𝚂𝙷𝙾𝚁𝚃 𝚂𝚃𝙾𝚁𝙸𝙴𝚂 "𝙽𝙾𝚃 𝙺𝙿𝙾𝙿" ♡.

فنجانين قهوة

=هو انا اتحب؟
ايه اللي جاب السؤال ده ف دماغك يعني؟
اصلي حاسه نفسي غريبه.. داخله ع السنه التانيه ف الجامعه ومكونتش صداقه وبقي ليا الصديقه الصدوقه"بيست فريند" ولا عندي شله.. عيوطه اووي.. بحس اني اوقات مُعقده.. ومجنونه.. عشان بكلم نفسي وبرد عليها زي المجانين!
اوووف مش وقته الكلام ده لازم اخرج م الحمام المحاضره هتبدأ مش عارفه ايه الغباء ده ادخل اكلم نفسي ف الحمام!
لو لقوني ملبوسه ميزعلوش بقي!
خلصت المحاضره وروحت الكافيه اللي جنب الجامعه بحبه اوي هادي وبيطل ع البحر ودايما مشغل اغاني فيروز جو مناسب للقراءه💙
د. احمد خالد توفيق
كتبه ف قلبي والله
سمعت فيروز بتقول:
" عودو قبل ما ننسى مين إنتو ..
عودو قبل ما الجفا يغمر ليالي العمر "..
مجربتش الاحساس ده ومتمناش اجربه طول عمري لوحدي مبختلطش بس انا متأكده ان الاحساس ده مؤلم الجفاء اللي ف العلاقه بيبوظ كل حاجه بيقتل الطرفين بالبطئ بس محدش بيشوف نفسه وقتها غلطان..
بيخلق الملل.. الكذب.. والهروب حتي م العتاب..
-بتقرأي لمين؟
ايه مين ده؟ قمر لا قمرين ايه العنين ديي!! اييه ايهه ف ايه اعقل كده
رديت بكل سلاسه معرفش جبتها منين بصراحه=د. احمد خالد توفيق
متخلوهوش يرمش ي جماعه غلط عليا والله
-ااه كتبه حلوة اوي كتاب ايه؟
=يوتوبيا
-اقدر اتصفحه؟
=اه طبعا اتفضل
اخده بإبتسامه وبدأ يتصفحه
"من هذا الرجل الغريب الآتي من بعيد، بريق عيناهُ يُحيرني، وبها يُغرقَني، وللنظر بها يَجبرُني!
-حنين وائل "
-هو انت خلصتيه؟ عشان بصراحه'بإبتسامه' عاوز استعره منك انا باجي هنا كل يوم وبشوفك كتير بس كنت بلقط اسماء الكتب بس ده معرفتش وشوفتك مركزة فيه ف قولت اكيد حلو
نطقت م غير ما افكر=ونت مركز معايا ليه؟
لقيته حط ايده ف راسه م ورا بإحراج! يارب الأرض تنشق وتبلعني
=انا مقصدش.. يعني.. ااا.. اقصد.. خد الكتاب خده مش عوزاه خلاص
ضحك-خلاص اسف متتوتريش كده انا لو خلصته هرجعه ليكي بكره شكرا
=عفوا
امشي بقي امشي عشان انت خطررر
أطول ٥ دقايق عشتهم ف حياتي
انا سخنت يالهوي يالهوي
بسخن وبعرق ولا كأني بجري ف ماراثون!!
روحت البيت وبحاول اشيل م دماغي اني اختلط بحد لا وده راجل كمان مش بنت!
تاني يوم حاولت بردو مفكرش اني ممكن اشوفه ممكن يُغمي عليا والله..
بفكر مروحش الكافيه.. بس ممكن يكون خلص الكتاب لاني انا كمان لسه مخلصتوش..
رحت ولقيته قاعد ف المكان اللي انا بقعد فيه!
اجيبه م شعره؟؟
-وتين
الله اسمي طلع حلو اوي يااربييي انا حاسه ان عقلي بيرمي قلبي بالطوب اللي هو آخرس بقي مش كنت عاوز تشده م شعره!
لحظه عرف اسمي منين؟
ايه عم سوبر مان ده بقي لحق يبقى قدامي امتي؟!
-اتفضلي خلصته امبارح مقدرتش مقرأوش حلو اووي أحييكي ذوقك حلو
=احم شكرا عن اذنك
-ممكن اعزمك ع فنجان قهوة؟
كنت لسه هرد لقيته قال-قصاد كل فنجان قهوة هشربه معاكي هعيرك كتاب م عندي أو ممكن تاخديه خالص عارف انه عرض ميتقاومش ولا ايه 'بضحك'
انا نقطه ضعفي الكتب حرفيا
=اه فعلا عرض ميتقاومش انا موافقه
انا فعلا ملبوسه انا مبعرفش اتعامل مع اهلي هتعامل مع الغريب!
قعدنا ولسه هطلب القهوة لقيته اتكلم!
-١ قهوة بندق وواحده قهوة ساده
'بصلي' بتحبي فئه ايه م الروايات بقي او الكتب عشان انا عندي فئات كتير اه بالمناسبه اسمي حازم
اسمه اخد قلبي وربع عليه حرفيا♥️😍
=احم.. بحب الرومانسي
ولثانيه نسيت اني مبكلمش بنت!!
اتكسفت اووى وده ده بيضحك!!
-خلاص خلاص مش لازم كل الكسوف ده يعنى مكنتش كلمه
