#ﺍﻟﻘﺎﺻﺮﺓـــﻮﺫﻭ_ﺍﻟﺸﻌﺮ_ﺍﻻﺑﻴﺾ
ﺑﻘﻠﻤﻲ ﺍﻡ ﻏﺎﻳﺐ
#بارت٥
ﺩﻧﻴﺎ ﺍﻟﺤﻤﻠﺘﻨﻲ ﻫﻤﻮﻡ ﻓﻮﻙ ﻫﻤﻮﻡ
ﺍﻧﺎ ﺍﻟﻤﻠﻴﺖ ﺍﻋﻴﺸﻦ ﻋﻴﺸﺔ ﺍﻟﺤﻤﺎﻝ
ﻛﺮﻫﺖ ﺍﻟﻜﺎﻉ ﻭﺍﻟﻴﻤﺸﻮﻥ ﻓﻮﻙ ﺍﻟﻜﺎﻉ
ﺍﻧﺎ ﻭﺣﺪﺍﻧﻲ ﻭﺍﻟﻮﺣﺪﺍﻧﻲ ﺑﺎﺗﻌﺲ ﺣﺎﻝ
ﺷﺴﻮﻳﺖ ﺍﻧﻲ ﻋﻤﻮ
ﺟﻬﺎﺩ / ﻫﺎﻱ ﺷﻨﻮﻭﻭﻭ ﺑﺎﺑﺎ .... ﻫﺎﻱ ﺷﻼﺑﺴﻪ
ﺷﻼﺑﺴﻪ ﻋﻤﻮ
ﺑﺎﻭﻋﻲ ﻋﻠﻰ ﻟﺒﺴﺞ ﺍﻭﻝ ﻭﺗﺎﻟﻲ ﻫﻴﺞ ﺗﻠﺒﺴﻴﻦ
ﻣﻮ ﻣﺤﺘﺮﻩ
ﻣﻴﺼﻴﺮ ﻫﻴﺞ ﺗﻠﺒﺴﻴﻦ ﺣﺮﺍﻡ
ﻟﻴﺶ ﻋﻤﻮ ﺭﻳﻬﺎﻡ ﻫﻢ ﻻﺑﺴﻪ
ﺭﻭﺣﻲ ﻟﺒﺴﻲ ﻏﻴﺮ ﺷﻲ .... ﻟﺘﺠﺎﺩﻟﻴﻦ ... ﻛﻞ ﻣﺎﺍﺣﺠﻲ ﻭﻳﺎﺝ ﻻﺯﻡ ﺗﺠﺎﺩﻟﻴﻦ ﻣﻦ ﺍﻛﻮﻝ ﺷﻐﻠﻪ ﻛﻮﻟﻲ ﺣﺎﺿﺮ ﻭﺑﺲ .... ﺍﻧﺘﻲ ﻳﺮﺍﺩﻟﺞ ﻛﻌﺪﻩ ..... ﻛﻌﺪﺍﺗﻲ ﻭﻳﺎﺝ ﻣﻴﺨﻠﺼﻦ ﻭﻟﺴﺎﻧﻲ ﻳﺮﻭﺡ ﻭﺍﻧﺘﻲ ﻣﻮ ﻳﻤﺞ
ﺣﺰﻧﺖ ﻣﻦ ﻛﻼﻣﻪ ﻣﺎﻓﺪ ﻳﻮﻡ ﻛﻠﻲ ﺷﻐﻠﻪ ﻣﻦ ﺷﻔﺘﻪ ﻟﻠﻴﻮﻡ ﺍﺫﺍ ﻣﻜﺘﻠﻪ ﺣﺎﺿﺮ ﻛﺘﻠﻪ ..... ﻟﻴﺶ ﻋﻤﻮ
ﺭﻭﺣﻲ ﺑﺪﻟﻲ ﺑﺎﺑﺎ ﺭﻭﺣﻲ
ﺍﺻﻼً ﺍﻧﻲ ﺑﺲ ﺳﻠﻤﺖ ﻭﺭﺍﺡ ﺍﺻﻌﺪ ﻟﺤﺪ ﻣﻴﺮﻭﺡ
ﺭﻭﺣﻲ ﺑﺪﻟﻲ ﻭﻧﺰﻟﻲ ﻣﺎﻛﻮ ﺩﺍﻋﻲ ﺗﺒﻘﻴﻦ ﻓﻮﻙ ﻻﻥ ﻣﻄﻮﻝ ﺍﻛﺮﻡ ....
ﺑﺲ ﺣﺎﺭﻩ ﺍﻟﺪﻧﻴﺎ ﻭﻣﻼﺑﺴﻲ ﺣﺎﺭﺍﺕ
ﺷﻮﻓﻴﻠﺞ ﻏﻴﺮ ﻫﺬﺍ ﺍﻟﺘﺸﻴﺮﺕ ﻭﻧﺰﻟﻲ
ﻭﺩﺧﻞ ﻭﻋﺎﻓﻨﻲ
ﺿﺠﺖ ﺣﻴﻞ ﻭﻋﻀﻴﺖ ﺍﺻﺒﻌﻲ .... ﺑﺲ ﺍﻧﻲ ﻳﻌﻨﻲ ﺍﺳﺘﻐﻔﺮ ﺍﻟﻠﻪ ﻫﻔﻔﻔﻔﻔﻔﻒ
ﺻﻌﺪﺕ ﻓﻮﻙ ﻟﺒﺴﺖ ﺗﺮﺍﻛﺴﻮﺩﻱ ﺍﻟﺸﺘﺎﺋﻲ ﻭﻧﺰﻟﺖ ﻭﺍﻟﺒﻮﺧﻪ ﺗﻄﻠﻊ ﻣﻦ ﺍﺩﺍﻧﻲ ﻣﻦ ﺍﻟﺤﺮ ﻓﺠﺄﻩ ﺍﻟﺠﻮ ﺻﺎﺭ ﺣﺎﺭ ..... ﻧﺰﻟﺖ ﻭﻛﻌﺪﺕ ﺑﺼﻒ ﻋﻤﻮ ﺩﺍﺭ ﻋﻠﻴﻪ
ﻳﻌﻨﻲ ﻟﻮ ﺗﻠﺒﺴﻴﻦ ﻣﺸﻠﺘﺢ ﻟﻮ ﺗﺸﺘﻴﻦ
ﺑﻜﻠﺒﻲ ﻋﻤﻮ ﺍﻧﺖ ﻭﻻ ﺗﺴﺘﺤﻲ ﻭﺗﺤﺠﻲ ﻋﻠﻴﻪ ﻟﻌﺪ ﺍﻟﻤﺸﻠﺘﺢ ﻣﻮ ﻋﻴﺐ .....بيج قصص عراقيه حقيقيه من واقعنا.روعه الطائي
ﺟﺎﻥ ﺍﻟﻜﻞ ﻳﻀﺤﻚ ﻭﻫﻤﻪ ﻛﺎﻋﺪﻳﻦ ﺩﺍﻳﺮ ﻣﺪﺍﻳﺮﻩ ﺍﻟﺒﺘﺎﺕ
ﻭﺍﻛﺮﻡ ﻳﻮﺯﻋﻠﻬﻢ ﺍﻟﻬﺪﺍﻳﺎ ﺑﺎﻭﻉ ﻋﻠﻴﻪ .... ﻏﻴﺮ ﺗﻜﻮﻟﻮﻥ ﻋﺪﻧﻪ ﺿﻴﻮﻑ ﺟﺎﻥ ﺣﺴﺒﻨﺎ ﺣﺴﺎﺑﻨﻪ
ﻓﺮﺣﻪ / ﻻ ﻋﺎﺩﻱ
ﺍﻛﺮﻡ / ﻻ ﻳﺎﺑﻪ ﺗﻄﻠﺒﻴﻨﻲ ﻫﺪﻳﻪ ﻭﺿﺤﻚ
ﻣﺒﺘﺴﻤﺖ ﻻﻥ ﻣﻦ ﺍﺷﻮﻓﻪ ﺍﺷﻮﻑ ﺟﻌﻔﺮ ﻛﺒﺎﻟﻲ .... ﺟﻌﻔﺮ ﻫﻢ ﻫﻴﺞ ﺣﺒﺎﺏ ﻭﻳﺎﻫﻢ ﺑﺲ ﻭﻳﺎﻳﻪ ﻳﺨﺘﻠﻒ
ﺑﻘﻴﺖ ﺍﺑﺎﻭﻉ ﺟﺎﻧﺖ ﺣﻠﻮﻩ ﻟﻤﺘﻬﻢ ﻭﻋﻼﻗﺘﻬﻢ ..... ﺣﻠﻮ ﻭﺟﻮﺩ ﺍﻻﺧﻮﺍﻥ ﺑﺎﻟﺤﻴﺎﺓ ﻛﻤﺖ ﺍﺣﺴﺪﻫﻢ ﺑﺪﺍﺧﻠﻲ ﻋﺪﻫﻢ ﺍﺏ ﻭﻋﺪﻫﻢ ﺍﺧﻮﺍﻥ ﻭﻋﺪﻫﻢ ﺑﻴﺖ ﻭﻋﺪﻫﻢ ﻛﻠﺸﻲ ﺑﺲ ﺍﻧﻲ ﻣﺎﻋﻨﺪﻱ ﺷﻲ ﺻﺢ ﻋﻤﻮ ﺟﻬﺎﺩ ﻣﺤﻠﻴﻨﻲ ﺑﺒﻴﺘﻪ ﺑﺲ ﻫﻮ ﻣﻮ ﺑﻴﺘﻲ ﻭﺳﻠﻮﻯ ﻣﺘﺤﺒﻨﻲ ﻭﺳﺎﻋﺎﺕ ﺍﺣﺲ ﺭﻳﻬﺎﻡ ﻫﻢ ﻣﺘﺤﺒﻨﻲ ﻭﺳﺎﻋﺎﺕ ﺍﺣﺴﻬﻪ ﺗﺤﺒﻨﻲ..بيج قصص عراقيه حقيقيه من واقعنا.روعه الطائي..ﻣﺤﺪ ﻳﺤﺒﻨﻲ ﺣﺘﻰ ﻋﻤﻮ ﺟﻬﺎﺩ ﺳﺎﻋﺎﺕ ﻳﺤﺒﻨﻲ ﻭﺳﺎﻋﺎﺕ ﻳﺮﺯﻟﻨﻲ ﻭﻳﺨﺰﺭﻧﻲ
ﺑﻘﻴﺖ ﺻﺎﻓﻨﻪ ﻋﻠﻴﻬﻢ ﻣﺪﺭﻱ ﺷﻜﺎﻟﺖ ﺭﻳﻬﺎﻡ ﻭﻋﻤﻮ ﻛﺎﻡ ﻳﺘﺸﺎﻗﻪ ﻭﻳﺎﻫﻪ ﻭﻳﻀﺤﻚ ﻭﺍﺑﺎﻭﻉ ﻋﻠﻴﻬﻪ ﺷﻠﻮﻥ ﺷﺒﻜﺘﻪ ﻭﺑﺎﺳﻬﻪ ﻭﻋﻀﻬﻪ ﻣﻦ ﺧﺪﻫﻪ .... ﺍﻧﻘﻬﺮﺕ ﺣﻴﻞ ﻭﺍﻧﻲ ﻣﻴﺒﻮﺳﻨﻲ ﻭﻣﻦ ﺍﺑﻮﺳﻪ ﻳﻮﺧﺮﻧﻲ ﻋﻨﻪ ﺿﺠﺖ ﺣﻴﻞ .... ﻭﻛﻤﺖ ﻋﻔﺘﻬﻢ ﻭﺻﻌﺪﺕ ..... ﺟﻨﺖ ﺧﺎﻟﻪ ﻟﻌﺎﺑﺘﻲ ... ﻋﻠﻰ ﺟﺮﺑﺎﻳﺘﻲ ﺷﻠﺘﻬﻪ ﻭﺧﻠﻴﺘﻬﻪ ﺑﺤﻀﻨﻲ .
