مرايتي
gegeali
جنان
الطريق كله واحنه ساكتين دخلنه محافضه البصره ورا غروب الشمس
قطع سكوتنه اتصال عمو عامر على بابا
والي سمعنا
كاظم:يي خويه،وصلنه
لالا راح نبقه بفندق
ياخي الموضوع مو يمك
لا نشالله الفجر احنه وياكم
ي ي
انشالله يي. يلا في امان الله
جنان: هابابا
كاظم:عمج يريد نبقه يمهم
بس كتله الفجر نروحلهم حته نروح سووه للنجف
جنان:مم
وصلنه لفندق كان زين نوعا ما هادئ دخلنه وتعشينه وبعدها بابا راح يصلي
جنان:بابا انيهم اريد اصلي
كاظم:عفيه ببنتي يلا كومي توضي
جنان
رحت توضيت ولبست عبايه الصلاه كان لونها ابيض مطرزه بورد لون وردي صغير الي يلبسها لا اراديا يتخيل نفسه ملاك
وصوت المؤذن وهو يكول الله اكبر والهوه البارد الي وياه عطر هادئ الاجواء كلش حلوه
بديت اصلي اني وماما ورا بابا
انهيت صلاتي وقرات الفاتحه على روح مهدي
بعدها كلمن راح لمكان ينام لان من الفجر حنطلع
اتصل عليه كامل وكل كلامه كان تنبيه وتحذير لتصرفاتي وي جميله مره مهدي وبناتهه
مكان الي خلك احجي جنت اكتفي بلجواب ب يي او نشالله تمام
وشكله هو فهم حالتي لذالك ودعني ونهى الاتصال
حاولت انام بس وين اكدر واني بلدقيقه الوحده تنزل علي مئه فكره
كل دقيقتين جان يجيني احساس شكل تاره انقهر على مهدي الي مات بابشع طريقه على ايد واحد نكس وحقير وعاف ورا بنات صغار وولد شاب وحمل لثاني عبء عائله كامله وتاره احقد عليه لما اتذكر هو ماتحمل مسؤليتي واني كنت طفله بلكماط وفضل انو يعطيني ولا يتحمل مسؤليه هلطفله
اجاني اشعار رساله من حسين
دخلت الكه لرساله ماكو محذوفه
مجاوبت شي انتضرت دقائق واجتني رساله هم منه الي كان مكتوب بيها
جنان اعرف بعدج ممتعوده عليه ومتقبله انو احنه اخوانج وامااعتقد حتتعودسن وحقج اعرف وماادري عن البقيه بس بلنسبه الي والله شاهد اني اعتبرج اخت الي ولاعبالج من هسه لا والله من اول مبديت اصير شاب وكان ابويه يكلي انت عندك اربع خوات مو ثلاثه
حسين انت المسول علي خواتك وحمايتهن من بعدي وبقت هلكلمات براسي لليوم لمهم جنان اعتبريني اخوج لاهو اني اخوج يعني قصدي
هفف جنان اريدج تاخذين انتباهج من امي وامل وسهى مره كامل واريد تصيرين ذكيه ولا تترددين انو تحجيلي ايشي يخصج
شوكت مترديني راح اكون بجانبج ونشالله ماخيب ضنج ابد
اخوج حسين
لااراديا واني اقرا كلامه نزلت دموعي صحيح بابا مقصر بيوم بحمايتي او او بيوم خله احد يتجاوز علي بس هاي لفرحه غير واني اعرف عندي اخ بضهري ويجي يحذرني ويطمني
معرفت شنو ارد عليه هلكلام جديد عليه والاحساس هم
بديت اغفه ويمكن اقل من ساعه ونزلت ع صوت ماما وهي تستعجلني
اخذنه غراضنه قليله كانت بجنط ع ضهرنه
وطلعنه من الفندق متوجهين لبيت عمو عامر
وصلنه وني سمعت صريخ النسوان وهم يدخلون بلسيارات بعدها بابا اشر النه نروح وي لبنلت وهو راح وي لولد
دخلت وي ماما وبدت تعرف عن نفسه للنسوان الي ميعرفنه
شويه ودخلت مرا تباوع علي وتصرخ
خترعت اني
جان تكول هااي بنتك مهديي متت وانت بحسره عليه
الكلام حيل جرحتني وبعدها صارت الانضار عليه والنسوان يتهامسن بيناتهن جان لجو غريب علي شوي صحيح رايحه فواتح بس جان مجرد قراءه وبجي هنا لطم وصريخ وهاي عود دورت السنه
حته لو متعرفهم مجرد متوكف يمهم تصير حزين وتلكه نفسك تبجي وتشاركهم بمصابهم
ورا شوي اجت لميعه وهي بس تخزر بيه عبالك كاطعه لليله عرسها
عفته ورحت وي امي صعده بسياره من لسياره واجت صعدت جميله وبناتها وسهى
