وضليت بالغرفه ميته من الجوع كلت خلي انزل اكلي لكمه
الشيخ باليل يريدني لازم اكل زين اشد حيلي ونزلت للمطبخ ولكيت باقي اكل من الغدا حميته وتغديت بي بسرعه
ماعندي شي كلت الشيخ البارحه عجبه الكيك والحلويات
خلي اسوي واخذ منه للغرفه وطلعت المواد وبديت اشتغل
سويت كيكة الجزر وكيكة العسل وسويت زنود الست نفس مال الحمداني بالظبط تخبل وسويت كنافة بالجبن صينيه شكبرها يدوب تكفي
وهالمره ما سويت عصير مابيه جسمي يوجعني من الكتله
كسر بأديهن
سويتلهم جاي مهيل يعجب قدمتلهم العصر وضليت كاعده اصبلهم جاي وريحة الهيل اجنن
كاعده واعاين على فهد كل شوي يسرق نظره ويرجع ياكل ويسوي امممممم وياكل وامممممم كلت بكلبي الحمدلله عجبه
حجة ابوهم الحجي كال بويه انتي تعرفين اسوين خاثررروجبن لو بس تعرفين اسوين هالخرابيط
كلته لا شيخنا اعرف اسوي
كال جا خوش اريده بالريوك
كلته صار من عيوني وفهد يباوع ويخزر حسيتة غاررر عليه من حجيت هيج استحيت وطلعت احضر حتى اسويلهم خاثررر وجبن واجهز للعشى دخلت للمطبخ وجتي مرت اسد اسمه حمديه
تحجي واجرجر بثوبي هي انتي لا عبالج تضحكين على فهد واسوين سوالفج هاي ترا انتي فصليه لا تنسين نفسج افتهمتي سكتت وخليته
تموت بحركته وبديت اشتغل واحضر واذكرت فهد كال باليل يصعدلي للغرفه وخلصت بسرعه بسرعه هلكت متت
جتي الحجيه كالت اني اشوف فهد عينه منج شنهو بينج وبينه
كلته خاله كلشي ما بينا ضيكت عينه وكالت يمه تراا فهد متعوب بحياته وشايل ضيم العشيره على كتافه اريديج تريحي واديرين بالج عليه وانه اشوفه هاويج وعينه منج هالله هالله بي دللي وداري
كلته من عيوني خاله اطمني بس هالحجي بيني وبينه لا يسمعن بناته ويخربنه وهي خطيه مابيه حيل عليهن مكارات
خلصت شغل واخذت من الكيك والحلويات
وصعدت سبحت بشامبو والغسول المعطرنيست اخذ ملابس لان استعجلت قبل لا يصعد فهد عاد لبست البرنص البنفسجي ولفيت شعري وطلعت لبست ثوب اسود قصيرر ومكسم على جسمي واني مخصره والثوب برز معالم جسمي وتعطرت وشغلت الشموع وحضرت الكيك وهالسوالف
واكفه انشف بشعري وانفتح الباب ودخل فهد .......... يتبع