ﺑﻘﻴﺖ ﻛﺎﻋﺪﻩ ﻓﻮﻙ ﺍﻟﺤﺪ ﻣﺎ ﺍﺟﺘﻨﻲ ﺭﻣﺎﻧﻪ
ﻓﺘﻮﺷﻪ ﺭﻳﻬﺎﻡ ﺗﺼﻴﺤﺞ
ﻗﺘﻮﺷﻪ ﺷﻨﻮ
ﻣﺤﻠﻮ ﺍﺳﻤﺞ ﺍﻟﻴﻮﻡ ﺑﺎﻟﻤﺪﺭﺳﻪ ﺻﻔﻨﺖ ﻫﻮﺍﻱ ﺍﺩﻭﺭ ﻋﻠﻰ ﺍﺳﻢ ﻗﺮﺭﺕ ﺍﻛﻠﺞ ﻓﺘﻮﺷﻪ
ﻓﺘﻮﺷﻪ ﺭﻳﻬﺎﻡ ﺗﺼﻴﺤﺞ
ﺷﺘﺮﻳﺪ
ﺗﻜﻮﻭﻭﻝ ..... ﺗﻜﻮﻭﻭﻝ .... ﻭﻏﻤﻀﺖ ﺗﻚ ﻋﻴﻦ ﻋﻠﻤﻮﺩ ﺗﺘﺬﻛﺮ ﻭﺍﻧﻲ ﺍﺑﺎﻭﻉ ﻋﻠﻴﻬﻪ ﻭﺍﺿﺤﻚ .... ﻣﻦ ﺗﺼﻴﺮ ﻳﻤﻲ ﺭﻣﺎﻧﻪ ﻳﺎﻟﻠﻪ ﺍﺣﺲ ﻧﻔﺴﻲ ﺟﺒﻴﺮﻩ ﻭﺍﺿﺤﻚ ﻋﻠﻰ ﺭﻭﺣﻲ ﻭﻋﻠﻰ ﺗﺼﺮﻓﺎﺗﻲ
ﺗﻌﺎﻟﻲ ﺗﻌﺸﻲ
ﻗﺼﺪﺝ ﺍﺗﻐﺪﻩ
ﺿﺤﻜﺖ .... ﺍﻱ ﻧﺴﻴﺖ
ﻓﺘﻮﺷﻪ .... ﺍﻧﻲ ﺍﺭﻳﺪ ﺍﻧﺎﻡ ﻳﻤﺞ ﺑﺲ ﺳﻠﻮﻯ ﻣﺘﻘﺒﻞ
ﻟﺘﺼﻴﺤﻠﻲ ﻓﺘﻮﺷﻪ ﻭﺍﻟﻠﻪ ﻣﺤﻠﻮ ﻓﺮﺣﻪ ﺍﺣﻠﻰ ﺍﺯﻋﻞ ﺍﺫﺍ ﺗﻜﻠﻴﻠﻲ ﻓﺘﻮﺷﻪ ﻭﺑﻌﺪﻳﻦ
ﻛﻮﻟﻲ ﺍﻝ ﻋﻤﻮ ﺟﻬﺎﺩ ﺑﺲ ﺍﻟﻴﻮﻡ ﺍﻧﺎﻡ ﻳﻢ ﻓﺮﺣﻪ
ﺍﻧﺘﻲ ﻟﻴﺶ ﻣﺘﻜﻮﻟﻴﻦ ﺑﺎﺑﺎ ﺟﻬﺎﺩ
ﻻﻥ ﻫﻮ ﻋﻤﻮ ﻣﻮ ﺑﺎﺑﺎ
ﺿﺤﻜﺖ ... ﺗﻜﻮﻝ ﻋﻤﻮﻭﻭﻭ
ﺍﻱ ﻟﻌﺪ ﺷﻜﻮﻝ
ﻛﻮﻟﻲ ﺑﺎﺑﺎ ﻫﻮ ﻳﻜﻠﺞ ﺑﺎﺑﺎ ﻓﺮﺣﻪ
ﺍﻧﺘﻲ ﺷﻨﻮﻭﻭﻭ ﻭﻟﺞ .... ﻳﺮﺑﻲ ﻣﺎﻝ ﺍﻛﻠﺞ ﻭﺍﻟﻠﻪ .... ﻓﺪﺩﻭﻩ ﺭﺣﺖ ﻟﻠﺬﻛﻴﺎﺕ ..... ﺑﺴﺘﻬﻪ ﺑﺨﺪﻫﻪ ..... ﻭﻧﺰﻟﻨﺎ
ﺑﺲ ﺍﻧﻲ ﻣﺎﺍﺣﺠﻲ ﻭﻳﻪ ﻋﻤﻮ ﺟﻬﺎﺩ .... ﻭﻣﺎﺍﺑﺎﻭﻉ ﻋﻠﻲ .... ﻻﻥ ﺩﻭﻡ ﻳﺮﺯﻟﻨﻲ
ﻭﺧﻼﻧﻲ ﺍﻟﺒﺲ ﺷﺘﺎﺋﻲ ﻭﺳﻠﻮﻯ ﺷﻄﻮﻟﻬﻪ ﻫﻴﻪ ﻭﺭﻳﻬﺎﻡ ﻭﻣﺤﺠﻪ ﻭﻳﺎﻫﻢ
ﺟﻨﺖ ﺍﻛﻞ ﻭﺿﺎﻳﺠﻪ ﺑﺪﺍﺧﻠﻲ ... ﻓﺠﺄﻩ ﺣﺠﻪ ﻭﻳﺎﻱ ﻋﻤﻮ ﺟﻬﺎﺩ ﻛﺪﺍﻡ ﺍﻟﻜﻞ
ﺟﻬﺎﺩ / ﺷﺒﻴﺞ ﻓﺮﺣﻪ
ﻣﺎﺑﻴﻪ ﻋﻤﻮ
ﻣﺘﺄﻛﺪﻩ
ﺍﻱ ﻋﻤﻮ
ﺍﻛﺮﻡ / ﺑﻴﺎ ﺻﻒ ﺍﻧﺘﻲ ﻓﺮﺣﻪ
ﺍﻭﻝ ﻣﺘﻮﺳﻂ ﺑﺲ ﺑﻄﻠﺖ
ﻟﻴﺶ
ﻣﺎﺍﻋﺮﻑ ﻋﻤﻮ
ﺟﻬﺎﺩ / ﻫﺎﻱ ﺍﻟﺴﻨﻪ ﺑﺲ .... ﺍﻟﺴﻨﻪ ﺍﻟﺘﺠﻲ ﺗﺪﺍﻭﻣﻴﻦ
ﺑﺎﻭﻋﺖ ﻭﺍﺑﺘﺴﻤﺖ ﻭﺍﻟﻠﻪ ﻋﻤﻮﻭ
ﻫﺰ ﺭﺍﺳﻪ ﺑﻤﻌﻨﻰ ﺍﻱ
ﺳﻠﻮﻯ / ﻟﻴﺶ ﺑﺎﺑﺎ ﻓﺮﺣﻪ ﻟﺸﻮﻛﺖ ﺭﺍﺡ ﺗﺒﻘﻪ ﻳﻤﻨﻪ
ﻟﺤﺪ ﻣﺎ ﻳﺠﻴﻬﻪ ﺍﺑﻦ ﺍﻟﺤﻼﻝ
ﺭﻳﻬﺎﻡ / ﺑﺎﺑﺎ ﻳﻌﻨﻲ ﺷﻨﻮ ﺍﺑﻦ ﺍﻟﺤﻼﻝ ﺗﻘﺼﺪ ﻋﺮﻳﺲ
ﺍﻱ ﺑﺎﻟﻀﺒﻂ
ﻳﻌﻨﻲ ﺍﻟﺒﺲ ﺑﺪﻟﻪ
ﺭﻳﻬﺎﻡ / ﺍﻱ ﺑﺲ ﺍﻧﻲ ﻗﺒﻠﺞ ﻻﻥ ﺍﻧﻲ ﺍﻃﻮﻝ ﻣﻨﺞ
ﻓﺮﺣﻪ / ﺍﻧﻲ ﺍﻟﻠﺒﺲ ﺑﺪﻟﻪ ﻃﻮﻳﻠﻪ ﺣﻴﻞ .... ﻭﻣﻨﻔﻮﺧﻪ
ﺭﻳﻬﺎﻡ / ﺑﺎﺑﺎ ﺍﻧﺘﻲ ﻛﺼﻴﺮﻩ ﺗﻮﻛﻌﻴﻦ ﺑﻴﻬﻪ
ﺍﻛﺮﻡ / ﻫﻮﻭﻭﺏ ﻫﻮﺏ ﺷﻮ ﺍﺧﺬﺟﻦ ﺍﻟﻮﺍﻫﺲ ﺑﺎﻟﺤﺠﻲ ﺣﺴﻴﺖ ﺭﻭﺣﻲ ﻣﻜﺮﻥ ﺑﻴﻨﺎﺗﺠﻦ ﻭﻳﻨﺠﻦ ﻭﻳﻦ ﺍﻟﺰﻭﺍﺝ ﺑﻜﺪ ﺟﻒ ﺍﻳﺪﻱ
ﺳﻠﻮﻯ / ﻣﺮﺍﻫﻘﺎﺕ ﺗﺎﻓﻬﺎﺕ
ﺭﻳﻬﺎﻡ / ﻟﺘﻜﻮﻟﻴﻦ ﺗﺎﻓﻬﺎﺕ ﻋﻠﻴﻨﻪ
ﺟﻬﺎﺩ / ﻛﺎﺍﺍﺍﺍﻓﻲ ﺍﻟﻮﺍﺣﺪ ﻫﻨﺎ ﻳﺒﺘﻠﻲ ﻳﺤﺠﻲ ﺷﻐﻠﻪ ﺗﺘﻌﺎﺭﻛﻦ .....
ﻓﺮﺣﻪ ﺑﺲ ﺍﻧﻲ ﻋﻨﺪﻱ ﻗﻮﺍﻧﻴﻦ
ﺍﻛﺮﻡ / ﺍﻟﻲ ﻳﺮﺳﺐ ﻳﻜﻌﺪ ﺑﺎﻟﺒﻴﺖ ﻣﻦ ﻫﺴﻪ ﺍﻛﻠﺞ
ﺳﻠﻮﻯ / ﻋﻠﺴﺎﺱ ﺍﻧﺖ ﻛﻌﺪﺕ ﻣﻦ ﺭﺳﺒﺖ ﺑﺎﻟﺴﺎﺩﺱ
ﺍﻧﻲ ﻭﻟﺪ ﺍﻧﺘﻦ ﺑﻨﺎﺕ
ﺳﻠﻮﻯ / ﺍﻟﻌﻨﺼﺮﻳﻪ ﺧﺒﻠﺘﻨﻲ
ﺟﻬﺎﺩ / ﻛﺎﺍﻓﻲ ﺯﻭﺩﺗﻮﻫﻪ ﺣﻴﻞ ﻭﻻ ﻭﺍﺣﺪ ﺟﺒﻴﺮ ﺑﻴﻜﻢ .... ﺑﻤﻨﺴﺎﺑﺔ ﺍﻟﺪﺭﺍﺳﻪ
ﺍﻧﻲ ﻣﻘﺎﺑﻞ ﻋﻠﻰ ﺟﻴﺘﻚ ﺑﻬﺬﺍ ﺍﻟﻮﻗﺖ ﻭﺍﻧﺖ ﺍﻭﻝ ﺳﻨﻪ ﻛﻠﻴﻪ
ﻳﺎﺑﻪ ﻣﺎﻋﻨﺪﻱ ﺍﻣﺘﺤﺎﻧﺎﺕ ﺑﻬﺎﻱ ﺍﻟﻔﺘﺮﻩ
ﻣﻴﺨﺎﻟﻒ .... ﺍﻛﺮﻡ ﺍﻧﻲ ﺩﺍﻓﻊ ﻓﻠﻮﺱ ﻣﺎﺍﺭﻳﺪ ﺭﺳﻮﺏ ﺍﻗﺴﻢ ﺑﺎﻟﻠﻪ ﺍﺭﺟﻌﻚ ﻫﻨﺎ
ﻳﺎﺑﻪ ﻭﺍﻟﻠﻪ ﻓﻬﻤﺖ ﻫﻨﻪ ﻋﺸﺮﺓ ﺍﻳﺎﻡ ﻭﺍﺭﺟﻊ ﻛﻠﺒﻲ ﻃﻜﻚ ﻋﻠﻴﻜﻢ
ﺳﻠﻮﻯ / ﻋﻠﻴﻨﻪ ﻟﻮ ﻋﻠﻰ ﺭﺷﺎ
ﺍﺑﺘﺴﻢ .... ﻋﻠﻴﻜﻢ ﻭﻋﻠﻰ ﺭﺷﺎ ﻳﺎﺑﻪ ﺍﺧﻄﺒﻬﻪ ﺍﻟﻲ ﺍﻟﻠﻪ ﻳﺨﻠﻴﻚ
ﺑﺎﺑﺎ ﺑﻌﺪﻙ ﺻﻐﻴﺮ ﻭﻳﻨﻚ ﻭﻳﻦ ﺍﻟﺰﻭﺍﺝ ﺑﻌﺪﻙ ﻣﺪﺍﺧﻞ ﻟﻞ ٢١ﻭﻫﻲ ﺍﻝ١٥ ﻭﻳﻨﻜﻢ ﻭﻳﻦ ﺍﻟﺰﻭﺍﺝ .... ﻫﺬﺍ ﺍﻟﻤﻮﺿﻮﻉ ﺷﻴﻠﻪ ﻣﻦ ﺭﺍﺳﻚ
