪ
ﺍﻧﻲ ﻫﻢ ﻛﻤﺖ ﻣﺒﺘﺴﻤﻪ .... ﻛﻠﺘﻠﻬﻪ ﻫﺴﻪ ﺍﺳﻮﻳﻠﺞ ﻛﻮﺏ ﺛﺎﻧﻲ ﻃﻠﻌﺖ ﻭﻃﻠﻌﺖ ﻭﺭﺍﻳﺎ ﺟﺎﻥ ﺗﻜﻠﻲ ﻓﺮﺣﻪ ﺍﻧﺘﻲ ﺷﺘﺮﻳﺪﻳﻦ ﺑﺎﻟﻀﺒﻂ
ﻣﻔﻬﻤﺖ ﺧﺎﻟﻪ
ﺣﺒﻴﺒﺘﻲ ﺍﻧﻲ ﻫﺎﻱ ﺍﻟﺸﻜﻮﻻﺕ ﻣﺎﺭﻩ ﻋﻠﻴﻪ ﻭﺍﻋﺮﻓﺠﻦ ﺍﺩﺭﻱ ﺑﻴﺞ ﺍﻧﺘﻲ ﻭﺟﻬﺎﺩ ﻋﺪﺟﻦ ﻋﻼﻗﻪ ﻭﺻﻠﻮﻟﻲ ﻫﺎﻟﻜﻼﻡ ﻭﺍﺩﺭﻱ ﺑﻲ ﻣﺮﺗﻴﻦ ﻣﺎﺧﺬﺝ ﻟﻠﺪﻛﺘﻮﺭﻩ ﺧﺎﻳﻒ ﻣﻨﺞ ﺧﺎﻑ ﺣﺎﻣﻞ
ﺻﻔﻨﺖ ﺑﻮﺟﻬﻪ
ﻣﻮ ﻋﻴﺐ ﺍﻧﺘﻲ ﺑﻌﺪﺝ ﺻﻐﻴﺮﻩ ﻭﻳﻨﺞ ﻭﻳﻦ ﻫﺎﻟﺴﻮﺍﻟﻒ
ﺧﺎﻟﻪ
ﻻ ﺧﺎﻟﻪ ﻭﻻ ﻫﻢ ﻳﺤﺰﻧﻮﻥ ﻫﻨﻪ ﻧﺼﻴﺤﺘﻴﻦ ﺍﻟﺞ ﺍﻧﺘﻲ ﺑﻜﺪ ﺑﻨﺎﺗﻲ ﺗﺮﻩ ﺗﺎﻟﻴﺘﺞ ﺗﻨﺸﻤﺮﻳﻦ ﺑﺎﻟﺸﺎﺭﻉ ﺗﺮﻩ ﺟﻬﺎﺩ ﻣﺨﻠﻴﺞ ﻫﻴﺞ ﻳﺘﻮﻧﺲ ﺑﻴﺞ ﻭﻳﺬﺑﺞ
ﺧﺎﻟﻪ
ﺑﺎﻭﻋﻴﻠﻲ ﺍﻧﻲ ﻣﺎﺍﻗﺒﻞ ﺗﻬﺠﻤﻴﻦ ﺣﻴﺎﺓ ﺑﻨﺎﺕ ﺍﺧﺘﻲ
ﻣﺎﻛﻮ ﺍﺳﺘﻠﻤﺘﻨﻲ ﻭﺣﺪﻩ ﻭﻧﺺ ﻣﺒﻘﺖ ﻛﻠﻤﻪ ﻣﺤﺠﺘﻬﻪ ﻭﻣﺘﺨﻠﻴﻨﻲ ﺍﺣﺠﻲ
ﺍﺧﺮ ﺷﻲ ﺧﺘﻤﺘﻬﻪ ﺍﻧﺘﻲ ﺣﺮﻩ ﺑﺲ ﺗﺎﻟﻴﺘﺞ ﺑﺎﻟﺸﺎﺭﻉ ﻟﺘﺘﺄﻣﻠﻴﻦ
ﻭﻧﺰﻟﺖ ﺑﻘﻴﺖ ﺻﺎﻓﻨﻪ ﺷﻤﺪﺭﻳﻬﻪ ﺭﺣﺖ ﻟﻠﺪﻛﺘﻮﺭﻩ ﻭﻳﻪ ﻋﻤﻮ ﺟﻬﺎﺩ
