الحلقة 03:الجزء الثاني. R★L بعد أسبوع كانو في المطار راجعين لروسيا بيان جهزت روحها (لابسة كيف ااصورة )حاملة جود و فيراس حامل جاد و ركبو في الطائرة الخاصة و قلعو، بيان كانت تايها و تفكرت نهار لي كانت مسافرا بعد شهرين من الليلة لي دمرها فيها سيراج Back to the Past : ، (عرفت بلي هي حامل و عندها شهرين راحت عند سيراج باش تخبرو لَـگِنْ تفاجأت بيه لما وصلت قصرو كيف شافتو و بجنبو وحدة كانت عروسة لابسة الابيض ،سألت وحدة من الحاضرين على سبب الحفلة قاتلها بلي حفل زفاف سيراج شيخ ،بيان تصدمت مشات عندو و كلهم يشوفو فيها ""عرفوها من الصور لي نشرهم سيراج""وصلت عندو شافها تبسم: مرحبا بيك يا وضحك،بيان: سيراج ااسمعني انا انا حامل، ضحك و علا صوتو:و انا واش همني، بيان:سيراج انا حامل مـڼـڱ، سيراج: وشكون قال بلي ولادي قرب عندها و همس في وذنها،بلاك ولاد شي حد ثاني انا منتشرفش يكونو ولادي مـڼـڱ،و لي راه في كرشك يسما ولد حرام ) Back: رجعت للواقع نزلت دمعة من عينها مسحتها و راحت تطمن على ولادها لقاتهم يلعبو مع فيراس، ضحكت و بقات تشوف فيهم وصلو لروسيا ركبو في سيارتهم و مشاو للقصر، وصلت نزلت هي و فيراس و معاها ولادها دخلت للقصر و عينيها تشوف فِيَھ مزال كيف مهو متبدل فِيَھ شي، رحبو بها عايلتها و فرحو بااصغار لي عمرو القصر بصوت ضحكهم و كل العايلة كانت شايخة على حكيهم، رجعت الضحكة لقصر عايلة الصقر بعد مكان غارق في الحزن من لما صار الحادث مع بيان تجمعو كل العايلة في طاولة الأكل بيان حطت جود في حضنها و جاد جالس عند رحمة و لينة حاطة بنتها (أدم و لينة جابو بنت اسمها لميس عمره سنة و نص)قامت فطومة حملت جود من حضن بيان و جلستو عندها و بقات توكل فِيَھ و عبدالسلام فرحان بعايلتو لي تجمعت، لَـگِنْ كل واحد فاش يخمم،كملو عشاهم و راحو لصالة باش يكملو سهرتهم. بيان جلست معاهم شوية و بعدها حملت ولادها قامت ستأذنت منهم مشات لغرفتها، كلهم حسو بيها محبوش يضغطو عليها هي مزالت تصارع في الماضي تاعها طلعت بيان لغرفتها مع ملائكتها(جاد و جود)دخلت معاهم للحمام عملو دوش لعبت معاهم ،خرجتهم لبسو ثيابهم حطتهم في السرير و نامت جنبهم تحكيلهم، جاد:مامي عرفي تي حبك بذاف (مامي تعرفي نحبك بزاف)،بيان ضحكت و باستو:ياروحي انت، جود حط إيديه الصغار على وجها:ماماتي نا بطلك خليث حد يذعلك(ماماتي انا بطلك منخليش حد يزعلك) حضنتهم و كانت فرحانة:طول مأنتو معي انا راح نكون بخير يا حياتي انتو و باستهم و حكاتلهم حكاية قبل النوم،كملت الحكاية شافت فيهم لقاتهم رقدو ماسكين إدين بعضهم تبسمت باستهم و بقات تشوف فيهم،و شبهم لكبير ب سيراج هوما يشبهوه في كل شي، غمضت عينيها هبطتلها دمعة قامت مشات جيهت النافذة فتحتها و مسحت دمعتها بعدها صارو دموعها ينزلو مقدرتش تحبسهم أكثر نزلت على الارض ضمت ساقيها و بقات تبكي بسكات، بعدها قامت لفرشها باست ولادها و حطت راسها و نامت،
🌸🌸🌸جمجمو و تفاعلو 😘😘
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