ﻛﻌﺪﺕ ﺍﺣﺴﺐ ﺍﻛﺒﺮ ﻣﻨﻲ ﺑﺸﻜﺪ ﺩﺧﻠﺖ ﺍﺻﺎﺑﻌﻲ ﺟﻮﻩ ﺍﻟﻤﻴﺰ .... ﻭﻛﻌﺪﺕ ﺍﺣﺴﺐ ..... ﺍﻟﻰ ﺍﻥ ﻭﺻﻠﺖ ﻟﻠﺘﺴﻌﻪ ... ﻋﺎﺍﺍﺍﺍ ﺷﻜﺪ ﺟﺒﻴﺮ ﻭﻳﻜﻠﻪ ﻋﻤﻮ ﺻﻐﻴﺮ
ﻋﻤﻮ
ﻫﺎ ﺑﺎﺑﺎ
ﺍﻧﺖ ﺷﻜﺪ ﻋﻤﺮﻙ
ﺑﺎﻭﻉ ﻋﻠﻴﻪ ﻣﺘﻔﺎﺟﺊ ﻣﻦ ﺳﺆﺍﻟﻲ
ﺷﺘﺴﻮﻳﻦ ﺑﻌﻤﺮﻱ
ﺍﺣﺴﺐ
٤٥ﺳﻨﻪ
ﻋﺎﺍﺍﺍﺍﺍ ﻋﻤﻮ ﺍﻧﺖ ﺻﺪﻙ ﺟﺒﻴﺮ ﺣﻴﻞ ﺑﺲ ﻣﻤﺒﻴﻦ ﻋﻠﻴﻚ
ﺍﺑﺘﺴﻢ ... ﺷﻜﺮﺍً
ﺍﻛﺮﻡ / ﺧﻮﺏ ﻫﺎﻟﻜﻠﻤﻪ ﺍﺟﺘﻚ ﻋﻞ ﺟﺮﺡ ...... ﻛﻴﻔﺘﻠﻬﻪ ﻳﺎﺑﻪ
ﻗﺎﺑﻞ ﻫﻴﻪ ﺟﺬﺑﺖ ..... ﺍﺻﻼً ﺑﺪﻭﺍﻣﻲ ﻭﻭﻳﻦ ﻣﺎﺍﺭﻭﺡ ﻣﻦ ﺍﻛﻮﻝ ﻋﻤﺮﻱ ﻳﻨﺼﺪﻣﻮﻥ ﻳﻜﻮﻟﻮﻥ ﻣﻤﺒﻴﻦ
ﻳﺠﺬﺑﻮﻥ ﻋﻠﻴﻚ ﻻﻥ ﻣﺪﻳﺮ ﻋﺎﻡ ﻭﻳﻌﺮﻓﻮﻥ ﺍﻋﻤﺎﺭﻛﻢ ﻳﺘﻜﻬﺮﺑﻮﻥ ﻣﻦ ﺍﻟﻜﺒﺮ
ﻋﻠﻴﻤﻦ ﻧﺘﻜﻬﺮﺏ .... ﺍﻣﺸﻲ ﻟﻚ ﺍﺻﻼ ﻣﻦ ﺳﻠﻤﺎﻥ ﻳﻜﻠﻲ ﻋﻤﻲ ﻳﻜﻮﻟﻮﻥ ﻻ ﻣﺴﺘﺤﻴﻞ
ﺍﻛﺮﻡ / ﺳﻠﻤﺎﻥ .... ﺍﺫﺍ ﻫﻮ ﻭﺟﻬﻪ ﻣﻜﺮﺵ ﻃﺒﻌﺎً ﻳﻜﻮﻟﻮﻥ ﻣﺎﻛﻮ ﻓﺮﻕ
ﺳﻠﻮﻯ / ﻻ ﻭﺍﻟﻠﻪ ﻣﻜﺮﺵ ﺍﺻﻼً ﺍﺣﻠﻰ ﻭﺍﺣﺪ ﺑﺎﻟﺸﺒﺎﺏ ﺳﻠﻤﺎﻥ
ﺍﻛﺮﻡ / ﺍﻧﺘﻲ ﺷﻨﻮ ﺳﻠﻤﺎﻥ ﻣﻮﻛﻠﺞ ﻣﺤﺎﻣﻴﻪ ﻋﻠﻲ
ﺳﻠﻮﻯ / ﻻ ﻭﺍﻟﻠﻪ ﻃﻮﻝ ﺑﺠﺴﻢ ﺑﻌﻀﻼﺕ ﻭﻳﻦ ﺍﻧﺖ ﺟﻨﻚ ﺳﻠﺒﻮﺡ ﺳﻴﺎﻥ ﺍﻧﻲ ﺍﻛﺜﺮ ﺷﻲ ﻳﻐﺜﻨﻲ ﺍﻧﺖ ﺷﺎﻳﻒ ﺭﻭﺣﻚ
ﺍﻛﺮﻡ / ﺍﻧﻲ ﺳﻠﺒﻮﺡ ﺳﻴﺎﻥ ﻫﻤﺰﻳﻦ ﺍﻧﺘﻲ ﺟﻨﺞ ﻗﺮﻧﻔﺬ
ﺳﻠﻮﻯ / ﺍﻧﻲ ﻻ ﻭﺍﻟﻠﻪ .... ﻗﺮﻧﻔﺬ ﺩﺳﻜﺖ ﻋﻴﻨﻲ ﺍﻣﻴﺘﺎﺏ
ﺍﻛﺮﻡ / ﺑﺲ ﻻ ﺍﻣﻴﺘﺎﺏ ﺍﺣﻠﻰ ﻣﻨﻲ .... ﻟﺞ ﺍﻧﻲ ﺑﺎﻟﻤﺎﻧﻴﺎ ﻏﻴﺮ ﻛﻠﻬﻦ ﻳﺮﻛﻀﻦ ﻭﺭﺍﻳﻪ
ﺟﻬﺎﺩ / ﻫﻮﺍﻱ ﺗﺤﺠﻮﻥ ﻭﺍﻧﻲ ﺭﺍﺳﻲ ﺭﺍﺡ ﻳﻨﻔﺠﺮ ﺳﻮﻳﺘﻦ ﺟﺎﻱ ﻟﻮ ﺍﻟﻪ ﺍﻧﻲ ﺍﺣﺠﻲ
ﺳﻠﻮﻯ / ﻋﻠﻰ ﺳﺖ ﻓﺮﺣﻪ ﺍﻟﺠﺎﻱ ﺍﻟﻴﻮﻡ....بيج قصص عراقيه حقيقيه من واقعنا.روعه الطائي
ﺍﻧﻲ ﻫﻤﻪ ﻳﺴﻮﻟﻔﻮﻥ ﻭﺍﻧﻲ ﺍﺣﺴﺐ ﻭﻛﻞ ﺷﻮﻳﻪ ﺍﺗﺨﺮﺑﻂ ﺑﺎﻟﺤﺴﺎﺏ ﻻﻥ ﻫﻮﺍﻱ ﻋﻤﻮ ﺟﺒﻴﺮ ﻛﻤﺖ ﺧﻠﻴﺖ ﺍﻟﺠﺎﻱ ﻋﻞ ﻃﺒﺎﺥ ﻭﺟﺎﻥ ﻋﻠﻰ ﺭﻳﻬﺎﻡ ﺗﻐﺴﻞ ﺍﻟﻤﻮﺍﻋﻴﻦ ﺳﺎﻋﺪﺗﻬﻪ ﻻﻥ ﺍﺣﻨﻪ ﻣﺘﻔﻘﺎﺕ ﻭﺣﺪﻩ ﺗﺴﺎﻋﺪ ﺍﻟﺜﺎﻧﻴﻪ ﻃﺶ ﺍﻟﻜﻞ ﺍﻟﻲ ﻧﺎﻡ ﻭﺍﻟﻲ ﻳﻘﺮﻩ ﻭﺍﻧﻲ ﺑﻘﻴﺖ ﻛﺎﻋﺪﻩ ﺑﺎﻻﺳﺘﻘﺒﺎﻝ ﺍﺑﺎﻭﻉ ﺗﻠﻔﺰﻳﻮﻥ ﺻﺎﺭ ﺍﻟﻌﺼﺮ ﻭﻣﺎﻛﻮ ﺍﺣﺪ ﻛﻠﻬﻢ ﻧﺎﻳﻤﻴﻦ ﻻﻥ ﻫﺪﻭﺀ ﻭﺍﻧﻲ ﺍﺿﻮﺝ ﺍﺻﻌﺪ ﻓﻮﻙ ﻻﻥ ﻣﺎﻛﻮ ﺗﻠﻔﺰﻳﻮﻥ ﻭﻣﺎﻛﻮ ﺷﻲ ﻳﻠﻬﻴﻨﻲ ﺻﺎﺭ ﺍﻟﻌﺼﺮ ﻛﻌﺪ ﻋﻤﻮ ﺩﺧﻞ ﻟﻼﺳﺘﻘﺒﺎﻝ ﻳﺪﺧﻦ ﺟﻜﺎﺭﻩ
ﺧﻮﺍﺗﺞ ﻣﻜﻌﺪﻥ
ﻫﺰﻳﺖ ﺭﺍﺳﻲ ﺑﻤﻌﻨﻰ ﻻ
ﻓﺪ ﻛﻮﺏ ﺟﺎﻱ ﻣﻦ ﺍﻳﺪﺝ ﺍﻟﺤﻠﻮﻩ
ﻛﻤﺖ ﺑﺪﻭﻥ ﻣﺎﺍﺣﺠﻲ ﺣﻤﻴﺘﻠﻪ ﺍﻟﺠﺎﻱ ﻭﺻﺒﻴﺘﻪ ﺍﻟﻪ
ﻓﺮﺣﻪ ﺗﻌﺎﻟﻲ ﻛﻌﺪﻱ ﻳﻤﻲ
ﻫﺎ ﻋﻤﻮ
ﺷﺒﻴﺞ
ﺯﻋﻼﻧﻪ ﻣﻨﻚ
ﻟﻴﺶ ﻳﺎﺑﻪ
ﻻﻥ ﺍﻧﺖ ﺑﺲ ﺗﺮﺯﻝ ﺑﻴﻪ ﻋﻤﻮ
ﺍﻧﻲ ﻣﺎﺍﺭﺯﻟﺞ ﺍﻟﻪ ﺍﺫﺍ ﺍﻧﺘﻲ ﻏﻠﻄﺘﻲ ﺑﺸﻲ
ﻭﺍﻟﻠﻪ ﺗﺮﺯﻟﻨﻲ ﺩﺍﺋﻤﺎً
ﺍﻭﻻ ﺭﺯﻟﺘﺞ ﻋﻞ ﺗﺮﺍﻛﺴﻮﺩ ﺍﻟﻲ ﻻﺑﺴﺘﻪ ﻣﻴﺼﻴﺮ ﺑﺎﺑﺎ ﻣﻴﺖ ﻣﺮﻩ ﻛﺘﻠﺞ ﺣﺮﺍﻡ ﺍﻭﻻ ﺍﻛﺮﻡ ﺍﻟﻴﻮﻡ ﻫﻨﺎ ﻭﺣﺘﻰ ﺍﺫﺍ ﺍﻛﺮﻡ ﻣﺎﻛﻮ ﻣﻴﺼﻴﺮ ﺗﻠﺒﺴﻴﻦ ﻫﻴﺞ ﻛﺪﺍﻣﻲ
ﻋﻤﻮﻭﻭ ﻫﻮ ﺍﻧﺖ ﻏﻴﺮ ﻋﻤﻲ
ﺍﻱ ﻋﻤﺞ ﺑﺲ ﻣﻮ ﺍﺧﻮ ﺍﺑﻮﺝ ﺃﻟﻠﺢ ﻳﻌﻨﻲ ﺍﻧﻲ ﻣﻬﻤﺎ ﻳﻜﻮﻥ ﻏﺮﻳﺐ
ﺍﺑﻮﺝ ﻋﻤﺞ ﺧﺎﻟﺞ ﺍﺧﻮﺝ ﺫﻭﻟﻲ ﻣﺤﺮﻣﻴﻦ ﻋﻠﻴﺞ ﺑﺲ ﺍﻱ ﻭﺍﺣﺪ ﺛﺎﻧﻲ ﻏﻴﺮ ﺫﻭﻟﻲ ﻣﺤﺮﻣﻴﻦ ﻳﺤﻠﻮﻥ ﻳﺘﺰﻭﺟﺞ ﻓﺎﺍﻧﺘﻲ ﻻﺯﻡ ﺗﺘﻌﻠﻤﻴﻦ ﺣﺒﻴﺒﺘﻲ ﻫﺎﻱ ﺍﻻﺷﻴﺎﺀ ﺍﻧﻲ ﻋﻠﻤﻮﺩﺝ ﻣﻦ ﺍﺣﺠﻲ ﻭﻳﺎﺝ ﺍﺭﻳﺪ ﺍﻋﻠﻤﺞ
بيج قصص عراقيه حقيقيه من واقعنا.روعه الطائي
