𝚂𝙷𝙾𝚁𝚃 𝚂𝚃𝙾𝚁𝙸𝙴𝚂 "𝙽𝙾𝚃 𝙺𝙿𝙾𝙿" ♡.

بطاطا

≠ابقي حماره لو جيت معاكي فـ حته تاني
بصيتلها بإستفزاز=قد كلامك
≠وتين بجد يلا بقالنا ساعه هنا
=ايه يعني لما ابقي بقالي ساعه قدام نفس الرف مش حوار يعني
≠انا جوعت وعاوزة انام بقي انا ايه جابني معاكي
=أفنان بس بقي وساعديـ
قاطعنا صوت تالت-احم اسف للمقاطعه بس شايفكم بقالكم كتير هنا في حاجه حضراتكم محتاجينها وانا اقدر اساعدكم
هوب هوب هوب اسمراااانيي
وطويل وبدقن خفيفه هعيط من حلاوتوووه
=انت تقاطع براحتك يبشه والله
أفنان ضربتني بكوعها في كتفي
≠احم لا شكرا
=لا مش شكرا لو سمحت انا كنت عاوزة دبدوب ولـ
قاطعني-لطفل سِنه كام؟
بصيت للارض بحرج وقولت بصوت واطي=ممكن لطفل في تانيه جامعه؟
رفعت راسي وبصيت ببراءه وبربشت كده
ضحك، لا اسفه ده انفجر ضحك والمحل تقريباً كله اتفرج علينا
بصيت لأفنان وحاسه اني هعيط
بهمس≠احسن تستاهلي
بهمس=هعيط والله
بهمس≠انا قولتلك نروح ناكل وهعزمك
بهمس=هتعزميني علي شاورما سوري؟
هزت راسها بسرعه
بهمس=اكسترا توميه؟
بهمس≠وبطاطس بالموتزاريلا
بهمس=وعصير أناناس؟
بهمس≠٢ عصير أناناس واحد مع الاكل والتاني تروحي بيه
بهمس=طيب يلا عشان شكله كده قناته الضحكاكيه مش هتقفل
مشيت وخرجت بره المحل وكان جمبه مكتبه كده وعلي الناصيه محل شاورما سوري وجمبه كافيه فدخلناه
≠يلا روحى اطلبي
بردح=نااعم امال مين هيدفع؟؟
≠اهدى بس اهم خدي بس بجد رجلي وجعتني مش قادره اقف
ضيقتلها عنيا
≠مالفلوس في ايدك اهوو
بصيتلها بغل ومشيت ووقفت في الطابور كللله رجاله المفروض يحترموا ان في انثي رقيقه وسطهم ويعدوني اجيب كبدتي اقصد شاورمتي وامشي
عدا تقريبا ٥ دقايق واتبقي ٢ رجاله بس قدامي
مش عارفه حصل ايه الاول رجع بضهره جامد فجأة زق اللي وراه زقني!
ايد حد لحقتني من كتفي بسرعه!
لولا ايد الشخص ده كنت فرشت في الارض فرشه ما هتتلم
-انت تمام؟
!!!! ده اللي قناته الضحكاكيه مبتخلصش
لا مش هرد عليه عشان بسببه كنت هعيط
نفضت كتفي من كتفه
بعجرفه=شكرا
ولفيت ضهري ووقفت في الطابور
=هو اصلا اللي حاب كده لنفسه محدش قاله يضحك عليا ويخليني امشي ومجبتش دبدوبي
بضحك-آسف
اتخضيت ورفعت كتفي بتلقائيه وايدي شنجت ولفيت
=يمااا
-احم اصلك شغاله دُعا عليا وشتيمه
كل مره بتحرج نفس الحرجه عشان ببقي فكري اني بكلم نفسي وببقي في الاصل بكلم بصوت عالي
كنت لسه هرد الراجل الاخير مشي وجه دوري والعامل سوري طبعا
=الحمد لله اخيرا لو كنت فرخه كنت بيضت
~شو!!
