تأخرت عليكم ماعندي وقت كنت احضر للسفر وهسه اني كاعده بالمطار انتظر طيارتي وكاعده اكتبلكم (جذابه كاعده بالمطبخ محتاره شتطبخ غدا )
......................................................
بعد ما خلص فهد وطلع ضليت كاعده انحب وابجي على حظي المصخم وين نايم
كمت اسحل بنفسي سحل للحمام وجان يصير بوجهي بطل الشامبو
شلته وشمرته ساعة السوده من سبحت بيك
اه يا ناررر گلبي
دخلت للبانيوو وفتحت الماي وتمددت اسبح وابجي جلفت نفسي جلف خلصت لبست البرنص العنابي وطلعت اسحل بنفسي شفت البرمودا بالكاع مشكك انهاريت بالبجي نزلت شلته وحضنته على صدري وابجي لو جالدني بالحزام ولا شاكه
حاضنته وابجي مثل الطفل لمضيع امه ولفيت واسي ونمت
كعدت الصبح مكسره تكسر نزلت دايخه ولبعانه روحي بس اريد ارجع وصار فهد بوجهي يخزر بيه بنظرات حب وندم اه ذبحتني بنظراتك شتريد مني عذبتني
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تعديته ومشيت وفجأه ركضت للحمام اتقيء هو شافني هيج انخبص بيه وخايف واكف يمي وحاير ما يعرف شيسولي جتي الحجيه روبه تسأل كال له يمه مدري شبيه وهي تباوعلي بتك عين تتفحصني
جان دكول خايبه انتي حبله
اني انصدمت شنو حبله حجيه انتي عيونج بيه سونار
جان دكول خايبه انجبي شمعرفج انتي
وفهد تخبل يروح منا ويجي منا ما يعرف يعبر عن فرحته
تقرب عليه يريد يطلعني من الحمام وكفته بأيدي بمعنى لا تتقرب
وهو ضل واكف تعديته وطلعت تعبانه ما بيه اجى ورايه
كال بالرومانسيه والحنيه ما حبلتي بالقوه حبلتي (الفصليات يحبلن بأسبوع )
كوووولش انزعجت من حجايته
طلعت لحديقه مساحته 4000متر كوووولش جبيره واني اتمشى واتذكر ذيج الليله الاخذني بيه فهد شلون جان حنين عليه وبكل بحب يطبع بوسات بكل مكان وبكل مسامه بجسمي وباسني من عيوني
وشلون مندمجين وكلما اتألم يهدي بيه تحملي عمري لخاطري حبيبي بس شويه واني بقمة السعاده شلون ضعت بين اديه
هزيت راسي انفض افكاري ما اريد شي منه غير اربي ابني واكون له ام واب وكووولشي
وفهد يفتر ورايه بس يريد رضاتي وكل شوي يتحرش ويسأل خاف
مشتهيه شي لو بنفسي شي واني ابد ما انطي وجهه
والحجيه يمه اكلي ديري بالج على نمر اني استغربت منو نمر
كالت ابن فهد
اوف على حظي ادري كاعده بحديقة حيوانات
اني وين اولي وين انطي وجهي لحمديه لو لفخريه
صعدت لغرفتي تمددت واجى فهد ورايه
عبالي اجى يعتذر مني بس هو وين يابوي لو اموت ما يسويه
شلون وهو شيخ جبروته وقوته ما تسمحله
دخل للحمام مدري شيدور طلع كال وين الشامبوووو
كلته يا شامبووو كال الي سابحه بي امس
كلتله ذبيته خلص وهو تخبل كام يصيح ويشمر بالغراض
كسر الغرفه تكسرر واني ارجف
نزل وهو يتوعد لي ويتحلف بيه ليش ذبيت الشامبوووو
دوختني ودخت وياك يافهد
تعال اسمع ونين الگلب لاون
اجفوفي للمصايب حيل لاون
يهل المبعد عليه لاوين
ارحم بحالي وريض شويه
هذه الابيات توصف حال قمررررر
(فحطت من الصفط )
انتظروني بالبارت الاخيررررررر
