𝚂𝙷𝙾𝚁𝚃 𝚂𝚃𝙾𝚁𝙸𝙴𝚂 "𝙽𝙾𝚃 𝙺𝙿𝙾𝙿" ♡.

حب من اول ورده

=ايه يا مُعاذ مالك!؟
والدتي تعبت جاامد ولازم اروحلها
=طب خلاص روح انت وابقي طمني عليها متنساش
مُعاذ مشي وانا شغلت فيروز ووقفت اظبط الورد واسقيه.. اكتر مهمه بحب اعملها💜
*‏شايف البحر شو كبير كبر البحر بحبك شايف السما شو بعيدي بعد السما بحبك كبر البحر وبعد السما*
=بحبك يا حبيبي يا حبيبي يا حبيبي بحبك..💜
ومين يكره فيروز.. فيروز هي الاغنيه التي تنسي دائما الكبر هي التي تجعل الصحراء أصغر وتجعل القمر اكبر💜
=الو حضرتك انا بقالي شهر طالبه شحنه فُل ومجاتليش مينفعش كده يعني!
كُنت مُنفعله اوي.. الناس بييجوا المشتل بالذات عشان الفُل وليهم حق.. الفُل مش مجرد ورد الفُل ده حاجه تانيه خالص ريحته بتخطفك كده بحس الدنيا بقت بمبي لما اشمه او اعلقه في المشتل🥀💜
سمعت صوته! بس ده مش حد من العمال اللي بيكلمني!
-آنسه وتين؟ حضرتك معايا؟
صوتي هدي فجأه لما سمعته=اه ايوة مع حضرتك
-ممكن حضرتك تقوليلي ايه المشكله اللي عند حضرتك؟
=بقالي شهر طالبه شحنه فُل ومجاتليش!
-ثانيه واحده.. اسم المشتل بتاع حضرتك ايه؟
=إفانجلين
-اه هو حضر... ايه إفانجلين؟ معناه ايه ده او ايه الاسم الغريب ده؟ مسمعتوش قبل كده!
احنا هنسيب بقي المشكله ونركز في اسم المشتل!
=ده اسم النجمه اللي كانت في فيلم الاميره والضفدع💚
حسيته بيضحك! ولاقتني ببتسم! هو ايه الغباء اللي انا بعمله ده!
=لو حضرتك خلصت ضحك ممكن تقولي الشحنه اتأ...
قاطعني-الشحنه هتوصلك بكره مع السلامة
قفل في وشي! ده قفل في وشي! انا حاليا بطلع نار من وداني
خلصت شغل وروحت وبحاول اتغاضى عن عصبيتي من الكائن اللي قفل في وشي ده!
عملتلي قهوة وشغلت فيروز وقعدت في البلكونه..
*صباح ومسا شي ما بينتسي تركت الحب واخدت الأسى صباح ومسا شي ما بينتسي تركت الحب واخدت الأسى شو بدي دور علي شو عم دور على غيرو في ناس كتير لكن بيصير ما في غيرو*
هو الحب جميل؟
طول عمري مبحبش الارتباط اللى من ورا الاهل ده مبسميهوش ارتباط اصلا اللي بيحب حد بيخاف عليه من نفسه..
‏"سبب وحدتك قد يكون أنك رايت شخصًا واحدًا على انه الجميع."
الجمله دي مُرعبه اوي!
ممكن دي تكون سبب تاني لرفضي فكره الارتباط اللي من غير علم الاهل.. اعصي ربنا وافقد ثقه اهلي وفي الاخر يسيبني!
انا ممكن انهار..
الكل تقريبا بيقولي اني مُعقده عشان الفكر اللي عندي..
بس مش مهم مبهتمش لكلام الناس انا من الأصل.. الناس مبتسكتش بتتكلم علطول وما بيصدقوا يلاقوا موضوع ويطلعوا فيه اي خطئ..
خلصت قهوتي وجزء من روايتي وقمت.. سمعت فيروز:
*يا أنا يا أنا أنا وياك صرنا القصص الغريبة يا أنا يا أنا أنا وياك و انسرقت مكاتيبي و عرفوا انك حبيبي*
مش عارفه ليه جه في بالي الراجل اللى رد عليا بدل العامل!
افتكرت صوته.. صوته حلو اوي اوي كمان.. هادي وحسيته دخل جوايا.. طب انا ليه بفكر فيه دلوقت! منا لسه كنت قاعده بتكلم مع نفسي عن الحب والارتباط ليه مجاش في بالي!
روحت تاني يوم الصبح المشتل لقيته مفتوح وفي عربيات كبيره قدامه!
جريت اشوف في ايه لقيت مُعاذ واقف بيستلم شحنه الفُل..
ريحه الفُل هفت عليا.. يا الله💜
لقيت نفسي ببتسم اوي ومغمضه عينى..