=خد ودي بشكل ودي
العامل بصلي بتتنيح~مو فاهم شي
=انت اللي موفاهم دنا موفاهمه جمال قميصك ده فسكوز يببلاوي
~شو يا اختي مو فاهمك
=ايه ده تركي مدبلج بيتكلم اول مره اشوف تركي مدبلج بيتكلم شمهم ركز معايا وطقطقلي ودانك ٣ شاورما سوري اكسترا توميه واتنين بطاطس بالموتزاريلا وطبق توميه كبير ويلا بسرعه لحسن اعيط
~اتفضلي اقعدي لحد ما الاوردر يخلص
=ماشي يا تركي يا مدبلج انت وقميصك
رحت قعدت وقولت اطلع النوت بوك واكتب اي حاجه كده وحطيت هاند فري فودني وشغلت كاظم الساهر 🖤
"واعلم اني بمنفي وانتِ بمنفي وبيني وبينكِ ريحً وغيماً وبرقاً ورعداً وثلجاً وناراً"
كتبت:
"ثم يأتي شخصاً ليُغير كل موازين حياتك ويقلبها رأساً علي عقب، يغير طباعك، يجعلك تتخلي عن العصبيه والعناد والتمرد وتتحول الي اللين والهدوء، يَمحي كل لحظات تعاستك وحزنك ويعوضها لفرح وسعاده، ينتشلك من البؤس والآلم، يأخذك برفق اليه، الي احضان كلماته، لن يفهمك احد مثله في حزنك وسعادتك وكأن مزاجك يعرف ملاذه.
-حنين وائل"
-ايه ده هو لسه مجاش؟
لتاني مره يخضني
=مين ده اللي لسه مجاش يا استااااذ
-الشخص اللي بتتكلمي عنه وريني بقي بتسمعي ايه
جه يقرب من وشي ويشيل الهاند فري بعدت بسرعه والغريبه اني مزعقتش ولا انفعلت مجرد رفعه حاجبه لما لقاني بعدت وترتني
=ايـ... اياك تقرب مني فاـ.. ههم
بعد ولسه هيتكلم
~طلبيتك اختي
-يعم انت كل شويه تقاطعني!!
~شو
=احم شكرا
لفيت خدت الحاجه بسرعه ومشيت حر حر هممموت احنا في الشتا ونا حرانه
-كنت عايزة دبدوب لون ايه بقي؟
ياماما هعيط
ببساطه=كان نفسي في دبدوب لونه موڤ كده وعلي بطنه قوس قزح كان بييجي في كارتون في قناه براعم بس ناسيه اسمه
ضحك جامد-يعني فاكره القناه واللون والبطن وناسيه اسمه ياعيب الشوم
بغيظ=خلاص افتكره انت مع نفسك سلام
بضحك-استني بس
في سري ببرطمه=مستفز
ببراءه-شكرا
=انت سمعتني ازاي انت عفريت؟
قرب مني وبص في عيني جامد-مش يمكن انا جزء منك؟
اتوترت قوي وحاسه ان رجلي اتشلت ومش عارفه اتحرك وعيني تنحت في عيونه
عيونه حلوة اووي🖤
وفيها لمعه بسيطه كده ورموشه طويله نوعا ما عيونه بني فاتح شويه بس مش عسلي طويل بدليل انه موطي عشان يبص في عيوني ده غير سماره وشعره المتسرح علي جهه اليمين وخصلات واقعه علي حاجبه اليمين
≠وتين!
هو استقام بخضه وانا بعدت بسرعه وجريت لأفنان ومشينا بسرعه او بالأصح انا كنت بجري وبشدها ورايا
≠قطعتي نفسي اتهدي بقي و هييئ الحقي ده ورانا
=بجد!