ﻳﻌﻨﻲ ﺍﻧﺖ ﺗﺤﺒﻨﻲ
ﻃﺒﻌﺎً ﺍﺣﺒﺞ
ﺍﺑﺘﺴﻤﺖ
ﺩﺗﻌﺎﻟﻲ ﻛﻌﺪﻱ ﻳﻤﻲ ﺍﺭﻳﺪ ﺍﺣﺠﻲ ﻭﻳﺎﺝ ﺑﺸﻐﻠﻪ
ﺗﻘﺮﺑﺖ ﻛﻌﺪﺕ ﻳﻤﻪ ﻣﺪ ﺭﺍﺳﻪ ﻗﺮﻳﺐ ﻋﻠﻴﻪ .... ﻭﻛﺎﻡ ﻳﺤﺠﻲ ﻣﺜﻞ ﺍﻟﻬﻤﺲ
ﺑﺎﻋﻲ ﻓﺮﺣﻪ ﺭﺍﺡ ﺍﺳﺄﻟﺞ ﺳﺆﺍﻝ ﺧﺠﻼﻥ ﺍﺳﺄﻟﻪ ﺍﻟﺞ ﺑﺲ ﻣﺎﻋﻨﺪﻱ ﻏﻴﺮ ﻫﺬﺍ ﺍﻟﺤﻞ ﻻﺯﻡ ﺍﺳﺄﻝ ﻫﻢ ﺍﺟﺘﺞ ﺍﻟﺪﻭﺭﻩ ﺍﻟﺸﻬﺮﻳﻪ
ﺍﺳﺘﺤﻴﺖ ﺣﻴﻞ ﻭﺧﺠﻠﺖ ﻭﺩﻧﻜﺖ ﺭﺍﺳﻲ
ﺍﻋﺮﻑ ﺑﺎﺑﺎ ﺍﻟﺴﺆﺍﻝ ﺻﻌﺐ ﺑﺲ ﻛﻠﺒﻲ ﻧﺎﺭ ﺍﺭﻳﺪ ﺍﻃﻤﺌﻦ
ﻫﺰﻳﺖ ﺭﺍﺳﻲ ﺑﻤﻌﻨﻰ ﻻ
ﻳﻌﻨﻲ ﻣﺄﺟﺘﺞ ﻣﻦ ﺫﺍﻙ ﺍﻟﻴﻮﻡ
ﻋﻤﻮﻭﻭﻭ ﺍﻧﺖ ﺗﺮﺯﻟﻨﻲ ﻣﻦ ﺍﺣﺠﻲ ﻭﺍﻧﺖ ﻣﻦ ﺗﺤﺠﻲ .... ﻣﻮ ﺍﻧﻲ ﺍﺳﺘﺤﻲ
ﻫﺬﺍ ﻫﻮ ﺑﺎﺑﺎ ﻛﻮﻣﻲ ﻓﻬﻤﺖ
ﺯﻋﻠﺖ ﻣﻨﻲ
ﻟﻴﺶ ﺍﺯﻋﻞ ﻣﻨﺞ .... ﺑﻬﺎﻟﻠﺤﻈﻪ ﺩﺧﻠﺖ ﺳﻠﻮﻯ ﺧﺰﺭﺗﻨﻲ . ﺑﻘﻴﺖ ﻛﺎﻋﺪﻩ ﻳﻢ ﻋﻤﻮ ﻭﻫﻴﻪ ﺗﺒﺎﻭﻉ ﻭﺗﺨﺰﺭ ﺑﻴﻪ ﺑﻘﻴﺖ ﺟﻮﻩ ﻣﻦ ﺍﺟﻮﻱ ﺑﻴﺖ ﻋﻤﻬﻢ ﺍﻧﻲ ﺭﺃﺳﺎً ﺻﻌﺪﺕ
ﻣﺜﻞ ﻛﻞ ﻣﺮﻩ
ﻛﻌﺪﺕ ﻓﻮﻙ ﺻﺎﺭ ﺍﻟﻤﻐﺮﺏ ﻭﺍﺳﻤﻊ ﺍﺻﻮﺍﺗﻬﻢ ﻳﻀﺤﻜﻮﻥ ..... ﻃﻠﻌﺖ ﺩﻓﺘﺮ ﻭﻗﻠﻢ ﻣﻦ ﺭﻳﻬﺎﻡ ﻭﻛﻤﺖ ﺍﻛﺘﺐ ﺑﻲ ﺑﺎﺑﺎ ﺍﺣﺒﻚ ﻭﺍﺧﻄﻬﻪ ﺑﺨﻄﻲ ﻭﺳﺎﻋﻪ ﺍﻛﺘﺐ ﻋﺪﻧﺎﻥ ﺳﺎﻋﻪ ﺯﻫﺮﻩ ﺑﻌﺪﻳﻦ ﻛﺘﺒﺖ ﺍﺣﺒﻚ ﻋﻤﻮ ﺟﻬﺎﺩ ﺑﻬﺎﻟﻠﺤﻈﻪ ﺍﺟﺘﻲ ﺭﻳﻬﺎﻡ ﻣﻦ ﺍﻟﺒﺎﺏ ﻛﺎﻟﺖ ﺗﻌﺎﻟﻲ ﻧﺰﻟﻲ
ﻣﺎﺍﺭﻳﺪ
ﺑﻼ ﻟﻮﺍﻛﻪ ﻭﺑﻌﺪﻳﻦ ﺗﻌﺎﻟﻲ ﺳﻠﻮﻯ ﺧﺒﻠﺘﻨﻲ ﺗﻌﺎﻟﻲ ﺳﺎﻋﺪﻳﻨﻲ ﺣﺒﺎﺑﻪ
ﺿﻤﻴﺖ ﺍﻟﻮﺭﻗﻪ ﺑﺎﻟﻤﺠﺮ ﻭﻧﺰﻟﺖ ﺳﻮﻳﺖ ﺍﻟﻌﺸﻪ ﻭﻳﻪ ﺍﻟﻴﻨﺎﺕ ﻭﺟﺎﻧﺖ ﺑﺖ ﻋﻤﻬﻢ ﺭﺷﺎ ﻭﻣﺮﺕ ﺳﻠﻤﺎﻥ ﻫﻢ ﺟﺎﻳﻪ ﺑﺲ ﺷﻨﻮ ﺭﺷﺎ ﺗﺨﺰﺭ ﺑﻴﻪ ﻟﻴﺶ ﻣﺎﺍﻋﺮﻑ ﺍﻧﻲ ﻫﻢ ﻏﻠﺴﺖ ﺳﻮﻳﺖ ﺯﻻﻃﻪ ﻭﺧﻠﻴﺖ ﻃﺮﺷﻲ ﺑﺎﻟﻤﻮﺍﻋﻴﻦ ﻭﻭﻛﻔﺖ ﻋﻠﻰ ﺻﻔﺤﻪ ﺟﺎﻧﺖ ﻣﺮﺕ ﺳﻠﻤﺎﻥ ﺗﻀﺤﻚ ﺣﺎﻣﻞ ﻭﺗﻨﻜﺖ ﻭﺗﻨﻘﺶ ﻣﻦ ﺍﻟﻤﻮﺍﻋﻴﻦ
ﺭﻳﻬﺎﻡ / ﻭﻟﺠﺠﺞ ﻣﻴﺲ ﺑﺪﺍﻝ ﻣﺘﺎﻛﻠﻴﻦ ﻛﻮﻣﻲ ﻏﺴﻠﻲ ﺍﻟﻤﻮﺍﻋﻴﻦ ﺣﺘﻰ ﻣﻴﺘﻜﻮﻣﻦ ﻋﻠﻴﻨﻪ
ﻭﺍﻟﻠﻪ ﺍﻧﻲ ﺣﺎﻣﻞ ﺍﻟﻘﻠﻢ ﻣﺎﺍﻛﺪﺭ ﺍﻟﺰﻣﻪ ﻳﺄﺛﺮ ﻋﻠﻴﻪ
ﺳﻠﻮﻯ / ﺷﻨﻮ ﻃﻔﻠﺞ ﻣﺠﻠﺐ ﺑﺸﻌﺮﺍﻳﻪ
ﺍﻱ ﻋﻴﻨﻲ ﻭﺑﻌﺪﻳﻦ ﺍﻧﺘﻦ ﻛﻮﻣﻪ ﻻﺣﻜﺎﺕ ﺍﻟﺤﺎﻣﻞ ﺷﻜﻮ ﻛﻮﻣﻦ ﻭﻟﺠﻦ
ﺍﻧﻲ ﺍﺑﺎﻭﻉ ﻭﺍﺿﺤﻚ ﻣﺎﺍﺣﺲ ﺍﻟﻪ ﺿﺮﺑﺘﻨﻲ ﺳﺎﻭﻯ ﻋﻠﻰ ﺟﺘﻔﻲ
ﻫﻴﻮﻭﻭﻭ ﺑﺪﺍﻝ ﻣﺘﺘﻤﻀﺤﻜﻴﻦ ﻏﺴﻠﻲ ﺍﻟﻤﻮﺍﻋﻴﻦ
ﺍﻧﻘﻬﺮﺕ ﺑﺪﺍﺧﻠﻲ ﺑﺲ ﻣﺮﺩﺕ ﺍﻋﻴﺮﻟﻬﻪ ﺍﻫﻤﻴﻪ ﺭﺣﺖ ﻟﻠﺴﻨﻚ ﻏﺴﻠﺖ ﺍﻟﻤﻮﺍﻋﻴﻦ ﻭﺷﻄﻔﺘﻬﻦ ﻭﺍﺛﻨﺎﺀ ﻣﺎﺍﻏﺴﻞ ﺍﺳﻤﻊ ﺑﺴﺒﺴﻪ ﺑﺲ ﻣﻤﻔﻬﻮﻣﻪ ﻭﻓﺠﺄﻩ ﻳﻀﺤﻜﻦ ﺍﺟﺬﺏ ﺍﺫﺍ ﻛﻠﺖ ﻣﻬﺘﻤﻴﺖ ﺍﺣﺲ ﻛﻠﺒﻲ ﻛﺎﻡ ﻳﻮﺟﻌﻨﻲ ﻭﺩﻣﻮﻋﻲ ﻳﺮﻳﺪﻥ ﻳﻨﺰﻟﻦ ﻓﺠﺄﻩ ﺍﻟﻲ ﺍﺳﻤﻬﻪ ﺭﺷﺎ
ﺭﺷﺎ / ﺍﻭﻝ ﻣﺮﻩ ﺍﺷﻮﻑ ﻫﻴﺞ ﺧﺪﺍﻣﻪ ﻣﺪﻟﻠﻴﻬﻪ ﻭﺍﻟﻠﻪ
ﻭﺍﻟﻠﻪ ﻋﻤﻲ ﻳﺮﺍﺩ ﺍﺭﻭﺡ ﺍﻓﺘﺮ ﺑﺎﻟﺸﻮﺍﺭﻉ
.... ﻣﻦ ﻛﻼﻣﻬﻢ ﻏﺮﺭﺕ ﻋﻴﻮﻧﻲ ﻭﺍﻟﻠﺴﺎﻧﻲ ﻧﺒﻠﻊ ﻣﻦ ﻛﺜﺮ ﻣﻨﻬﻀﻤﺖ ﻣﻌﺮﻓﺖ ﺷﺠﺎﻭﺏ ﻭﺍﺻﻼً ﺍﺣﺴﻬﻪ ﻣﺘﻘﺼﺪﻩ
ﺭﻳﻬﺎﻡ / ﻓﺮﺣﻪ ﻣﻮ ﺧﺪﺍﻣﻪ
ﺭﺷﺎ / ﻟﻴﺶ ﻣﻮ ﺟﺎﻳﺒﻴﻬﻪ ﻣﻦ ﺍﻟﺸﺎﺭﻉ ﻟﻮ ﺍﻧﻲ ﻣﺘﻮﻫﻤﻪ ﻟﻮ ﺑﻨﺎﺕ ﺍﻟﺸﻮﺍﺭﻉ ﻳﺼﻴﺮﻥ ﺍﻣﻴﺮﺍﺕ
ﻣﻜﺪﺭﺕ ﺍﺳﻜﺖ ...... ﺟﻨﺖ ﺷﺎﻳﻠﻪ ﺍﻟﻤﻮﺍﻋﻴﻦ ﺷﻤﺮﺗﻬﻦ ﺑﺎﻟﻜﺎﻉ ﻛﻠﻬﻦ ﺍﺣﺲ ﺻﺪﺭﻱ ﻣﻦ ﻛﺜﺮ ﻣﺎ ﺗﻨﻔﺴﻲ ﺻﺎﺭ ﺳﺮﻳﻊ ﺣﺮﻛﺘﻪ ﻣﺒﻴﻨﻪ
ﺍﻧﻲ ﻣﻮﻭﻭ ﺑﺖ ﺷﻮﺍﺭﻉ
ﻭﺍﻧﺘﻲ ﻣﻨﻮﻭﻭ ﺣﺎﺟﻲ ﻭﻳﺎﺝ
ﺍﻧﺘﻲ ﻭﺍﻧﺘﻲ ﻫﻢ ﺳﻠﻮﻯ ﺻﺎﺭ ﺳﺎﻋﻪ ﺗﺤﺠﻦ ﻋﻠﻴﻪ ﻛﺎﺍﺍﺍﻓﻲ ﺍﻧﺘﻮﻭ ﺷﻨﻮ ﻣﻦ ﺑﺸﺮ
ﺍﺟﻪ ﻋﻠﻰ ﺻﻮﺗﻨﻪ ﺍﻟﻜﻞ ﻋﻤﻮ ﺻﺎﺭ ﺍﻋﺼﺎﺏ ﻧﺎﺭ ﻭﺑﺎﻭﻉ ﻋﻞ ﻣﻮﺍﻋﻴﻦ ﻭﻋﺎﻁ