=انت عرفت اسمي منين؟
-ف فاصل جوا الكتاب عليه اسم "وتين" فاستنتجت انه اسمك..
=اه ماشي
شربنا القهوة بصمت غريب افتكرته هيتكلم!
-بتحبي البحر اوى كده!
=جداا
-واضح فعلا
=انا لازم اقوم عن اذنك
-مع السلامه هجبلك روايه بكره ان شاءالله
=ان شاء الله
وبتمر ايام وكل يوم بنبدل روايات ذوقه حلو ومختلف..
رغم اننا متكلمنلش غير اول مره.. نطلب القهوة.. نبدل الكتب.. نبص ع البحر ونسرح..
اتعودت ع وجوده رغم اننا مبنتكلمش..
يومي مبقاش يكمل الا بيه!
مبيكملش غير بنظرته ليا اللي بحاول اتجنبها!
نازله زي العاده عشان اروح الكافيه بما ان أنهارده اجازة
رحت ولقيته لسه مجاش ف قعدت شويه وببص ع البحر كالعاده..
وسمعت فيروز:
"دقيت دقيت و إيـديَّ تجـرحوا و قنديلكم سـهران ليش مـا بتفتحوا !! مدري أنا ما عدت أعرف بابكم ... مدري نقل باب اللي لكم من مطرحوا .."
انا مؤمنه بالحب بس انا متحبش.. انا خوافه اووى م العلاقات او الدخول ف اي علاقات م الأصل..
الوحده حلوة..
-هو انت ع طول لوحدك؟
حازم!
بصيتله.. وبعدين بصيت للبحر =اه
-ليه؟
=بحب الوحده الوحده جميله.. مفيش خوف او قلق.. ببقي مطمنه ونا لوحدي..
-ببس انت معنتيش هتبقى لوحدك..
ايه! يارب ميكونش اللي ف بالي!
=قصدك ايه؟
-وتين انا بحبك.. حاولت المحلك بس انت مش مش اخده بالك.. عارف انك بتخافي م الناس وم العلاقات.. اول مره شوفتك كنت قاعده ف جمب لوحدك ف الجامعه وبعدها بتروحي الكافيه الكلام ده من سنه ودي السنه التانيه حاولت اتقرب منك بس كنت قلقان من رد فعلك.. انا بجد بحبك وعاوزك تطمني معايا ومستعد دلوقتي اخد رقم والدك واجي أتقدم حالا.
لا لا لا مستحيل مينفعش ده يحصل اصلا انا متحبش ومينفعش احب مينفعش اختلط الناس مؤذيه والعلاقات مؤذيه... محستش بنفسي غير ونا بجري بره الكافيه وبوقف تاكسي وبروح..
راسي بتلف انا اه حاسه احساس غريب نحيته بس افتكرته احساس مش حاجه.. مينفعش اللي بعمله غلط!!
قعدت ع سجاده الصلاه بفكر
٣ ايام مبنزلش م البيت بل مابخرجش م الاوضه..
ومش بفكر اخرج
وفجأه سمعت فيروز بتقول:
"سألتك حبيبي لوين رايحين
خلينا خلينا وتسبقنا سنين
اذا كنا ع طول التقينا ع طول
ليش منتلفت خايفين"
معقوله اكون حبيته!!
فوقت م تفكيري ع ماما وهي داخله
--وتين.. حبيبتي ارجوكي ف عريس متقدملك ارجوكي قابليه حتي اقعدوا سوا و..
قاطعتها=مش هتجوز ومش هقعد مع حد لا لا
ولوهله حازم جه ف بالي! اكتشفت وقتها اني بحبه! ايوة بحبه! حبيته ونا مش عارفه كنت بكذب نفسي طول الوقت..
=انا مش هتجوز ومش هقعد مع حد انا مبقعدش مع حد اصلا و..
قاطعني صوت تالت بيننا
-بس قعدتي معايا..
حازم!!!! ايه جابه! اقصد عرف عنواني ازاى!!
-انا خلقي ضيق يلا غيري الاسدال واطلعي عاوزة اقرأ الفاتحه بقي مستني اللحظه بقالي سنتين حرام عليكي ي شيخه والله هيجيلي الضغط!
وخرج! لقيت ماما بتقلعني الاسدال وبتجبلي هدوم.. لبستهم زي المغيبه وطلعنا..
وقرأنا الفاتحه!!
-هتفضلي متنحه كده ع طول.. دنا حتى جبتلك كتاب د. احمد توفيق الجديد ونوت بوك كمان😉
=انت ازاي.. اقصد.. ليه يعني.. انت حقيقي؟
ضحك-انا عارف انك بتحبيني ع فكره وبتحبيني اكتر م كتب احمد توفيق كمان
=لا لا مبحب..
قاطعني بتسبيل-بحبك🖤
=ايه ده لا ونا كمان بحبك واكتر م كتب احمد توفيق كمان🖤
وسمعت فيروز بس المره دي مش لوحدي وهي بتقول:
"قالولي إني عشقان واني مش داري بحالي بين الصاحي والغفيان لمحت خيالك قبالي"♥️🦋

#فنجانين_قهوة
#حازم_ووتين
#كتابات_حنين_وائل
#Haneen_Wael
Haneen Wael