واكفه انشف بشعري وانفتح الباب ودخل فهد وسد الباب وقفله وطك المفتاح طكتين وبدا يصوفر ويغني يحلاها ويملاها والشعر يسحل
وراها
يمه شصار بيه متت من الخجل وجهي صارر احمرر ناررر تطلع منه (انكلبت تنيين )
وبدا يتقرب عليه واني ارجع ورا فدوه فهد بس انشف شعري كال لا خلي ينقط ماي يجنن واني ابتعد
وهو يتقرب وجرني عليه بقوه ولف ايده على خصري ولزكني بي لزك
وبدا يشمشم بيه من كل مكان (جلب بوليسي ) ويبوس بي ويشم حيل
حيل ذوبني دوخني واخذ شفايفي بنهم (بنهم قريته بالقصص) قطعني تقطع
بعدها كال شنو هالريحه تخبل كلته هذه شموع معطره بعطر التوت البري والعليق وهذه بعطر التوت الازرق عجبتك الريحه كال اي عجبتني بس ريحة الشامبو احلى
المهم كعدني بحظنه ويوكلني كيك واني وكلته زنود
كال شسوي بهذه وعندي احلى زنود بالقشطه
يمه موتني بسوالفه فديته وبدا يبوس بيه من زنودي وركبتي ودخت بي ودخلنا علمنا الخاص محد بي بس قمررر وفهد (هذه هم قريته بالقصص )
بعدها باسني براسي وباركلي وكام فتح الكنتور وطلع علبه وفتحه كال هذا بياضج بيه سلاح ذهب و12بت من الكبار عبالك تاير ستوته المهم فرحت بيهم وشكرته ورجع مره ثانيه سحبني عالفراش وووووووووو
وخمس مرات صعد عالنخله يكطع تمرر يوووومه موتني موت بحنيته ورومانسيته كوووولش حنين ويايه ولطيف (الحمل الوديع )
المهم تعبت كووولش بعد مابيه ونمنا وكعدنا الصبح سبحنا ونزلنا سوا وهو عالدرج ينزل وينشف بشعره تلكتنا الحجيه هااا يمه فهد
صدت الغزاله وهوضحك اي يمه صدته واكلته (غابة حيوانات )
كالته يعني اهلهل كال اي يمه هلهلي واشتغلت الهورنات طيييط وطيييط واني ورا متت من الخجل والمستحى صرت طماطايه كالت الحجيه (ملاحضه الحجيه اسمه روبه ) يمه فهود اريد تبشرني هالشهر تحبل گمررره
هي اسميني گمره دكول مو حلو قمرر
كال يمه ادللي كل يوم اصعد النخله الا القحها يبوو هذولا شيحجون فلتت وطلعت من الخجل ورحت للمطبخ احضر ريوك
والبنات ومرت اسد يخزرن بيه ويذبن حجي اني طنشتهم وسويت الريوك واخذته نتريك كاعدين ناكل والحجيه دكول له اريد ولد فهودي واسمي ضبع على اسم ابوك كالها لا يمه اسمي لو شاهين لو صگر
فهد جان لابس فانيله علاكه وطالعة عضلاته وشعر صدره اوف منه
غرت عليه شاورته فهودي فدوه بعد ما تحمل اغار عليك البس غير هذا اللبس وهو يضحك عليه ويداهر بيه واني اتوسل بيه
والحجيه انتبهت عليه يمه فهد شبيه ايدك مزوركه اني غطيت وجهي
كالها هااا لا يمه ماكو شي تعورت وهي ما صدكت هااا فهيدان تضحك عليه
خلصنا ريوك واسمع حمديه وفخريه يتبسبسن بيناتهن وبس اسمع الشامبو ماله ريحته مطيره عقل فهد مشوفي لازك بيه ومزوركه
عفتهن يسولفن وبديت اشتغل وما احس الا تندك الباب وطلعت حمديه تفتحه وتهلي وتمرحب مديت راسي وشفت اخته الزركه الي حاطه عينه على فهد
ودخلن وجان دكوول هاي الفصليه تضحك ومشت لغرفة الحجيه وتحجي وين فهد اريده بشغله
اني سمعت هيج لو تخبلت ورحت وراها للغرفه
وجان اشوف منظر صدمني ..............يتبع