ﺟﻬﺎﺩ / ﺷﻜﻮﻭﻭﻭﻭ ﺷﺒﻴﻜﻢ
ﺳﻠﻮﻯ / ﻫﺎﻱ ﻣﺨﺒﻠﻪ ﺩﻧﺤﺠﻲ ﺑﻐﻴﺮ ﺷﻲ ﻣﻦ ﻳﻤﻬﻪ ﻧﻄﺖ
ﻻ ..... ﺟﺎﻧﻮ ﻳﺤﺠﻮﻥ ﻋﻠﻴﻪ ﻭﻳﻜﻮﻟﻮﻥ ﺑﺖ ﺷﻮﺍﺭﻉ
ﺍﻧﻲ ﻣﻮ ﺑﺖ ﺷﻮﺍﺭﻉ ﻭﺣﺘﻰ ﺑﻴﺘﻜﻢ ﻣﺎﺍﺭﻳﺪﻩ ﺑﻌﺪ ﻭﺍﻟﻠﻪ
ﺣﺘﻰ ﺩﺳﺖ ﻋﻞ ﻛﺰﺍﺯ ﻭﻃﻠﻌﺖ ﺍﺭﻛﺾ ﻣﻦ ﺑﺎﺏ ﺍﻟﻤﻄﺒﺦ
ﺍﻛﺮﻡ ﺭﻭﺡ ﻭﺭﺍﻫﻪ ﺟﻴﺒﻬﻪ
ﺳﻠﻮﻯ / ﺑﺎﺑﺎ ﻛﺎﺍﺍﻓﻲ ﻛﺎﻓﻲ ﺍﻟﻠﻪ ﻳﺨﻠﻴﻚ ﺧﻞ ﺗﺮﻭﺡ
ﺟﻨﺖ ﺍﺳﻤﻊ ﺫﻧﻲ ﺍﻟﻜﻠﻤﺎﺕ ﻣﻦ ﻃﻠﻌﺖ .... ﻃﻠﻌﺖ ﺍﺭﻛﺾ ..... ﺗﻌﺒﺖ ﺣﻴﻞ ﻣﻦ ﻫﺎﻟﻜﻠﻤﻪ ﺩﻭﻡ ﺍﺳﻤﻌﻬﻪ .... ﺗﻌﺒﺖ ﻣﻦ ﻳﺴﺘﻬﺎﻧﻮﻥ ﺑﻴﻪ ...... ﻟﻮ ﻋﻨﺪﻱ ﻣﻜﺎﻥ ﻳﻠﻤﻨﻲ ﻣﺎﺍﺑﻘﻪ ﻳﻮﻡ ﻭﺍﺣﺪ ﻟﻮ ﻳﺮﺟﻊ ﻫﺴﻪ ﺧﺎﻟﻮ ﻳﺎﺧﺬﻧﻲ ﻫﻢ ﺍﺭﻭﺡ ﻭﻳﺎ ﺑﻬﺎﻟﻠﺤﻈﻪ ..... ﺗﻌﺒﺖ ﻣﻦ ﻧﻈﺮﺍﺕ ﺳﻠﻮﻯ ﺍﻟﻲ ﺩﻭﻡ ﺗﻜﻠﻲ ﺍﻧﺘﻲ ﻭﺣﺪﻩ ﺑﺖ ﺷﻮﺍﺭﻉ ﺍﻟﻲ ﻣﻴﻤﺮ ﻳﻮﻡ ﻣﺘﺤﺴﺴﻨﻲ ﺍﻧﻮ ﻫﻤﻪ ﻣﻮ ﺯﻳﻦ ﻣﺨﻠﻴﻨﻲ ﺑﺒﻴﺘﻬﻢ ﻭﺍﻟﻲ ﺗﻌﺎﻣﻠﻨﻲ ﻣﺜﻞ ﺍﻟﺨﺪﺍﻣﻪ ﺣﺘﻰ ﺗﺤﺎﺭﺏ ﺭﻳﻬﺎﻡ ﻣﻦ ﺗﺤﺠﻲ ﻭﻳﺎﻱ
ﻃﻠﻌﺖ ﻣﻦ ﺑﺎﺏ ﺍﻟﺸﺎﺭﻉ ﺍﻃﻠﻢ ..... ﺍﺟﺬﺏ ﺍﺫﺍ ﺍﻛﻮﻝ ﻣﺎﺍﺧﺎﻑ ﺩﺭﺕ ﻭﺟﻬﻲ ﺍﻛﺮﻡ ﻭﺭﺍﻳﻪ
ﺗﻌﺎﻟﻲ ﺩﺧﻠﻲ ﺍﺑﻮﻳﻪ ﻣﻴﻘﺒﻞ ﺗﺮﻭﺣﻴﻦ
ﻋﻔﺘﻪ ﻭﻛﻤﺖ ﺍﻣﺸﻲ
ﻫﺴﻪ ﺷﻨﻮﻭﻭ ﺭﺍﺡ ﺗﺒﻘﻴﻦ ﺗﻤﺸﻴﻦ ﺗﻌﺎﻟﻲ ﺩﺧﻠﻲ ﺟﻮﻩ
ﻣﺎﺍﺭﻳﺪ ﺍﺩﺧﻞ ﺍﻟﺒﻴﺘﻜﻢ
ﺑﺎﺑﺎ ﺍﻟﺪﻧﻴﺎ ﻟﻴﻞ ﺑﺎﺟﺮ ﺍﻟﺼﺒﺢ ﺭﻭﺣﻲ ﻭﻳﻦ ﺗﻮﻟﻴﻦ ﻫﺴﻪ ﺑﻠﻴﻞ ..... ﺟﻨﺖ ﺍﻣﺸﻲ ﺑﺨﻄﻮﺍﺕ ﺑﻄﻴﺌﻪ ﻭﻫﻮ ﻳﻤﺸﻲ ﻭﻳﺎﻱ ﺳﻤﻌﺖ ﻋﻤﻮ ﺻﺎﺡ ﺍﻛﺮﻡ ﺭﺟﻌﻮ
ﺳﻤﻌﺘﻲ ﺷﻜﺎﻝ ﺍﺑﻮﻳﻪ
ﻣﺎﺍﺭﻳﺪ ﺍﺭﺟﻊ
ﻛﻠﺒﻲ ﻳﻮﺟﻌﻨﻲ ﺣﻴﻞ ..... ﺣﺘﻰ ﺩﻣﻮﻋﻲ ﻣﺪﻳﺮﺣﻨﻲ ﻣﻦ ﻳﻨﺰﻟﻦ ﻧﺎﺭ ﺑﻜﻠﺒﻲ
ﺍﻛﺮﻡ / ﻟﺞ ﺑﺎﺑﺎ ﺍﻭﻛﻔﻲ
ﺍﻧﻲ ﺍﻣﺸﻲ ﻭﺩﻣﻮﻋﻲ ﺗﺼﺐ ..... ﻛﻌﺪﺕ ﻋﻞ ﺭﺻﻴﻒ ﻭﻛﻤﺖ ﺍﺑﺠﻲ ...... ﺣﺎﻳﺮﻩ ﺭﻭﺣﻲ ﻭﻳﻦ ﺗﺮﻭﺡ .... ﻭﺍﻛﺮﻡ ﻭﺍﻛﻒ ﻓﻮﻛﺎﻳﻪ ﻭﻳﻜﻠﻲ ﺷﺼﺎﺭ ﺷﺒﻴﺠﻦ ﻓﺠﺄﻩ ﺗﻌﺎﺭﻛﺘﻦ ﻓﺠﺄﻩ ﻋﻤﻮ ﺻﺎﺭ ﻗﺮﻳﺐ ﻋﻠﻴﻨﻪ
ﺟﻬﺎﺩ / ﺷﻨﻮﻭﻭﻭﻭ ﻣﻌﻨﺎ ﺗﺼﺮﻓﺞ ﻫﺬﺍ ﺍﻧﺘﻲ ﻣﺨﺒﻠﻪ ﺍﻟﻨﺎﺱ ﺩﺍﻳﺮ ﻣﺪﺍﻳﺮﻧﻪ ﺷﻴﻜﻮﻟﻮﻥ ﻫﺴﻪ ..... ﺍﻣﺸﻲ ﺭﺟﻌﻲ ﺑﺴﺮﻋﻪ ﻭﺑﺎﺟﺮ ﻭﻳﻦ ﻣﺘﺮﻳﺪﻳﻦ ﺗﻮﻟﻴﻦ ﺍﻭﺩﻳﺞ
ﻣﺎﺍﺭﻳﺪ ﻋﻤﻮ
ﻓﺮﺭﺭﺭﺣﻪ ﺑﺴﺮﻋﻪ ﺭﺟﻌﻲ ﻟﻠﺒﻴﺖ ﻛﻮﻭﻭﻣﻲ ﻳﻠﻠﻪ
ﺧﻔﺖ ﺣﻴﻞ ﻭﺭﺟﻌﺖ ﺍﻣﺸﻲ ﻭﺍﺑﺠﻲ ....
ﺍﻭﻝ ﻣﺎ ﺩﺧﻠﺖ ﻟﻠﺒﻴﺖ ﺟﺎﻧﺖ ﺳﻠﻮﻯ ﺗﺒﺠﻲ ﻭﺗﺼﻴﺢ ﻭﺗﺤﺠﻲ ﻋﻠﻴﻪ ..... ﺻﻌﺪﺕ ﺍﻧﻲ ﻛﺒﻞ ﻓﻮﻙ ﺑﺪﻭﻥ ﻣﺎﺍﺑﺎﻭﻉ ﻋﻠﻰ ﺍﺣﺪ .... ﻭﺩﻣﻮﻋﻲ ﺗﺼﺐ ﻋﺸﺮﻩ ﻋﺸﺮﻩ ....... ﻛﻌﺪﺕ ﺑﺎﻟﻜﺎﻉ ﺍﺑﺠﻲ .... ﺗﻌﺒﺖ ﻳﺎ ﺍﻟﻠﻪ ﺗﻌﺒﺖ
ﻟﻴﺶ ﺍﺧﺬﺕ ﺍﺑﻮﻳﻪ ﻣﻨﻲ ﻟﻴﺶ ﺧﻠﻴﺘﻨﻲ ﺑﺪﻭﻥ ﻭﻃﻦ ﻟﻴﺶ ﻛﻞ ﺍﻟﻨﺎﺱ ﻋﺪﻫﻢ ﺑﻴﻮﺕ ﻭﺍﺧﺬﺕ ﺑﻴﺘﻲ ﻣﻨﻲ .... ﻣﺤﺪ ﻳﺮﻳﺪﻧﻲ ﺑﻬﺎﻱ ﺍﻟﺪﻧﻴﺎ ﻛﻤﺖ ﺍﺑﺠﻲ ﺣﻴﻞ
ﻣﺎﺍﺣﺲ ﺍﻟﻪ ﺍﻧﻔﺘﺢ ﺍﻟﺒﺎﺏ ﻗﺮﻱ ..... ﺳﻠﻮﻯ ﻭﻭﺭﺍﻫﻪ ﺭﻳﻬﺎﻡ ﺗﺒﺠﻲ ﻭﺳﻠﻮﻯ ﻣﺒﻴﻨﻪ ﻣﻀﺮﻭﺑﻪ ﻻﻥ ﺧﺪﻫﻪ ﺍﺣﻤﺮ ﺗﻔﻠﺖ ﻋﻠﻴﻪ ﺑﺴﻴﻄﻪ ﺍﻭﻛﻔﻴﻠﻲ ﺣﻘﻴﺮﻩ ﻟﺞ ﺍﻧﺘﻲ ﻣﻦ ﻭﺭﺍﺝ ﺍﻧﻲ ﺍﻧﻀﺮﺏ ﺍﻟﻠﻪ ﻳﺎﺧﺬﺝ ﺍﻥ ﺷﺎﺀ ﺍﻟﻠﻪ ﻫﺠﺎﻣﺔ ﺍﻟﺒﺒﻮﺕ ﻣﻦ ﺩﺧﻠﺘﻲ ﺑﻴﺘﻨﺎ ﻭﺍﺣﻨﻪ ﺗﻔﻠﺸﻨﻪ
ﺭﻳﻬﺎﻡ / ﻳﻤﻌﻮﺩﻩ ﻛﺎﻓﻲ ﻫﺴﻪ ﺑﺎﺑﺎ ﻫﻢ ﻳﺴﻤﻌﺞ
ﻣﻮﻭﻭﻭ . ﻛﺎﺍﺍﻓﻲ ﺧﻠﻲ ﺷﻴﺴﻮﻱ ﻳﺴﻮﻭﻱ ﻭﺍﻟﻠﻪ ﻣﺎﺍﺑﻘﻪ ﻫﻨﺎ ﺑﻌﺪ ﻫﺴﻪ ﺍﺭﻭﺡ ﺍﻟﺒﻴﺖ ﻋﻤﻮ ﺍﻧﻲ
ﺍﻧﻲ ﺑﻘﻴﺖ ﺍﺑﺎﻭﻉ ﻋﻠﻴﻬﻪ ﻭﺍﺑﺠﻲ ﻳﻤﻜﻦ ﺣﻘﻬﻪ ﺍﻧﻲ ﻏﺮﻳﺒﻪ ﺩﺧﻠﺖ ﻓﻠﺸﺖ ﺣﻴﺎﺗﻬﻢ .... ﻣﺎﺍﻋﺮﻑ ﺷﻔﻠﺸﺖ ﺑﺎﻟﻀﺒﻂ ﺑﺲ ﻣﻮ ﺑﻴﺪﻱ ﺍﺑﺪﺍً