≠اه والله لفي وشوفي
بقيت لقيته باصصلي بعمق
فكي اتشنج وحسيت ان عيوني هتخرج من مكانهم ونفسي بدأ يتقل وبقيت بسرعه وخبيت وشي في كتابي
≠واقعه واقفه يا معلم
=اتلمي
بغمزة≠لا بس الواد اسمراني وحليوة كده هنحجز في قاعه اللؤلؤة امتي ي سعديه؟
ضربتها على كتفها=هضربك
≠ضربتيني خلاص
افنان روحت بيتها وانا ماشيه وخايفه اتدور الاقيه ماشي ورايا لسه
فتحت التلفون علي السيلفي ورفعته وااا... لسه وراايااا هعيط نزلت ايدي وهي بتترعش اصلا وصلت البيت بسرعه لانه مش بعيد اصلا وطلعت البلكونه ونا بنهج اصلا لقيته واقف وبيدور بعيونه بين البلكونات وفحأه عيونه وقفت عليا انا المره دي مستنتش جريت علي طول جوة وقفلت الشيش والازاز وحطيت كرسي قدام الباب معرفش ليه بصراحه
قعدت على طرف السرير ومسكت الدبدوب بتاعي وحضنته وبدأت اكلمه
=هموت يا بطاطا هموت ده ايه اللي مجريه ورايا ده حاسه ان ضغطي وطي والله يبطاطا
افنان اه صاحبتي بس انا مش من النوع اللي بقعد احكي مشاكلي واحاسيسي لحد غير دباديبي او نجومي بس!
تاني يوم قمت لبست وحطيت كحل اسود عربي🖤
بحب اكحل عيوني اووي🖤
لسه هخرج من باب البيت لقيت ظرف!
لونه موف وملزوق عليه ورده بيضه
*ولون البن في عينيكي يُغرقني🖤
متنسيش تيجي تاخدي الدبدوب 🖤*
=بطاطاااا
جريت وحضنت الدبدوب وحاسه اني هيغمي عليا
مفيش وقت الجامعه
خرجت بسرعه وانا بتلفت حواليا والغريبه اني حاضنه الظرف!
مفهمتش حاجه من الدكتور كل اللي في بالي هو!
خرجت من الكليه ولقيت رجلي راحه للمحل!
دخلت زي المُغيبه ولقيته لمحت الكارنيه المتعلق علي الزي بتاعه حازم🖤🥀
اسمه احلي من حياتى🖤
لقيته جايلي بإبتسامه
بسرعه=لوسمحتعاوزةدبدوبالليقولتلكعليه
-والترجمة هتنزل امتى؟
=لو سمحت عاوزة الدبدوب اللي قولتلك عليه
بإبتسامته-موجود
راح جابه وحطه في شنطه وادهوني
كنت لسه هتكلم-متحاسب عليه
اخدت الشنطه وجريت رحت البيت وقعدت علي السرير وطلعت الدبدوب لقيت ظرف جوة!
*أستطيع إعراب اي كلمه فوق خط إلا كُحل عينيكي🖤*
=بطاطا انا بحب!
خطفني بخطه وغَزَلهُ ونظرته ليا🖤
نمت من كتر التفكير فيه تاني يوم صحيت ولقيت شنطه هدايا وجواها ظرف!
لفيت دبدوب قُطبيّ🖤
*انا بقول انك تاخديلي معاد من الحج لو عاوزة دباديب تاني بقي
بحبك🖤*
برفع عيني لقيته واقف قدامى بورد بلدي وفيه كام ورده بيضه
=وانا كمان🖤
بإستفزاز-منا عارف
ضحكت وبصيتله
-فين حماتي حبيبتي اللي ليها الفضل عديني كده
انصدمت ان ماما ليها دخل
ادالي الورد وخبطني بكتفه بصيتله بغيظ وطلعلي لسانه ودخل..
"وانهُ من نظرته الأولي أسرني في حُب عينه.. من كلمته الأولى جعلني أسير خلفهُ مُغيبه عن الوعي.. وكيف لا وهو حبيبي واسير قلبي.. وعيناي لا تري غيره حبيب🖤
-حنين وائل"
#حازم_ووتين
#كتابات_حنين_وائل
#Haneen_Wael
@Haneen Wael