ﺭﺟﻌﺖ ﻳﻢ ﺍﻟﺒﻨﺎﺕ ﻭﺍﻧﻲ ﺻﺎﻓﻨﻪ ﺷﻠﻮﻥ ﻋﺮﻓﺖ ﺷﻮﻳﻪ ﻭﻛﺎﻟﻮ ﺍﻟﺒﻨﺎﺕ ﺧﻞ ﻧﻨﺰﻝ ﻣﺮﺩﺕ ﺍﻧﺰﻝ ﺍﻟﻪ ﻧﺰﻟﻨﻲ ﻭﻳﺎﻫﻦ ﺑﻘﻴﺖ ﻛﺎﻋﺪﻩ ﻋﻠﻰ ﺻﻔﺤﻪ ﻳﻢ ﺍﻟﺒﻨﺎﺕ ﺣﺴﻴﺖ ﻭﺍﺣﺪ ﻣﻨﻬﻢ ﻳﺒﺎﻭﻉ ﻋﻠﻴﻪ ﺑﻌﺪﻳﻦ ﻣﻦ ﻛﺎﻟﺘﻠﻲ ﺭﻳﻬﺎﻡ ﻋﻠﻰ ﻋﻤﺎﺩ ﺍﻟﻲ ﺗﺤﺒﻪ ﻋﺮﻓﺖ ﺍﻟﻲ ﻳﺒﺎﻭﻉ ﻋﻠﻴﻪ ﻫﻮ ﻧﻔﺴﻪ ﻋﻤﺎﺩ
ﺍﻧﻘﻬﺮﺕ ﺣﻴﻞ ﻭﺧﻔﺖ ﺧﺎﻑ ﺭﻳﻬﺎﻡ ﺣﺴﺖ ..... ﺍﻟﻰ ﺍﻥ ﻃﻠﻌﻮ ﺭﺩﺕ ﺍﺻﻌﺪ ﺻﺎﺣﻨﻲ ﻋﻤﻮ
ﺩﺧﻠﺖ ﻭﺭﺍ ﻟﻠﻐﺮﻓﻪ ﻛﺘﻠﻪ ﻫﺎ ﻋﻤﻮ
ﻛﻠﻲ ﻃﺒﻜﻲ ﺍﻟﺒﺎﺏ
ﻃﺒﻜﺖ ﺍﻟﺒﺎﺏ ﻭﻭﻛﻔﺖ ﺑﺎﻭﻉ ﻋﻠﻴﻪ ﺑﻨﻈﺮﻩ ﻣﻌﺮﻓﺖ ﺍﻓﺴﺮﻫﻪ ﺑﺲ ﺑﻴﻬﻪ ﺿﻮﺟﻪ
ﺷﻌﺠﺐ ﻧﺰﻟﺘﻲ ﺍﻟﻴﻮﻡ ﻓﺮﺣﻪ ﻳﻌﻨﻲ ﺍﺣﻨﻪ ﻣﻮ ﻣﺘﻔﻘﻴﻦ ﻣﺘﻌﻮﺩﻳﻦ ﺍﻧﺘﻲ ﻣﻦ ﻳﺠﻲ ﺧﻄﺎﺭ ﺗﺼﻌﺪﻳﻦ ﺷﻤﻌﻨﻪ ﺍﻟﻴﻮﻡ ﻧﺰﻟﺘﻲ
........ ﻳﺘﺒﻊ
أنت تقرأ
القاصرة وذو الشعر الأبيض
Mystère / Thriller#المراهقه__وذو_الشعر_الابيض هي مراهقه .....فجأه تتجرد من كل شيئ ..تجد نفسها لا شيء..... وهو كبير في السن .......يجعل من بيته ملجئاً لها ولكن مهما يكون فهي غريبه في بيته تناديه بـ عمي ويناديها بأبنتي لكن هل ستبقى على هذا النحو .....ام تتحول ا...