ﻃﺒﻜﺖ ﺍﻟﺒﺎﺏ ﺣﻴﻞ ﻭﺍﺳﻤﻊ ﻋﻤﻮ ﻳﺼﻴﺢ ﻣﻦ ﺟﻮﻩ .... ﻓﺠﺄﻩ ﺻﺎﺭ ﻫﺪﻭﺀ ... ﺻﺎﺭ ﺍﻟﻠﻴﻞ ﻭﺩﺧﻠﺖ ﺭﻳﻬﺎﻡ ﻣﺘﺤﺠﻲ ﻭﻳﺎﻳﻪ ..... ﺍﻧﻲ ﻫﻢ ﺑﻘﻴﺖ ﺑﻔﺮﺍﺷﻲ ﻏﻄﻴﺖ ﺭﺍﺳﻲ ﻭﻧﻤﺖ ﻭﺑﻘﻴﺖ ﺍﺑﺠﻲ ﻣﻜﺪﺭﺕ ﻋﻴﻨﻲ ﺗﻐﻤﺾ ﻳﻤﻜﻦ ﺑﺴﺎﻋﺘﻬﻪ ﻛﻠﺖ ﺣﺘﻰ ﺍﺫﺍ ﺍﺭﻭﺡ ﺍﻟﺒﻴﺖ ﺧﺎﻟﻮ ﺑﺲ ﻣﻦ ﺗﺬﻛﺮﺕ ﺟﻌﻔﺮ ﺷﺴﻮﻩ ﺑﻴﻪ ﻛﻤﺖ ﺍﺧﺎﻑ ﻭﺍﺗﺨﺎﻳﻞ ﻫﻢ ﻫﻴﺞ ﻳﺼﻴﺮ ﺑﻴﻪ
ﻛﻌﺪﺕ ﺛﺎﻧﻲ ﻳﻮﻡ ﻣﺘﺄﺧﺮﻩ ﺭﻳﻬﺎﻡ ﻣﺎﻛﻮ ﻣﺤﺴﻴﺖ ﺑﻴﻬﻪ ﻣﻦ ﻛﻌﺪﺕ ﺻﺎﺩﻑ ﺍﻟﻴﻮﻡ ﺟﻤﻌﻪ ﻳﻌﻨﻲ ﺍﻟﻜﻞ ﻣﻮﺟﻮﺩ ﻋﻴﻮﻧﻲ ﻣﻮﺭﻣﺎﺕ ﻭﻛﻮﻩ ﺍﺷﻮﻑ ﻣﻨﻬﻦ ﻭﺭﺍﺳﻲ ﻳﻮﺟﻌﻨﻲ ﺣﻴﻞ ﺍﻭﻝ ﻣﻔﺘﺤﺖ ﺍﻟﺒﺎﺏ ﺟﺎﻧﺖ ﺭﻣﺎﻧﻪ ﺩﺗﺼﻌﺪ ﺍﺟﺘﻲ ﻋﻠﻴﻪ
ﻣﺎﺍﺻﻴﺤﻠﺞ ﻓﺘﻮﺷﻪ ﺑﻌﺪ ﺍﺻﻴﺤﻠﺞ ﻓﺮﺣﻪ ﺣﺘﻰ ﻣﺘﺒﺠﻴﻦ
ﻣﺎﺍﻋﺮﻑ ﻟﻴﺶ ﺑﺠﻴﺖ ﺻﺪﻙ ﺑﺠﻴﺖ ﺑﺼﻮﺕ ﻋﺎﻟﻲ ﻭﻧﺰﻟﺖ ﺷﺒﻜﺘﻬﻪ ﻭﻫﻴﻪ ﺗﻀﺤﻚ ﺗﻜﺮﻛﺮ ﻋﻠﻴﻪ ﻭﺍﻧﻲ ﺍﺑﺠﻲ ﺟﻨﺖ ﻣﺤﺘﺎﺟﻪ ﺍﺣﺪ ﻳﺸﺒﻜﻨﻲ ﺍﻛﻮ ﺷﻲ ﺑﺪﺍﺧﻠﻲ ﻳﺮﻳﺪ ﻳﻄﻠﻊ ﺣﺘﻰ ﻳﺮﺗﺎﺡ
ﻭﺍﻧﻲ ﺍﺑﺠﻲ ﻭﻫﻴﻪ ﺗﻀﺤﻚ ﺿﺤﻜﺘﻨﻲ ﻛﻤﺖ ﺍﺑﺠﻲ ﻭﺍﺿﺤﻚ
ﺣﺴﻴﺖ ﻧﻔﺴﻲ ﺻﺮﺕ ﺳﻔﻴﻬﻪ
ﺟﺎﻥ ﺗﻜﻠﻲ ﺑﺎﺑﺎ ﻳﻜﻮﻝ ﻳﺮﻳﺪﺝ
ﻫﺴﻪ ﺍﻧﺰﻝ ... ﻭﺭﺍﺝ ﺩﺧﻠﺖ ﻓﺮﺟﺖ ﺍﺳﻨﺎﻧﻲ ﻭﺭﺗﺒﺖ ﺷﻌﺮﻱ ﻭﻧﺰﻟﺖ .... ﺣﻴﺎﺗﻬﻢ ﻛﻠﻬﻢ ﻃﺒﻴﻌﻴﻪ ﺭﺍﺟﻌﻪ .... ﻛﻠﺖ ﺻﺒﺎﺡ ﺍﻟﺨﻴﺮ ﻣﺤﺪ ﺟﺎﻭﺑﻨﻲ ... ﺑﺲ ﺍﻛﺮﻡ ﻛﺎﻝ ﺻﺒﺎﺡ ﺍﻟﻨﻮﺭ ﻭﻣﻦ ﻭﺭﻩ ﺧﺸﻤﻪ ﻭﻋﻤﻮ ﻣﺎﻛﻮ ﺭﺣﺖ ﻟﻼﺳﺘﻘﺒﺎﻝ ﻛﺎﻋﺪ ﻳﺪﺧﻦ ﻭﻋﺼﺒﻲ
ﺻﺒﺎﺡ ﺍﻟﺨﻴﺮ ﻋﻤﻮ
ﺻﺒﺎﺡ ﺍﻟﻨﻮﺭ ﺑﺎﺑﺎ ﺗﻌﺎﻟﻲ ﻛﻌﺪﻱ
ﻛﻌﺪﺕ ﺑﺎﻟﻘﻨﻔﻪ ﺍﻟﻲ ﺑﺼﻒ ﺍﻟﻘﻨﻔﻪ ﺍﻟﻜﺎﻋﺪ ﻋﻠﻴﻬﻪ .... ﻛﺘﻠﻪ ﻋﻤﻮ ﺻﺤﺘﻨﻲ
ﺍﻧﻲ ﺿﺮﺑﺖ ﺳﻠﻮﻯ ﺑﺲ ﻣﻮ ﻋﻠﻤﻮﺩﺝ ﻻﻥ ﻣﺎﺍﺣﺐ ﻭﺣﺪﻩ ﻣﻦ ﺑﻨﺎﺗﻲ ﺗﻘﻠﻞ ﺍﺩﺏ ... ﻋﻞ ﺍﺣﺪ .... ﻛﺘﻠﺞ ﻫﻮﺍﻱ ﺍﻋﺘﺒﺮﺝ ﻣﺜﻞ ﺑﺘﻲ ﺑﺲ ﻣﺎﻋﻨﺪﻱ ﺍﻟﺼﻼﺣﻴﺎﺕ ﺍﻟﻲ ﺍﻣﺪ ﺍﻳﺪﻱ ﻋﻠﻴﺞ ﺑﻴﻬﻪ ﻣﻦ ﺗﻐﻠﻄﻴﻦ .... ﺻﺢ ﺳﻠﻮﻯ ﻏﻠﻄﺎﻧﻪ ﺑﺲ ﺍﻧﺘﻲ ﻫﻢ ﻏﻠﻄﺎﻧﻪ ﻭﺑﻌﺪﻳﻦ ﺍﻧﺘﻲ ﺍﻟﺒﺎﺭﺣﻪ ﺍﺛﺒﺘﻲ ﺍﻧﻲ ﻣﻮ ﻣﺴﺆﻝ ﻋﻠﻴﺞ
ﻋﻤﻮ ﻫﻤﻪ ﺣﺠﻮ ﻋﻠﻴﻪ ﻭﺍﻟﻠﻪ ﻭﺑﺠﻴﺖ
ﺍﻧﻲ ﻫﺴﻪ ﻣﻜﺎﻋﺪ ﺍﺣﺠﻲ ﻋﻞ ﺻﺎﺭ ﺑﻴﻨﺠﻦ ﻛﺎﻋﺪ ﺍﺣﺠﻲ ﻋﻠﻰ ﻃﻠﻌﺘﺞ ﻣﻦ ﺍﻟﺒﻴﺖ
ﻋﻴﻴﻴﻴﻴﻴﻴﺐ ﻋﻴﺒﺒﺒﺐ ﻫﺎﺍﺍﺍﻱ ﺍﻟﺘﺼﺮﻓﺎﺕ ﻫﺎﻱ ﺗﺼﺮﻓﺎﺕ ﺻﺪﻙ ﺑﻨﺎﺕ ﺷﻮﺍﺭﻉ ﻭﺝ
ﺟﺎﻥ ﻣﻔﺮﻭﺽ ﺗﺠﻴﻦ ﺗﻜﻠﻴﻠﻲ ﻣﻮ ﺗﻜﺴﺮﻳﻦ ﻣﻮﺍﻋﻴﻦ ﻭﺗﻌﻠﻴﻦ ﺻﻮﺗﺞ ... ﻭﺗﺨﻠﻴﻦ ﺍﻟﻜﻞ ﻳﻜﻮﻝ ﻫﺎﻱ ﻓﻌﻼ ﺑﺖ ﺷﻮﺍﺭﻉ
ﺣﺘﻰ ﺍﻧﺖ ﻋﻤﻮ ﺗﻜﻮﻝ ﻋﻠﻴﻪ ﺑﺖ ﺷﻮﺍﺭﻉ
ﻟﺘﻠﻔﻘﻴﻦ ﺍﻟﻜﻼﻡ ﻛﻼﻣﻲ ﻭﺍﺿﺢ ﺍﻧﻲ ﺍﺣﺠﻲ ﻋﻠﻰ ﺗﺼﺮﻓﺎﺍﺍﺍﺗﺞ
ﺍﻧﻲ ﺍﻛﺪﺭﺭﺭ ﺍﻭﺩﻳﺞ ﻣﻠﺠﺄ ﺑﺲ ﻣﺮﺩﺕ ﺍﻭﺩﻳﺞ ﻻﻥ ﻫﻨﺎﻙ ﻫﻢ ﺗﺼﻴﺮ ﺑﻼﻭﻱ
ﺍﻋﺘﺒﺮﺗﺞ ﻣﺜﻞ ﺑﺘﻲ ﻭﺍﻟﻠﻪ ﻳﺸﻬﺪ ﻋﻠﻰ ﻫﺬﺍ ﺍﻟﺸﻲ ﺑﺲ ﺍﻧﺘﻲ ﻣﻮﻭﻭﻭ ﺍﺩﻣﻴﻪ
ﺑﺎﻋﻲ ﻓﺮﺣﻪ ﻫﺬﺍﺍ ﺍﺧﺮ ﺍﻧﺬﺍﺭ ﺍﻟﺞ
ﺍﻧﻲ ﻣﺎﺍﺭﻳﺪ ﺍﺑﻘﻪ ﺍﺻﻼً ﺑﺒﻴﺘﻜﻢ ﺧﺎﺑﺮ ﺧﺎﻟﻮ ﺧﻞ ﻳﺠﻲ ﻳﺎﺧﺬﻧﻲ
ﺗﺪﻟﻠﻴﻦ ﻣﻦ ﻋﻴﻮﻧﻲ ﺍﻟﻴﻮﻡ ﺍﺧﺎﺑﺮﻩ ﻭﺍﺧﻠﻲ ﻳﺎﺧﺬﺝ
ﺻﻌﺪﺕ ﻓﻮﻙ ﺍﺑﺠﻲ .... ﻭﺧﺎﻳﻔﻪ ﺧﺎﻑ ﺻﺪﻙ ﺭﺍﺡ ﻳﺨﺎﺑﺮﻩ ﺍﻧﻬﻀﻤﺖ ﻭﺣﺠﻴﺖ ﺑﺲ ﺍﻧﻲ ﺑﻜﻞ ﻣﻜﺎﻥ ﺍﺧﺎﻑ ﺍﻻ ﻫﻨﺎ ﻭﻳﻪ ﻋﻤﻮ ﻣﺎﺍﺧﺎﻑ
ﺍﺟﻪ ﺍﻟﻠﻴﻞ ﻭﻣﺎﻛﻮ ﻣﺼﺎﺣﻨﻲ ﻋﻤﻮ ﺟﻌﺖ ﺑﻠﻴﻞ ﺣﻴﻞ .... ﻭﻧﺰﻟﺖ ﺍﺭﻳﺪ ﺍﻛﻞ ﺳﻤﻌﺖ ﺻﻮﺕ ﻋﻤﻮ ﻳﺴﻮﻟﻒ ..... ﺑﺎﻻﺳﺘﻘﺒﺎﻝ ﻭﻳﻪ ﺍﻛﺮﻡ ....