البنات جانو يبجون الا جميله كطعت روحها تكطع حالها يبجي االكافر
يمشي الطريق وهن ينعن ويلطمن
اباوع ع رقيه وزينب وحده حاضنه لاخ ويبجون بلا صوت حيل كسرو خاطري صعب فقدان الاب
وصللنه للنجف وقبلنه وكفت سيارات الولد
مشاهد ماانسها بحياتي
دموع ابويه على صديق عمره
لو حسين الي يركض ع كبر ابو
لو كمال الي راح لكبر امير ودموعي ينزلن والنسوان الي تبرت نفسها بتراب القبور
من بين كل هذا اني واكفه وصافنه لا دموع لاصوت بس احس شي ببلعومي شي مثل لسم واكف هنا من الحزن الي داشوفه واحس بي
كل شخص كان فاقدله عزيز
ولاول مرا اباوع ع امين ادموعه ينزلن كد مكان قاسي عصبي الحزن ميرحم احد
اباوع بابا رمه نفسه بحضن جدي امين ويبجي وجدي نفس الشي وعمو عامر وعلي واكفين وراهم
هيج الحزن كدر يجمعهم الناس كله بقت تباوع عليهم كلهه عرفت انو علاقته ب جدو صارت زينه عرفو انو متسوى الزعل مندري شوكت الله ياخذ روحنه
كملو من زياره القبور
بعدين توجهنه للامام علي زرنه بعدين رحنه لكربلاء
رغم طولنه وطريق بس ولاحسيت بتعب
صارت الساعه 1بليل واحنه طالعين كالو منروح للبصره هسه نطلع لفجر
وصدك بقينه بس الحلو محد راح لفندق كلها نامت يم الامام
صارالفجر وتوجهنه للسيارات
طبعا طول هلوقت مفارقتني نضرات سهى وجميله لحاقده بس مهتميت
كل شوي يجي حسين يطمن علي وع خواته وامه تخزره
وكمال كل شوي يدز رساله
تغيرت حياتي الي مجان بيها بس بابا وماما وصديقتي
صار عندي عمام وبناتهم وكمال. واخ واخوات
ماعرف مجرد متعرف عندك عائله هيج تحس بلامان
وصلنه. للبصره ب10لصبح
وجان بلباب جدوره مال طبخ فوتونه احنه لبنات من ورا وهم لولد بقو هناك
سبحت وغيرت ملابسي واكلت بعده صرت اغفه واني كاعده ستاذنت ورحت نمت
كعدت على صوت ماما
سعاد:بنتي كومي صار العشه
جنان:بيش لساعه
سعاد:6ونص كومي يلا
جنان:
نزلت وهم جان لكل مجتمعين بس العالم لغريبه رايحه وباقين بس ولد وبنات العائله
بابا ابد ماتقيد بوجودهم بتعامله وياي
بحيث من شافني مسح ع لكاع يمه واشرلي
رغم جان كاعد بجهه لولد
رحت كعدت يمه واجه كمال هم كعد ومقابيلي حسين
اباوع سهى صارت زركه مبين عليها ضاجت هاي شبيها
حسين:ي ولله جنان كاعده بنص الزلم
جنان:جنان هسه انتو قابل غربه
اباوع عليه عيونه لمعت وابتسم
حسين:لا طبعا
جنان:اني بطبعي بسرعه اشبع مو نوب اكلهم دسم تمن ولحم وتبسي ووو
وابتليت بين بابا وكمال هذا يحط كدام وهذا يحط كدامي وني بس اباوع
وهم مندمجين بسوالفهم
لبنات انتبهو علي وضحكو جان يكلي بابا
كاظم:اكلي
وعافني ورجع يسولف
ندار علي كمال وكال
كمال:لصيرين فاهيه اكلي
عاد اني هنا تخبل كمت وكلت الحمدلله
جنان يكولون بنفس الوقت
هو شاكلتي نوب خجل كامل ودنك راسه وماما مبتسمه متريد تضحك ويسوها عليها سالفه
بعدين كلمن راح لمكان ورا الجاي
ولليل ندكت الباب
بلقيس:كمال جدي استدعاكم بلديون
اني ستغربت شبي امين
رحت لبست شال واخذت موبايلي شفت حسين ولبنات جاين يمكن من بيتهم وبابا وكامل
الضاهر هو مستدعينه كلنه
اشرتلهم بيدي شكو
كمال: والله مادري خ ندخل ونشوفلهنا ويخلص البارت الثاني والعشرون اتمنى ينال اعجابكم لا تنسون التصويت ❤
gegeali
![](https://img.wattpad.com/cover/203407815-288-k188735.jpg)
أنت تقرأ
مرآيتي
Misterio / Suspensoصدفه ..دمرت حياتها فتاه تمتلك حياه هادئه لكن تظهر اسرار في حياتها لتصدمها يوما بعد يوم .... تابعو القصه لتعرفو كيف ستواجه هذا التغير الذي طرأ على حياتها ❤🖇