#البارت الثاني عشر
مساء الخير يعيوني
لليريدون انهي القصه واختصرهه لان تحمل معاناة كبيره يعيوني
اعتذر منكم يعيوني الي ميعجبه القصه يعيوني
يعوفهه مو يوميه نعيد يعيوني 🥴
لا جديات القصه بيهه احداث بعد صح هيه شويه مو شويه هواي تقهر بس اني مهمتي انقل هاي المعاناة للكل بلكت ولعل يوصل صوت المتشردين لان معاناة فرحه معاناة تقريباً جميع المتشردين والايتام ومو بس الايتام هواي امهات يتخلن عن اطفالهن وهواي النتيجه
فرحه وغيرهه عانو قسوة الزمن بسبب الاب والام لان همه الاساس
واحنه واجبنه نسمعلهم مو نكول منتحمل معاناتهم صعبه
وله اني انهي قصهتهه الي وصلتني وأمنتني اكتبهه علمود انتو متتحملون قصص وروايات عراقية كرار صلاح
عن نفسي قلمي مستمر يكتب قصة فرحه ومعاناتهه بكل تفاصيلهه واني الممنونه
وبرأيي مفروض قصتهه تصعد وتاخذ نسبه عاليه من التصوين لكن ماباليد حيله مااكدر اجبر احد يصوت مع العلم همه الي يقرو وميصوتون القصتهه يصوتون القصص لا تستحق ان تصعد بنسبه عاليه غير هادفه
فقط لانها تحتوي على الايحائات والاحلام الورديه
توضيح معلومه الوحوش الي داير مداير فرحه مو لان حلوه لان مالهه احد
#القاصرةـوذو_الشعر_الابيض
#بقلمي ام غايب
علمني الوكت اصبر على الروح
واعيش بهالزمن واتعلم بقهري
واكبر على جرحي وامسح دموع العين
واچوي النار بيدي وانجوي بجمري
مشيت ويه الحزن من صغري لليوم
وتحملته رغم طعناته بظهري
وتكول الناس..يضحك ابد ما مهموم
مايدرون همي مخزن بصدري
الدنيا وياي تمشي بالمگلوب
تسرق ضحكتي وتحكم بعمري
جهاد/شعجب نزلتي اليوم فرحه يعني احنه مو متفقين متعودين انتي من يجي خطار تصعدين شمعنه اليوم نزلتي
لان... البنات لحن عليه
لتعيديهه بعد لو شكد ميلحون عليج
ليش عمو صار شي
اي صاررر لان عماد سألني عليج بطريقه معجبتني
عرفتي لو لا ....ودير بالج بعقلج تفسريهه غيره عليج او اي شي ثاني
اني خوفي عليج مثل مااخاف على بناتي هو يخليني انتقدج واحاسبج
فرحه انتي حاجيه الاحد عن الي صار وياج بالملجأ
كتله بكلب خلصان ...لا
متأكده
كتلك لا عمو
شبيج
البيه تعبت من الذله وماعندي غيره من اصفن واكول يلله اريد اروح منا
ماالكه شي ثاني يلمني لتذلني عمو انت بالذات لتذلني مااتحمل هذا الشي
أشرتله بيدي على كلبي ....يوجعني حيل من تصير الذله منك
سكت واني شوكت ذليتج فرحه
انت. دذلني هواي عمو ...بكلشي كاعد تذلني
احسك طول الوقت مستثقلني وتريد بس تخلص مني وممتحمل وجودي يمك
وشسوي متصدكني وشحجي جذابه
لا ماكو هيج شي انتي متوهمه ليش دائماً من اعلمج وانبهج تكولين هذا الكلام
فرحه اني زوجج هسه
أنت تقرأ
القاصرة وذو الشعر الأبيض
Misteri / Thriller#المراهقه__وذو_الشعر_الابيض هي مراهقه .....فجأه تتجرد من كل شيئ ..تجد نفسها لا شيء..... وهو كبير في السن .......يجعل من بيته ملجئاً لها ولكن مهما يكون فهي غريبه في بيته تناديه بـ عمي ويناديها بأبنتي لكن هل ستبقى على هذا النحو .....ام تتحول ا...