ﺭﺣﺖ ﻟﻠﻤﻄﺒﺦ ﺳﻮﻳﺘﻠﻲ ﻟﻔﻪ ﻭﻃﻠﻌﺖ ﺟﺎﻥ ﻫﻮ ﻳﻄﻠﻊ ﻣﻦ ﺍﻻﺳﺘﻘﺒﺎﻝ ﺑﺎﻭﻉ ﻋﻠﻴﻪ .... ﺷﻨﻮ ﻣﻤﺘﻌﺸﻴﻪ
ﻫﺰﻳﺖ ﺭﺍﺳﻲ ﺑﻤﻌﻨﻰ ﺍﻱ
ﻣﻮ ﺍﺑﻘﻴﻦ ﺟﻮﻩ ﻭﻛﻤﻠﻲ ﻟﻔﺘﺞ ﻭﻧﺎﻣﻲ
ﺍﻧﻲ ﺍﺳﻔﻪ ﻋﻤﻮﻭ
ﻫﺎﻱ ﺩﺍﺋﻤﺎً ﺍﺳﻤﻌﻬﻪ ﺍﻟﻜﻠﻤﻪ ﻭﻣﺎﻛﻮ ﺍﻱ ﺗﻐﻴﻴﺮ ﺍﺧﺬﻱ ﻟﻔﺘﺞ ﻭﺻﻌﺪﻱ ﻭﻧﺎﺍﺍﺍﻣﻲ
ﻫﺰﻳﺖ ﺭﺍﺳﻲ ﺑﻤﻌﻨﻰ ﺍﻱ .... ﺑﻘﻪ ﻭﺍﻛﻒ ﺍﻻ ﺍﻥ ﺻﻌﺪﺕ ﻳﺎﻟﻠﻪ ﺳﻤﻌﺘﻪ ﻃﺒﻚ ﺑﺎﺏ ﻏﺮﻓﺘﻪ .... ﺍﻛﻠﺖ ﻟﻔﺘﻲ ﻭﻧﻤﺖ .... ﺛﺎﻧﻲ ﻳﻮﻡ ﻛﻌﺪﺕ ﻧﻔﺲ ﺍﻟﺤﺎﻟﻪ ﻣﺤﺪ ﻳﺤﺠﻲ ﻭﻳﺎﻳﻪ ﻏﻴﺮ ﺭﻣﺎﻧﻪ .... ﺑﻘﻴﺖ ﺑﻐﺮﻓﺘﻲ ﺩﺧﻠﺖ ﺭﻳﻬﺎﻡ ﺗﻘﺮﻩ .... ﺣﺠﻴﺖ ﻭﻳﺎﻫﻪ
ﺍﻧﻲ ﺷﺴﻮﻳﺘﻠﺞ ﺭﻳﻬﺎﻡ
ﻣﻦ ﻭﺭﺍﺝ ﺑﺎﺑﺎ ﺿﺮﺏ ﺳﻠﻮﻯ
ﺳﻜﺘﺖ ﺍﻧﻲ .... ﻭﻛﻤﺖ ﻣﻦ ﺍﻟﻔﺮﺍﺵ .... ﻧﺰﻟﺖ ﻋﻤﻮ ﺟﺎﻥ ﺗﻮﻩ ﺭﺍﺟﻊ ﺗﻔﺎﺟﺌﺖ ﺑﻲ ... ﺑﺲ ﻳﻤﻌﺘﻪ ﻳﻜﻮﻝ ﺍﻻﻛﺮﻡ .... ﺣﺴﻴﺖ ﻧﻔﺴﻲ ﺗﻌﺒﺎﻥ
ﺳﻠﻠﻤﺖ ﻋﻠﻰ ﻋﻤﻮ .... ﺩﺧﻞ ﻟﻠﻐﺮﻓﻪ ﺩﺧﻠﺖ ﻭﺭﺍ ﻣﻦ ﻃﺒﻜﺖ ﺍﻟﺒﺎﺏ ﻫﻮ ﺗﻔﺎﺟﺊ
ﺷﻜﻮﻭﻭ ﺭﺍﻳﺪﻩ ﺷﻲ
ﺧﺎﺑﺮﺕ ﺧﺎﻟﻮ
ﺍﻱ
ﺷﻮﻛﺖ ﻳﺠﻴﻨﻲ
ﻫﺬﺍ ﺍﻻﺳﺒﻮﻉ ﻳﺠﻴﺞ .... ﻟﻴﺶ ﻣﺴﺘﻌﺠﺒﻪ ﻣﻮ ﺗﻌﺮﻓﻴﻦ ﺟﻌﻔﺮ ﻫﻨﺎﻙ
ﺷﺴﻮﻱ ﻟﻌﺪ ﻋﻤﻮ ﻣﺤﺪ ﻳﺮﻳﺪﻧﻲ
ﻣﺤﺪ ﻳﺮﻳﺪﺝ ﺍﻛﻮ ﺍﺣﺪ ﻃﺮﺩﺝ ﻣﻦ ﺍﻟﺒﻴﺖ.....بيج قصص عراقيه حقيقيه من واقعنا.روعه الطائي
ﻋﻤﻮ ﺍﺻﻼً ﺍﻧﻲ ﻣﺎﺍﺭﻳﺪ ﺍﺭﻭﺡ ﺑﺲ
ﻣﺎﻛﻮ ﻻ ﺑﺲ ﻭﻻ ﺑﻄﻴﺦ ﺍﻧﻲ ﺍﺧﺬﺗﺞ ﻋﻠﻰ ﻛﺪ ﻋﻘﻠﺞ .... ﻋﻨﺪﻱ ﻣﺨﻄﻂ ﺑﻌﻘﻠﻲ .... ﺍﺻﺒﺮﻱ ﻋﻠﻴﻪ ﻭﻛﻠﺸﻲ ﺭﺍﺡ ﻳﻨﺤﻞ ﺍﻥ ﺷﺎﺀ ﺍﻟﻠﻪ ﻭﺷﻴﻠﻲ ﻣﻦ ﻋﻘﻠﺞ ﻣﺎﻋﻨﺪﺝ ﺑﻴﺖ ﻫﺬﺍ ﺍﻟﺒﻴﺖ ﺑﻴﺖ ﺍﺑﻮﺝ ﻭﺟﻬﺰﻱ ﺭﻭﺣﺞ ﺑﺎﻝ٢ ﺍﻟﻜﺎﺝ ﺟﺎﻫﺰﻩ
ﻭﻳﻦ ﺭﺍﺡ ﺗﺎﺧﺬﻧﻲ ﻋﻤﻮ
ﻟﻠﺪﻛﺘﻮﺭﻩ
ﻟﻴﺶ
ﻫﺎﺍﺍﺍﺍ ﻳﻮﻣﻴﻪ ﻧﺤﺠﻲ ﻭﻳﻮﻣﻴﻪ ﺍﻋﻴﺪ ﻭﻳﻠﻠﻪ ﻃﻠﻌﻲ ﺧﻠﻴﻨﻲ ﺍﺑﺪﻝ ﻣﻼﺑﺴﻲ
ﺍﻭﻝ ﻣﻄﻠﻌﺖ ﺻﺎﺭ ﺍﻛﺮﻡ ﺑﻮﺟﻬﻲ ... ﻭﻣﺜﻞ ﺍﻟﺨﺰﺭﻧﻲ .... ﺍﻧﻲ ﺭﺣﺖ ﺳﻮﻳﺘﻠﻲ ﺭﻳﻮﻙ ﻭﻛﻌﺪﺕ ﺑﺎﻟﻤﻄﺒﺦ ﺷﻮﻳﻪ ﻭﺻﻌﺪﺕ .... ﻣﻦ ﺻﺎﺭ ﺍﻟﻐﺪﻩ ﺻﺎﺡ ﻋﻠﻴﻪ ﻋﻤﻮ ﺍﺗﻐﺪﻩ .... ﻣﺠﻨﺖ ﺍﺷﺘﻬﻲ ﺍﻛﻠﺖ ﺷﻮﻳﻪ ﻭﻛﻤﺖ ﻏﺴﻠﺖ ﻣﻮﺍﻋﻴﻦ ﻭﺻﻌﺪﺕ
ﺻﺎﺭﺕ ﺏ ﺍﻝ٢ﺑﺪﻟﺖ ﻟﺒﺴﺖ ﺑﻨﻄﺮﻭﻥ ﻭﺗﺸﻴﺮﺕ ﺭﺩﻥ ﺻﺢ ﻭﻳﻪ ﺍﻟﻜﻤﺮ ﺑﺲ ﺑﻲ ﻋﺮﺽ .... ﻇﻔﺮﺕ ﺷﻌﺮﻱ ﻭﻧﺰﻟﺖ
ﻛﻤﻠﺖ ﻋﻤﻮ
ﺑﺎﻭﻉ ﻋﻠﻴﻪ ﻋﻤﻮ .... ﻣﻮﺟﺎﻥ ﻫﺬﺍ ﺍﻟﺒﻨﻄﺮﻭﻥ ﺑﻲ ﻋﺮﺽ ﻋﻠﻴﺞ ﺷﻨﻮ ﻣﻜﺼﻔﺘﻪ
ﺑﺎﻭﻋﺖ ﻋﻠﻲ ... ﻻ
ﻛﺎﻝ ﻫﺴﻪ ﺍﺑﺪﻝ ﻭﻧﺮﻭﺡ ﻛﻌﺪﺕ ﺍﻧﺘﻈﺮﻩ ﺑﺎﻟﻤﻄﺒﺦ ﺟﺎﻧﺖ ﺳﻠﻮﻯ ﻓﻮﻙ ﺑﺲ ﺭﻳﻬﺎﻡ ﺗﺒﺎﻭﻉ ﺗﻠﻔﺰﻳﻮﻥ ﺍﺟﺘﻲ ﻟﻠﻤﻄﺒﺦ ﺷﺎﻓﺘﻨﻲ ﻣﺒﺪﻟﻪ ...
ﺷﻨﻮ ﻭﻳﻦ ﺭﺍﻳﺤﻪ
ﻣﺎﺍﻋﺮﻑ ﻋﻤﻮ ﻛﻠﻲ ﺑﺪﻟﻲ ﻭﺑﺪﻟﺖ
ﺑﺲ ﻻ ﺭﺍﺡ ﺗﺮﻭﺣﻴﻦ
ﻟﻴﺶ ﺍﻧﺘﻲ ﻣﻮ ﺗﺮﻳﺪﻳﻨﻲ ﺍﺭﻭﺡ
ﻻ ... ﺍﻧﻘﻬﺮ ﺍﺫﺍ ﺭﺣﺘﻲ ﻣﻨﻮ ﻳﻀﻮﺟﻨﻲ ﺍﺫﺍ ﺗﺮﻭﺣﻴﻦ
ﺳﻠﻮﻯ ﻣﻮﺟﻮﺩﻩ
ﺍﻧﺠﺒﻲ ﻟﺞ ﻋﻠﻴﺞ ﺍﻟﻠﻪ ﻭﻳﻦ ﺭﺍﺡ ﺗﺮﻭﺣﻴﻦ
ﺑﻬﺎﻟﻠﺤﻈﻪ ﻃﻠﻊ ﻋﻤﻮ .... ﺭﺍﺡ ﺍﺧﺬﻫﻪ ﻋﻠﻤﻮﺩ ﺟﻨﺴﻴﺘﻬﻪ ﻋﻠﻤﻮﺩ ﺗﺴﺠﻞ ﻣﺪﺭﺳﻪ ﺍﻟﺴﻨﻪ ﺍﻟﺘﺠﻲ
ﺭﻳﻬﺎﻡ / ﺧﻞ ﺍﺟﻲ ﻭﻳﺎﻛﻢ
ﻻ ﺍﻧﺘﻲ ﺍﻟﺘﻬﻲ ﺑﻘﺮﺍﻳﺘﺞ
ﺭﺣﺖ ﺻﻌﺪﺕ ﻳﻢ ﻋﻤﻮ .... ﺧﺒﻠﻨﻲ ﺑﺎﻏﺎﻧﻲ ﺍﻡ ﻛﻠﺜﻮﻡ ﺍﻟﻄﺮﻳﻖ ﻛﻠﻪ ﻣﺸﻐﻠﻬﻦ ﻟﻮ ﻣﺸﻐﻞ ﻣﻬﻤﺎ ﻳﺤﺎﻭﻟﻮ ﻳﻄﻔﻮ ﺍﻟﺸﻤﺲ ﻭﺻﻠﻨﻪ ﻟﻠﻤﺨﺘﺒﺮ ﺭﺑﻮﻧﻲ ﺍﺑﺮﻩ ﺑﻴﺪﻱ .... ﻣﺨﻔﺖ ﺍﺑﺪ
ﺷﻮﻳﻪ ﻭﻛﻌﺪﻧﺎ .... ﻭﺍﺑﺎﻭﻉ ﻋﻤﻮ ﻋﺼﺒﻲ ﻳﻤﻜﻦ ﺍﺫﺍ ﻛﺘﻠﻪ ﻋﻤﻮ ﻳﻨﻔﺠﺮ ﺑﻮﺟﻬﻲ
ﺷﻮﻳﻪ ﻭﻛﺎﻡ ﺳﺄﻟﻪ ﻭﺭﺟﻊ ﺍﺣﺴﻦ ﺍﻧﻲ ﻛﻠﺸﻲ ﻣﺎﺍﺩﺭﻱ ﺭﺟﻊ ﻭﺩﺍﻧﻲ ﻟﻠﺪﻛﺘﻮﺭﻩ ﻭﺩﺧﻞ ﻭﻳﺎﻳﻪ ..... ﻣﺪﺭﻱ ﺷﻜﺎﻝ ﻟﻠﺴﻜﺮﺗﻴﺮﻩ ﻭﻗﺒﻠﺖ ﺗﺪﺧﻠﻪ .... ﻣﻦ ﺩﺧﻠﻨﻪ ﺍﻟﺪﻛﺘﻮﺭﻩ ﺍﺑﺘﺴﻤﺖ ﻭﻛﺎﻣﺖ ﺳﻠﻤﺖ ﻋﻠﻲ ﻭﻛﻠﺘﻠﻬﻪ ﻫﻠﻮ ﺍﺑﻮ ﺍﻛﺮﻡ ﻧﻔﺲ ﺍﻟﺪﻛﺘﻮﺭﻩ ﺍﻟﻲ ﺟﺎﺑﻨﻲ ﺍﻟﻬﻪ ﻗﺒﻞ
ﻛﺎﻣﺖ ﺗﻀﺤﻚ ﻭﻳﺎ ﻭﺗﺴﺄﻟﻪ ﻋﻞ ﺑﻨﺎﺕ ﺷﻮﻳﻪ ﻭﻛﺎﻟﺘﻠﻲ ﻛﻮﻣﻲ
ﻋﻤﻮ ﺟﺎﻥ ﻛﺎﻋﺪ ﻋﻞ ﻛﺮﺍﺳﻲ ﻣﻴﺸﻮﻓﻨﻲ
ﻧﺰﻟﺖ ﻣﻦ ﺍﻟﺴﺪﻳﻪ ﻭﻛﻔﺖ ﻳﻤﻬﻪ
ﻫﺎ ﺩﻛﺘﻮﺭﻩ ﺑﺸﺮﻱ
ﻣﺎﻛﻮ ﺷﻲ ﻭﻛﺎﻟﺘﻠﻪ ﻋﺎﺩﻱ ﺍﺣﺠﻲ ﻭﻳﺎﻫﻪ ﻋﻠﻰ ﺍﻧﻔﺮﺍﺩ
ﺍﻱ ﺗﺪﻟﻠﻴﻦ ﺑﺲ ﺧﻮﻣﺎ ﻛﻮ ﺷﻲ
ﻻ ﻭﺍﻟﻠﻪ ﺑﺲ ﺍﺳﺘﻔﺴﺎﺭﺍﺕ ﺧﺎﻑ ﺗﺨﺠﻞ ﻳﻤﻚ
ﺍﺫﺍ ﻫﻴﺞ ﺗﺪﻟﻠﻴﻦ
ﻃﻠﻊ ﻋﻤﻮ ﻭﺍﻟﺪﻛﺘﻮﺭﻩ ﺍﺑﺘﺴﻤﺖ ﺑﻮﺟﻬﻲ ﻭﺳﺄﻟﺘﻨﻲ ﻋﻦ ﺍﻟﺪﻭﺭﻩ ﻭﻣﻦ ﻫﺎﻟﺴﻮﺍﻟﻒ
ﺑﻌﺪﻳﻦ ﻛﺎﻟﺘﻠﻲ ﺷﻨﻮ ﺍﺳﻢ ﺯﻭﺟﺞ
ﺑﺎﻭﻋﺖ ﻋﻠﻴﻬﻪ ﺍﻧﺼﺪﻣﺖ ﻣﻌﺮﻓﺖ ﺷﺤﺠﻲ ﺳﻜﺘﺖ ﻣﻦ ﺷﺎﻓﺘﻨﻲ ﺳﻜﺘﺖ ﻛﺎﻟﺘﻠﻲ ﺗﻜﺪﺭﻳﻦ ﺗﻄﻠﻌﻴﻦ ﻣﺎﻣﺎ
ﺑﻘﻴﺖ ﺩﺍﻳﺨﻪ ﺑﺴﺆﺍﻟﻬﻪ ﻃﻠﻌﺖ ﻭﻋﻤﻮ ﺍﻭﻝ ﻣﻄﻠﻌﺖ ﺳﺄﻟﻨﻲ ﺷﺤﺠﺖ ﻭﻳﺎﺝ
ﻛﺘﻠﻪ ﺳﺄﻟﺘﻨﻲ ﻣﻨﻮ ﺯﻭﺟﺞ
ﺿﺤﻚ ﻋﻤﻮ ..... ﻣﺎﺷﻲ
ﺷﻨﻮ ﻟﻴﺶ ﺗﻀﺤﻚ ﻋﻤﻮ
ﻫﻴﺞ ﻋﻤﻮ ﺣﺴﺒﻪ ﺑﺒﺎﻟﻲ ....
