اخذوني فصليه واني ما عرف على شنو بيوم وليلة صرت فصليه من اليل جهزت غراضي وجنطتي وحطيت بيها الشامبو والبرمودا وكم ثوب قصير مال نوم لان ما اعرف انام الا بيه ومدري بعد شنو حطيت ما جنت منتبه بس اشهك وابجي والطم على حظي
ثاني يوم اخذوني لبيت جبير كلش قصر والبيت بنص المرزعه
كووولش جبيره واني امشي وابجي وفتحو بوابه البيت من كبره بيه بوابه
ودخلت ممر طويل كوولش ساعه الا وصلت الباب المطبخ
ولكيت بي كومة بنات وجناين وحجيه كاعده
دخلت واني ارجف من الخوف وكلهن هجمن عليه يضربني
واني ابجي وارجف
عاد دخل واحد صاح بيهن بصوت رج القصر رج
حتى الجام تفطر من قوته صوته
وهن عافني وسكتن بس وحده بيهن حبابه واخذتني لطابق لثاني ودخلتني بغرفه سويت مثل مال الفنادق وكالت هذه غرفتج ارتاحي هسه يجون يعقدولج عالشيخ وكعدت انتظر وابجي على حظي
ورا شوي جتي نفس البنيه نزلتني وعقدولنا وتفاجأة الشيخ اسمه (فهد ) لازم بالقصه يصير اسمه فهد
المهم ورا ما عقدولنا كالولي يلا اشتغلي
وبديت اشتغل وانظف لليل انكسر ظهري ما خليت شي ما سويته
حضرلتهم عشى ذبيحه هم هيج ياكلون لان شيوخ
ورا ما خلصت صعدت للغرفه اقصد السويت
وسبحت بالشامبو وطلعت من الحمام وشعري ينقط ماي ودخل عليه الشيخ وانصدمت من شفته من جماله وهيبتة
اشو شفته معصب ومخنزر عيونه كال ليش مو غاسلة الكلاصات والستكاين يمه كمت ارجف رجيف منه
كلتله شيخ غسلتهم
كال عالمغسله مو منظفه
ولزمني بالحزام كطعني تكطع واني احلف له نظفتهم
وتالي طلع واني جنازه ابجي واشهك ونمت بمكاني بالكاع ونص الليل حسيت احد يمي وانفاس حارره رتلهب بوجهي ويمسد على شعري بحنيه
فتحت عيوني بالكوه لان مورمات من البجي صايره عبالك يابانيه المهم فزيت كلتله شيخ فدوه لا تظربني هو ضل صافن عليه جان ياخذ خصله من شعري وشماها حيل حيل حيل
وكال لا تخافين ما اظربج وباسني براسي وطلع
اني تفاجأة منه كلت يلا شسوي هذا حظي ورجعت ابجي واشهك (كافي دوختينا بس تعوين )
وكعدت بالسته الصبح ونفس الموال والشغل والتنظيف الطابق الفوك عشر غرف كلهن نظفتهن
والجوه خمس غرف وهول طوله عشرين متر ومطبخ بكد بيت ابويه
كله نظفته خليته يلمع لمع
وعالحديقه تنظيف وقلمت الاشجار تخبلو بيه من شافوها
ورجعت طبخت ذبيحتين وخلصت صارت الساعه ب 12الظهر انتظرهم حتى اصب غدا واكفه وصافنه على حالي ودخل عليه الشيخ ضل بس يباوعلي بنظره ما عرفت افسرها استحيت ودنجت
تقرب عليه كولش صار قريب مني
جان يكول الشامبو الي غاسله بي شعرج امس
يانوع شسمه يحجي بهمس
واني مرتبكه واريد احجي وجان تدخل علينه الحجيه
وهنا الشيخ انصدم ........
يتبع