-لو حضرتك خلصتي ضحك ممكن تشكريني؟
لفيت بسرعه..
=ايه؟
-نفس الجمله اللي قولتيهالي علي فكره فـ تقدري تقولي بردهالك
بصيت عليه وبعدين بصيت علي الفُل..
لقيته جه قدامي وادالي عُقد فُل من اللي بيتباعو ف الإشارات..
-حازم مدير العمال اللي مبيخلصش ضحك
ضحكت واخدت العُقد=قصدك ايه؟
-اصلك كنتِ متعصبه مني اوي عشان بضحك امبارح مفروسه مني انت اوي باين عليكى
هو ازاي سلس كده؟
لقيته بيتمشي ببطء حواليا وفجأه أتكلم
-بس إفانجلين حلو منور زي صاحبته "وغمز في الاخر"
عملت نفسي مش فاهمه وقولت=فعلا معاك حق مهو اسم إفانجلين ده اسم نجمه فـ اكيد منورة
حسيته اتصدم.. مسكت ضحكتي بالعافيه
-مش هتعزميني علي قهوة وكده؟
=واعزمك ليه؟
اتحرج وانا اتمنيت الأرض تنشق وتبلعني
=احم تعالي من هنا
مشينا ودخلنا في المكتب عملت القهوة وقعدت
-مكتبك حلو هادي كده.. بيعبر عنك
بصلي بصه غريبه انا ذات نفسي مفهمتهاش
=احم اه
-اللي يشوفك الوقت ميشوفكيش وانت بتتكلمي امبارح
=مهو بصراحه انتوا استفزتوني بردو!
ضحك وهز راسه..
قعدنا نتكلم في الشغل وزرع الورد وكل ماكان يتغزل فيا اقصف جبهته كنت مستمتعه اوي صراحه😂
عدت ايام كنت بشوفهه تقريبا كل يوم ييجي يشتري فُل ويمشي.. غريبه انه مبيتكلمش.. بس كان بيقعد يبصلي بصات غريبه اوي.. بس كنت بطمن لما بيبقي موجود
واقفه بنضف المشتل بعد ما مُعاذ روح.. بسمع فيروز وبتمتم وبرقص براحه معاها💜
*حبيبي ندهلي قلي الشتا راح حبيبي رجعت اليمامه زهر التفاح وانا علي بابي الندي والصباح*
-وبعيونك ربيعي نور وحلي
*قولنا احنا الاتنين*
-=انا لحبيبي وحبيبي إلي
مد ايده ليا
-تسمحيلي بالرقصه دي؟
مش عارفه وافقت ازاي بس وافقت..
اضاءه خافته.. ريحه الفُل حوالينا.. صوت فيروز.. وعيونه العسلي اللي دوبت فيهم🧡
حسيت نفسي بين ايده وكأني طايره.. حسيت اننا بنرقص واحنا طايرين في الهوا.. حاسه اني مش طايله الأرض..
اول مره اللاحظ فرق الطول بيننا.. هو حلو اوي🧡
اسمراني سمار يهبل..
عيونه غرقت فيهم خلاص..
ولأول مره اعترف لنفسى بحاجه زي دي!
بس انا باين عليا حبيته!
فوقت من المصيبه دي وبعدت عنه فجأه..
هو اتخض.. رحت قفلت فيروز ووقفت برسميه
=حضرتك عاوز فُل؟
بصلي بإستغراب بس كنت شايفه حزن في عيونه.. مشي!
مشي من غير ما يتكلم.. انا اتغابيت اووي ولازم ولابد اتوقف عن اللي بعمله!
عدي ٣ اسابيع ومجاش.. حاسه بقلق وخوف كنت بطمن بوجوده
وتين؟
=ها.. نعم يا مُعاذ؟
مالك بقالك فتره متغيره؟
=لا مفيش مُرهقه شويه
-ليه بتكدبي علي نفسك؟؟
بصيتله بفرحه معرفتش اداريها للأسف.. مُعاذ خرج وسابنا..
=عاوز ايه؟؟
-فُل
قولت بصدمه=فُل!
-وقلبك.. تسمحيلي اخده؟ نفسي فيه بقالي زمان..
مشي وشغل فيروز وبصلي
-ترقصي؟ واخد قلبك؟ وفُل كمان متنسيش..
=هرقص.. وهتاخد قلبي.. ومش هنسي الفُل
-حبيت الفُل لأنه عرفني عليكي بدين له بعمري❤️
اتكسفت اوي ووشي احمر وهو ضحك=طب مش يلا نرقص بقي
بضحك-اوامرك سيدتي❤️
*حبك ما بعرف هن قالولي من يومها صار القمر اكبر عتلالنا وصارت الزغلولي تاكل عأيدي اللوز والسكر*
#حازم_ووتين
#كتابات_حنين_وائل
#Haneen_Wael