ﺻﻌﺪﻧﻪ ﺑﺎﻟﺴﻴﺎﺭﻩ ﻭﻛﻠﻲ ﺍﻱ ﺳﺖ ﻓﺮﺣﻪ ﺗﺮﻳﺪﻳﻦ ﺷﻲ ﻗﺒﻞ ﻟﻨﺮﺟﻊ
ﻻ ﻋﻤﻮ
ﻭﻣﻼﺑﺲ ﻣﺘﺮﻳﺪﻳﻦ
ﻻﻋﻤﻮ
ﻟﻴﺶ
ﻣﺎﺍﺩﺭﻱ
ﻫﺎﻱ ﺍﻝ ﻣﺎﺍﺩﺭﻱ ﻣﻌﻨﺎﻫﻪ ﺗﺮﻳﺪﻳﻦ ﻣﻼﺑﺲ ﺍﺧﺬﻧﻲ ﺍﻟﻤﺤﻞ ﻭﺍﺣﺪ ﺍﺷﺘﺮﺍﻟﻲ ﺗﺮﺍﻛﺴﻮﺩﺍﺕ ٣ﻭﺍﺷﺘﺮﺍ ﻟﻠﺒﻨﺎﺕ ﻭﺭﺟﻌﻨﻪ ﻣﻦ ﺭﺟﻌﺖ ﺭﻳﻬﺎﻡ ﻭﻳﺎﻳﻪ ﺯﻳﻨﻪ ﻭﺭﺟﻌﺖ ﻃﺒﻴﻌﻴﻪ
ﻣﺮﻥ ٥ﻳﻮﻡ .... ﺷﻮﻳﻪ ﺭﺟﻌﺖ ﺍﻣﺮﻱ ﻃﺒﻴﻌﻴﻪ ﺑﺲ ﺍﻛﺮﻡ ﻣﻮ ﻃﺒﻴﻌﻲ ﻭﻧﻈﺮﺍﺗﻪ ﻣﻮ ﻃﺒﻴﻌﻴﻪ ﺳﺎﻋﺎﺕ ﺍﺣﺴﻬﻪ ﻧﻈﺮﺍﺕ ﺟﻌﻔﺮ ﻭﺳﺎﻋﺎﺕ ﺍﻭﻫﻢ ﺭﻭﺣﻲ ﺑﺎﻟﺼﺪﻓﻪ ﺟﻨﺖ ﺟﻮﻩ ﻛﺎﻋﺪﻩ ﺍﻧﻲ ﻭﺭﻳﻬﺎﻡ ﻧﺒﺎﻭﻉ ﻣﺴﻠﺴﻞ ﺻﻌﺪﺕ ﻓﻮﻙ..بيج قصص عراقيه حقيقيه من واقعنا.روعه الطائي
ﻏﺮﻓﺔ ﺍﻛﺮﻡ ﻳﻢ ﺍﻟﺪﺭﺝ ﺗﻘﺮﻳﺒﺎً ... ﺳﻤﻌﺖ ﻛﻼﻡ ﻭﺍﻧﻲ ﺣﺪﻳﺜﻬﻢ
ﺳﻠﻮﻯ / ﺍﺑﻮﻙ ﻣﻴﺴﻤﻊ ﻣﻦ ﻋﺪﻧﻪ ﺣﺘﻰ ﻭﻳﻪ ﻋﻤﻪ ﺗﻌﺎﺭﻙ ﺍﻭﻝ ﻣﺠﺎﺑﻬﻪ ﻭﺷﻔﺘﻪ ﺷﻠﻮﻥ ﻫﺠﻢ ﻋﻠﻴﻪ ﺫﺍﻙ ﺍﻟﻴﻮﻡ
ﻻ ﻭﺍﻟﻠﻪ
ﺍﻱ ﻭﺍﻟﻠﻪ ﺷﺒﻴﻚ
ﻭﺍﻧﺘﻲ ﻟﻴﺶ ﺿﺎﻳﺠﻪ ﺧﻠﻴﻬﻪ ﺑﺸﻨﻮ ﻣﻀﺎﻳﻘﺘﻨﺎ ﺍﻧﻲ ﺻﺎﺭ ﺍﻳﺎﻡ ﺍﺭﺍﻗﺒﻬﻪ ﻃﺒﻴﻌﻴﻪ ﻣﻦ ﻭﺻﻠﺖ ﺍﻟﺤﺪ ﻫﺴﻪ ﻫﻴﻪ ﻫﺎﺩﺋﻪ ﻭﻋﺎﺩﻳﻪ
ﻣﺘﻌﺮﻓﻬﻪ ﺍﻧﺖ ﻫﺎﻱ ﺷﻴﻄﺎﻧﻪ
ﻣﻦ ﺳﻤﻌﺖ ﺳﻠﻮﻯ ﺍﺑﺘﺴﻤﺖ ﺑﺎﺳﺘﻬﺰﺍﺀ
ﻳﻤﻌﻮﺩﻩ ﺻﻐﻴﺮﻩ ﻭﻳﻨﻬﻪ ﻭﻳﻦ ﺍﻟﺸﻴﻄﺎﻧﻪ ﺷﻴﻠﻴﻬﻪ ﻣﻦ ﻋﻘﻠﺞ
ﺍﻛﺮﻡ ﻋﻮﻓﻚ ﻣﻦ ﻫﺬﺍ ﻛﻠﻪ ﺑﺎﺑﺎ ﺟﺎﺑﻬﻪ ﻣﻦ ﺍﻟﺸﺎﺭﻉ ﻭﺣﺘﻰ ﺍﻫﻠﻬﻪ ﻣﻴﺮﻳﺪﻭﻫﻪ ﻳﻜﻮﻟﻮﻥ ﺑﺖ ﺯﻧﺎ
ﻻ ﻭﺍﻟﻠﻪ
ﺍﻱ ﻟﻌﺪ ﺷﻌﺒﺎﻟﻚ ﺍﻧﻲ ﻟﻴﺶ ﻣﻘﻬﻮﺭﻩ ﻭﺍﻟﻠﻪ ﻫﺎﻱ ﺣﻴﻪ ﻭﻋﻤﻪ ﺗﻜﻮﻝ ﺍﺫﺍ ﻣﻄﻠﻌﻮ ﻋﺼﺎﺑﻪ ﺩﺍﺯﻳﻬﻪ
ﻭﻟﻴﺶ ﻳﺪﺯﻭﻫﻪ
ﺷﻤﺪﺭﻳﻨﻲ ﻳﺠﻮﺯ ﻳﺮﻳﺪﻭﻥ ﻳﻌﻠﺴﻮﻥ ﺑﺎﺑﺎ
ﻻ ﻳﻤﻌﻮﺩﻩ
ﻫﺎﺍﺍﺍ ﺍﻛﺮﻡ ﺍﻧﺖ ﺷﺒﻴﻚ ﻳﻤﻌﻮﺩ ﺑﻌﻴﺪ ﻫﺬﺍ ﺍﻟﺸﻲ
ﻭﺍﻟﻠﻪ ﺩﻭﺧﺘﻴﻨﻲ ﻣﻦ ﺍﺟﻴﺖ ﺍﻟﺤﺪ ﺍﻻﻥ
ﺍﺣﺠﻲ ﺍﻧﺖ ﻭﻳﻪ ﺑﺎﺑﺎ .... ﺑﻠﻜﺖ ﻳﺴﻤﻊ ﻣﻨﻚ ﻭﻳﺨﻠﺼﻨﻪ ﻣﻨﻬﻪ
ﻫﺴﻪ ﺍﻟﻠﻪ ﻛﺮﻳﻢ ﺍﻧﻲ ﻋﻨﺪﻱ ﺍﺧﻮ ﺻﺪﻳﻘﻲ ﺿﺎﺑﻂ ﻭﻭﺍﺻﻞ ﺣﻴﻞ ﺭﺍﺡ ﺍﺣﺠﻲ ﻭﻳﺎ
ﺍﺫﺍ ﻣﺘﻄﻠﻊ ﺭﺍﺳﻤﻪ ﻋﻠﻰ ﺑﺎﺑﺎ ﺷﻔﺖ ﺷﻠﻮﻥ ﺳﺄﻟﺖ ﻋﻠﻰ ﻋﻤﺮﻩ
ﻻ ﻳﻤﻌﻮﺩﻩ ﻃﻔﻠﻪ
ﻭﺷﻔﺘﻬﻪ ﻣﻦ ﺗﻜﻠﻪ ﺍﻧﺖ ﻣﻤﺒﻴﻦ ﻋﻠﻴﻚ ﺟﺒﻴﺮ ﺫﻳﺞ ﺍﻟﻤﺮﻩ .. ﺗﺤﺮﺵ ﺑﻲ
ﺍﻛﺮﻡ / ﻣﻌﻘﻮﻟﻪ
ﺍﻱ ﻭﺍﻟﻠﻪ ﺷﺒﻴﻚ .... ﺍﻧﻲ ﻃﻮﻝ ﺍﻟﻮﻗﺖ ﻣﺮﺍﻗﺒﻪ ﺗﺼﺮﻓﺎﺗﻬﻪ ﻣﻮ ﻃﺒﻴﻌﻴﻪ ﺣﺘﻰ ﻟﻜﻴﺖ ﻭﺭﻗﻪ ﻛﺎﻧﺒﻪ ﺑﻴﻬﻪ ﺍﺣﺒﻚ ﺟﻬﺎﺩ
ﻫﺎﺍﺍﺍ ﻣﻌﻘﻮﻟﻪ
ﺍﻱ ﻭﺍﻟﻠﻪ ﺷﺒﻴﻚ
ﻓﻬﻤﺖ ﻛﻼﻣﻬﻪ ﻻﻥ ﺍﻧﻲ ﻭﺻﻠﺖ ﻣﺮﺣﻠﻪ ﻣﻦ ﻛﺜﺮ ﻣﺎﺍﺑﺎﻭﻉ ﺍﻓﻼﻡ ﻭﻣﺴﻠﺴﻼﺕ ﺍﻓﻬﻢ ﻫﻮﺍﻱ ﺍﺷﻴﺎﺀ ﻣﺪﺭﻱ ﺍﺿﺤﻚ ﻣﺪﺭﻱ ﺍﺑﺠﻲ ..... ﻋﻔﺘﻬﻢ ﻭﺩﺧﻠﺖ ﻟﻠﻐﺮﻓﻪ
ﻣﻦ ﻧﺰﻟﺖ ﺑﻠﻴﻞ ﺣﺴﻴﺖ ﺍﻛﺮﻡ ﻳﺒﺎﻭﻉ ﻋﻠﻴﻪ ﻣﺜﻞ ﻋﻴﻮﻥ ﺟﻌﻔﺮ ﻣﻦ ﺗﺒﺎﻭﻋﻠﻲ .... ﻃﺒﻌﺎً ﻋﻤﻮ ﺟﻬﺎﺩ ﻣﻘﺒﻞ ﺍﻛﺮﻡ ﻳﻨﺎﻡ ﺑﻐﺮﻓﺘﻪ ﻣﻦ ﺍﺟﻪ ﻟﻠﻴﻮﻡ ﻓﺪﻭﻡ ﻳﻨﺎﻡ ﺑﺎﻻﺳﺘﻘﺒﺎﻝ .... ﻣﺎﺍﻋﺮﻑ ﻟﻴﺶ ﻭﻛﺎﻡ ﻣﻦ ﺍﺟﻪ ﻟﻠﻴﻮﻡ ﻳﻨﺎﻡ ﺑﺎﻻﺳﺘﻘﺒﺎﻝ
ﺻﻌﺪﺕ ﺑﻴﻮﻣﻬﻪ ﻧﻤﺖ ﺑﺲ ﻛﻌﺪﺕ ﺑﻠﻴﻞ ﻣﺤﺘﺎﺟﻪ ﺍﺭﻭﺡ ﻟﻠﺤﻤﺎﻡ
ﺍﻟﻜﻞ ﺟﺎﻥ ﻧﺎﻳﻢ ..... ﻃﻠﻌﺖ ﻟﻠﺤﻤﺎﻡ ﺑﻠﻴﻞ ﺟﻨﺖ ﻻﺑﺴﻪ ﺗﺸﻴﺮﺕ ﺻﻴﻒ .... ﺑﺎﻭﻋﺖ ﻏﺮﻓﺔ ﺍﻛﺮﻡ ﻣﻔﺘﻮﺡ ﺍﻟﺒﺎﺏ ﻣﺎﻟﺘﻬﻪ ﻭﻫﻮ ﻛﺎﻋﺪ ﻋﻞ ﺟﺮﺑﺎﻳﻪ ﻣﺎﺍﻋﺮﻑ ﺷﻴﺴﻮﻱ ﺩﺭﺕ ﺭﺩﺕ ﺭﺣﺖ ﻟﻠﺤﻤﺎﻡ
ﺑﺲ ﻃﻠﻌﺖ ﻣﺎﺍﺣﺲ ﺍﻟﻪ ﻭﺍﻛﻒ ﻛﺒﺎﻟﻲ ﻓﺰﻳﺖ ﺻﺤﺖ ﻩﺀﺀﺀﺀﺀﺀ ﺍﻛﺮﻡ
.............. ﻳﺘﺒﻊ
أنت تقرأ
القاصرة وذو الشعر الأبيض
Misteri / Thriller#المراهقه__وذو_الشعر_الابيض هي مراهقه .....فجأه تتجرد من كل شيئ ..تجد نفسها لا شيء..... وهو كبير في السن .......يجعل من بيته ملجئاً لها ولكن مهما يكون فهي غريبه في بيته تناديه بـ عمي ويناديها بأبنتي لكن هل ستبقى على هذا النحو .....ام تتحول ا...
